1 Samuel 2
2
Sq'uejimol ti Anae
1Ti Anae xi lic q'uejinuc ta sc'oponel ta sti'inel ti Diose:
“Cajval, bats'i sjunul co'nton ximuyubaj ta j'ech'el ta atojol,#Sal 113.5-9; Lc 1.46-55.
ti ta ach' laj avac'bun ti yipale.
Jamal que jti' ta xic'opoj ta stojol ti jcontrataque, yu'un laj acoltaun.
Bats'i ximuyubaj ta j'ech'el.
2Mu'yuc xa yan Ch'ul Dios jech c'u cha'al ti vo'ote.
Mu'yuc xa yan ta xchabivan jech c'u cha'al ti vo'ot Dios cu'uncutique.
Mi junuc ti oy to buch'u x'ech' to jech c'u cha'al ti vo'ote.
3Mu'yuc buch'u ma' ti xu' ta stoy sba xchi'uc ti sc'ope,
ti oy buch'u ma' ti cajal xa xa'i sba ta j'ech'ele.
Yu'un ti Ajvalile, ja' ti Dios ti xojtiquin scotole.
Ta sbis ta xchapan ti c'usi ta spas ti vinique.
4Yu'un ti stuque ta slilinbe syolobic ti buch'utic tsots xu' yu'unique.
Ta xac'be yipic ti buch'u ch'abal ti yipal yu'unique.
5Yu'un ti buch'u oy scotol yu'un ta ba'yele,
avi tana une, ta juteb xa pan ta spac'alin sba ta tunel.
Yu'un ti buch'u mu x'ech' xjelav ta xa'i ti vi'nale,
avi tana une, mu'yuc xa c'usi sna'.
Ti ants ti buch'u mu sna' x'alaje,
avi tana une, vucub to velta laj yil ti alajele,
ja'uc ti buch'u ep ti yalabe,
avi tana une, laj to me sc'oplal un.
6Ti Diose ta stub ta xac' ti cuxlejale.
Ta xc'ot ta pasel yu'un ti ta x'ac'van batel ta muquinale,
xchi'uc ti ta xva'anvan liquel talele.
7Ti Diose ja' yabtel ta spasvan ta jc'ulej, mi ta me'un,
ta xlomesvan ta lum, ta xtoyvan liquel.
8Ja' yabtel ta snit liquel ti lomem ta lum ti me'une.
Ta snit loq'uel xtoc ti jc'an-limuxna ti oy ta c'a'eptique
yo' jech ta xac' chotluc ti bu chotolic ti viniquetic ti ich'bilic ta muq'ue.
Ta xchotan ti ich'bil ta muc' ta xc'ot ti bu yavil ti ich'bil ta muq'ue,
yu'un ti Diose ja' yajval xchotlebtac ti banomile;
laj xchotan liquel sbejel ti banomil une.
9Yu'un ti buch'utic jun yo'ntonic ta stojole, ta xchabi ti buyuc no'ox ta xanavique,
ja'uc ti jtoyobbaetique, ta ic'al osil xcham xlajic,
ja' ti mu'yuc buch'u junuc xu' ta spas ta yip no'ox stuque.
10Ti Diose ta slilin ti yajcontrae;
ta vinajel to, xc'avlajet no'ox liquel yu'un ti chauc ta xac' vuluc ta stojolique.
Ti Diose sbainoj ta xchapanel scotol ti banomile;
ta xac'be yip ti ajvalil ti laj st'uje,
ti jelavem ta j'ech'el ti smuc'ul stsatsal ta xac'bee.”
11Ts'acal to un, ti Elcanae sut batel ta sna ti oy ta Ramae. Ja'uc ti olole com xa ta yajtunel ti Diose. Com ta yoc ta sc'ob ti pale Elie.
