Juan 12
12
Aso 'aalo ỹocorelec so Jesús queso nocoraxat
(Mateo 26.6-13; Marcos 14.3-9)
1Co'na' saqa'lecaua seis na'xata' quiyim ỹovire'oga so na'xa'a quena' qaỹo'leente quiyim qoyique'e yi Egipto. Ca' so Jesús quepegue' yi Betania yí'maq neeta'ñi so Lázaro só'maq Jesús liỹo' nca'laxatec na' ileu. 2Ca' qaỹo'uet so na'ic qaique'eelec so Jesús, ca aso Marta imeentapeguec so na'ic. Ca' so Lázaro ỹalequetaho, reloqotalec so nqui'ỹaxala', lqui'ỹaxaua so Jesús. 3Ca' aso María nodouo aso coraxat lahi' 'uo' ca medio litro quena coraxat leenaxat nardo. So'maxare 'xoic lesega'a. Ca ỹocorelgoto naua lapiaate' so Jesús. Ca na' ime, ca ỹashiviaxate' ỹahote'e so laue. Ca' sá'ogue so 'imec pilougui so lahita so coraxat. 4Ca' so Judas Iscariote, llaalec so Simón, chaqaiso só'maq ỹalequetauguilo saua lapaxaguinatqa so Jesús, chaqai chaqaiso só'maq tai'a quiyim ỹaano ma'le so'maxare, 'naaco':
5—¿Chi'neco' ma' se qaimeeno' sojo coraxat, trescientos denarios laseuete nqohin, ca' qaỹotauan na 'xoraiquipi?
6Qam so Judas sqai 'naac dajo quiyim i'xorentac na 'xoraic. Ta'ta'a quiyim so'maxare cuataxai chaqai da'maxare quiyim lo'qoota'a aso nam lahi', chaqai rocachitapiguio' quen aná'maq qainaxa'ñigui aso'maxare. 7Ca' so Jesús 'naapego' so Judas:
—'Xañirac, ma' da'maxare ỹa'maxatetac dajo, qaiyi leuoteta cá'maq na'xa'a ma' ỹovire'oga quiyim qayishinñi. 8Ca chaqai 'neetari' ỹalequetauguilo qamiri na 'xoraic, qam aỹim sqai 'neetari' quiyim salequetauguilo qamiri.
Qana'deentapigui quiyim qaỹalauat so Lázaro
9Ca 'xoico' so judioipi ỹa'den quiyim so Jesús hueeta'ñi yi Betania. Ca' taiquera. Qam sqaidaata quiyim ỹahotaque iuana so Jesús, qam qai'neeta ỹahotaque iuana so Lázaro só'maq liỹo' qanca'laxatec na'le queso Jesús. 10Ca' so lashillipi na netaxaỹaxanqajanqaipi quena' qaretaxaỹa'pegue' ñi qota'olec, so'maxare retaxaỹapigui quiyim qai'neeta qaỹahotaque qaỹalauat so Lázaro, 11ma' sauaxat so'maxare dá'maq 'em quiyim 'xoic na judioipi noỹootec, ma' mashic huelec so Jesús.
So Jesús inoxona'a yi Jerusalén
(Mateo 21.1-11; Marcos 11.1-11; Lucas 19.28-40)
12Ca 'xoico' so qomyipi quepegue' yi Jerusalén quiyim quepegue' so nemaqachic quena' qaỹo'leente so na'xa'a quiyim qoyique'e yi Egipto. Ca' queso liỹa na'xa'a, ca qaỹa'deeno' quiyim so Jesús ỹovira'a yi na'a' lodegaxat. 13Co'na'le, ca qanouaxanec ana laue ana chavic, ca qaỹaqata'guit so Jesús. Ca qaỹaualqatalec, qohintari':
—¡Semaqachinaq ñi qota'olec! ¡Ỹaatqajam no'uen da llicyaxac ná'maq naquetaugui da leenaxat ñi qara'gaxala'! ¡No'uen da llicyaxac ná'maq lashi na Israel llaalqaipi!
