Éxodo 19
19
Ti israeletique ta xc'otic ta Sinaí
1Ti israeletique c'otic ta sbajtical banomil yu'un Sinaí c'alal yoxibal (3) xa ox yual sloq'uelic talel ta Egiptoe. 2Yu'un c'ot svol sbaic ta yeloval vits ta sbajtical banomil yu'un Sinaí ti c'alal loq'uic ech'el ta Refidime. 3Ti bu taj une, muy batel ti Moisese yo' ta snup sbaic ta be xchi'uc ti Diose. Va'i un, ti Diose ta jol vits to ti xi laj yalbe talele:
—Ti c'u s'elan jaybel c'opetic li'e, ja' no'ox jech xi xcholet xavet'es jelavel ta stojol ti israeletic ti ja' snitilultac ti Jacobe: 4“Ti vo'oxuque laj xa avilic ti c'u s'elan laj jpas ta stojol ti egipcioetique. Ti c'u s'elan laj quic'oxuc talel ti bu oyune, ti co'ol s'elan cuchbil latalic ta xic' ti muc' ta xique. 5Ja' yu'un un, mi ta xavac'beicun ta venta scotol ti c'usi ta xcale, mi ta xc'ot ta pasel avu'unic ti jtratee, xac'otic o lec ta calab jnich'nab, ja' mu sta ti yan jteclumetique.#Dt 4.20; 7.6; 14.2; 26.18; Tit 2.14. Yu'un ti banomile, ja' cu'un scotol. 6Va'i unbi, ta xac'otic ta paleetic,#Ap 1.6; 5.10. ta t'ujbil calab jnich'nab.” Albo ya'i scotol ti israeletic ti va'i s'elan taje.#1 P 2.9.
7Jech ti Moisese bat, laj staan ta iq'uel ti moletic yu'un ti israeletique. Laj yalbe ya'i scotol ti c'u s'elan albat talel yu'un ti Diose. 8Va'i un, ti israeletique co'ol sc'op scotolic ti xi laj staq'uique:
—Ta jpascutic scotol jech c'u cha'al laj yal ti Diose.#Ex 24.3; Dt 5.27.
Jech ti Moisese laj yich' batel yo' ta xet'es ta stojol Dios ti c'u s'elan tac'bat yu'un ti israeletique. 9Ja' yu'un un, xi albat yu'un ti Diose:
—A'yio ava'i, ta xcac' jba iluc ta atojol ta jun pimil toc yo' jech ta xa'iic ti jteclum ti c'u s'elan ta jchi'inot ta lo'ile. Va'i unbi, ja' to jech xu' ta spat yo'ntonic ta atojol.
Jech ti Moisese laj xcha'cholbe ya'i Dios ti c'u s'elan laj staq'uic ti israeletique. 10Va'i un, xi albat xtoc yu'un ti Diose:
—Batan, yu'un avie xchi'uc ti oc'ome, tana no'ox, ac'o xchapan sbaic avu'un ti israeletique yo' ta spasbeicun ti quich'el ta muq'ue. Tsots sc'oplal chuc'bil lec ti sc'u'ique. 11Ja' yu'un un, chapalucoxuc me lec ta sventa ti cha'eje. Yu'un ti cha'eje, ta sba ta sat scotol israeletic, ta xiyal talel ta vits Sinaí ti vu'un Ajvalilune. 12Va'i un, ac'bo senyail ta sjoylej ti vitse yo' jech mu xjelavic batel. Albo ya'iic ti tsots me sc'oplal ti xi'bil ac'o c'otuc yu'unic ti vitse, ti mu xmuyic batele, ti mu xjelavic batel ti bu c'alal ac'bil ta joyob ti senyaile. Yu'un scotol ti buch'u ta xnopaj batele, chapal sc'oplal ta xlaj ta milel. 13Ti jech taje, mu'yuc me buch'u xu' xc'ot yoc sc'ob tey. Yan ti mi mu xch'une, ta xich' milel ta ton, mi ta yolob. Mu'yuc sc'oplal mi ja' jun vinic, mi ja' jcot chon bolom, laj to sc'oplal ma' ti ta xcole. Ja' no'ox xu' ta xmuyic batel ta vits ti jteclum mi ta xa'iic ti ta xich' oq'uesanel ti xulub chije.#Heb 12.18-20.
14Va'i un, ti Moisese sut yalel tal ti ta vitse, tal xchapan ti israeletique yo' jech ta spasbeic yich'el ta muc' ti Diose. Jech ti israeletique laj xchuc' ti sc'u'ique. 15Ja' yu'un un, ti Moisese xi laj yale:
—Chapano abaic ta sventa ti cha'eje. Ti jech yorail taje, ma'uc me ti yan xa yesic ti vinic antse.