Mu x'ech' c'usi chopol ta spasic xnich'nab ti Elie
12Ti xnich'nab ti Elie toj chopol ti stalelique. Mu ja'uc xaq'uic ta venta ti Diose. 13Mi ja'uc ta xaq'uic ta venta ti ochem yabtelic ta paleal ta sventa ti jteclume. C'alal oy buch'u ta xac' ti milbil matanale, ta xc'ot xchi'uc xlech ti yajtunel ti palee. C'alal yacal ta xta'aj ti beq'uete, 14ta stic' ochel xlechal ve'lil ta perol, mi ta bin, mi ta xlechleb calto, mi ta muc' ta xaltem. Ti c'u yepal ta xlech loq'uele, ta xc'ot ta yu'un ti palee. Ja' jech ta spasbe scotol ti israeletic ti ta xc'otic ta Siloe. 15Ma'uc no'ox taje, c'alal mu to xchiq'uic ti xepu' ta altare, ta xc'ot ti yajtunel palee, ti xi ta xalbe ti buch'u ta xac' ti chic'bil matanale: “Tse to ma' le'e, ac'bun talel ti beq'uete yo' ta jvobe ti palee, yu'un mu xa stsac ti mi vobil xae. Ja' no'ox ta xch'ambot ti mi tse toe.” 16Mi oy buch'u ta xal ti ba'yel ta xich' chiq'uel ti xepu'e, ti ja' ts'acal xu' ta xich' batel ti c'u yepal ta sc'ane, ti jtunele xi ta staq'ue: “¡Mo'oj, ac'bun me ch'a talel ta anil! Yan ti mi mu jechuque, ta xajtsatsal-pojbot.” 17Smulic ti querem viniquetic ta stojol ti Diose, toj ech'em tsots, ja' ti mu'yuc tsots sc'oplal ta xa'iic ta yo'ntonic ti ja' yu'un Dios ti matanale.
18Ja'uc ti querem Samuele slapoj luchbil jayal saquil c'u'il ta xac' sba ta tunel yu'un ti Diose. 19C'alal jujun jabil ta xbatic ta ch'ulna ti stot sme'e yo' ta xbat yaq'uic ti milbil matanal ta xmal ti jujun jabile, ta xich'beic batel jlic yuni lo'in c'u' ti laj smeltsanbee. 20Va'i un, ti Elie xi ta xal ti ta xac'be yich' yutsilal slequilal Dios ti Elcanae xchi'uc ti yajnile: “Ac'o xasc'uxubinic ti Diose, ti ta xac'bot anich'nab ta sventa ti ants li'e, ti xq'uexol ti laj yac' ta tunele.” C'alal ta xlaj yo'ntonique, ta sut batel ta snaic. 21Ja'uc ti Anae, sva'anoj sba ti Dios ta stojole, yu'un lic xchi'in yol. Ti jech taj une, lic to yilbe sat oxib squerem xchi'uc chib stseb ti Anae. Ja'uc ti ch'in querem Samuele yantic xch'i ta stojol ti Diose.
22Ja'uc ti Elie, mol xa, ya'binoj lec scotol ti c'usi spas ti xnich'nab ta stojol ti israeletique, xchi'uc ti ta xvay xchi'uquic ti antsetic ti ta xtunic ta ochebal sti' ti Axibalna ti bu nupel ta be xchi'uc ti Diose. 23Ja' yu'un un, xi laj yalbee: “Scotol ti jteclume chopol ta xc'opojic ta scoj ti toj chopol ti atalelique. ¿C'u cha'al jech ta xapasic un? 24Mu ja'uc smelol, jnich'nab, yu'un mu'yuc c'usi lec ca'binoj ta slo'iltaoxuc yalab xnich'nab ti Diose. 25Mi oy buch'u ta xjelav ta stojol ta yilbajinel ti yane, xu' to ta xpojat yu'un ti Diose. Ja'uc ti buch'u ta soquesbe yo'nton ti Diose, ¿buch'u xa la ta xpojat yu'un?” Ja'uc ti stuquique mu'yuc laj yich'ic ta muc' ti va'i s'elan albat yu'un ti stotique, ja' ti chapbil xa sc'oplal ta xch'aybat sts'unubalic yu'un ti Diose.
26Ja'uc ti biq'uit querem Samuele, yantic xch'i batel. Ti c'u s'elan ta spase, lec ta xil ti Diose, xchi'uc ta sba ta sat ti jnaclejetique.
