Éxodo 10
10
Ti j'ilbajinvanej c'ulubetique
1Ti Diose xi laj yalbe ya'i ti Moisese:
—Batan, ba q'uelo ti faraone. Yu'un laj xa cac' pucujibuc yo'nton xchi'uc ti yaj'abteltaque yo' jech ta xcac'be yilic ti jmuc'ul jtsatsal ti xu' cu'un ta jpas ti ch'ayal ta xc'ot o'ntonal yu'une. 2Taje, yo' jech xu' xalo'iltabe ya'i ti anich'nabtaque, ti amamubtaque, ti c'u s'elan laj jvinajes ti mu'yuc stuq'uil sjol yo'nton ti egipcioetique, ti elom sba laj jvinajes ti jmuc'ul jtsatsal ta stojolique, yo' jech ta xana'ic xtoc ti vu'un Ajvalilune.
3Jech ti Moisese xchi'uc ti Aarone batic ta stojol ti faraone, ti xi laj yalbeic ya'ie:
—Xi ta xalbot ava'i ti Ajvalil ti ja' Dios yu'unic ti hebreoetique: “¿C'u to sjalil ti toyobbaot ta jtojole? Ac'o ave ati' ti xu' ta xloq'uic batel ti calab jnich'nabe yo' chbat xiyich'icun ta muc'. 4Mi staoj no'ox yav mu xava'ibe xchiquinal ti mu xavac' loc'uc batele, oc'om ta xcac' taluc c'ulubetic ta alumal. 5Taje, ep ta xtal. Ta smac ti banomile. Mu xa xvinaj ta xcom ti banomil yu'une. Ta slajes scotol ti ts'unubaletic spulemal ti xquechel bote. Ta slajes scotol ti yanal te'etic ti oy ta osiltique. 6Ta xnoj ta c'ulub ti anae, sna ti avaj'abteltaque, xchi'uc sna scotol ti avinquileltaque. Ja' to sba velta ti jech ta xc'ot ta pasele. Mu'yuc laj yilic jech ti c'alal laj ech'icuc ti atot ame'ique, ti amuc'tot ayayaique. Le'e, ja' to no'ox jech laj avilic o vul ta loq'uel.”
C'alal laj c'opojuc ti Moisese, laj xpux sutel yoc, loc' batel ta sna ti faraone. 7Ja' yu'un un, ti yaj'abteltac ti faraone xi laj yalique:
—¿C'usi to ora ta xcom jvocoltic yu'un ti vinic le'e? Ja' lec, Jcuch abtel, ti jnaclejetic li'e, ja' lec, ac'o ba yich'ic ta muc' ti sDiosique, ti ja' Ajvalile. ¿Mi mu to xatuc'ulan lec, Jcuch abtel, ti soc xa sjunlej ti Egiptoe?
8Ti faraone xi laj yalbe ya'i ti Moisese xchi'uc ti Aarone ti c'alal laj sta ta iq'uele:
—Batanic ta yich'el ta muc' ti Ajvalil ti ja' Dios avu'unique. Ja' no'ox un, albun ca'i buch'utic ti ta xbatique.
9Ti Moisese xi laj staq'ue:
—Tsots sc'oplal ta xibatcutic xchi'uc ti ololetique, ti me'el moletique, ti queremetique, ti tsebetique, xchi'uc ti jchijcutique, ti jvacaxcutique. Yu'un ja' jun muc'ul q'uin ta xca'icutic yu'un ti Diose.
10Ja' no'ox un, ti faraone xi laj yale:
—Xvinaj lec ti chopol ti c'usi ta xanopique: ¿Mi xavac'toicuc la ta xchi'inoxuc batel ti Diose, ti jech ta xcac' batanic xchi'uc ti avalab anich'nabique? 11Mu jechuc quere. Ja' no'ox vo'oxuc, batanic xchi'uc ti viniquetic ti buch'utic julem xa xch'ulelique. Ba ich'ic ta muc' ti Diose. Yu'un jech ta xac'anic.
Ti faraone laj yal mantal ti ac'o yich'ic xujel loq'uel ta stojole. 12Ja' no'ox un, ti Diose xi laj yalbe ya'i ti Moisese:
—Toyo ac'ob ta stojol ti Egiptoe. Ac'o taluc ti c'ulubetic ta slajesel ti c'usitic x'ayan ta jteclume, ta stsutsesel ti spulemal xquechel ti bote.