14So Jesús iuanejlec so 'ashinoqui', ca naalec so'maxare, qam ipaquichigui dá'maq 'nerac naua naneresañi la'qaatqa ñi qota'a:
15Se ro'chii, qamiri ñiita'ñi na na'a' lodegaxat Sión;
ñaqa 'ajñii na rashii,
'ena neetalec na 'ashin.
16Na' ñaqai chita'gue so lapaxaguinatqaipi ỹaatqajam se ỹa'den ca 'neeta dajo. Qam na'chaqai co'na' ỹovita quiyim qaimaqachin so Jesús, ca qaỹo'leente dá'ogue da llicyaxac so'maxare. Ỹaatqajam ipaquichigui dá'ogue dá'maq naneretañi queso'maxare.
17Quesó'maq qomyipi liỹaataco' so Jesús co'na' so'maxare roỹaxañi'ña caso lahi' so Lázaro, ca' liỹa nca'laxatec queso nelauaxa, na'maxare qai'neeta ỹa'xatetac dá'maq ỹauanchigui. 18Ca' na liỹa qomyipi eec qata'guit so Jesús, ma' mashic ỹa'den quiyim mashic 'ue so ỹo'uet quena netanec se qaiuanapega. 19Ca' na fariseoipi retaxaỹata', ca 'naaco':
—Ñaqa 'ajñii qamiri quiyim mashic qaica ca qarishaaque, ma' mashic ná'ogue na qomyipi coỹareta'pegue' so'maxare.
'Vii saua griego lase' imitesaque so Jesús
20Quesó'maq qomyipi quepegue' yi Jerusalén ma' ỹovire'oga so na'xa'a lapoxoqui quiyim imaqachin ñi qota'a, ca 'vio' saua ỹalequesaho griego lase'. 21Saua'maxare nqo'nera'a so Felipe, so'maxare Betsaida le'ec yí'maq huaugui yi 'laua Galilea. Ca qane'xoresene'tot, qohinaco':
—Nqouaquiteguelo qomi', sahoqotaque seuanaxa ca Jesús.
22Ca so Felipe eec, ca ra'qaataxano' so Andrés, ca saua'que querepegue' so Jesús, ca ra'qaataxane'. 23Ca' so Jesús 'naaco' quesaua'maxare:
—Ỹovita yi laloqo' quiyim najo ỹale llaalec qaimaqachin ma'le. 24Ỹaatqajam llic da shinac caqamiri, quiyim no'm 'óna ca trigo la sqai najñi, ca' taugui na 'laua, ca' se nqo'in quiyim 'oonoqui'. Qam no'm ileu, ca' ishit quiyim 'xoic ca qanaqat chicqaugui. 25Cá'maq ỹauotegue da chi nachaalataxac, ca na'laxatañi ma'le; qam cá'maq ỹamaqa'gue da chi nachaalataxac quena 'laua, ca 'ue ma'le da nachaalataxac qaica ca lqodoc. 26Ca no'm 'ue ca ỹahotaque quiyim ro'ueenataxanot aỹim, ca 'maxaraic quiyim queeta'pegue' aỹim, ma' cá'maq seuete'e, ca' chaqaiyi hueete'e cá'maq ro'ueenataxantacot aỹim. No'm 'ue ca ro'ueenataxanot aỹim, ca' ñi ita'a imaqachin ca'maxare.
So Jesús ỹa'xateta'guit quiyim qaỹalauat
27Ca' nagui ỹaatqajam 'xoic da shinta; ca ¿nega'ỹo' ca shinac? ¿Loqo'm shinac: “Qami' ita'a, yca'laxachirec quedá'maq naatailec nagui”? Qam chaqaida dá'maq 'em ñanac. 28Qami' ita'a, maqachiñi' da qadeenaxachi'.
Ca 'uo' so qara'xaỹaque na'qaatec, 'maqot na piguim, 'naaco':
—Shi'gue semaqachin, qam qaiyiita liỹa semaqachin.
29Ca ná'maq qomyipi hueeta'anyi na'xaỹaxantac 'naaco' quiyim nalataxa so 'xaỹaque. Qam na liỹa 'naaco':
—Quiyim nelaatec piguim le'ec so netaxaỹa'ña.
