Rɔmɛri̧ 8
8
Káwa a ndísɛ̌ʼɛ ka ŋgboro a Têm a Gáŋvbôn
1Ŋgɛŋnɛ́, walɓay a Gáŋvbôn zi tí tûl a njukuri ka e mbêw kuu Zezú Kiris mbaa. 2Ɓayhí̧lé, sáŋna a Têm Pukí ka hí̧ ndísɛ̌ʼɛ ka ŋgboro a Zezú Kiris, ten mi a ɓil sáŋna a ɓéké rá̧ hûl dá. 3Hɛ̧ ka ŋgɛ́rɛ mambá hí̧ sáŋna a Mɔyíze, ɓayhí̧lé hay mûn ŋgá̧ ŋgboro niŋ hɛ̧ hí̧ nɛ́. Dáy Gáŋvbôn, ɓay a lú ɓéké, walɓay ŋgbá ɓéké a ɓil hay mûn, a pé ɓay tûl a ɓéké, Gun ɓilé gí tísiri, a ɓil hay mûn, mambɛ̧́nɛ́ kuu ɓéké njuku. 4Gáŋvbôn niŋ nǎŋnɔ́, ɓay ná ziŋ káwa a ndáráké ka sáŋna vbí, manárí̧ ka zi séséna ka ŋgboro hay mûn mbaa, dáy ka a séséna ka ŋgboro a Têm Pukí. 5Katína, njukuri ka kaw ka ŋgboro a hay mûn, ɛ́ ŋgboro niŋ hɛ̧ ka hay mûn ziy. Dáy njukuri ka kaw ka ŋgboro a Têm Pukí, ɛ́ ŋgboro niŋ hɛ̧ ka Têm Pukí ziy. 6Dáy tɔ́ŋ niŋ hɛ̧ ka hay mûn ziy, ɓá njuku sé hûl. Nǎŋnɔ́, tɔ́ŋ niŋ hɛ̧ ka Têm Pukí ziy, ɓá njuku sé káwa ndísɛ̌ʼɛ rá̧ káwa a vónáké. 7Njukuri ka niŋ ɓá péna a hay mûn a kuriri, kaw ɓá njuku ŋgá̧na a Gáŋvbônri̧, ɓayhí̧lé kú zi tɔ́ŋ sáŋna a Gáŋvbôn nyá, a zi marú̧ nyá. 8Njukuri ka tɔ́ŋ ɓá péna a hay mûn a kuriri, zi ma niŋ hɛ̧ ka ri Gáŋvbôn nyá.
9Dáy a wǎyri, i zi kaw ka ŋgboro a hay mûn mbaa, i kaw ka ŋgboro a Têm Pukí, ɓayhí̧lé, Têm a Gáŋvbôn kaw kuu wǎyri. Dáy njuku, mí zi tí ka Têm a Kiris yáy, ké zi tí ɓá njuku a Kiris yá. 10Rá̧ Kiris mí e kuu wǎyri, katína, tɔ́ʼɔ ɓá mûn a wǎyri hú ɓay a ɓéké dá, dáy Têm e ka ndísɛ̌ʼɛ ka mûn a wǎyri, ɓayhí̧lé, i ziŋ káwa ndáráké a mbɛl a Gáŋvbôn. 11Dáy Têm a njuku, ka toma Zezú a bazeŋ a hûlri, mí e ka mûn a wǎyri, tɔ́ʼɔ ɓá Gáŋvbôn ka toma Kiris a bazeŋ a hûlri, e hí̧ mûn a wǎyri ka húy, ndísɛ̌ʼɛ ka ŋgboro a Têm Pukí a mɛ̌, ka e ka mûn a wǎyri.