13Ti Moisese laj stoy ti sc'ob ta stojol ti jteclum Egiptoe. Jech ti Diose laj yac' taluc ic' ta sloq'ueb c'ac'al. Sjunul c'ac'al, sjunul ac'ubal, xjumet no'ox vulel ta stojol ti jteclume. Ta yoc'omal un, ti iq'ue laj sbec' talel ti c'ulubetic ti lic talel ta sloq'ueb c'ac'ale. 14Taj une, laj soquesic sjunlej ti lume.#Ap 9.2-3. Mi ja'uc oy bu jech c'ot ta pasel ta vo'ne. Mi ja'uc oy bu ta to xc'ot ta pasel ti ta xtal epal c'ulub jech c'u cha'al ti c'ac'al tana li'e. 15Yu'un mi ja'uc xa xvinaj ta q'uelel com yu'unic banomil ti epal c'ulubetique. Laj slajesic scotol ti yanal te'etique xchi'uc scotol ti sat te'etic ti ch'i talel ti c'alal ech' xa ox ti bote. Xi s'elan ti mu'yuc xa bu xavil ti oy c'usi yox com ti bu c'alal smacoj ti Egiptoe, mi ja'uc ti ta osile, mi ja'uc ti ta te'tique.
16Jech ti faraone ta anil laj stac mantal ta stojol ti Moisese xchi'uc ti Aarone, ti xi laj yalbee:
—Laj jta jmul ta stojol ti Ajvalil ti ja' Dios avu'unique xchi'uc ta atojolic ec. 17Avocoluc, ch'aybun xa jtenuc ti jmul avi tanae. Avocolicuc, c'oponbeicun ti Ajvalil ti ja' Dios avu'unique, yu'un sbalin to ya'yel ti ac'o sloq'ues batel ti jmilvanej vocole.
18C'alal loc' batel ti Moisés ta stojol ti faraone, laj sta ta c'oponel ti Diose. 19Ja' yu'un un, ti Diose laj sjeltabe batel sbe ti iq'ue. Laj yac' taluc tsots ic' ti lic talel ta smaleb c'ac'ale. Laj sbec' batel ti c'ulubetic c'alal to Tsajal Nab. Mu xa jcotuc c'ulub com ta Egipto. 20Ja' no'ox un, ti Diose laj yac' pucujibuc yo'nton ti faraone. Mu'yuc laj yac' loc'uc batel ti israeletique.
Ti j'ac' xi'el ic'ubel ta osile
21Ja' yu'un un, ti Diose xi laj yalbe ya'i ti Moisese:
—Toyo ac'ob ta vinajel. Ac'o ic'ubuc ta osil sjunlej ti Egiptoe, ti ic' ta jmec ti xvinaj xa ta piquel yilele.
22Jech ti Moisese laj stoy muyel sc'ob ta vinajel. Tal ti muc'ul ic'ubel#Sal 105.28; Ap 16.10. ta osil ta sjunlej ti Egiptoe. 23Jalij oxib c'ac'al ti mu'yuc buch'u ta xil ti slac'naique, ti mu ja'uc xa jutebuc xu' ta xloq'uic batel ti bu oyique. Yan ti bu oy sna scotolic ti israeletique, sac lec osil tey.
24Jech o xal ti faraone xi laj yalbe ti c'alal laj sta ta iq'uel ti Moisese:
—Batanic, ba ich'ic ta muc' ti Diose. Iq'uic batel ti anich'nabique. Ja' no'ox un, ictaic comel li'e ti achijique, ti avacaxique.
25Va'i un, ti Moisese xi laj staq'ue:
—Bu xata, yu'un ti vo'ot eque, tsots sc'oplal ta xavac' milbil matanal chon bolometic ti ta xich' chiq'uel sventa yich'el ta muc' ti Dios cu'uncutique. 26Ma'uc no'ox taje, yu'un ti chon bolometic cu'uncutique, ta xquic'cutic batel. Mi ja'uc jcotuc ta jcomescutic. Yu'un tsots sc'oplal ti ta jt'ujcutic loq'uel jaycotuc ti ta xtun ta sventa spasel yich'el ta muc' ti Diose. Yu'un ti jech mu to ta xic'otcutic teye, mu jna'cutic c'usi ta xtun yo' jech ta xquich'cutic ta muc' ti Diose.
27Ja' no'ox un, ti Diose laj yac' pucujibuc yo'nton ti faraone. Mu'yuc x'aq'ue baticuc.
28Ma'uc no'ox taje, yu'un ti faraone xi lic yalbe ti Moisese:
—Loc'an batel li'e. Mi latal yan velta ta jtojole, q'uelo aba. Yu'un c'usiuc no'ox ora mi latale, ta xacham.
29Ti Moisese xi laj staq'ue:
—Lec chca'i ti jech laj avale. Mi ja'uc xa ta xtal jq'uel ti asate.