30Ca' so Jesús 'naaco' queso qomyipi:
—Mesqaỹim ná'maq 'em quiyim qara'xaỹaque so na'qaatec; ta'ta'a quiyim caqamiri. 31Ca' nagui, ca ỹovita yi laloqo' quiyim ñi qota'a ỹa'ue da lasauaxaset na hueetalec na 'laua; ca' nagui, ca ñi'maxare ỹo'daauec so na'ỹaapec só'maq relaataxantac quena 'laua. 32Ca ma' ỹovita quiyim qananojshiguim aỹim quena 'laua, ca' ñauego ma'le ná'ogue na qomyipi.
33Ca' quedajo, ca ỹahotaque quiyim qaỹa'yiinchigui cá'maq 'neeta ma' ileu. 34Ca' na qomyipi 'naaco' queso'maxare:
—Qomi' sa'xaiqatac quena' qaretaqalec ana lere ana lomalate na naqataxaquipi quiyim cajo nashi nca'laxaqui sqaica lqodoc da nachaalataxac. Qam ¿chi'neco' qami' 'ñirac quiyim cajo ỹale llaalec qananojshiguim ma'le? ¿Chi nega'ỹo' ca 'ñiisapega ỹale llaalec?
35Ca' so Jesús 'naaco' queso qomyipi:
—Nagui ma' ñaqai hueetauguilo qamiri najo lcoỹeraqate na 'laua, qam sqoỹoxouec quiyim ỹalequetauguilo qamiri. Ca' quiitaugui dajo lauaq ma' ñaqa 'ue, qaiyi se i'laxate' qamiri ca napalaxa. Ma' cá'maq queetaugui ca napalaxa se ỹa'den cá'maq taigue. 36Ca' viilec nagui najo ncoỹeraxanqate, ma' ñaqai hueetauguilo qamiri, qaiyi viriỹau'a quiyim qai'neeta 'ue ca lauaxai' qamiri.
Ca co'na' ime 'naac dajo, ca' so Jesús eec nqañoqtapeguema saua'maxare.
Dá'maq 'neeto' quiyim so judioipi sqai huelec so Jesús
37Ca 'eno'm so Jesús 'xoic na ỹo'uet quena netanec se qaiuanapega iuanchigui nqai'ne' saua'maxare, qam qaiyiita se qoyiuelec. 38Ma' qaiyi ipaquichigui da la'qaataxanaxac so la'qaataxanqajnec ñi qota'a leenaxat Isaías co'na' ỹiriñi:
Qami' ỹa'gaxala', ¿nega'ỹo' ca huelec da qara'qaataxanaxac?
¿Nega'ỹo' ca ỹachaxanem da lquesaxanaxa ñi qara'gaxala'?
39Ca' se ishit quiyim 'ue ca huelec, ma' qai'neeta ỹiriñi so Isaías:
40Ñi qota'olec se nauanñi nqai'en na'maxare chaqai ỹa'ñaxat añi le'taxanata,
qaiyi se reuanaxanalo naua nqote',
chaqai cañi le'taxanata se ỹa'yiiñigui nqai'en dajo,
chaqai sqo pila'a aỹim, qaiyi aỹim somatec.
41So Isaías ỹa'xat dajo, ma' iuanchiguio' da lecaic so Jesús, chaqai ỹa'xatetac so'maxare.
42Qam qaiyiita 'xoico' so judioipi huelec so Jesús, vire'ta ná'maq 'ue nqai'negue. Qam se nichoxoteta quena qom, ma' no'cha'a so fariseoipi, qaiyi se qaỹo'daauec cañi lapoxoqui. 43Ma' ỹapacqajnauec quiyim qaimaqachin quena qom, quiyim qaimaqachin quiñi qota'olec.