12Nǎŋnɔ́ dáy, nyîn nírí̧, ná erú ka túna a tûl nárí̧ ɓay a púnáké, dáy zi tí ɓá sé ŋgboro a hay mûn rá̧lǒo ná ziŋ káwa ka ŋgboro a zína mɛ̌ nyá. 13Wǎyri, mí kaw ka ŋgboro a hay mûn, i e ziŋ hûl. Dáy, wǎyri mí í péna niŋa a hay mûn ka ŋgboro Têm Pukíy, i e ziŋ káwa ndísɛ̌ʼɛ. 14Ɓayhí̧lé njukuri too ka Têm a Gáŋvbôn tɔ́ʼɔ kuriri ŋgboroy, kaw ɓá gun a Gáŋvbôn. 15Dáy, Têm ka i ziŋ, zi tí ɓá têm ka ɓá wǎyri tɛ̧́ koy, ka ɓá wǎyri mbá ka wɔ́w yá, ɓá Têm Pukí ka ɓá wǎyri tɛ̧́ gun a Gáŋvbôn, ka a hí̧ wǎyri ŋgboro vbá̧nzáʼa ɓá: «Aba, Bâa a mǐ!» 16Têm a Gáŋvbôn ka mûn nɛ́, kaw sa hí̧ têm mûn a manárí̧, ɓá ná kaw ɓá gun a Gáŋvbôn. 17Dáy ná kaw ɓá gun a Gáŋvbôn lé, tɔ́ʼɔ ɓá, ná kaw ɓá gun nyandal a hɛ̧zíŋa mɛ̌: nyandal a Gáŋvbôn rá̧ nyandal kuu Kiris kɔ́, ɓayhí̧lé, manárí̧ mí tɔ́ʼɔsêe kuu Kiris, ná e kaw kuu mɛ̌ kɔ́ a ɓil hɔ̧́na.
Hɔ̧́na ka e gínay
18Mi kɛrɛ ɓá tɔ́ʼɔsêe a manárí̧ a ŋgɛŋnɛ́, ná zi ma ɓá léhá̧na kuu hɔ̧́na a Gáŋvbôn, ka e gína, a ké e tɔ́ʼɔ nárí̧ nyá. 19Nǎŋnɔ́, hɛ̧ri̧ ka Gáŋvbôn mɔny too, zoko, a erú ka nzala kó nâm ka Gáŋvbôn e tɔ́ʼɔ gun a mɛ̌ri̧. 20Ɓayhí̧lé, hɛ̧ri̧ ka Gáŋvbôn mɔny too, e ka bɔʼɔ a ŋgɛ́rɛ a hɛ̧ri̧, ka zi ma ɓá njuku sé gel a há̧na nyáy. Tí ɓá ka zína a kuriri yá, ɓá ka zína a Gáŋvbôn. A ɓilké nɔ́ too, mbílaw erú; 21ɓayhí̧lé, hɛ̧ri̧ ka Gáŋvbôn mɔny too e ziŋ tɛ̧́na a sêe a há̧na, ka bɔʼɔ ŋgɛ́rɛ a hɛ̧ri̧ ka ɓew kuriri, ka a ŋgbá kuriri ɓá koy, ɓay a ziŋ káwa a ɓil tɛ̧́na a hɔ̧́náké a gun a Gáŋvbônri̧. 22Ná tu ɓá táŋáké, hɛ̧ri̧ ka Gáŋvbôn mɔny too, kaw vúmûn, a kaw tɔ́ʼɔsêe a ŋgɛŋnɛ́, ɓá báŋa wûnynjuku ka kaw mbuŋay. 23Dáy, tí ɓá hɛ̧ri̧ ka Gáŋvbôn mɔny mbêw yáŋ yá, manárí̧ kɔ́, ka ziŋ Têm Pukí ɓá báŋa hɛ̧hí̧na mbêw a bazeŋ a hɛ̧hí̧nari̧ ka Gáŋvbôn hí̧nzáʼay, ná ka vúna a ɓil law manárí̧, a kaw zoko nâm ka Gáŋvbôn e ten nárí̧ wɔm, ɓay a ɓá nárí̧ tɛ̧́ gun a mɛ̌y. 24Katína ɓá ka ŋgboro a mbílaw mbêw yáŋ, pé ná tu ɓá, ná pɛ̧́ dá, ɓayhí̧lé, manárí̧ mí kó hɛ̧ ka ná mbílaw a manárí̧ sé tûlké dáy, zi tí ɓá mbílaw mbaa. A gé e mbílaw sé tûl hɛ̧ a ké kó dáy lé? 25Dáy, ná mbílaw sé tûl hɛ̧ ka ná zi kó yá ɓáy lé, ná zoko a ɓil ikilaw.
26Ɓá mbêwké, Têm Pukí kɔ́ gí hí̧ndɔ̂ʼɔ hí̧ nárí̧, ɓayhí̧lé ná zi tu a̧hí̧ ɓá hɛ̧ a béláké, ka ná e vbínáké a ɓil gɔ́ŋhɛ̧ a manárí̧ nyá. Dáy, Têm Pukí ka mûn nɛ́, kaw vbí Gáŋvbôn a gel a manárí̧, ka ŋgboro a ɓay ka nzáʼa manárí̧ zi sa yáy. 27Nǎŋnɔ́, Gáŋvbôn ka tu hɛ̧ ka e ɓil law, tu hɛ̧ ka Têm Pukí zi ɓay a vbí nɛ́y. Ɓayhí̧lé, Têm Pukí gɔ́ŋhɛ̧ ɓay tûl a njuku a láɓulawri, ɓá báŋké ka Gáŋvbôn ziy.
