Rɔmɛri̧ 1
1
Hɛ̧nama
1Mǐ Pôl, njukupéna a Zezú Kiris, ka ziŋ ɗína ɓay a kaw ɓá apotere, Gáŋvbôn ɓá mí kaw ɓórí, ɓay a tɔ́ʼɔ Bélaɓay a mɛ̌. 2Bélaɓay ka Gáŋvbôn tí hí̧nzáʼa a ɓil Mbété a mɛ̌ í̧ŋásá̧, ka ŋgboro a porofɛ́t a mɛ̌ri̧. 3Bélaɓayké, kó gun a mɛ̌ Zezú Kiris Gáŋmbây a manárí̧, ka ziŋ mbuŋa a ɓil sɛl î̧n a Davít, ka ŋgboro a hay mûn, 4rá̧ ka ŋgboro a Têm Pukí, kú ɗí nɛ́ ɓá gun a Gáŋvbôn ka kpɔ́ŋa: ka ŋgboro a toma nɛ́ a hûl. 5Ka ŋgboro mɛ̌, Gáŋvbôn hí̧ mí béla kaw ɓá apotere a mɛ̌, rá̧ mí ɓá njuku a fékéri ka tísiri too, kú láɓulaw hí̧ nɛ́ a kú lá nɛ́. 6Wǎyri, i e a ɓil a kuriri kɔ́, wǎyri ka Gáŋvbôn ɗí wǎyri ɓay a i kaw ɓá njuku a Zezú Kiris.
7Mi ɗé mbété nɛ́ hí̧ wǎyri ka tísiri a Rɔm, wǎyri ka Gáŋvbôn zi, ka a ɗí wǎyri, ɓay i kaw ɓay a mɛ̌y. Béla rá̧ a vónáké a Gáŋvbôn Bâa manárí̧ rá̧ Gáŋmbây Zezú Kiris, ké kaw kuu wǎyri.
Pôl zi ɓay a sé kó njuku a Kirisri a Rɔm
8Mi zi awá ɗambɛl hí̧ Gáŋvbôn ka ŋgboro a Zezú Kiris, ɓay a wǎyri too, ɓayhí̧lé kú saɓay a láɓulaw a wǎyri, magél too ka tísiriri. 9Gáŋvbôn tu ɓá mi kaw sa gbátɓay, mɛ̌ ka mi kaw niŋ péna a mɛ̌ ka law mbêw, ka a tɔ́ʼɔ Bélaɓay ka kó gun a mɛ̌y. Ké tu ɓá mi kaw kɛrɛ ɓay a wǎyri dát, 10sêe too ka mi kaw gɔ́ŋ nɛ́y. Mi kaw vbí Gáŋvbôn ɓá, ké mi ziy lé, ké hí̧ mí ŋgboro sé gel a wǎyri. 11Katína, mi e ka haŋ kó wǎyri, ɓay a mi gérú hí̧ wǎyri hɛ̧hí̧na a Têm Pukí rá̧ ké ma kpúmûn a wǎyri. 12A féké ɓáy, mi zi ɓay a gé bazeŋ a wǎyri, ɓay a ná ziŋ kpúmûn a há̧narí̧ mbêw mbêw, mǐ ka ŋgboro a láɓulaw a wǎyri rá̧ a wǎyri ka ŋgboro a láɓulaw a mǐ.
13Mi zi ɓá i tu, nyîn nírí̧, ɓá mi mɔny ɓay a gé gel a wǎyri dát, dáy ŋgboro zi ŋgburu hí̧ mí nyá ka̧ ŋgɛŋnɛ́. Mi zi ɓá péna a mǐ, ké hí̧ léna kɔ́ a gel a wǎyri, ɓá báŋké ka hí̧ léna a gel a njuku a fékéri ka tísiriy. 14Zi ka zi yá, belɓá mi sé gel a njukuri too, njuku nûn a ŋgbúrákéri rá̧ njuku nûn a ŋgburuyákéri, njuku hɛ̧túnari̧ rá̧ njukuri ka zi tu hɛ̧ nyáy. 15Ɓaykénɔ́, pé mi erú ka nzala sé tɔ́ʼɔ Bélaɓayké kɔ́ hí̧ wǎyri, wǎyri ka e a Rɔm.