Naua la'qaatqa so Jesús ỹo'ueete' ma'le ca lasauaxaset na qomyipi
44So Jesús nelamaxaren na' retaqa, 'naaco':
—Cá'maq huelec aỹim mesqaỹimeta huelec, ma' qai'neeta huelec ñi ita'a ñí'maq yila'. 45Chaqai cá'maq iuañiua', iuana qai'neeta ñí'maq yila'. 46Ỹim ma' ỹim lcoỹeraqate na 'laua, qaiyi quená'maq huelec aỹim se no'ueenaugui na napalaxa. 47Qam no'm 'ue ca 'xaỹalo naua ỹa'qaatqa, qam se na'xaỹaxan, mesqaỹim ná'maq sa'ue ca nouaxanaxaset ca'maxare; ma' ỹim se ñovita na 'laua quiyim so'uet ca nouaxanaxaset na qomyipi; qaidaata quiyim ñovi', qam nca'leuec nqaishin na qomyipi. 48Cá'maq se icoñiguit aỹim chaqai se na'xayaxanalo naua ỹa'qaatqa, chaqa'ma' shi'gue 'ue ñí'maq ỹo'uet ca nouaxanaxaset ca'maxare. Nauá'maq na'qaatqa sa'xateta'pe, chaqainaua nauá'maq ỹo'ueete' ca nouaxanaxaset ca qom queca pa'aatec na'xa'a. 49Ma' ỹim se ñanoiquentac quiyim setaqa; ma' ñí'maq ita'a ñí'maq yila', chaqaiñi ñí'maq chicqo'ot cá'maq sa'xat chaqai cá'maq sapaxaguinataxanegue. 50Chaqai sa'den quiyim dá'maq lelaataxanaxac ñi ita'a, da'maxare chicqaugui ca nca'laxa sqaica lqodoc. Vichiguiño' quiyim sa'xat, sa'xat, ma' ñí'maq ita'a ỹamaxailec.
Currently Selected:
Juan 12: MCV91
Highlight
Share
Copy
Want to have your highlights saved across all your devices? Sign up or sign in
Antiguo Testamento Corto y Nuevo Testamento en Mocoví, La'qaatqa ñi Qota'olec - Qota'olec Novita Na Qomyipi © Sociedad Bíblica Argentina, 1988, 1991.
Juan 12
12
Aso 'aalo ỹocorelec so Jesús queso nocoraxat
(Mateo 26.6-13; Marcos 14.3-9)
1Co'na' saqa'lecaua seis na'xata' quiyim ỹovire'oga so na'xa'a quena' qaỹo'leente quiyim qoyique'e yi Egipto. Ca' so Jesús quepegue' yi Betania yí'maq neeta'ñi so Lázaro só'maq Jesús liỹo' nca'laxatec na' ileu. 2Ca' qaỹo'uet so na'ic qaique'eelec so Jesús, ca aso Marta imeentapeguec so na'ic. Ca' so Lázaro ỹalequetaho, reloqotalec so nqui'ỹaxala', lqui'ỹaxaua so Jesús. 3Ca' aso María nodouo aso coraxat lahi' 'uo' ca medio litro quena coraxat leenaxat nardo. So'maxare 'xoic lesega'a. Ca ỹocorelgoto naua lapiaate' so Jesús. Ca na' ime, ca ỹashiviaxate' ỹahote'e so laue. Ca' sá'ogue so 'imec pilougui so lahita so coraxat. 4Ca' so Judas Iscariote, llaalec so Simón, chaqaiso só'maq ỹalequetauguilo saua lapaxaguinatqa so Jesús, chaqai chaqaiso só'maq tai'a quiyim ỹaano ma'le so'maxare, 'naaco':
5—¿Chi'neco' ma' se qaimeeno' sojo coraxat, trescientos denarios laseuete nqohin, ca' qaỹotauan na 'xoraiquipi?
6Qam so Judas sqai 'naac dajo quiyim i'xorentac na 'xoraic. Ta'ta'a quiyim so'maxare cuataxai chaqai da'maxare quiyim lo'qoota'a aso nam lahi', chaqai rocachitapiguio' quen aná'maq qainaxa'ñigui aso'maxare. 7Ca' so Jesús 'naapego' so Judas:
—'Xañirac, ma' da'maxare ỹa'maxatetac dajo, qaiyi leuoteta cá'maq na'xa'a ma' ỹovire'oga quiyim qayishinñi. 8Ca chaqai 'neetari' ỹalequetauguilo qamiri na 'xoraic, qam aỹim sqai 'neetari' quiyim salequetauguilo qamiri.