28Ná tu ɓá, hɛ̧ri̧ too ka niŋ, niŋ ɓay tûl béla a njukuri ka zi Gáŋvbôn, njukuri a ké ɗí kuriri, ka ŋgboro a hɛ̧ a ké tí mɔny a ɓil lawɛ́. 29Ɓayhí̧lé, Gáŋvbôn tí ten kuriri, a tí mɔny kuriri ɗambɛl ɓay a ké ɓá kuriri tɛ̧́ ɛ́ŋ Gun a mɛ̌ Zezú, rá̧ Gun mɛ̌, ké kaw ɓá mbɔŋɔ gun a ɓil gun a mɛ̌ri̧ ɓá ŋgɛ̧́náké. 30Njukuri ka Gáŋvbôn tí ɓá kuriri kaw ɓórí ɗambɛl, ké ɗí kuriri kɔ́, ka njukuri a ké ɗí kuriri, ké ɓá kuriri tɛ̧́ njuku a ndárákéri a mbɛlɛ́, nǎŋnɔ́, njukuri a ké ɓá kuriri tɛ̧́ njuku a ndárákéri, ké hí̧ kuriri kɔ́ hɔ̧́na a mɛ̌.
Hɔ̧́na a zína a Gáŋvbôn
31A̧hí̧ ná e sanáké ɓáy lé? Gáŋvbôn, mí e kuu manárí̧, a gé e kaw ɓá njuku ŋgá̧na a manárí̧ lé? 32Mɛ̌, ka zi pɔŋ Gun ɓilé yá, dáy ka a ɓá nɛ́ tɔ́ʼɔsêe ɓay tûl a manárí̧ too. E ná a̧ní rá̧, ké tí hí̧ nárí̧ hɛ̧ too kuu Gun ná mɛ̌ baa nyá lé? 33A gé, e reɓay ka̧n nzáʼa njukuri ka Gáŋvbôn ten kuriri lé? Ɓayhí̧lé, ɓá Gáŋvbôn, pé sa kú zi niŋ ɓéké yá! 34A gé, e ɓá ɓay ŋgbá kuriri lé? Njuku a há̧na mbêw zi tí yá! Ɓayhí̧lé, Zezú Kiris pé ɓá njuku ka ziŋ hûl, falké ké toma ka hûl, a kaw a ndɔ̂ʼɔ lâʼa a Gáŋvbôn, a kaw gɔ́ŋ Gáŋvbôn ɓay a manárí̧. 35A gé ma ɓay a wal manárí̧ kuu zína a Kiris lé? Ɓá káwa sêe rá̧ lawyíra malé, ɓá tɔ́ʼɔsêe rá̧ nzala malé, ɓá fóya malé, hûl rá̧ gá̧má lé? 36Ɓá báŋké ka ɗé ka̧n ɓil Mbété ɓá:
«Ɓay tûló, pé rú kaw ɗɛ́ŋ kuu hûl sêe too,
Kú kó rú ɓá báŋa a mbóléri, a kú ŋgbá kuriri sé vbénáy.»
37Dáy, a ɓilké nɔ́ too, rú ndé ka ŋgɛ́rɛ, ka ŋgboro a njuku ka zi nárí̧. 38Ɓayhí̧lé, mi tu ɓá, hɛ̧ a há̧na mbêw zi ma wal manárí̧ kuu zína a Gáŋvbôn nyá: Ɓá hûl malé ndísɛ̌ʼɛ lé? Aŋnzeri malé kpɔ́ŋa a fékéri a nûnalê lé? Sêe a ŋgɛŋnɛ́ malé sêe a pélé lé? 39Gáŋa a nûnalê malé ɗína a tísiri lé? Hɛ̧ a há̧na mbêw, zi ma wal nárí̧ kuu zína a Gáŋvbôn, ka tɔ́ʼɔ nárí̧ ka ŋgboro a Zezú Kiris, Gáŋmbây a manárí̧ nyá.