Kpɔ́ŋa a Bélaɓay
16Mi zi tí ka sɔ̧rɔ̧ tɔ́ʼɔ Bélaɓay yá, ɓayhí̧lé ɓá kpɔ́ŋa a Gáŋvbôn ɓay a pɛ̧́ njukuri too ka láɓulaw, Juyífri tí ɗambɛl rá̧ njukuri ka zi tí ɓá Juyífri yáy tɔ́ŋ rú̧. 17Katína, Bélaɓay tɔ́ʼɔ káwa a ndáráké a Gáŋvbôn ka ŋgboro a láɓulaw, láɓulaw mbêw yáŋ, ɓá báŋké ka Mbété a mɛ̌ sáy: «Njuku a ndáráké e ziŋ káwa ndísɛ̌ʼɛ ka ŋgboro a láɓulaw.»
Njukuri too ɓá njuku niŋ ɓékéhɛ̧ri̧
18Hɛ́rɛ a Gáŋvbôn tɔ́ʼɔ mûn nɛ́ a nûnalê, ɓay tûl a ɓékéhɛ̧ri̧ rá̧ ɓéké káwa a njukuri ka de ŋgboro hí̧ gbátɓay. 19A tu ɓá, hɛ̧ ka njuku ma túna sé tûl a Gáŋvbôn, ná ɓá táŋáké hí̧ njukuri too, ɓayhí̧lé, Gáŋvbôn ka mûn nɛ́ tɔ́ʼɔ hí̧ kuriri ɓá táŋáké. 20Katína, tí a sêe ka Gáŋvbôn mɔny tísiri rá̧ nûnalêy, hɛ̧ a múnáké a mɛ̌, ka zi ɓay a sa ɓá, kpɔ́ŋa a mɛ̌ ka kɔ́rɔ́ké zi tí yáy rá̧ káwa mɛ̌ ɓá Gáŋvbôn, ná ɓá hɛ̧ ka njukuri too kó ɓá táŋáké, gelka kú mí kó hɛ̧ri̧ a ké niŋ. Nǎŋnɔ́ Gáŋvbôn tí pɔŋ kuriri yá. 21Ɓayhí̧lé, kú tu Gáŋvbôn, dáy a zi hɔ̧́ nɛ́ nyá, ka zi awá hí̧ nɛ́ ɓá báŋké ka kú e zi awá hí̧ nɛ́, mɛ̌ a ké ɓá Gáŋvbôn nyá. Dáy, kú ɓɔ́l a ɓil kɛrɛ a kuriri, nǎŋnɔ́ kɛrɛ a kuriri táŋ hɛ̧túna ɓá kuriri ri ɓil tirí̧ma. 22Kú mbí mûn a kuriri, ɓá kú kaw ɓá njuku a rɔ̧́nakéri, a tu ɓá, kú kaw ɓá dɔ̂ʼɔri yá. 23Nǎŋnɔ́, kú ɗél ɓá hɛ̧ri̧ ka ɓá têm a njukuri ka e hûl, têm a ndoyri, têm a sâ̧nyri̧ rá̧ sôyri, a pɔŋ ɗél hɔ̧́na a Gáŋvbôn ka ma hûl bɔʼɔ mbêw yáy.
24Ɓaykénɔ́ pé Gáŋvbôn pɔŋ kuriri niŋ ɓékéhɛ̧ri̧, ɓá báŋké ka law a kuriri ziy, nǎŋnɔ́, kú niŋ hɛ̧ sɔ̧rɔ̧ ka mûn a kuriri, a bazeŋ a kuriri. 25Kuriri ka fere gbátɓay a Gáŋvbôn tɛ̧́ kúŋɓay, ka hɔ̧́, a niŋ péna hí̧ hɛ̧ri̧ ka Gáŋvbôn mɔny, a sáŋ hɔ̧́ Gáŋvbôn, ka ɓá njuku ka mɔny hɛ̧ri̧ too ka mûn nɛ́, mɛ̌ ka ma ɗéla dát! Amɛn!
26Ɓaykénɔ́, pé Gáŋvbôn pɔŋ kuriri ka̧n ɓil zi hɛ̧ri̧ ka hí̧ sɔ̧rɔ̧. Nǎŋnɔ́ wûny a kuriri pɔŋ ná hîi ɓá báŋké kuu wɔ̧rɔ̧́ a kuriri, a niŋ dala a bazeŋ a kuriri wûnynjukuri, hɛ̧ ka ná ɓá hɛ̧sáʼama. 27Ɓá mbêwké kɔ́, wɔ̧rɔ̧́ a kuriri pɔŋ ná hîi ɓá báŋké kuu wûny a kuriri, a niŋ dala a bazeŋ a kuriri wɔ̧rɔ̧́njukuri. Kú niŋ hɛ̧sɔ̧rɔ̧ a bazeŋ a kuriri, nǎŋnɔ́, kú rezíŋ kpáʼandɔʼɔ péna a kuriri, ka sé ma bɔʼɔséna a kuriri.