27Ti jech yorail ta vo'ne taje, ja' o c'ot vu'lanatuc yu'un jun j'alc'op ti Elie, ti xi albate: “Ti Diose xi xcholet ta xal ta jamale: ‘C'alal oyic to ox ta Egipto ti ta xac' sbaic ta tunel ta stojol ti faraón ti amolmuc'totique, laj cac' jba iluc ta stojolic. 28Ti ta scotol ti jaychop snitilultac ti Israele, laj jt'ujoxuc loq'uel yo' ta xacomic ta cajpaletac, yo' jech ta xavac'beicun chic'bil matanal ta caltar xchi'uc ta xachic'beicun pom, ti alapojic ochel ti luchbil jayal saquil c'u'il ta jtojole.#Ex 28.1-4. Ma'uc no'ox taje, laj cac' que ta stunesel ti amolmuc'totic scotol ti matanaletic ta xchiq'uic ti israeletic sventa quich'el ta muc' ti vu'un Diosune.#Lv 7.35-36. 29¿C'u cha'al ya'yel un cha'e ta xabajic ti milbil matanaletic ti vu'un laj cal ti c'otuc ta pasele? ¿C'u cha'al ech'em t'ujbil ta xich' ti anich'nabe, ti ja' mu sta ti vu'une? ¿C'u cha'al ja' no'ox ta sjubes sbaic ta sventa scotol ti lequiquil matanal ti ta xaq'uic ti calab jnich'nab Israele?’ 30Ja'uc le' un cha'e, ti Ajvalil ti ja' Dios yu'un ti Israele, ti laj yal ti ta xatunic o xchi'uc ti avalab anich'nabe, avi tana un, xi ta xal ta jamale: ‘Mu xcac' que jti' ti jech le'e. Ta xcac' ta ich'el ta muc' ti buch'u ta xiyac'un ta ich'el ta muq'ue. Ta xcac' ta q'uexlal ti buch'u ta xisoquesbeicun ti jc'oplale. Ti vu'un Ajvalilune mu me lo'iluc no'ox ta xcal. 31Avi tana li' une, sta xa yorail ta jtubbe sc'oplal ti amuc'ul atsatsalique, ti smuc'ul stsatsalic ti amolmuc'totaque. Mu'yuc buch'u ti avalab anich'nab ti jal ta xil ti xch'iel sc'opojele. 32Mu stac' a'yeluc ta xava'iic c'usi ta xapas xchi'uc avocol, xchi'uc sc'ac'al avo'nton, ti c'alal ta xavil ta aba ta asat ti lec scotol ti c'usi ta jpas ta stojol ti Israele, ti mu junuc ta xil jal ch'iel c'opojel ti anich'nabe. 33Ja'uc le' une, ta xquicta comel jun chibuc avuts' avalaltac ta sts'el ti caltare, ti xnelet no'ox liquel ti satique, ti set'sun no'ox ti yo'ntonic ta xlic it'ixajicuque. Ja'uc ti yan avuts' avalale, ta xich'ic milel. 34Xi s'elan senyail ta xc'ot ta atojol ti c'usi xc'ot ta stojol ti xchibal anich'on ti Ofnie xchi'uc ti Fineese: ta jun sc'ac'alil ta xcham ti xchibalique. 35Mi laj taj une, ta jva'an jun pale ti oy stuq'uil sjol yo'ntone, ti ta spas jech c'u cha'al oy ta co'ntone, ti c'usi nopbil cu'une. Mu'yuc spajeb ta xcac'be ti snitilultaque, ti ta xcom o ta yajtunel ti ajvalil ti buch'u vu'un laj jt'uje. 36Va'i un, ti buch'u cuxul to com ti anitilultaque, ta xtal sbic'tajes sbaic ta stojol yo' ta xtal sc'anbeic jsepuc plata taq'uin, mi ja' jxet'uc pan, ti xvocoletic xa ti ac'o ac'baticuc yabtelic ta stojol ti paleetique, yo' jech xu' ta sta ti sve'elique.’ ”
Currently Selected:
1 Samuel 2: TZC00
Highlight
Share
Copy
Want to have your highlights saved across all your devices? Sign up or sign in
Biblia en Tzotzil de Chamula, Chiapas, México © Sociedad Bíblica de México, A.C. 2000
1 Samuel 2
2
Sq'uejimol ti Anae
1Ti Anae xi lic q'uejinuc ta sc'oponel ta sti'inel ti Diose:
“Cajval, bats'i sjunul co'nton ximuyubaj ta j'ech'el ta atojol,#Sal 113.5-9; Lc 1.46-55.
ti ta ach' laj avac'bun ti yipale.
