Yesaya 3
3
Nampallalla mu Yerusalemu
1Vano Apwiya, Mulluku Amasiva Mattheene, ehanlle vakhuviru omwaakha Yerusalemu ni Yuda nirive nikavihero nno athu enaroromelliiwa. Eneerewaakha yoocha ettheene ni maaddi mattheene, 2athu amasiva ni akhoto, oweeruza ni anamallotella, awoombesa ni attekweene, 3oohoollella akhoto ni athu oovahiwa olemu, alangizi ni amasenga navettho eeruso ya ezitumwa. 4Apwiya eneerewaatthoollella asombwe wi ekhalle mamweniiwa nave anamwani sika enaawaalamulelleke. 5Athu eneerekohoosana, arive muthu omuhoosa mukhwaaye. Asombwe eneerekoweerella epewe attekweene nave athu shisha eneerekewaavevulla oophwanella ovahiwa olemu.
6Enthawi yeeyo muthu aneerekompharella mmbale a mpa mwa attiitthinnya ni omulleella wi, “We wookhalla ni mukanjo sika okhalle oohoollellaahu nave ntepenna nikhalle m'mattani mwawo.”
7Koma vaavo mbalooyo aneerewaakhulla wi, “Iyaayi, miyaano nginapaalla! Ngiwora ochiriha vawi naari mpa mwaka nginna yoocha apaalle yoowara. Muhinakitthoolla wi kikhalle oohoollella a athu!”
8Ddawoona, Yerusalemu animamwareya nave Yuda animakumulliwa ddoollota ni ddaweera dda athu a mwemmo tti ddawaavevulla Apwiya, khenapwatha dda ntitimiho na Apwiya. 9Ennavaanyihiwa ni mooneyello a ekhove ddiwa. Ennachimwa vaweella wonanko athu a o Sodomu, kheniipittha. Otulli wa athu yaalla vawi yooddiithanella weekhiiwa ddoohoosa.
10Oodalisiwa tti athu oolungama#3.10: Ottaphullella wakhalle omodda wookhalla ni mawu awi Oodalisiwa…oolungama; mu Eheberi mookhalla mawu awi Alleelleni oolungama. vawi ddeko ddineeroweetella phaama nave eneerohakallalla ni mitteko dda mattiiwa. 11Koma otulli wa athu oonanara! Ddeko ddineerewaakatamiha vawi nnddo ekhanlliiwa eweerellaka akhwiiwa ddineerewaahokollweella.
12Athwaakanyu, asombwe sika enuuhoosani nave atthiyana sika enuulamulellani. Ha, athwaakanyu, enuuhollosani tti oohoollellaanyu nave enuuvirikanihellani ettilla ddanyu.
Apwiya enaweeruza athwiiwa
13Vano Apwiya aakhonzeka waamba mullatu, aakhozeka khalle wi eweeruze athwiiwa.#3.13: Ottaphullella wakhalle waamodda wookhalla ni mawu awi athwiiwa; mu Eheberi mookhalla mawu awi mitundu ddimodda dda athu. 14Apwiya enawiipa mullatu attekweene ni oohoollella a athwiiwa. Enaahumullulla wi, “Nyu sika moonongille emata yampesa nave enyumba ddanyu ddooddalla ni ddeko ddawaakha ovenyera wa oohoowa. 15Ethiyo munaapaneella tini athwaaka? Ethiyo kaambiiwa tti tini munaachelleenyu matthu va muru athwaaka? Mi Apwiya Mulluku Amasiva Mattheene koollota.”
Ochenjeziwa wa atthiyana a o Ziyoni
16Apwiya enallota wi, “Atthiyana a o Ziyoni tti awiitukhulla wunchichi, eneeta mathuri eri muddullu nave enaweha moorukunusa miittho. Eneeta mwawiinyarulla nngu yinllihaka ebangili ddiwa dda m'metoni. 17Ekaamba ya yeella, mi Apwiya kineerochema mipala miru dda athu a o Ziyoni, meehiiwa mattheene.”
18Nllapo nenno Apwiya eneerowaakha ddooreerihella m'metoni, m'muruni ni munikohini, 19ogufu, makhoza, ekuwo yookhuneellana ekhove, 20enduwira, ebangili, malaamba, mabotolo a makhura awunkhella, ezitumwa, 21emphete, echipini, 22madiresi a vamachellelloni, echipewa, mikanjo, ezikwama, 23magalasi awoonellavo ekhove, ddoowara ddabafuta, enduwira ddimodda navettho ekuwo dda m'mathurini.
24Munipuroni mwa wunkhella onaakhalle wunkha, munipuroni mwa laamba enaamakelle mukwe, munipuroni mwa meehi oopesa phaama enaakhalle ni mipala, munipuroni mwa madiresi oowallamella mutengo enaaware mathumba nave munipuroni mookotella oreera wiwa eneerowulliwa muru. 25We Yerusalemu, aallopwana eneerewiiphiwa ni nsupada nave amasivaawo enaakhwelle okhotoni. 26Sika va millako ddawo vineerokhalla winlla nave oneerotthollosiwa ni okeraatthihiwa muthaani mattave.
Currently Selected:
Yesaya 3: MW2019
Highlight
Share
Copy
Want to have your highlights saved across all your devices? Sign up or sign in
The Bible in Elhomwe © The Bible Society of Malawi, 2019.
