2 Tessalonicenses 2
2
Jeji Tsru Hektunuru Hiphujewniywaka Piranapni
1Waneya wanjipotuthi Cristo tshinanu wmoletanune, Wutsrukate Jesus Cristo hapojinpatnaka pirana tshinanu hiyrunu waleyma wapatjexinpatka pirana tshinanu, wla hixanu.
2Ho satu hiwejikaluru tokanu hix-yehi hapojinipa ho satu hinkaklewlu ho satu yonawahlo hix-yehi hapojinipa, Cristo hapojinri hohne hapokatka tshinatshri hi himyekahchinikanutanu, hi hkojwakahchinikanutanu yáholu hixa yonre htshinko.
3Hike yineru xako yokwijetanhi satkaka pirana tshinanu. Klu tshinanu hi rumukata hapoklehohneta Cristo hapojinri hohne Hoyakalu hiknokatshinetka hixolune yine makanhaknuklunuwa hiyrun-koxa jeji tsru hektunuru makanhaknuklunuwa, hamhikowaka hwatshri.
4Hkamnitanru ptowru hixatshri hoyakalu tshinikatshriwa hiyrunu htserutpiranyehixinwa ptowru hixatshri hoyakalu tshinkalurutka ho himalwutkaluru phuta yohnik-hixahoxikatshriwa. Waneya Hoyakalupji potuko htowutanu, Hoyakalu htshininwa.
5Hi he hichiniklu hix-yehi nwakanaxini mitshi xye pirana nunkakatkahi?
6Xawakni hixa himatatka kluneru tsonu himaletlu tsru hektunuru papko hakanhiywakapa.
Jesus Nikatanru Tsru Hektunuru Piranapni
7Klu tshinanu hektuntshi kamrure hwamka seyni hi phujetanuwaka rixa kamrurewleta. Seyni rimaletjeru, hpaklu himaletletlu haté hkochtshekoklunupa himaletatshri.
8Waneyapa tsru hektunuru hiphujewnanu. Seyni Tsru Hixikatshriwa Jesus hinniphayma tsonu hiylatanru. Hiyrun-koxa Cristo himapokanru tsru ruyákole hatawnatshri potuko hnikaxinri tsru hektunurupni.
9Tsru hektunuru tsru kamtshi Satanás tshinkaluru pixkonuymako rapokanu. Ptowru hixatshri pixkontshiyma hiyrunu hetkalurkakayma hyokwirewata himyekaklewatatshriyma.
10Hamhatshine rakota yokwijretanu ptowru hektuntshi piranayma klu tshinanu hi ralukatkaluna halikakalutu pirana, halukkaluru potuko pirana, riwekkajikowakamkapna, malukkane.
11Hiyáhoni Hoyakalu wan-hixkakatkana hpupjepotuxyawakapna, weyawlu ralixyawakapna.
12Hiyahokni wan-hixatshine, halikakalutu pirana malixkane hiyrunu hektuntshi hamotatshine, rukolukanuwnatkana.
Nuretkalune Hiwekkajikowakapa Piranapni
13Seyni wumukata poyahnutletanru Hoyakalu hixa tshinanu Tsru Hixikatshriwa Hoyakalu hamotanune Cristo tshinanu wmoletanune tshinanu. Klu tshinanu hyinuwaklekananuko Hoyakalu nuretatkahi hiwekkajikolupa, Hoyakalu Hiwejikaluru powraxyawakhi tshinanni hiyrunu halikakalutu pirana halixyawaka tshinanni.
14Wale tshinanu wunkakle tshinanu, kihle piranalu potuko hiwekkaklewatatshri piranaya htshanixatkahi, hikchijyawakaplu Wutsrukate Jesus Cristo hoyaknu.
15Hiyáhoni xawakni Cristo tshinanu nmoletanune, poyehi halixlephi, hi hicho homkahretanru wunkakle pirana, hasrujikolu ho tokantshi tshinanuya ho wyonawahle tshinanuya.
16Hiyáhoni xawakni waleko Wutsrukate Jesus Cristo hiyrunu Hoyakalu, Wuru wuchinikjeru hiyrunu hapnanuhchinikanru hikeklu mnikawnakatupa heneklewatatshri hiyrun-koxa kihleru kahwakachalu renekachale tshinanu,
17kihle hchinikanurunephi. Wan-hixatshinephi poyehi hchinikanurunephi ptowru kamrurtshi kihleru hiyrunu ptowru tokantshi kihleruya.