Jamal que jti' ta xic'opoj ta stojol ti jcontrataque, yu'un laj acoltaun.
Bats'i ximuyubaj ta j'ech'el.
2Mu'yuc xa yan Ch'ul Dios jech c'u cha'al ti vo'ote.
Mu'yuc xa yan ta xchabivan jech c'u cha'al ti vo'ot Dios cu'uncutique.
Mi junuc ti oy to buch'u x'ech' to jech c'u cha'al ti vo'ote.
3Mu'yuc buch'u ma' ti xu' ta stoy sba xchi'uc ti sc'ope,
ti oy buch'u ma' ti cajal xa xa'i sba ta j'ech'ele.
Yu'un ti Ajvalile, ja' ti Dios ti xojtiquin scotole.
Ta sbis ta xchapan ti c'usi ta spas ti vinique.
4Yu'un ti stuque ta slilinbe syolobic ti buch'utic tsots xu' yu'unique.
Ta xac'be yipic ti buch'u ch'abal ti yipal yu'unique.
5Yu'un ti buch'u oy scotol yu'un ta ba'yele,
avi tana une, ta juteb xa pan ta spac'alin sba ta tunel.
Yu'un ti buch'u mu x'ech' xjelav ta xa'i ti vi'nale,
avi tana une, mu'yuc xa c'usi sna'.
Ti ants ti buch'u mu sna' x'alaje,
avi tana une, vucub to velta laj yil ti alajele,
ja'uc ti buch'u ep ti yalabe,
avi tana une, laj to me sc'oplal un.
6Ti Diose ta stub ta xac' ti cuxlejale.
Ta xc'ot ta pasel yu'un ti ta x'ac'van batel ta muquinale,
xchi'uc ti ta xva'anvan liquel talele.
7Ti Diose ja' yabtel ta spasvan ta jc'ulej, mi ta me'un,
ta xlomesvan ta lum, ta xtoyvan liquel.
8Ja' yabtel ta snit liquel ti lomem ta lum ti me'une.
Ta snit loq'uel xtoc ti jc'an-limuxna ti oy ta c'a'eptique
yo' jech ta xac' chotluc ti bu chotolic ti viniquetic ti ich'bilic ta muq'ue.
Ta xchotan ti ich'bil ta muc' ta xc'ot ti bu yavil ti ich'bil ta muq'ue,
yu'un ti Diose ja' yajval xchotlebtac ti banomile;
laj xchotan liquel sbejel ti banomil une.
9Yu'un ti buch'utic jun yo'ntonic ta stojole, ta xchabi ti buyuc no'ox ta xanavique,
ja'uc ti jtoyobbaetique, ta ic'al osil xcham xlajic,
ja' ti mu'yuc buch'u junuc xu' ta spas ta yip no'ox stuque.
10Ti Diose ta slilin ti yajcontrae;
ta vinajel to, xc'avlajet no'ox liquel yu'un ti chauc ta xac' vuluc ta stojolique.
Ti Diose sbainoj ta xchapanel scotol ti banomile;
ta xac'be yip ti ajvalil ti laj st'uje,
ti jelavem ta j'ech'el ti smuc'ul stsatsal ta xac'bee.”
11Ts'acal to un, ti Elcanae sut batel ta sna ti oy ta Ramae. Ja'uc ti olole com xa ta yajtunel ti Diose. Com ta yoc ta sc'ob ti pale Elie.