16Va'i un, ta sacubel osil ta yoxibal (3) c'ac'ale, xc'avlajet no'ox liquel ti chauque. Xjaplajet no'ox liquel ti sac tsele.#Ap 4.5. Volol vul jun ic'al lumal toc ta sjol ti vitse. Tsots xvochet xa liquel ti oq'uesetique, ti xniquic xa liquel ta xi'el scotol ti c'u yepal tey vololique. 17Ja' yu'un un, ti Moisese laj yic' loq'uel ti israeletic ti bu vololique yo' jech chba snupic ta be ti Diose, ti ubul c'otic ta yoc ti vitse. 18Va'i un, sjunul vits Sinaí xtomet no'ox liquel ta xloc' xch'ailal ta sventa ti yal talel ti Dios ta c'oq'ue. Ti xch'ailale, co'ol s'elan xch'ailal jorno ti xtomet ta xmuy batele.#Dt 4.11-12; 5.4. Ja' jech xtoc xnicnun sbejel ti vits ta j'ech'ele. 19Yantic stsatsaj talel yech'omal ti oq'uesetique. Jech ti Moisese ta xc'opoj. Ja' no'ox ti co'ol s'elan chauc yech'omal ta xtac'bat talel yu'un ti Diose.
20Ti Diose c'ot ti bu xa c'alal slajeb toyol ti jol vits Sinaie. Albat ti Moisese ti ac'o muyuc batel ti bu oye. Jech ti Moisese muy batel. 21Va'i un, xi albat yu'un ti Diose:
—Yalan batel, bijubtaso ti israeletic ti mu me xjelavic talel ti bu c'alal albil sc'oplale. Mi ja'uc stac' ta sq'uelicun, naca mi chamicuc ep. 22Ja'uc ti paleetic ti oy sc'oplal ta xnopajic ta jtojole, tsots sc'oplal ti ta stus ta smes sbaique, naca mi yilbe sba svocolic cu'un.
23Ja' yu'un un, ti Moisese xi laj stac'be ti Diose:
—Ti israeletique mu teyuc sq'ueloj sbaic ta xmuyic talel li' ta vits Sinaie. Yu'un laj aval mantal ti bu c'alal xu' ta xpajique. Yu'un laj yich' alel ti ja' ch'ul vitse.
24Xi tac'bat yu'un ti Diose:
—Batan, yalan batel. Ts'acal to un, jmoj xamuyic talel xchi'uc ti Aarone. Ja'uc ti paleetique xchi'uc ti israeletique, mu me xjelavic talel ta sq'uelelun ti bu albil sc'oplal ti tey oyune, naca mi yilbe sba svocolic cu'un.
25Jech ti Moisese yal batel. Ja' jech laj yalilanbe ya'i ti israeletic ti va'i s'elan taje.
Currently Selected:
Éxodo 19: TZC00
Highlight
Copy
Compare
Share
Want to have your highlights saved across all your devices? Sign up or sign in
Biblia en Tzotzil de Chamula, Chiapas, México © Sociedad Bíblica de México, A.C. 2000
Éxodo 19
19
Ti israeletique ta xc'otic ta Sinaí
1Ti israeletique c'otic ta sbajtical banomil yu'un Sinaí c'alal yoxibal (3) xa ox yual sloq'uelic talel ta Egiptoe. 2Yu'un c'ot svol sbaic ta yeloval vits ta sbajtical banomil yu'un Sinaí ti c'alal loq'uic ech'el ta Refidime. 3Ti bu taj une, muy batel ti Moisese yo' ta snup sbaic ta be xchi'uc ti Diose. Va'i un, ti Diose ta jol vits to ti xi laj yalbe talele:
—Ti c'u s'elan jaybel c'opetic li'e, ja' no'ox jech xi xcholet xavet'es jelavel ta stojol ti israeletic ti ja' snitilultac ti Jacobe: 4“Ti vo'oxuque laj xa avilic ti c'u s'elan laj jpas ta stojol ti egipcioetique. Ti c'u s'elan laj quic'oxuc talel ti bu oyune, ti co'ol s'elan cuchbil latalic ta xic' ti muc' ta xique. 5Ja' yu'un un, mi ta xavac'beicun ta venta scotol ti c'usi ta xcale, mi ta xc'ot ta pasel avu'unic ti jtratee, xac'otic o lec ta calab jnich'nab, ja' mu sta ti yan jteclumetique.#Dt 4.20; 7.6; 14.2; 26.18; Tit 2.14. Yu'un ti banomile, ja' cu'un scotol. 6Va'i unbi, ta xac'otic ta paleetic,#Ap 1.6; 5.10. ta t'ujbil calab jnich'nab.” Albo ya'i scotol ti israeletic ti va'i s'elan taje.#1 P 2.9.
7Jech ti Moisese bat, laj staan ta iq'uel ti moletic yu'un ti israeletique. Laj yalbe ya'i scotol ti c'u s'elan albat talel yu'un ti Diose. 8Va'i un, ti israeletique co'ol sc'op scotolic ti xi laj staq'uique:
—Ta jpascutic scotol jech c'u cha'al laj yal ti Diose.#Ex 24.3; Dt 5.27.
Jech ti Moisese laj yich' batel yo' ta xet'es ta stojol Dios ti c'u s'elan tac'bat yu'un ti israeletique. 9Ja' yu'un un, xi albat yu'un ti Diose:
—A'yio ava'i, ta xcac' jba iluc ta atojol ta jun pimil toc yo' jech ta xa'iic ti jteclum ti c'u s'elan ta jchi'inot ta lo'ile. Va'i unbi, ja' to jech xu' ta spat yo'ntonic ta atojol.
