Eclesiastés 12
12
1Totaxan 'laxachite ñí'maq qami' lo'ueenatec nagui tomaxan ñaqai qami' ne'necoqui' chaqai saqa' novite' caua lqalaigue' naua na'xata'; ma' novite' ma'le caua ñaxari quiyim 'ñirac: Qaica quet cá'maq noviraxat quiyim ya'maqachiguiñi yca'leetauec. 2'Viichi' nagui, tomaxan saqa' 'om añi ra'aasa, ñi shiraigo chaqai na huaqajñipi, chaqai ma' ñaqa 'ue na naueguelec quiyim mashic ime'uegue so ỹaxat. 3Ca' ỹovita ma'le ca laloqo' quiyim i'loxol na neloxoỹaripi quiñi 'imec lodegaxat, chaqai nemanñi na 'ñaaxaiquipi; chaqai sqo vito'olli' cauá'maq no'ueendañi richigoxosoxonta'pe, ca ỹaxañiñi da lichigoxosoxonaxague'; ca ná'maq ra'ỹaauec quecaua nqotel, chaqa'ma' na'lerañi naua nqote'. 4Ca ma' novi' cajo na'xa'a, ca' poguilo ma'le naua lasomi' pa'aasa'guit so nayic; ca' da lelamaxa aca namoxoiqataxanaxa nqo'neeta'ta'; ana qo'oole tot qara'xaỹaque ca noỹenaxac, qam na no'ueenaxanaxac tot qara'xaỹaque; 5ỹo'uet da nqolonaxa da lishicshi'megue, chaqai queso nayic 'ue na lichic.
Ca' renohi ana qo'paq almendro,
ana piñai ra'paqataxan
chaqai ana qo'paq alcaparra tot rotaanaxan queca qanishiitaque.
Ma' na ỹale taỹa'a ca la'a' sqaica ca lqodoc,
chaqai mashic qara'qaataque quenaua nayico
ná'maq noỹenteguelec da lelauaxa.
6Totaxan 'laxachite ñí'maq qami' lo'ueenatec nagui ma' saqa' rachipi so lequeetenaxanaxat plata chaqai saqa' ropoqogui añi 'ueena 'oro; nagui tomaxan saqa' ropoqogui añi nehoma neeta'ñi na lahi añi huaxaỹaq lahi', chaqai saqa' rachipi so ne'maxasoxonaxat cañi ni'ỹa. 7Ca ma' ime dajo, ca ná'maq chicqaugui na 'laua pilougui na 'laua, ca ñí'maq na'al pilot ñi qota'olec ñí'maq ỹañigui na'le.
8Ma' ỹim netaxaỹaq sopilaxateta'gue:
¡Qaica quet cá'maq 'negue, qaica quet cá'maq 'negue!
¡Ná'ogue qaica quet cá'maq 'negue!
Nauá'maq co'uaataxante' na'qaatqa
9Ca na' ỹovita quiyim paguec na la'deenec so netaxaỹaq, ca paguec da la'deenec nqai'en na qom. Chaqai qai'neeta quelec quiyim napaxaguina na 'xoic llicyaxac na na'qaatec chaqai nca'ata', ca ỹa'maxachichiguiñi. 10Ỹaatqajam 'ue da leuogoxo quiyim ỹanata cá'maq leloxoỹaxac yi na'qaatec, ma' ỹahotaque ỹiriñi cá'maq ỹaatqajam llic leloxoỹaxac.
11Naua la'qaatqa na 'deenaxanqachaqaiquipi 'ec ca na'naxaset, chaqai quena' qalapoonta' qanca'ata', ca 'ec aca netana qaỹotocqochiguiñi ỹa'yiñi ca 'oonoqui' neloxoỹaq cana qagreta. 12Ca' quiñi 'óna ỹanata yí'maq chalego lecaic naqataxac. Qaica ca lqodoc quiyim qaỹo'uet aca 'xoic lere, chaqai quiyim 'xoic ca paxaguinaxac resotqataxan.
13Ca' ime da ỹa'qaatqaipi. Ná'ogue shi'gue sa'xat. Maqachiñi' ñi qota'olec chaqai 'viichi' naua lelaataxanaxaco, ma' chaqaida dá'maq 'em quiyim qaỹo'uet na qom. 14Ñi qota'olec qarenat ma'le quená'ogue ná'maq so'ueetqatac lo'yaxanec loqo'm se no'uen, 'eno'm ñañoxotqatañi quiyim so'ueetaq.
Currently Selected:
Eclesiastés 12: MCV91
Highlight
Share
Copy
Want to have your highlights saved across all your devices? Sign up or sign in
Antiguo Testamento Corto y Nuevo Testamento en Mocoví, La'qaatqa ñi Qota'olec - Qota'olec Novita Na Qomyipi © Sociedad Bíblica Argentina, 1988, 1991.
