Yesaya MAWU AWAAMBA
MAWU AWAAMBA
Nibukhunna ninaromolliwa Yesaya, namallotella oovuwa oyo akhalla o Yerusalemu ovenyera muyakha wa 750 ophiyera 700 Yesu ahinayariwe. Nibukhunna niri ni ezigawo ddiraru ekaamba yawi mawiiwa yallalleyiwe va enthawi ddoohiyana.
Muru 1—19 tti mawu owaachenjeza Ayuda va enthawi eyo mwene a Aasiriya awoopopiheeye. Yesaya anaalleella wi yuullupalli eyo enoononge okumiiwa khe masiva a Aasiriya koma ohiiwellella wiwa, machimwiiwa ni ohimuroromella Mulluku. Yesaya anaaveka athu ni oohoollelliiwa wi erukunuwe murima, yeereke ddoolungama ni ddoororomelleya vawi yaaheera ddiiddo ellapwiiwa eneerewoonongeya. Mawu amodda enallota ddawi muhoollo vineerokhalla murendelle virive veko nave mmodda a edduullu dda Davide aneerokhalla mwene aphaama ookeraatthiha echilungamo va ellapo yavatthi ettheene.
Muru 40—55 tti mawu owaallipiha murima Ayuda va enthawi eyo akhwiiwa anchichi ayo yakusiwe okaporo yahoosiwiiwa o Babiloni. Alla tti mawu oolonjeza ddaphaama ni oohihimulla echikhulupililo. Yesaya aallota wi Mulluku aneerewaavullusa naanweene ni waahokollosella owaniwa o Yerusalemu. Ehuddiho yuullupalli tti yawi Mulluku sika anookollella ddeko ddittheddene nave ohaavaha athwiiwa mutteko woomolleella mitundu ddimodda dda athu mwawi alliwattho eneerewaakhella madaliso oyeella mwa Aisraele. Mawu oodduwanyeyesesa tti awi Oorumeyella a Apwiya.
Muru 56—66 tti malangizo ni mawu mamodda awaallipiha murima Ayuda ayo yahokollweelle o Yerusalemu ovenyera o Babiloni. Yesaya annasimikizella wi Mulluku aneereweera ddittheddene alonjezilleeye. Koma alliwa enaphwanella weera ddoolungama ni ddoororomelleya ni ohiye murima va ddaweelliha nllapo na Sabata ni ovelleella mikutho. Mawu mamodda oodduwanyeya tti eri mu 61.1-2 ayo Yesu aapharihalleeye mutteko aambeelleeye ollalleya.
Miru dda muwarimmu
Ollotella ehinakusiwe oya wuukaporoni o Babiloni1.1—39.8
Mawu oochenjeza ni oolonjeza ddaphaama 1.1—12.6
Ollakiwa wa mitundu dda athu 13.1—23.18
Weeruziwa wa ellapo yavatthi 24.1—27.13
Mawu mamodda oochenjeza ni oolonjeza ddaphaama 28.1—35.10
Aasiriya enamoopopiha Hezekiya mwene a Ayuda 36.1—39.8
Ollotella woollipiha murima wuukaporoni 40.1—55.13
Ollotella ewiillewo wuukaporoni 56.1—66.24
Currently Selected:
Yesaya MAWU AWAAMBA: MW2019
Highlight
Share
Copy
Want to have your highlights saved across all your devices? Sign up or sign in
The Bible in Elhomwe © The Bible Society of Malawi, 2019.
Yesaya MAWU AWAAMBA
MAWU AWAAMBA
Nibukhunna ninaromolliwa Yesaya, namallotella oovuwa oyo akhalla o Yerusalemu ovenyera muyakha wa 750 ophiyera 700 Yesu ahinayariwe. Nibukhunna niri ni ezigawo ddiraru ekaamba yawi mawiiwa yallalleyiwe va enthawi ddoohiyana.
Muru 1—19 tti mawu owaachenjeza Ayuda va enthawi eyo mwene a Aasiriya awoopopiheeye. Yesaya anaalleella wi yuullupalli eyo enoononge okumiiwa khe masiva a Aasiriya koma ohiiwellella wiwa, machimwiiwa ni ohimuroromella Mulluku. Yesaya anaaveka athu ni oohoollelliiwa wi erukunuwe murima, yeereke ddoolungama ni ddoororomelleya vawi yaaheera ddiiddo ellapwiiwa eneerewoonongeya. Mawu amodda enallota ddawi muhoollo vineerokhalla murendelle virive veko nave mmodda a edduullu dda Davide aneerokhalla mwene aphaama ookeraatthiha echilungamo va ellapo yavatthi ettheene.
Muru 40—55 tti mawu owaallipiha murima Ayuda va enthawi eyo akhwiiwa anchichi ayo yakusiwe okaporo yahoosiwiiwa o Babiloni. Alla tti mawu oolonjeza ddaphaama ni oohihimulla echikhulupililo. Yesaya aallota wi Mulluku aneerewaavullusa naanweene ni waahokollosella owaniwa o Yerusalemu. Ehuddiho yuullupalli tti yawi Mulluku sika anookollella ddeko ddittheddene nave ohaavaha athwiiwa mutteko woomolleella mitundu ddimodda dda athu mwawi alliwattho eneerewaakhella madaliso oyeella mwa Aisraele. Mawu oodduwanyeyesesa tti awi Oorumeyella a Apwiya.
Muru 56—66 tti malangizo ni mawu mamodda awaallipiha murima Ayuda ayo yahokollweelle o Yerusalemu ovenyera o Babiloni. Yesaya annasimikizella wi Mulluku aneereweera ddittheddene alonjezilleeye. Koma alliwa enaphwanella weera ddoolungama ni ddoororomelleya ni ohiye murima va ddaweelliha nllapo na Sabata ni ovelleella mikutho. Mawu mamodda oodduwanyeya tti eri mu 61.1-2 ayo Yesu aapharihalleeye mutteko aambeelleeye ollalleya.
Miru dda muwarimmu
Ollotella ehinakusiwe oya wuukaporoni o Babiloni1.1—39.8
Mawu oochenjeza ni oolonjeza ddaphaama 1.1—12.6
Ollakiwa wa mitundu dda athu 13.1—23.18
Weeruziwa wa ellapo yavatthi 24.1—27.13
Mawu mamodda oochenjeza ni oolonjeza ddaphaama 28.1—35.10
Aasiriya enamoopopiha Hezekiya mwene a Ayuda 36.1—39.8
Ollotella woollipiha murima wuukaporoni 40.1—55.13
Ollotella ewiillewo wuukaporoni 56.1—66.24
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible in Elhomwe © The Bible Society of Malawi, 2019.