Jech ti Moisese laj xcha'cholbe ya'i Dios ti c'u s'elan laj staq'uic ti israeletique. 10Va'i un, xi albat xtoc yu'un ti Diose:
—Batan, yu'un avie xchi'uc ti oc'ome, tana no'ox, ac'o xchapan sbaic avu'un ti israeletique yo' ta spasbeicun ti quich'el ta muq'ue. Tsots sc'oplal chuc'bil lec ti sc'u'ique. 11Ja' yu'un un, chapalucoxuc me lec ta sventa ti cha'eje. Yu'un ti cha'eje, ta sba ta sat scotol israeletic, ta xiyal talel ta vits Sinaí ti vu'un Ajvalilune. 12Va'i un, ac'bo senyail ta sjoylej ti vitse yo' jech mu xjelavic batel. Albo ya'iic ti tsots me sc'oplal ti xi'bil ac'o c'otuc yu'unic ti vitse, ti mu xmuyic batele, ti mu xjelavic batel ti bu c'alal ac'bil ta joyob ti senyaile. Yu'un scotol ti buch'u ta xnopaj batele, chapal sc'oplal ta xlaj ta milel. 13Ti jech taje, mu'yuc me buch'u xu' xc'ot yoc sc'ob tey. Yan ti mi mu xch'une, ta xich' milel ta ton, mi ta yolob. Mu'yuc sc'oplal mi ja' jun vinic, mi ja' jcot chon bolom, laj to sc'oplal ma' ti ta xcole. Ja' no'ox xu' ta xmuyic batel ta vits ti jteclum mi ta xa'iic ti ta xich' oq'uesanel ti xulub chije.#Heb 12.18-20.
14Va'i un, ti Moisese sut yalel tal ti ta vitse, tal xchapan ti israeletique yo' jech ta spasbeic yich'el ta muc' ti Diose. Jech ti israeletique laj xchuc' ti sc'u'ique. 15Ja' yu'un un, ti Moisese xi laj yale:
—Chapano abaic ta sventa ti cha'eje. Ti jech yorail taje, ma'uc me ti yan xa yesic ti vinic antse.
16Va'i un, ta sacubel osil ta yoxibal (3) c'ac'ale, xc'avlajet no'ox liquel ti chauque. Xjaplajet no'ox liquel ti sac tsele.#Ap 4.5. Volol vul jun ic'al lumal toc ta sjol ti vitse. Tsots xvochet xa liquel ti oq'uesetique, ti xniquic xa liquel ta xi'el scotol ti c'u yepal tey vololique. 17Ja' yu'un un, ti Moisese laj yic' loq'uel ti israeletic ti bu vololique yo' jech chba snupic ta be ti Diose, ti ubul c'otic ta yoc ti vitse. 18Va'i un, sjunul vits Sinaí xtomet no'ox liquel ta xloc' xch'ailal ta sventa ti yal talel ti Dios ta c'oq'ue. Ti xch'ailale, co'ol s'elan xch'ailal jorno ti xtomet ta xmuy batele.#Dt 4.11-12; 5.4. Ja' jech xtoc xnicnun sbejel ti vits ta j'ech'ele. 19Yantic stsatsaj talel yech'omal ti oq'uesetique. Jech ti Moisese ta xc'opoj. Ja' no'ox ti co'ol s'elan chauc yech'omal ta xtac'bat talel yu'un ti Diose.
20Ti Diose c'ot ti bu xa c'alal slajeb toyol ti jol vits Sinaie. Albat ti Moisese ti ac'o muyuc batel ti bu oye. Jech ti Moisese muy batel. 21Va'i un, xi albat yu'un ti Diose:
—Yalan batel, bijubtaso ti israeletic ti mu me xjelavic talel ti bu c'alal albil sc'oplale. Mi ja'uc stac' ta sq'uelicun, naca mi chamicuc ep. 22Ja'uc ti paleetic ti oy sc'oplal ta xnopajic ta jtojole, tsots sc'oplal ti ta stus ta smes sbaique, naca mi yilbe sba svocolic cu'un.
23Ja' yu'un un, ti Moisese xi laj stac'be ti Diose:
—Ti israeletique mu teyuc sq'ueloj sbaic ta xmuyic talel li' ta vits Sinaie. Yu'un laj aval mantal ti bu c'alal xu' ta xpajique. Yu'un laj yich' alel ti ja' ch'ul vitse.
24Xi tac'bat yu'un ti Diose:
—Batan, yalan batel. Ts'acal to un, jmoj xamuyic talel xchi'uc ti Aarone. Ja'uc ti paleetique xchi'uc ti israeletique, mu me xjelavic talel ta sq'uelelun ti bu albil sc'oplal ti tey oyune, naca mi yilbe sba svocolic cu'un.
25Jech ti Moisese yal batel. Ja' jech laj yalilanbe ya'i ti israeletic ti va'i s'elan taje.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Biblia en Tzotzil de Chamula, Chiapas, México © Sociedad Bíblica de México, A.C. 2000