Currently Selected:
2 Tessalonicenses 2: mpdBiblia
Highlight
Copy
Compare
Share
Want to have your highlights saved across all your devices? Sign up or sign in
NT
Primeira edição 2008
©Missão Novas Tribos, Sanford, FL
Gênesis
ISBN 978-85-98634-82-1
ISBN Digital 978-65-993898-6-3
©2017 Missão Novas Tribos do Brasil
2 Tessalonicenses 2
2
Jeji Tsru Hektunuru Hiphujewniywaka Piranapni
1Waneya wanjipotuthi Cristo tshinanu wmoletanune, Wutsrukate Jesus Cristo hapojinpatnaka pirana tshinanu hiyrunu waleyma wapatjexinpatka pirana tshinanu, wla hixanu.
2Ho satu hiwejikaluru tokanu hix-yehi hapojinipa ho satu hinkaklewlu ho satu yonawahlo hix-yehi hapojinipa, Cristo hapojinri hohne hapokatka tshinatshri hi himyekahchinikanutanu, hi hkojwakahchinikanutanu yáholu hixa yonre htshinko.
3Hike yineru xako yokwijetanhi satkaka pirana tshinanu. Klu tshinanu hi rumukata hapoklehohneta Cristo hapojinri hohne Hoyakalu hiknokatshinetka hixolune yine makanhaknuklunuwa hiyrun-koxa jeji tsru hektunuru makanhaknuklunuwa, hamhikowaka hwatshri.
4Hkamnitanru ptowru hixatshri hoyakalu tshinikatshriwa hiyrunu htserutpiranyehixinwa ptowru hixatshri hoyakalu tshinkalurutka ho himalwutkaluru phuta yohnik-hixahoxikatshriwa. Waneya Hoyakalupji potuko htowutanu, Hoyakalu htshininwa.
5Hi he hichiniklu hix-yehi nwakanaxini mitshi xye pirana nunkakatkahi?
6Xawakni hixa himatatka kluneru tsonu himaletlu tsru hektunuru papko hakanhiywakapa.
Jesus Nikatanru Tsru Hektunuru Piranapni
7Klu tshinanu hektuntshi kamrure hwamka seyni hi phujetanuwaka rixa kamrurewleta. Seyni rimaletjeru, hpaklu himaletletlu haté hkochtshekoklunupa himaletatshri.
8Waneyapa tsru hektunuru hiphujewnanu. Seyni Tsru Hixikatshriwa Jesus hinniphayma tsonu hiylatanru. Hiyrun-koxa Cristo himapokanru tsru ruyákole hatawnatshri potuko hnikaxinri tsru hektunurupni.
9Tsru hektunuru tsru kamtshi Satanás tshinkaluru pixkonuymako rapokanu. Ptowru hixatshri pixkontshiyma hiyrunu hetkalurkakayma hyokwirewata himyekaklewatatshriyma.
10Hamhatshine rakota yokwijretanu ptowru hektuntshi piranayma klu tshinanu hi ralukatkaluna halikakalutu pirana, halukkaluru potuko pirana, riwekkajikowakamkapna, malukkane.
11Hiyáhoni Hoyakalu wan-hixkakatkana hpupjepotuxyawakapna, weyawlu ralixyawakapna.
12Hiyahokni wan-hixatshine, halikakalutu pirana malixkane hiyrunu hektuntshi hamotatshine, rukolukanuwnatkana.
Nuretkalune Hiwekkajikowakapa Piranapni
13Seyni wumukata poyahnutletanru Hoyakalu hixa tshinanu Tsru Hixikatshriwa Hoyakalu hamotanune Cristo tshinanu wmoletanune tshinanu. Klu tshinanu hyinuwaklekananuko Hoyakalu nuretatkahi hiwekkajikolupa, Hoyakalu Hiwejikaluru powraxyawakhi tshinanni hiyrunu halikakalutu pirana halixyawaka tshinanni.
14Wale tshinanu wunkakle tshinanu, kihle piranalu potuko hiwekkaklewatatshri piranaya htshanixatkahi, hikchijyawakaplu Wutsrukate Jesus Cristo hoyaknu.
15Hiyáhoni xawakni Cristo tshinanu nmoletanune, poyehi halixlephi, hi hicho homkahretanru wunkakle pirana, hasrujikolu ho tokantshi tshinanuya ho wyonawahle tshinanuya.
16Hiyáhoni xawakni waleko Wutsrukate Jesus Cristo hiyrunu Hoyakalu, Wuru wuchinikjeru hiyrunu hapnanuhchinikanru hikeklu mnikawnakatupa heneklewatatshri hiyrun-koxa kihleru kahwakachalu renekachale tshinanu,
17kihle hchinikanurunephi. Wan-hixatshinephi poyehi hchinikanurunephi ptowru kamrurtshi kihleru hiyrunu ptowru tokantshi kihleruya.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
NT
Primeira edição 2008
©Missão Novas Tribos, Sanford, FL
Gênesis
ISBN 978-85-98634-82-1
ISBN Digital 978-65-993898-6-3
©2017 Missão Novas Tribos do Brasil