Qana'deentapigui quiyim qaỹalauat so Lázaro
9Ca 'xoico' so judioipi ỹa'den quiyim so Jesús hueeta'ñi yi Betania. Ca' taiquera. Qam sqaidaata quiyim ỹahotaque iuana so Jesús, qam qai'neeta ỹahotaque iuana so Lázaro só'maq liỹo' qanca'laxatec na'le queso Jesús. 10Ca' so lashillipi na netaxaỹaxanqajanqaipi quena' qaretaxaỹa'pegue' ñi qota'olec, so'maxare retaxaỹapigui quiyim qai'neeta qaỹahotaque qaỹalauat so Lázaro, 11ma' sauaxat so'maxare dá'maq 'em quiyim 'xoic na judioipi noỹootec, ma' mashic huelec so Jesús.
So Jesús inoxona'a yi Jerusalén
(Mateo 21.1-11; Marcos 11.1-11; Lucas 19.28-40)
12Ca 'xoico' so qomyipi quepegue' yi Jerusalén quiyim quepegue' so nemaqachic quena' qaỹo'leente so na'xa'a quiyim qoyique'e yi Egipto. Ca' queso liỹa na'xa'a, ca qaỹa'deeno' quiyim so Jesús ỹovira'a yi na'a' lodegaxat. 13Co'na'le, ca qanouaxanec ana laue ana chavic, ca qaỹaqata'guit so Jesús. Ca qaỹaualqatalec, qohintari':
—¡Semaqachinaq ñi qota'olec! ¡Ỹaatqajam no'uen da llicyaxac ná'maq naquetaugui da leenaxat ñi qara'gaxala'! ¡No'uen da llicyaxac ná'maq lashi na Israel llaalqaipi!
14So Jesús iuanejlec so 'ashinoqui', ca naalec so'maxare, qam ipaquichigui dá'maq 'nerac naua naneresañi la'qaatqa ñi qota'a:
15Se ro'chii, qamiri ñiita'ñi na na'a' lodegaxat Sión;
ñaqa 'ajñii na rashii,
'ena neetalec na 'ashin.
16Na' ñaqai chita'gue so lapaxaguinatqaipi ỹaatqajam se ỹa'den ca 'neeta dajo. Qam na'chaqai co'na' ỹovita quiyim qaimaqachin so Jesús, ca qaỹo'leente dá'ogue da llicyaxac so'maxare. Ỹaatqajam ipaquichigui dá'ogue dá'maq naneretañi queso'maxare.
17Quesó'maq qomyipi liỹaataco' so Jesús co'na' so'maxare roỹaxañi'ña caso lahi' so Lázaro, ca' liỹa nca'laxatec queso nelauaxa, na'maxare qai'neeta ỹa'xatetac dá'maq ỹauanchigui. 18Ca' na liỹa qomyipi eec qata'guit so Jesús, ma' mashic ỹa'den quiyim mashic 'ue so ỹo'uet quena netanec se qaiuanapega. 19Ca' na fariseoipi retaxaỹata', ca 'naaco':
—Ñaqa 'ajñii qamiri quiyim mashic qaica ca qarishaaque, ma' mashic ná'ogue na qomyipi coỹareta'pegue' so'maxare.
'Vii saua griego lase' imitesaque so Jesús
20Quesó'maq qomyipi quepegue' yi Jerusalén ma' ỹovire'oga so na'xa'a lapoxoqui quiyim imaqachin ñi qota'a, ca 'vio' saua ỹalequesaho griego lase'. 21Saua'maxare nqo'nera'a so Felipe, so'maxare Betsaida le'ec yí'maq huaugui yi 'laua Galilea. Ca qane'xoresene'tot, qohinaco':
—Nqouaquiteguelo qomi', sahoqotaque seuanaxa ca Jesús.