28Ɓá báŋké nɔ́, a kú zi ɓay a tu Gáŋvbôn nyáy, Gáŋvbôn pɔŋ kuriri tɔ́ŋ ŋgboro hɛ̧túna kuriri ka ɓá rá̧náké, nǎŋnɔ́, kú niŋ ɓá hɛ̧ri̧ ka zi tí ɓá hɛ̧ niŋ a nyáy. 29Kú mbá ka mára̧ péna ɓékéri too, niŋ hɛ̧ belyáké, ɓá law ka̧n tûl hɛ̧ri̧, ŋgbɔ́rɔ, sɛ́rɛ, í hûlri, ɛ́ ɓayri, nzáʼa rɔ́ʼɔ, sáʼa hɛ̧, kúŋɓayri, 30kú sa ɓéké ɓay kɔ̧ tûl a há̧narí̧, kú kaw ɓá njuku ŋgá̧na a Gáŋvbôn, kú zi tí ka hɛ̧ hɛʼɛ yá, kú kaw ɓá njuku kpútûlri, njuku heré mûnri̧, njukuri a kaw ɗɛ́ŋ ɓay a niŋ ɓékéhɛ̧ri̧, njuku kpútûl kuu bâa rá̧ mâa kuriri, 31kú zi tí ka hɛ̧túna nyá, kú zi kaw law mbêw yá, kú zi tí ka haŋnjuku yá, a zi kósêe a njuku yá. 32Nǎŋnɔ́, kú tu walɓay a Gáŋvbôn ɓá táŋáké ka sa ɓá: Njukuri ka sé bɔʼɔséna nǎŋnɔ́ ma hûl, a zi tí ɓá ɓay a kú kaw niŋ ɓékéhɛ̧ké nɔ́ nyá, kú zibɔʼɔké ziŋ njukuri ka niŋ nǎŋnɔ́ kɔ́!
Currently Selected:
Rɔmɛri̧ 1: pnz
Highlight
Copy
Compare
Share
Want to have your highlights saved across all your devices? Sign up or sign in
© 2023 CABTAL
Rɔmɛri̧ 1
1
Hɛ̧nama
1Mǐ Pôl, njukupéna a Zezú Kiris, ka ziŋ ɗína ɓay a kaw ɓá apotere, Gáŋvbôn ɓá mí kaw ɓórí, ɓay a tɔ́ʼɔ Bélaɓay a mɛ̌. 2Bélaɓay ka Gáŋvbôn tí hí̧nzáʼa a ɓil Mbété a mɛ̌ í̧ŋásá̧, ka ŋgboro a porofɛ́t a mɛ̌ri̧. 3Bélaɓayké, kó gun a mɛ̌ Zezú Kiris Gáŋmbây a manárí̧, ka ziŋ mbuŋa a ɓil sɛl î̧n a Davít, ka ŋgboro a hay mûn, 4rá̧ ka ŋgboro a Têm Pukí, kú ɗí nɛ́ ɓá gun a Gáŋvbôn ka kpɔ́ŋa: ka ŋgboro a toma nɛ́ a hûl. 5Ka ŋgboro mɛ̌, Gáŋvbôn hí̧ mí béla kaw ɓá apotere a mɛ̌, rá̧ mí ɓá njuku a fékéri ka tísiri too, kú láɓulaw hí̧ nɛ́ a kú lá nɛ́. 6Wǎyri, i e a ɓil a kuriri kɔ́, wǎyri ka Gáŋvbôn ɗí wǎyri ɓay a i kaw ɓá njuku a Zezú Kiris.
7Mi ɗé mbété nɛ́ hí̧ wǎyri ka tísiri a Rɔm, wǎyri ka Gáŋvbôn zi, ka a ɗí wǎyri, ɓay i kaw ɓay a mɛ̌y. Béla rá̧ a vónáké a Gáŋvbôn Bâa manárí̧ rá̧ Gáŋmbây Zezú Kiris, ké kaw kuu wǎyri.
