1 Tessalonicenses 2
2
Paulo Kamrure Pirana Tessalônica Poktshiya Piranapni
1Klu tshinanu hixako himatlu, Cristo tshinanu nmoletanune hix-yehi wapkapyawaka pirana. Hi wmahijeru hapkaplechatatka.
2Hixa himatlu mitshikananu Filipos poktshi wsalewnakanaxini, Tessalônica wmapokakanatkanuklunuwa, wyotnetkatka. Wanepnawaka mpikkanwu Hoyakalu tshinanu wunkakhi Hoyakalu pirana, kihle piranalu potuko hiwekkaklewatatshri pirana, yáholu wimaletpiratka.
3Klu tshinanu wunkakle hi pupjeru hinkaklewluni. Hi hektuhaj-wixle tshinanu piranni. Hi yokwirewatatshri piran-koxni.
4Seyni Hoyakalu hikchikhihlenutlu hixa hnurexyawaka kihle piranalu potuko hiwekkaklewatatshri pirana wunkaklexyawaka tshinanu, wane potuko wixa. Hi wujhalu yine halujyawaka wkamhiywakapa seyni Hoyakalu halujyawaka wujha kamhaletanu. Hoyakalukni wetumhahajitjeru.
5Klu tshinanu hikeklu hohne tokantshicha wyokwijehchinikanuxyahi. Hixa himatlu wale pirana. Hiyrun-koxa hi satu pa hixanu wkayaxyawakapa tshinanu wunkaklewata hix-yehiya. Hoyakalni wuphujtatjeru.
6Hi wujhalu yine himalwuxyawakwu, hi hix-yehiko, hi pimrine yehiko.
7Wumukata satu pa hixanu henekkotmaka hix-yehiya Cristo nurrene wixyawaka tshinanu seyni hike. Klu tshinanu hix-yehi wwakanaxini kihle hislahle wixjekanathi tsro pixka twuhenene tuchinijyawaka tachitshakawhenexyawaka pixka.
8Hixa wuchinikpotuxyawaka tshinanu, hi kihle piranalu potuko hiwekkaklewatatshri pirana tsonu Hoyakalunu waluk-hinkaklethi seyni wiwejinriko wenekpirathi klu tshinanu hixni wuchinikanunhi.
9Klu tshinanu hixa, Cristo tshinanu nmoletanune hichiniklu wyaprewakanaxini, wsalewnakanaxini. Hoyetshno, hohi koxa wkamrurewakanatatka satukna hixa wma kojwajyawakanupa wunkakakanathi kihler-potuko tokantshi, kihle piranalu potuko hiwekkaklewatatshri pirana Hoyakalunu.
10Hixa hiphujtatwu hiyrunu Hoyakalu hiphujtatwu wixjexyawaka pirana hixa Cristo halixatshinhi yehi wwakanaxini, hike mixkanwu potukalunwu, mukolukanuwnakanwu hix-yehiya.
11Hixa himatlu hirtshi hwuheneyma pixka, waneko pixka wixhi hixa ptowrunekhi.
12Wumutjekanathi, wapnanuhchinikankakjekanathi, wuykojekanathi Hoyakalu halujyawaka himukata kamhaletanu hixa hiwejinriya. Tomhakalunhi waleko hpohirewaxyawaka hajene hixyawakapa hiyrunu royaknu himwatshine hixyawakapa.
Tessalônica Hajene Hoyakalu Tokanu Romkahpotutna Piranapni
13Wale tshinanu hi wutuk-himalwuretlu Hoyakalu. Hix-yehi wwakanaxini, Hoyakalu pirana wunkakjekanathi, hixa jemlu hiyrunu halixatkalu. Hi yine tokanucha pixka htshinahotatkalu seyni Hoyakalu tokanu potuko hjematka. Wale halikaka Hoyakalu tokanni. Hixa hitokote kamrurewaxikatshrini.