22Ca so Felipe eec, ca ra'qaataxano' so Andrés, ca saua'que querepegue' so Jesús, ca ra'qaataxane'. 23Ca' so Jesús 'naaco' quesaua'maxare:
—Ỹovita yi laloqo' quiyim najo ỹale llaalec qaimaqachin ma'le. 24Ỹaatqajam llic da shinac caqamiri, quiyim no'm 'óna ca trigo la sqai najñi, ca' taugui na 'laua, ca' se nqo'in quiyim 'oonoqui'. Qam no'm ileu, ca' ishit quiyim 'xoic ca qanaqat chicqaugui. 25Cá'maq ỹauotegue da chi nachaalataxac, ca na'laxatañi ma'le; qam cá'maq ỹamaqa'gue da chi nachaalataxac quena 'laua, ca 'ue ma'le da nachaalataxac qaica ca lqodoc. 26Ca no'm 'ue ca ỹahotaque quiyim ro'ueenataxanot aỹim, ca 'maxaraic quiyim queeta'pegue' aỹim, ma' cá'maq seuete'e, ca' chaqaiyi hueete'e cá'maq ro'ueenataxantacot aỹim. No'm 'ue ca ro'ueenataxanot aỹim, ca' ñi ita'a imaqachin ca'maxare.
So Jesús ỹa'xateta'guit quiyim qaỹalauat
27Ca' nagui ỹaatqajam 'xoic da shinta; ca ¿nega'ỹo' ca shinac? ¿Loqo'm shinac: “Qami' ita'a, yca'laxachirec quedá'maq naatailec nagui”? Qam chaqaida dá'maq 'em ñanac. 28Qami' ita'a, maqachiñi' da qadeenaxachi'.
Ca 'uo' so qara'xaỹaque na'qaatec, 'maqot na piguim, 'naaco':
—Shi'gue semaqachin, qam qaiyiita liỹa semaqachin.
29Ca ná'maq qomyipi hueeta'anyi na'xaỹaxantac 'naaco' quiyim nalataxa so 'xaỹaque. Qam na liỹa 'naaco':
—Quiyim nelaatec piguim le'ec so netaxaỹa'ña.
30Ca' so Jesús 'naaco' queso qomyipi:
—Mesqaỹim ná'maq 'em quiyim qara'xaỹaque so na'qaatec; ta'ta'a quiyim caqamiri. 31Ca' nagui, ca ỹovita yi laloqo' quiyim ñi qota'a ỹa'ue da lasauaxaset na hueetalec na 'laua; ca' nagui, ca ñi'maxare ỹo'daauec so na'ỹaapec só'maq relaataxantac quena 'laua. 32Ca ma' ỹovita quiyim qananojshiguim aỹim quena 'laua, ca' ñauego ma'le ná'ogue na qomyipi.
33Ca' quedajo, ca ỹahotaque quiyim qaỹa'yiinchigui cá'maq 'neeta ma' ileu. 34Ca' na qomyipi 'naaco' queso'maxare:
—Qomi' sa'xaiqatac quena' qaretaqalec ana lere ana lomalate na naqataxaquipi quiyim cajo nashi nca'laxaqui sqaica lqodoc da nachaalataxac. Qam ¿chi'neco' qami' 'ñirac quiyim cajo ỹale llaalec qananojshiguim ma'le? ¿Chi nega'ỹo' ca 'ñiisapega ỹale llaalec?
35Ca' so Jesús 'naaco' queso qomyipi:
—Nagui ma' ñaqai hueetauguilo qamiri najo lcoỹeraqate na 'laua, qam sqoỹoxouec quiyim ỹalequetauguilo qamiri. Ca' quiitaugui dajo lauaq ma' ñaqa 'ue, qaiyi se i'laxate' qamiri ca napalaxa. Ma' cá'maq queetaugui ca napalaxa se ỹa'den cá'maq taigue. 36Ca' viilec nagui najo ncoỹeraxanqate, ma' ñaqai hueetauguilo qamiri, qaiyi viriỹau'a quiyim qai'neeta 'ue ca lauaxai' qamiri.