Pôl zi ɓay a sé kó njuku a Kirisri a Rɔm
8Mi zi awá ɗambɛl hí̧ Gáŋvbôn ka ŋgboro a Zezú Kiris, ɓay a wǎyri too, ɓayhí̧lé kú saɓay a láɓulaw a wǎyri, magél too ka tísiriri. 9Gáŋvbôn tu ɓá mi kaw sa gbátɓay, mɛ̌ ka mi kaw niŋ péna a mɛ̌ ka law mbêw, ka a tɔ́ʼɔ Bélaɓay ka kó gun a mɛ̌y. Ké tu ɓá mi kaw kɛrɛ ɓay a wǎyri dát, 10sêe too ka mi kaw gɔ́ŋ nɛ́y. Mi kaw vbí Gáŋvbôn ɓá, ké mi ziy lé, ké hí̧ mí ŋgboro sé gel a wǎyri. 11Katína, mi e ka haŋ kó wǎyri, ɓay a mi gérú hí̧ wǎyri hɛ̧hí̧na a Têm Pukí rá̧ ké ma kpúmûn a wǎyri. 12A féké ɓáy, mi zi ɓay a gé bazeŋ a wǎyri, ɓay a ná ziŋ kpúmûn a há̧narí̧ mbêw mbêw, mǐ ka ŋgboro a láɓulaw a wǎyri rá̧ a wǎyri ka ŋgboro a láɓulaw a mǐ.
13Mi zi ɓá i tu, nyîn nírí̧, ɓá mi mɔny ɓay a gé gel a wǎyri dát, dáy ŋgboro zi ŋgburu hí̧ mí nyá ka̧ ŋgɛŋnɛ́. Mi zi ɓá péna a mǐ, ké hí̧ léna kɔ́ a gel a wǎyri, ɓá báŋké ka hí̧ léna a gel a njuku a fékéri ka tísiriy. 14Zi ka zi yá, belɓá mi sé gel a njukuri too, njuku nûn a ŋgbúrákéri rá̧ njuku nûn a ŋgburuyákéri, njuku hɛ̧túnari̧ rá̧ njukuri ka zi tu hɛ̧ nyáy. 15Ɓaykénɔ́, pé mi erú ka nzala sé tɔ́ʼɔ Bélaɓayké kɔ́ hí̧ wǎyri, wǎyri ka e a Rɔm.
Kpɔ́ŋa a Bélaɓay
16Mi zi tí ka sɔ̧rɔ̧ tɔ́ʼɔ Bélaɓay yá, ɓayhí̧lé ɓá kpɔ́ŋa a Gáŋvbôn ɓay a pɛ̧́ njukuri too ka láɓulaw, Juyífri tí ɗambɛl rá̧ njukuri ka zi tí ɓá Juyífri yáy tɔ́ŋ rú̧. 17Katína, Bélaɓay tɔ́ʼɔ káwa a ndáráké a Gáŋvbôn ka ŋgboro a láɓulaw, láɓulaw mbêw yáŋ, ɓá báŋké ka Mbété a mɛ̌ sáy: «Njuku a ndáráké e ziŋ káwa ndísɛ̌ʼɛ ka ŋgboro a láɓulaw.»
Njukuri too ɓá njuku niŋ ɓékéhɛ̧ri̧
18Hɛ́rɛ a Gáŋvbôn tɔ́ʼɔ mûn nɛ́ a nûnalê, ɓay tûl a ɓékéhɛ̧ri̧ rá̧ ɓéké káwa a njukuri ka de ŋgboro hí̧ gbátɓay. 19A tu ɓá, hɛ̧ ka njuku ma túna sé tûl a Gáŋvbôn, ná ɓá táŋáké hí̧ njukuri too, ɓayhí̧lé, Gáŋvbôn ka mûn nɛ́ tɔ́ʼɔ hí̧ kuriri ɓá táŋáké. 20Katína, tí a sêe ka Gáŋvbôn mɔny tísiri rá̧ nûnalêy, hɛ̧ a múnáké a mɛ̌, ka zi ɓay a sa ɓá, kpɔ́ŋa a mɛ̌ ka kɔ́rɔ́ké zi tí yáy rá̧ káwa mɛ̌ ɓá Gáŋvbôn, ná ɓá hɛ̧ ka njukuri too kó ɓá táŋáké, gelka kú mí kó hɛ̧ri̧ a ké niŋ. Nǎŋnɔ́ Gáŋvbôn tí pɔŋ kuriri yá. 21Ɓayhí̧lé, kú tu Gáŋvbôn, dáy a zi hɔ̧́ nɛ́ nyá, ka zi awá hí̧ nɛ́ ɓá báŋké ka kú e zi awá hí̧ nɛ́, mɛ̌ a ké ɓá Gáŋvbôn nyá. Dáy, kú ɓɔ́l a ɓil kɛrɛ a kuriri, nǎŋnɔ́ kɛrɛ a kuriri táŋ hɛ̧túna ɓá kuriri ri ɓil tirí̧ma. 22Kú mbí mûn a kuriri, ɓá kú kaw ɓá njuku a rɔ̧́nakéri, a tu ɓá, kú kaw ɓá dɔ̂ʼɔri yá. 23Nǎŋnɔ́, kú ɗél ɓá hɛ̧ri̧ ka ɓá têm a njukuri ka e hûl, têm a ndoyri, têm a sâ̧nyri̧ rá̧ sôyri, a pɔŋ ɗél hɔ̧́na a Gáŋvbôn ka ma hûl bɔʼɔ mbêw yáy.