Currently Selected:
Rɔmɛri̧ 8: pnz
Highlight
Copy
Compare
Share
Want to have your highlights saved across all your devices? Sign up or sign in
© 2023 CABTAL
Rɔmɛri̧ 8
8
Káwa a ndísɛ̌ʼɛ ka ŋgboro a Têm a Gáŋvbôn
1Ŋgɛŋnɛ́, walɓay a Gáŋvbôn zi tí tûl a njukuri ka e mbêw kuu Zezú Kiris mbaa. 2Ɓayhí̧lé, sáŋna a Têm Pukí ka hí̧ ndísɛ̌ʼɛ ka ŋgboro a Zezú Kiris, ten mi a ɓil sáŋna a ɓéké rá̧ hûl dá. 3Hɛ̧ ka ŋgɛ́rɛ mambá hí̧ sáŋna a Mɔyíze, ɓayhí̧lé hay mûn ŋgá̧ ŋgboro niŋ hɛ̧ hí̧ nɛ́. Dáy Gáŋvbôn, ɓay a lú ɓéké, walɓay ŋgbá ɓéké a ɓil hay mûn, a pé ɓay tûl a ɓéké, Gun ɓilé gí tísiri, a ɓil hay mûn, mambɛ̧́nɛ́ kuu ɓéké njuku. 4Gáŋvbôn niŋ nǎŋnɔ́, ɓay ná ziŋ káwa a ndáráké ka sáŋna vbí, manárí̧ ka zi séséna ka ŋgboro hay mûn mbaa, dáy ka a séséna ka ŋgboro a Têm Pukí. 5Katína, njukuri ka kaw ka ŋgboro a hay mûn, ɛ́ ŋgboro niŋ hɛ̧ ka hay mûn ziy. Dáy njukuri ka kaw ka ŋgboro a Têm Pukí, ɛ́ ŋgboro niŋ hɛ̧ ka Têm Pukí ziy. 6Dáy tɔ́ŋ niŋ hɛ̧ ka hay mûn ziy, ɓá njuku sé hûl. Nǎŋnɔ́, tɔ́ŋ niŋ hɛ̧ ka Têm Pukí ziy, ɓá njuku sé káwa ndísɛ̌ʼɛ rá̧ káwa a vónáké. 7Njukuri ka niŋ ɓá péna a hay mûn a kuriri, kaw ɓá njuku ŋgá̧na a Gáŋvbônri̧, ɓayhí̧lé kú zi tɔ́ŋ sáŋna a Gáŋvbôn nyá, a zi marú̧ nyá. 8Njukuri ka tɔ́ŋ ɓá péna a hay mûn a kuriri, zi ma niŋ hɛ̧ ka ri Gáŋvbôn nyá.
9Dáy a wǎyri, i zi kaw ka ŋgboro a hay mûn mbaa, i kaw ka ŋgboro a Têm Pukí, ɓayhí̧lé, Têm a Gáŋvbôn kaw kuu wǎyri. Dáy njuku, mí zi tí ka Têm a Kiris yáy, ké zi tí ɓá njuku a Kiris yá. 10Rá̧ Kiris mí e kuu wǎyri, katína, tɔ́ʼɔ ɓá mûn a wǎyri hú ɓay a ɓéké dá, dáy Têm e ka ndísɛ̌ʼɛ ka mûn a wǎyri, ɓayhí̧lé, i ziŋ káwa ndáráké a mbɛl a Gáŋvbôn. 11Dáy Têm a njuku, ka toma Zezú a bazeŋ a hûlri, mí e ka mûn a wǎyri, tɔ́ʼɔ ɓá Gáŋvbôn ka toma Kiris a bazeŋ a hûlri, e hí̧ mûn a wǎyri ka húy, ndísɛ̌ʼɛ ka ŋgboro a Têm Pukí a mɛ̌, ka e ka mûn a wǎyri.