14Klu tshinanu Cristo tshinanu nmoletanune hixa hiknohjerutka pixkalutu potuko hiknohatkana wanna, Judeia tshijne hajene Hoyakalu hapatjetanunkaka halixatshine Cristo Jesus-ymalune yehi. Klu tshinanu waneko pixka hixa salewnaleta hixa, hixako himolene tshinanu, wanna salewnatka judeu-neko tshinanu.
15Wanna Wutsrukate Jesus-ko ruylatna. Hoyakalu tokanu hinkakletatshin-koxa ruylatna. Hix-koxa hkamnitna. Hi psojikna hpoyikotluna Hoyakalu hiyrunu ptowrunek-yine hkamnijetna.
16Rimaletwuna wunkajyawakna judeu mixkane, hiwekkaklewatatshri pirana hma miwekkajikowakanupna. Wan-rixa poyahokaklehohnekanatluna rektunna. Seyni xawakni rapnokatkona psoluka Hoyakaluya.
Tessalônica Poktshi Nwaka Hyapiraxyawakatnaka Paulo Piranapni
17Ha hixa wmoletanune Cristo tshinanu, wutspalkajika pchinika tsonu hix-yehi hiyrunu wimaneya tsonu seyni wuchinikanretjexyawakhi hike. Hiyáhoni wane pnute wyapretak-hetletmakhi.
18Hiyáhoni pa katkaka waluka yanwaklethi, hita Paulo-no halikaka haluklu. Seyni Satanás kamtshi himaletatkawu.
19Klu tshinanu klunerni wkahwakleru ho wumuwlepa ho wumlujikolu poyikowkaklewatatshri? Hi he hixpakni, Wutsrukate Jesus hetanuya runinpatka?
20Klu tshinanu hixni wumlujikolunhi hiyrunu wumuwlenhi.
Currently Selected:
1 Tessalonicenses 2: mpdBiblia
Highlight
Copy
Compare
Share
Want to have your highlights saved across all your devices? Sign up or sign in
NT
Primeira edição 2008
©Missão Novas Tribos, Sanford, FL
Gênesis
ISBN 978-85-98634-82-1
ISBN Digital 978-65-993898-6-3
©2017 Missão Novas Tribos do Brasil
1 Tessalonicenses 2
2
Paulo Kamrure Pirana Tessalônica Poktshiya Piranapni
1Klu tshinanu hixako himatlu, Cristo tshinanu nmoletanune hix-yehi wapkapyawaka pirana. Hi wmahijeru hapkaplechatatka.
2Hixa himatlu mitshikananu Filipos poktshi wsalewnakanaxini, Tessalônica wmapokakanatkanuklunuwa, wyotnetkatka. Wanepnawaka mpikkanwu Hoyakalu tshinanu wunkakhi Hoyakalu pirana, kihle piranalu potuko hiwekkaklewatatshri pirana, yáholu wimaletpiratka.
3Klu tshinanu wunkakle hi pupjeru hinkaklewluni. Hi hektuhaj-wixle tshinanu piranni. Hi yokwirewatatshri piran-koxni.
4Seyni Hoyakalu hikchikhihlenutlu hixa hnurexyawaka kihle piranalu potuko hiwekkaklewatatshri pirana wunkaklexyawaka tshinanu, wane potuko wixa. Hi wujhalu yine halujyawaka wkamhiywakapa seyni Hoyakalu halujyawaka wujha kamhaletanu. Hoyakalukni wetumhahajitjeru.
5Klu tshinanu hikeklu hohne tokantshicha wyokwijehchinikanuxyahi. Hixa himatlu wale pirana. Hiyrun-koxa hi satu pa hixanu wkayaxyawakapa tshinanu wunkaklewata hix-yehiya. Hoyakalni wuphujtatjeru.
6Hi wujhalu yine himalwuxyawakwu, hi hix-yehiko, hi pimrine yehiko.
7Wumukata satu pa hixanu henekkotmaka hix-yehiya Cristo nurrene wixyawaka tshinanu seyni hike. Klu tshinanu hix-yehi wwakanaxini kihle hislahle wixjekanathi tsro pixka twuhenene tuchinijyawaka tachitshakawhenexyawaka pixka.