24Ɓaykénɔ́ pé Gáŋvbôn pɔŋ kuriri niŋ ɓékéhɛ̧ri̧, ɓá báŋké ka law a kuriri ziy, nǎŋnɔ́, kú niŋ hɛ̧ sɔ̧rɔ̧ ka mûn a kuriri, a bazeŋ a kuriri. 25Kuriri ka fere gbátɓay a Gáŋvbôn tɛ̧́ kúŋɓay, ka hɔ̧́, a niŋ péna hí̧ hɛ̧ri̧ ka Gáŋvbôn mɔny, a sáŋ hɔ̧́ Gáŋvbôn, ka ɓá njuku ka mɔny hɛ̧ri̧ too ka mûn nɛ́, mɛ̌ ka ma ɗéla dát! Amɛn!
26Ɓaykénɔ́, pé Gáŋvbôn pɔŋ kuriri ka̧n ɓil zi hɛ̧ri̧ ka hí̧ sɔ̧rɔ̧. Nǎŋnɔ́ wûny a kuriri pɔŋ ná hîi ɓá báŋké kuu wɔ̧rɔ̧́ a kuriri, a niŋ dala a bazeŋ a kuriri wûnynjukuri, hɛ̧ ka ná ɓá hɛ̧sáʼama. 27Ɓá mbêwké kɔ́, wɔ̧rɔ̧́ a kuriri pɔŋ ná hîi ɓá báŋké kuu wûny a kuriri, a niŋ dala a bazeŋ a kuriri wɔ̧rɔ̧́njukuri. Kú niŋ hɛ̧sɔ̧rɔ̧ a bazeŋ a kuriri, nǎŋnɔ́, kú rezíŋ kpáʼandɔʼɔ péna a kuriri, ka sé ma bɔʼɔséna a kuriri.
28Ɓá báŋké nɔ́, a kú zi ɓay a tu Gáŋvbôn nyáy, Gáŋvbôn pɔŋ kuriri tɔ́ŋ ŋgboro hɛ̧túna kuriri ka ɓá rá̧náké, nǎŋnɔ́, kú niŋ ɓá hɛ̧ri̧ ka zi tí ɓá hɛ̧ niŋ a nyáy. 29Kú mbá ka mára̧ péna ɓékéri too, niŋ hɛ̧ belyáké, ɓá law ka̧n tûl hɛ̧ri̧, ŋgbɔ́rɔ, sɛ́rɛ, í hûlri, ɛ́ ɓayri, nzáʼa rɔ́ʼɔ, sáʼa hɛ̧, kúŋɓayri, 30kú sa ɓéké ɓay kɔ̧ tûl a há̧narí̧, kú kaw ɓá njuku ŋgá̧na a Gáŋvbôn, kú zi tí ka hɛ̧ hɛʼɛ yá, kú kaw ɓá njuku kpútûlri, njuku heré mûnri̧, njukuri a kaw ɗɛ́ŋ ɓay a niŋ ɓékéhɛ̧ri̧, njuku kpútûl kuu bâa rá̧ mâa kuriri, 31kú zi tí ka hɛ̧túna nyá, kú zi kaw law mbêw yá, kú zi tí ka haŋnjuku yá, a zi kósêe a njuku yá. 32Nǎŋnɔ́, kú tu walɓay a Gáŋvbôn ɓá táŋáké ka sa ɓá: Njukuri ka sé bɔʼɔséna nǎŋnɔ́ ma hûl, a zi tí ɓá ɓay a kú kaw niŋ ɓékéhɛ̧ké nɔ́ nyá, kú zibɔʼɔké ziŋ njukuri ka niŋ nǎŋnɔ́ kɔ́!
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2023 CABTAL