Yesaya 3
3
Nampallalla mu Yerusalemu
1Vano Apwiya, Mulluku Amasiva Mattheene, ehanlle vakhuviru omwaakha Yerusalemu ni Yuda nirive nikavihero nno athu enaroromelliiwa. Eneerewaakha yoocha ettheene ni maaddi mattheene, 2athu amasiva ni akhoto, oweeruza ni anamallotella, awoombesa ni attekweene, 3oohoollella akhoto ni athu oovahiwa olemu, alangizi ni amasenga navettho eeruso ya ezitumwa. 4Apwiya eneerewaatthoollella asombwe wi ekhalle mamweniiwa nave anamwani sika enaawaalamulelleke. 5Athu eneerekohoosana, arive muthu omuhoosa mukhwaaye. Asombwe eneerekoweerella epewe attekweene nave athu shisha eneerekewaavevulla oophwanella ovahiwa olemu.
6Enthawi yeeyo muthu aneerekompharella mmbale a mpa mwa attiitthinnya ni omulleella wi, “We wookhalla ni mukanjo sika okhalle oohoollellaahu nave ntepenna nikhalle m'mattani mwawo.”
7Koma vaavo mbalooyo aneerewaakhulla wi, “Iyaayi, miyaano nginapaalla! Ngiwora ochiriha vawi naari mpa mwaka nginna yoocha apaalle yoowara. Muhinakitthoolla wi kikhalle oohoollella a athu!”
8Ddawoona, Yerusalemu animamwareya nave Yuda animakumulliwa ddoollota ni ddaweera dda athu a mwemmo tti ddawaavevulla Apwiya, khenapwatha dda ntitimiho na Apwiya. 9Ennavaanyihiwa ni mooneyello a ekhove ddiwa. Ennachimwa vaweella wonanko athu a o Sodomu, kheniipittha. Otulli wa athu yaalla vawi yooddiithanella weekhiiwa ddoohoosa.
10Oodalisiwa tti athu oolungama#3.10: Ottaphullella wakhalle omodda wookhalla ni mawu awi Oodalisiwa…oolungama; mu Eheberi mookhalla mawu awi Alleelleni oolungama. vawi ddeko ddineeroweetella phaama nave eneerohakallalla ni mitteko dda mattiiwa. 11Koma otulli wa athu oonanara! Ddeko ddineerewaakatamiha vawi nnddo ekhanlliiwa eweerellaka akhwiiwa ddineerewaahokollweella.
12Athwaakanyu, asombwe sika enuuhoosani nave atthiyana sika enuulamulellani. Ha, athwaakanyu, enuuhollosani tti oohoollellaanyu nave enuuvirikanihellani ettilla ddanyu.
Apwiya enaweeruza athwiiwa
13Vano Apwiya aakhonzeka waamba mullatu, aakhozeka khalle wi eweeruze athwiiwa.#3.13: Ottaphullella wakhalle waamodda wookhalla ni mawu awi athwiiwa; mu Eheberi mookhalla mawu awi mitundu ddimodda dda athu. 14Apwiya enawiipa mullatu attekweene ni oohoollella a athwiiwa. Enaahumullulla wi, “Nyu sika moonongille emata yampesa nave enyumba ddanyu ddooddalla ni ddeko ddawaakha ovenyera wa oohoowa. 15Ethiyo munaapaneella tini athwaaka? Ethiyo kaambiiwa tti tini munaachelleenyu matthu va muru athwaaka? Mi Apwiya Mulluku Amasiva Mattheene koollota.”
Ochenjeziwa wa atthiyana a o Ziyoni
16Apwiya enallota wi, “Atthiyana a o Ziyoni tti awiitukhulla wunchichi, eneeta mathuri eri muddullu nave enaweha moorukunusa miittho. Eneeta mwawiinyarulla nngu yinllihaka ebangili ddiwa dda m'metoni. 17Ekaamba ya yeella, mi Apwiya kineerochema mipala miru dda athu a o Ziyoni, meehiiwa mattheene.”
18Nllapo nenno Apwiya eneerowaakha ddooreerihella m'metoni, m'muruni ni munikohini, 19ogufu, makhoza, ekuwo yookhuneellana ekhove, 20enduwira, ebangili, malaamba, mabotolo a makhura awunkhella, ezitumwa, 21emphete, echipini, 22madiresi a vamachellelloni, echipewa, mikanjo, ezikwama, 23magalasi awoonellavo ekhove, ddoowara ddabafuta, enduwira ddimodda navettho ekuwo dda m'mathurini.
24Munipuroni mwa wunkhella onaakhalle wunkha, munipuroni mwa laamba enaamakelle mukwe, munipuroni mwa meehi oopesa phaama enaakhalle ni mipala, munipuroni mwa madiresi oowallamella mutengo enaaware mathumba nave munipuroni mookotella oreera wiwa eneerowulliwa muru. 25We Yerusalemu, aallopwana eneerewiiphiwa ni nsupada nave amasivaawo enaakhwelle okhotoni. 26Sika va millako ddawo vineerokhalla winlla nave oneerotthollosiwa ni okeraatthihiwa muthaani mattave.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible in Elhomwe © The Bible Society of Malawi, 2019.