Ca co'na' ime 'naac dajo, ca' so Jesús eec nqañoqtapeguema saua'maxare.
Dá'maq 'neeto' quiyim so judioipi sqai huelec so Jesús
37Ca 'eno'm so Jesús 'xoic na ỹo'uet quena netanec se qaiuanapega iuanchigui nqai'ne' saua'maxare, qam qaiyiita se qoyiuelec. 38Ma' qaiyi ipaquichigui da la'qaataxanaxac so la'qaataxanqajnec ñi qota'a leenaxat Isaías co'na' ỹiriñi:
Qami' ỹa'gaxala', ¿nega'ỹo' ca huelec da qara'qaataxanaxac?
¿Nega'ỹo' ca ỹachaxanem da lquesaxanaxa ñi qara'gaxala'?
39Ca' se ishit quiyim 'ue ca huelec, ma' qai'neeta ỹiriñi so Isaías:
40Ñi qota'olec se nauanñi nqai'en na'maxare chaqai ỹa'ñaxat añi le'taxanata,
qaiyi se reuanaxanalo naua nqote',
chaqai cañi le'taxanata se ỹa'yiiñigui nqai'en dajo,
chaqai sqo pila'a aỹim, qaiyi aỹim somatec.
41So Isaías ỹa'xat dajo, ma' iuanchiguio' da lecaic so Jesús, chaqai ỹa'xatetac so'maxare.
42Qam qaiyiita 'xoico' so judioipi huelec so Jesús, vire'ta ná'maq 'ue nqai'negue. Qam se nichoxoteta quena qom, ma' no'cha'a so fariseoipi, qaiyi se qaỹo'daauec cañi lapoxoqui. 43Ma' ỹapacqajnauec quiyim qaimaqachin quena qom, quiyim qaimaqachin quiñi qota'olec.
Naua la'qaatqa so Jesús ỹo'ueete' ma'le ca lasauaxaset na qomyipi
44So Jesús nelamaxaren na' retaqa, 'naaco':
—Cá'maq huelec aỹim mesqaỹimeta huelec, ma' qai'neeta huelec ñi ita'a ñí'maq yila'. 45Chaqai cá'maq iuañiua', iuana qai'neeta ñí'maq yila'. 46Ỹim ma' ỹim lcoỹeraqate na 'laua, qaiyi quená'maq huelec aỹim se no'ueenaugui na napalaxa. 47Qam no'm 'ue ca 'xaỹalo naua ỹa'qaatqa, qam se na'xaỹaxan, mesqaỹim ná'maq sa'ue ca nouaxanaxaset ca'maxare; ma' ỹim se ñovita na 'laua quiyim so'uet ca nouaxanaxaset na qomyipi; qaidaata quiyim ñovi', qam nca'leuec nqaishin na qomyipi. 48Cá'maq se icoñiguit aỹim chaqai se na'xayaxanalo naua ỹa'qaatqa, chaqa'ma' shi'gue 'ue ñí'maq ỹo'uet ca nouaxanaxaset ca'maxare. Nauá'maq na'qaatqa sa'xateta'pe, chaqainaua nauá'maq ỹo'ueete' ca nouaxanaxaset ca qom queca pa'aatec na'xa'a. 49Ma' ỹim se ñanoiquentac quiyim setaqa; ma' ñí'maq ita'a ñí'maq yila', chaqaiñi ñí'maq chicqo'ot cá'maq sa'xat chaqai cá'maq sapaxaguinataxanegue. 50Chaqai sa'den quiyim dá'maq lelaataxanaxac ñi ita'a, da'maxare chicqaugui ca nca'laxa sqaica lqodoc. Vichiguiño' quiyim sa'xat, sa'xat, ma' ñí'maq ita'a ỹamaxailec.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Antiguo Testamento Corto y Nuevo Testamento en Mocoví, La'qaatqa ñi Qota'olec - Qota'olec Novita Na Qomyipi © Sociedad Bíblica Argentina, 1988, 1991.