12Nǎŋnɔ́ dáy, nyîn nírí̧, ná erú ka túna a tûl nárí̧ ɓay a púnáké, dáy zi tí ɓá sé ŋgboro a hay mûn rá̧lǒo ná ziŋ káwa ka ŋgboro a zína mɛ̌ nyá. 13Wǎyri, mí kaw ka ŋgboro a hay mûn, i e ziŋ hûl. Dáy, wǎyri mí í péna niŋa a hay mûn ka ŋgboro Têm Pukíy, i e ziŋ káwa ndísɛ̌ʼɛ. 14Ɓayhí̧lé njukuri too ka Têm a Gáŋvbôn tɔ́ʼɔ kuriri ŋgboroy, kaw ɓá gun a Gáŋvbôn. 15Dáy, Têm ka i ziŋ, zi tí ɓá têm ka ɓá wǎyri tɛ̧́ koy, ka ɓá wǎyri mbá ka wɔ́w yá, ɓá Têm Pukí ka ɓá wǎyri tɛ̧́ gun a Gáŋvbôn, ka a hí̧ wǎyri ŋgboro vbá̧nzáʼa ɓá: «Aba, Bâa a mǐ!» 16Têm a Gáŋvbôn ka mûn nɛ́, kaw sa hí̧ têm mûn a manárí̧, ɓá ná kaw ɓá gun a Gáŋvbôn. 17Dáy ná kaw ɓá gun a Gáŋvbôn lé, tɔ́ʼɔ ɓá, ná kaw ɓá gun nyandal a hɛ̧zíŋa mɛ̌: nyandal a Gáŋvbôn rá̧ nyandal kuu Kiris kɔ́, ɓayhí̧lé, manárí̧ mí tɔ́ʼɔsêe kuu Kiris, ná e kaw kuu mɛ̌ kɔ́ a ɓil hɔ̧́na.
Hɔ̧́na ka e gínay
18Mi kɛrɛ ɓá tɔ́ʼɔsêe a manárí̧ a ŋgɛŋnɛ́, ná zi ma ɓá léhá̧na kuu hɔ̧́na a Gáŋvbôn, ka e gína, a ké e tɔ́ʼɔ nárí̧ nyá. 19Nǎŋnɔ́, hɛ̧ri̧ ka Gáŋvbôn mɔny too, zoko, a erú ka nzala kó nâm ka Gáŋvbôn e tɔ́ʼɔ gun a mɛ̌ri̧. 20Ɓayhí̧lé, hɛ̧ri̧ ka Gáŋvbôn mɔny too, e ka bɔʼɔ a ŋgɛ́rɛ a hɛ̧ri̧, ka zi ma ɓá njuku sé gel a há̧na nyáy. Tí ɓá ka zína a kuriri yá, ɓá ka zína a Gáŋvbôn. A ɓilké nɔ́ too, mbílaw erú; 21ɓayhí̧lé, hɛ̧ri̧ ka Gáŋvbôn mɔny too e ziŋ tɛ̧́na a sêe a há̧na, ka bɔʼɔ ŋgɛ́rɛ a hɛ̧ri̧ ka ɓew kuriri, ka a ŋgbá kuriri ɓá koy, ɓay a ziŋ káwa a ɓil tɛ̧́na a hɔ̧́náké a gun a Gáŋvbônri̧. 22Ná tu ɓá táŋáké, hɛ̧ri̧ ka Gáŋvbôn mɔny too, kaw vúmûn, a kaw tɔ́ʼɔsêe a ŋgɛŋnɛ́, ɓá báŋa wûnynjuku ka kaw mbuŋay. 23Dáy, tí ɓá hɛ̧ri̧ ka Gáŋvbôn mɔny mbêw yáŋ yá, manárí̧ kɔ́, ka ziŋ Têm Pukí ɓá báŋa hɛ̧hí̧na mbêw a bazeŋ a hɛ̧hí̧nari̧ ka Gáŋvbôn hí̧nzáʼay, ná ka vúna a ɓil law manárí̧, a kaw zoko nâm ka Gáŋvbôn e ten nárí̧ wɔm, ɓay a ɓá nárí̧ tɛ̧́ gun a mɛ̌y. 24Katína ɓá ka ŋgboro a mbílaw mbêw yáŋ, pé ná tu ɓá, ná pɛ̧́ dá, ɓayhí̧lé, manárí̧ mí kó hɛ̧ ka ná mbílaw a manárí̧ sé tûlké dáy, zi tí ɓá mbílaw mbaa. A gé e mbílaw sé tûl hɛ̧ a ké kó dáy lé? 25Dáy, ná mbílaw sé tûl hɛ̧ ka ná zi kó yá ɓáy lé, ná zoko a ɓil ikilaw.