Currently Selected:
Éxodo 10: TZC00
Highlight
Copy
Compare
Share
Want to have your highlights saved across all your devices? Sign up or sign in
Biblia en Tzotzil de Chamula, Chiapas, México © Sociedad Bíblica de México, A.C. 2000
Éxodo 10
10
Ti j'ilbajinvanej c'ulubetique
1Ti Diose xi laj yalbe ya'i ti Moisese:
—Batan, ba q'uelo ti faraone. Yu'un laj xa cac' pucujibuc yo'nton xchi'uc ti yaj'abteltaque yo' jech ta xcac'be yilic ti jmuc'ul jtsatsal ti xu' cu'un ta jpas ti ch'ayal ta xc'ot o'ntonal yu'une. 2Taje, yo' jech xu' xalo'iltabe ya'i ti anich'nabtaque, ti amamubtaque, ti c'u s'elan laj jvinajes ti mu'yuc stuq'uil sjol yo'nton ti egipcioetique, ti elom sba laj jvinajes ti jmuc'ul jtsatsal ta stojolique, yo' jech ta xana'ic xtoc ti vu'un Ajvalilune.
3Jech ti Moisese xchi'uc ti Aarone batic ta stojol ti faraone, ti xi laj yalbeic ya'ie:
—Xi ta xalbot ava'i ti Ajvalil ti ja' Dios yu'unic ti hebreoetique: “¿C'u to sjalil ti toyobbaot ta jtojole? Ac'o ave ati' ti xu' ta xloq'uic batel ti calab jnich'nabe yo' chbat xiyich'icun ta muc'. 4Mi staoj no'ox yav mu xava'ibe xchiquinal ti mu xavac' loc'uc batele, oc'om ta xcac' taluc c'ulubetic ta alumal. 5Taje, ep ta xtal. Ta smac ti banomile. Mu xa xvinaj ta xcom ti banomil yu'une. Ta slajes scotol ti ts'unubaletic spulemal ti xquechel bote. Ta slajes scotol ti yanal te'etic ti oy ta osiltique. 6Ta xnoj ta c'ulub ti anae, sna ti avaj'abteltaque, xchi'uc sna scotol ti avinquileltaque. Ja' to sba velta ti jech ta xc'ot ta pasele. Mu'yuc laj yilic jech ti c'alal laj ech'icuc ti atot ame'ique, ti amuc'tot ayayaique. Le'e, ja' to no'ox jech laj avilic o vul ta loq'uel.”
C'alal laj c'opojuc ti Moisese, laj xpux sutel yoc, loc' batel ta sna ti faraone. 7Ja' yu'un un, ti yaj'abteltac ti faraone xi laj yalique:
—¿C'usi to ora ta xcom jvocoltic yu'un ti vinic le'e? Ja' lec, Jcuch abtel, ti jnaclejetic li'e, ja' lec, ac'o ba yich'ic ta muc' ti sDiosique, ti ja' Ajvalile. ¿Mi mu to xatuc'ulan lec, Jcuch abtel, ti soc xa sjunlej ti Egiptoe?
8Ti faraone xi laj yalbe ya'i ti Moisese xchi'uc ti Aarone ti c'alal laj sta ta iq'uele:
—Batanic ta yich'el ta muc' ti Ajvalil ti ja' Dios avu'unique. Ja' no'ox un, albun ca'i buch'utic ti ta xbatique.
9Ti Moisese xi laj staq'ue:
—Tsots sc'oplal ta xibatcutic xchi'uc ti ololetique, ti me'el moletique, ti queremetique, ti tsebetique, xchi'uc ti jchijcutique, ti jvacaxcutique. Yu'un ja' jun muc'ul q'uin ta xca'icutic yu'un ti Diose.
10Ja' no'ox un, ti faraone xi laj yale:
—Xvinaj lec ti chopol ti c'usi ta xanopique: ¿Mi xavac'toicuc la ta xchi'inoxuc batel ti Diose, ti jech ta xcac' batanic xchi'uc ti avalab anich'nabique? 11Mu jechuc quere. Ja' no'ox vo'oxuc, batanic xchi'uc ti viniquetic ti buch'utic julem xa xch'ulelique. Ba ich'ic ta muc' ti Diose. Yu'un jech ta xac'anic.
Ti faraone laj yal mantal ti ac'o yich'ic xujel loq'uel ta stojole. 12Ja' no'ox un, ti Diose xi laj yalbe ya'i ti Moisese:
—Toyo ac'ob ta stojol ti Egiptoe. Ac'o taluc ti c'ulubetic ta slajesel ti c'usitic x'ayan ta jteclume, ta stsutsesel ti spulemal xquechel ti bote.