8Hixa wuchinikpotuxyawaka tshinanu, hi kihle piranalu potuko hiwekkaklewatatshri pirana tsonu Hoyakalunu waluk-hinkaklethi seyni wiwejinriko wenekpirathi klu tshinanu hixni wuchinikanunhi.
9Klu tshinanu hixa, Cristo tshinanu nmoletanune hichiniklu wyaprewakanaxini, wsalewnakanaxini. Hoyetshno, hohi koxa wkamrurewakanatatka satukna hixa wma kojwajyawakanupa wunkakakanathi kihler-potuko tokantshi, kihle piranalu potuko hiwekkaklewatatshri pirana Hoyakalunu.
10Hixa hiphujtatwu hiyrunu Hoyakalu hiphujtatwu wixjexyawaka pirana hixa Cristo halixatshinhi yehi wwakanaxini, hike mixkanwu potukalunwu, mukolukanuwnakanwu hix-yehiya.
11Hixa himatlu hirtshi hwuheneyma pixka, waneko pixka wixhi hixa ptowrunekhi.
12Wumutjekanathi, wapnanuhchinikankakjekanathi, wuykojekanathi Hoyakalu halujyawaka himukata kamhaletanu hixa hiwejinriya. Tomhakalunhi waleko hpohirewaxyawaka hajene hixyawakapa hiyrunu royaknu himwatshine hixyawakapa.
Tessalônica Hajene Hoyakalu Tokanu Romkahpotutna Piranapni
13Wale tshinanu hi wutuk-himalwuretlu Hoyakalu. Hix-yehi wwakanaxini, Hoyakalu pirana wunkakjekanathi, hixa jemlu hiyrunu halixatkalu. Hi yine tokanucha pixka htshinahotatkalu seyni Hoyakalu tokanu potuko hjematka. Wale halikaka Hoyakalu tokanni. Hixa hitokote kamrurewaxikatshrini.
14Klu tshinanu Cristo tshinanu nmoletanune hixa hiknohjerutka pixkalutu potuko hiknohatkana wanna, Judeia tshijne hajene Hoyakalu hapatjetanunkaka halixatshine Cristo Jesus-ymalune yehi. Klu tshinanu waneko pixka hixa salewnaleta hixa, hixako himolene tshinanu, wanna salewnatka judeu-neko tshinanu.
15Wanna Wutsrukate Jesus-ko ruylatna. Hoyakalu tokanu hinkakletatshin-koxa ruylatna. Hix-koxa hkamnitna. Hi psojikna hpoyikotluna Hoyakalu hiyrunu ptowrunek-yine hkamnijetna.
16Rimaletwuna wunkajyawakna judeu mixkane, hiwekkaklewatatshri pirana hma miwekkajikowakanupna. Wan-rixa poyahokaklehohnekanatluna rektunna. Seyni xawakni rapnokatkona psoluka Hoyakaluya.
Tessalônica Poktshi Nwaka Hyapiraxyawakatnaka Paulo Piranapni
17Ha hixa wmoletanune Cristo tshinanu, wutspalkajika pchinika tsonu hix-yehi hiyrunu wimaneya tsonu seyni wuchinikanretjexyawakhi hike. Hiyáhoni wane pnute wyapretak-hetletmakhi.
18Hiyáhoni pa katkaka waluka yanwaklethi, hita Paulo-no halikaka haluklu. Seyni Satanás kamtshi himaletatkawu.
19Klu tshinanu klunerni wkahwakleru ho wumuwlepa ho wumlujikolu poyikowkaklewatatshri? Hi he hixpakni, Wutsrukate Jesus hetanuya runinpatka?
20Klu tshinanu hixni wumlujikolunhi hiyrunu wumuwlenhi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
NT
Primeira edição 2008
©Missão Novas Tribos, Sanford, FL
Gênesis
ISBN 978-85-98634-82-1
ISBN Digital 978-65-993898-6-3
©2017 Missão Novas Tribos do Brasil