Eclesiastés 12
12
1Totaxan 'laxachite ñí'maq qami' lo'ueenatec nagui tomaxan ñaqai qami' ne'necoqui' chaqai saqa' novite' caua lqalaigue' naua na'xata'; ma' novite' ma'le caua ñaxari quiyim 'ñirac: Qaica quet cá'maq noviraxat quiyim ya'maqachiguiñi yca'leetauec. 2'Viichi' nagui, tomaxan saqa' 'om añi ra'aasa, ñi shiraigo chaqai na huaqajñipi, chaqai ma' ñaqa 'ue na naueguelec quiyim mashic ime'uegue so ỹaxat. 3Ca' ỹovita ma'le ca laloqo' quiyim i'loxol na neloxoỹaripi quiñi 'imec lodegaxat, chaqai nemanñi na 'ñaaxaiquipi; chaqai sqo vito'olli' cauá'maq no'ueendañi richigoxosoxonta'pe, ca ỹaxañiñi da lichigoxosoxonaxague'; ca ná'maq ra'ỹaauec quecaua nqotel, chaqa'ma' na'lerañi naua nqote'. 4Ca ma' novi' cajo na'xa'a, ca' poguilo ma'le naua lasomi' pa'aasa'guit so nayic; ca' da lelamaxa aca namoxoiqataxanaxa nqo'neeta'ta'; ana qo'oole tot qara'xaỹaque ca noỹenaxac, qam na no'ueenaxanaxac tot qara'xaỹaque; 5ỹo'uet da nqolonaxa da lishicshi'megue, chaqai queso nayic 'ue na lichic.
Ca' renohi ana qo'paq almendro,
ana piñai ra'paqataxan
chaqai ana qo'paq alcaparra tot rotaanaxan queca qanishiitaque.
Ma' na ỹale taỹa'a ca la'a' sqaica ca lqodoc,
chaqai mashic qara'qaataque quenaua nayico
ná'maq noỹenteguelec da lelauaxa.
6Totaxan 'laxachite ñí'maq qami' lo'ueenatec nagui ma' saqa' rachipi so lequeetenaxanaxat plata chaqai saqa' ropoqogui añi 'ueena 'oro; nagui tomaxan saqa' ropoqogui añi nehoma neeta'ñi na lahi añi huaxaỹaq lahi', chaqai saqa' rachipi so ne'maxasoxonaxat cañi ni'ỹa. 7Ca ma' ime dajo, ca ná'maq chicqaugui na 'laua pilougui na 'laua, ca ñí'maq na'al pilot ñi qota'olec ñí'maq ỹañigui na'le.
8Ma' ỹim netaxaỹaq sopilaxateta'gue:
¡Qaica quet cá'maq 'negue, qaica quet cá'maq 'negue!
¡Ná'ogue qaica quet cá'maq 'negue!
Nauá'maq co'uaataxante' na'qaatqa
9Ca na' ỹovita quiyim paguec na la'deenec so netaxaỹaq, ca paguec da la'deenec nqai'en na qom. Chaqai qai'neeta quelec quiyim napaxaguina na 'xoic llicyaxac na na'qaatec chaqai nca'ata', ca ỹa'maxachichiguiñi. 10Ỹaatqajam 'ue da leuogoxo quiyim ỹanata cá'maq leloxoỹaxac yi na'qaatec, ma' ỹahotaque ỹiriñi cá'maq ỹaatqajam llic leloxoỹaxac.
11Naua la'qaatqa na 'deenaxanqachaqaiquipi 'ec ca na'naxaset, chaqai quena' qalapoonta' qanca'ata', ca 'ec aca netana qaỹotocqochiguiñi ỹa'yiñi ca 'oonoqui' neloxoỹaq cana qagreta. 12Ca' quiñi 'óna ỹanata yí'maq chalego lecaic naqataxac. Qaica ca lqodoc quiyim qaỹo'uet aca 'xoic lere, chaqai quiyim 'xoic ca paxaguinaxac resotqataxan.
13Ca' ime da ỹa'qaatqaipi. Ná'ogue shi'gue sa'xat. Maqachiñi' ñi qota'olec chaqai 'viichi' naua lelaataxanaxaco, ma' chaqaida dá'maq 'em quiyim qaỹo'uet na qom. 14Ñi qota'olec qarenat ma'le quená'ogue ná'maq so'ueetqatac lo'yaxanec loqo'm se no'uen, 'eno'm ñañoxotqatañi quiyim so'ueetaq.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Antiguo Testamento Corto y Nuevo Testamento en Mocoví, La'qaatqa ñi Qota'olec - Qota'olec Novita Na Qomyipi © Sociedad Bíblica Argentina, 1988, 1991.