Mu x'ech' c'usi chopol ta spasic xnich'nab ti Elie
12Ti xnich'nab ti Elie toj chopol ti stalelique. Mu ja'uc xaq'uic ta venta ti Diose. 13Mi ja'uc ta xaq'uic ta venta ti ochem yabtelic ta paleal ta sventa ti jteclume. C'alal oy buch'u ta xac' ti milbil matanale, ta xc'ot xchi'uc xlech ti yajtunel ti palee. C'alal yacal ta xta'aj ti beq'uete, 14ta stic' ochel xlechal ve'lil ta perol, mi ta bin, mi ta xlechleb calto, mi ta muc' ta xaltem. Ti c'u yepal ta xlech loq'uele, ta xc'ot ta yu'un ti palee. Ja' jech ta spasbe scotol ti israeletic ti ta xc'otic ta Siloe. 15Ma'uc no'ox taje, c'alal mu to xchiq'uic ti xepu' ta altare, ta xc'ot ti yajtunel palee, ti xi ta xalbe ti buch'u ta xac' ti chic'bil matanale: “Tse to ma' le'e, ac'bun talel ti beq'uete yo' ta jvobe ti palee, yu'un mu xa stsac ti mi vobil xae. Ja' no'ox ta xch'ambot ti mi tse toe.” 16Mi oy buch'u ta xal ti ba'yel ta xich' chiq'uel ti xepu'e, ti ja' ts'acal xu' ta xich' batel ti c'u yepal ta sc'ane, ti jtunele xi ta staq'ue: “¡Mo'oj, ac'bun me ch'a talel ta anil! Yan ti mi mu jechuque, ta xajtsatsal-pojbot.” 17Smulic ti querem viniquetic ta stojol ti Diose, toj ech'em tsots, ja' ti mu'yuc tsots sc'oplal ta xa'iic ta yo'ntonic ti ja' yu'un Dios ti matanale.
18Ja'uc ti querem Samuele slapoj luchbil jayal saquil c'u'il ta xac' sba ta tunel yu'un ti Diose. 19C'alal jujun jabil ta xbatic ta ch'ulna ti stot sme'e yo' ta xbat yaq'uic ti milbil matanal ta xmal ti jujun jabile, ta xich'beic batel jlic yuni lo'in c'u' ti laj smeltsanbee. 20Va'i un, ti Elie xi ta xal ti ta xac'be yich' yutsilal slequilal Dios ti Elcanae xchi'uc ti yajnile: “Ac'o xasc'uxubinic ti Diose, ti ta xac'bot anich'nab ta sventa ti ants li'e, ti xq'uexol ti laj yac' ta tunele.” C'alal ta xlaj yo'ntonique, ta sut batel ta snaic. 21Ja'uc ti Anae, sva'anoj sba ti Dios ta stojole, yu'un lic xchi'in yol. Ti jech taj une, lic to yilbe sat oxib squerem xchi'uc chib stseb ti Anae. Ja'uc ti ch'in querem Samuele yantic xch'i ta stojol ti Diose.
22Ja'uc ti Elie, mol xa, ya'binoj lec scotol ti c'usi spas ti xnich'nab ta stojol ti israeletique, xchi'uc ti ta xvay xchi'uquic ti antsetic ti ta xtunic ta ochebal sti' ti Axibalna ti bu nupel ta be xchi'uc ti Diose. 23Ja' yu'un un, xi laj yalbee: “Scotol ti jteclume chopol ta xc'opojic ta scoj ti toj chopol ti atalelique. ¿C'u cha'al jech ta xapasic un? 24Mu ja'uc smelol, jnich'nab, yu'un mu'yuc c'usi lec ca'binoj ta slo'iltaoxuc yalab xnich'nab ti Diose. 25Mi oy buch'u ta xjelav ta stojol ta yilbajinel ti yane, xu' to ta xpojat yu'un ti Diose. Ja'uc ti buch'u ta soquesbe yo'nton ti Diose, ¿buch'u xa la ta xpojat yu'un?” Ja'uc ti stuquique mu'yuc laj yich'ic ta muc' ti va'i s'elan albat yu'un ti stotique, ja' ti chapbil xa sc'oplal ta xch'aybat sts'unubalic yu'un ti Diose.
26Ja'uc ti biq'uit querem Samuele, yantic xch'i batel. Ti c'u s'elan ta spase, lec ta xil ti Diose, xchi'uc ta sba ta sat ti jnaclejetique.