26Ɓá mbêwké, Têm Pukí kɔ́ gí hí̧ndɔ̂ʼɔ hí̧ nárí̧, ɓayhí̧lé ná zi tu a̧hí̧ ɓá hɛ̧ a béláké, ka ná e vbínáké a ɓil gɔ́ŋhɛ̧ a manárí̧ nyá. Dáy, Têm Pukí ka mûn nɛ́, kaw vbí Gáŋvbôn a gel a manárí̧, ka ŋgboro a ɓay ka nzáʼa manárí̧ zi sa yáy. 27Nǎŋnɔ́, Gáŋvbôn ka tu hɛ̧ ka e ɓil law, tu hɛ̧ ka Têm Pukí zi ɓay a vbí nɛ́y. Ɓayhí̧lé, Têm Pukí gɔ́ŋhɛ̧ ɓay tûl a njuku a láɓulawri, ɓá báŋké ka Gáŋvbôn ziy.
28Ná tu ɓá, hɛ̧ri̧ too ka niŋ, niŋ ɓay tûl béla a njukuri ka zi Gáŋvbôn, njukuri a ké ɗí kuriri, ka ŋgboro a hɛ̧ a ké tí mɔny a ɓil lawɛ́. 29Ɓayhí̧lé, Gáŋvbôn tí ten kuriri, a tí mɔny kuriri ɗambɛl ɓay a ké ɓá kuriri tɛ̧́ ɛ́ŋ Gun a mɛ̌ Zezú, rá̧ Gun mɛ̌, ké kaw ɓá mbɔŋɔ gun a ɓil gun a mɛ̌ri̧ ɓá ŋgɛ̧́náké. 30Njukuri ka Gáŋvbôn tí ɓá kuriri kaw ɓórí ɗambɛl, ké ɗí kuriri kɔ́, ka njukuri a ké ɗí kuriri, ké ɓá kuriri tɛ̧́ njuku a ndárákéri a mbɛlɛ́, nǎŋnɔ́, njukuri a ké ɓá kuriri tɛ̧́ njuku a ndárákéri, ké hí̧ kuriri kɔ́ hɔ̧́na a mɛ̌.
Hɔ̧́na a zína a Gáŋvbôn
31A̧hí̧ ná e sanáké ɓáy lé? Gáŋvbôn, mí e kuu manárí̧, a gé e kaw ɓá njuku ŋgá̧na a manárí̧ lé? 32Mɛ̌, ka zi pɔŋ Gun ɓilé yá, dáy ka a ɓá nɛ́ tɔ́ʼɔsêe ɓay tûl a manárí̧ too. E ná a̧ní rá̧, ké tí hí̧ nárí̧ hɛ̧ too kuu Gun ná mɛ̌ baa nyá lé? 33A gé, e reɓay ka̧n nzáʼa njukuri ka Gáŋvbôn ten kuriri lé? Ɓayhí̧lé, ɓá Gáŋvbôn, pé sa kú zi niŋ ɓéké yá! 34A gé, e ɓá ɓay ŋgbá kuriri lé? Njuku a há̧na mbêw zi tí yá! Ɓayhí̧lé, Zezú Kiris pé ɓá njuku ka ziŋ hûl, falké ké toma ka hûl, a kaw a ndɔ̂ʼɔ lâʼa a Gáŋvbôn, a kaw gɔ́ŋ Gáŋvbôn ɓay a manárí̧. 35A gé ma ɓay a wal manárí̧ kuu zína a Kiris lé? Ɓá káwa sêe rá̧ lawyíra malé, ɓá tɔ́ʼɔsêe rá̧ nzala malé, ɓá fóya malé, hûl rá̧ gá̧má lé? 36Ɓá báŋké ka ɗé ka̧n ɓil Mbété ɓá:
«Ɓay tûló, pé rú kaw ɗɛ́ŋ kuu hûl sêe too,
Kú kó rú ɓá báŋa a mbóléri, a kú ŋgbá kuriri sé vbénáy.»
37Dáy, a ɓilké nɔ́ too, rú ndé ka ŋgɛ́rɛ, ka ŋgboro a njuku ka zi nárí̧. 38Ɓayhí̧lé, mi tu ɓá, hɛ̧ a há̧na mbêw zi ma wal manárí̧ kuu zína a Gáŋvbôn nyá: Ɓá hûl malé ndísɛ̌ʼɛ lé? Aŋnzeri malé kpɔ́ŋa a fékéri a nûnalê lé? Sêe a ŋgɛŋnɛ́ malé sêe a pélé lé? 39Gáŋa a nûnalê malé ɗína a tísiri lé? Hɛ̧ a há̧na mbêw, zi ma wal nárí̧ kuu zína a Gáŋvbôn, ka tɔ́ʼɔ nárí̧ ka ŋgboro a Zezú Kiris, Gáŋmbây a manárí̧ nyá.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2023 CABTAL