13Ti Moisese laj stoy ti sc'ob ta stojol ti jteclum Egiptoe. Jech ti Diose laj yac' taluc ic' ta sloq'ueb c'ac'al. Sjunul c'ac'al, sjunul ac'ubal, xjumet no'ox vulel ta stojol ti jteclume. Ta yoc'omal un, ti iq'ue laj sbec' talel ti c'ulubetic ti lic talel ta sloq'ueb c'ac'ale. 14Taj une, laj soquesic sjunlej ti lume.#Ap 9.2-3. Mi ja'uc oy bu jech c'ot ta pasel ta vo'ne. Mi ja'uc oy bu ta to xc'ot ta pasel ti ta xtal epal c'ulub jech c'u cha'al ti c'ac'al tana li'e. 15Yu'un mi ja'uc xa xvinaj ta q'uelel com yu'unic banomil ti epal c'ulubetique. Laj slajesic scotol ti yanal te'etique xchi'uc scotol ti sat te'etic ti ch'i talel ti c'alal ech' xa ox ti bote. Xi s'elan ti mu'yuc xa bu xavil ti oy c'usi yox com ti bu c'alal smacoj ti Egiptoe, mi ja'uc ti ta osile, mi ja'uc ti ta te'tique.
16Jech ti faraone ta anil laj stac mantal ta stojol ti Moisese xchi'uc ti Aarone, ti xi laj yalbee:
—Laj jta jmul ta stojol ti Ajvalil ti ja' Dios avu'unique xchi'uc ta atojolic ec. 17Avocoluc, ch'aybun xa jtenuc ti jmul avi tanae. Avocolicuc, c'oponbeicun ti Ajvalil ti ja' Dios avu'unique, yu'un sbalin to ya'yel ti ac'o sloq'ues batel ti jmilvanej vocole.
18C'alal loc' batel ti Moisés ta stojol ti faraone, laj sta ta c'oponel ti Diose. 19Ja' yu'un un, ti Diose laj sjeltabe batel sbe ti iq'ue. Laj yac' taluc tsots ic' ti lic talel ta smaleb c'ac'ale. Laj sbec' batel ti c'ulubetic c'alal to Tsajal Nab. Mu xa jcotuc c'ulub com ta Egipto. 20Ja' no'ox un, ti Diose laj yac' pucujibuc yo'nton ti faraone. Mu'yuc laj yac' loc'uc batel ti israeletique.
Ti j'ac' xi'el ic'ubel ta osile
21Ja' yu'un un, ti Diose xi laj yalbe ya'i ti Moisese:
—Toyo ac'ob ta vinajel. Ac'o ic'ubuc ta osil sjunlej ti Egiptoe, ti ic' ta jmec ti xvinaj xa ta piquel yilele.
22Jech ti Moisese laj stoy muyel sc'ob ta vinajel. Tal ti muc'ul ic'ubel#Sal 105.28; Ap 16.10. ta osil ta sjunlej ti Egiptoe. 23Jalij oxib c'ac'al ti mu'yuc buch'u ta xil ti slac'naique, ti mu ja'uc xa jutebuc xu' ta xloq'uic batel ti bu oyique. Yan ti bu oy sna scotolic ti israeletique, sac lec osil tey.
24Jech o xal ti faraone xi laj yalbe ti c'alal laj sta ta iq'uel ti Moisese:
—Batanic, ba ich'ic ta muc' ti Diose. Iq'uic batel ti anich'nabique. Ja' no'ox un, ictaic comel li'e ti achijique, ti avacaxique.
25Va'i un, ti Moisese xi laj staq'ue:
—Bu xata, yu'un ti vo'ot eque, tsots sc'oplal ta xavac' milbil matanal chon bolometic ti ta xich' chiq'uel sventa yich'el ta muc' ti Dios cu'uncutique. 26Ma'uc no'ox taje, yu'un ti chon bolometic cu'uncutique, ta xquic'cutic batel. Mi ja'uc jcotuc ta jcomescutic. Yu'un tsots sc'oplal ti ta jt'ujcutic loq'uel jaycotuc ti ta xtun ta sventa spasel yich'el ta muc' ti Diose. Yu'un ti jech mu to ta xic'otcutic teye, mu jna'cutic c'usi ta xtun yo' jech ta xquich'cutic ta muc' ti Diose.
27Ja' no'ox un, ti Diose laj yac' pucujibuc yo'nton ti faraone. Mu'yuc x'aq'ue baticuc.
28Ma'uc no'ox taje, yu'un ti faraone xi lic yalbe ti Moisese:
—Loc'an batel li'e. Mi latal yan velta ta jtojole, q'uelo aba. Yu'un c'usiuc no'ox ora mi latale, ta xacham.
29Ti Moisese xi laj staq'ue:
—Lec chca'i ti jech laj avale. Mi ja'uc xa ta xtal jq'uel ti asate.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Biblia en Tzotzil de Chamula, Chiapas, México © Sociedad Bíblica de México, A.C. 2000