27Ti jech yorail ta vo'ne taje, ja' o c'ot vu'lanatuc yu'un jun j'alc'op ti Elie, ti xi albate: “Ti Diose xi xcholet ta xal ta jamale: ‘C'alal oyic to ox ta Egipto ti ta xac' sbaic ta tunel ta stojol ti faraón ti amolmuc'totique, laj cac' jba iluc ta stojolic. 28Ti ta scotol ti jaychop snitilultac ti Israele, laj jt'ujoxuc loq'uel yo' ta xacomic ta cajpaletac, yo' jech ta xavac'beicun chic'bil matanal ta caltar xchi'uc ta xachic'beicun pom, ti alapojic ochel ti luchbil jayal saquil c'u'il ta jtojole.#Ex 28.1-4. Ma'uc no'ox taje, laj cac' que ta stunesel ti amolmuc'totic scotol ti matanaletic ta xchiq'uic ti israeletic sventa quich'el ta muc' ti vu'un Diosune.#Lv 7.35-36. 29¿C'u cha'al ya'yel un cha'e ta xabajic ti milbil matanaletic ti vu'un laj cal ti c'otuc ta pasele? ¿C'u cha'al ech'em t'ujbil ta xich' ti anich'nabe, ti ja' mu sta ti vu'une? ¿C'u cha'al ja' no'ox ta sjubes sbaic ta sventa scotol ti lequiquil matanal ti ta xaq'uic ti calab jnich'nab Israele?’ 30Ja'uc le' un cha'e, ti Ajvalil ti ja' Dios yu'un ti Israele, ti laj yal ti ta xatunic o xchi'uc ti avalab anich'nabe, avi tana un, xi ta xal ta jamale: ‘Mu xcac' que jti' ti jech le'e. Ta xcac' ta ich'el ta muc' ti buch'u ta xiyac'un ta ich'el ta muq'ue. Ta xcac' ta q'uexlal ti buch'u ta xisoquesbeicun ti jc'oplale. Ti vu'un Ajvalilune mu me lo'iluc no'ox ta xcal. 31Avi tana li' une, sta xa yorail ta jtubbe sc'oplal ti amuc'ul atsatsalique, ti smuc'ul stsatsalic ti amolmuc'totaque. Mu'yuc buch'u ti avalab anich'nab ti jal ta xil ti xch'iel sc'opojele. 32Mu stac' a'yeluc ta xava'iic c'usi ta xapas xchi'uc avocol, xchi'uc sc'ac'al avo'nton, ti c'alal ta xavil ta aba ta asat ti lec scotol ti c'usi ta jpas ta stojol ti Israele, ti mu junuc ta xil jal ch'iel c'opojel ti anich'nabe. 33Ja'uc le' une, ta xquicta comel jun chibuc avuts' avalaltac ta sts'el ti caltare, ti xnelet no'ox liquel ti satique, ti set'sun no'ox ti yo'ntonic ta xlic it'ixajicuque. Ja'uc ti yan avuts' avalale, ta xich'ic milel. 34Xi s'elan senyail ta xc'ot ta atojol ti c'usi xc'ot ta stojol ti xchibal anich'on ti Ofnie xchi'uc ti Fineese: ta jun sc'ac'alil ta xcham ti xchibalique. 35Mi laj taj une, ta jva'an jun pale ti oy stuq'uil sjol yo'ntone, ti ta spas jech c'u cha'al oy ta co'ntone, ti c'usi nopbil cu'une. Mu'yuc spajeb ta xcac'be ti snitilultaque, ti ta xcom o ta yajtunel ti ajvalil ti buch'u vu'un laj jt'uje. 36Va'i un, ti buch'u cuxul to com ti anitilultaque, ta xtal sbic'tajes sbaic ta stojol yo' ta xtal sc'anbeic jsepuc plata taq'uin, mi ja' jxet'uc pan, ti xvocoletic xa ti ac'o ac'baticuc yabtelic ta stojol ti paleetique, yo' jech xu' ta sta ti sve'elique.’ ”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblia en Tzotzil de Chamula, Chiapas, México © Sociedad Bíblica de México, A.C. 2000