Minin nimi 16
16
Koree a piã
1 #
ZUD 11. Levii tɔrɔ goon ne, a tɔ n Koree. Isaara a nɛ nɛ, Keyati a tanlɛ min ni. Bɛa Koree lɛ piã wɔ kun ka Eliabu a nɛ min paa nɛ, Datan laanka Abiramu ni, ka Pelɛti a nɛ Ɔne ne. Ǹ dinin min sɔɔ tumaa n Urubɛn a tanlɛ minin lɛa. 2Ǹ nə́ yoo Muizu gialaa, ǹ laanka Izirayeli min biɛpaa ka posooro ne. Maǹ nə́ goã zaman lɛ a goledɛnan lɛa, min yii guguru-an lɛa, ǹ nə́ woe lɛsɔkɔn bǎãn nɛ. 3Ǹ nə́ kaa kun ǹ nə́ yoo Muizu laanka Aarɔn gialaa, ǹ nə́ pɛ ǹ nɛ: «Kɛa boe? A giala, zaman lɛ tumaa n Dɛnaa Lawa wɔ lɛa, Dɛnaa Lawa tá kun ka wɔ tumaa nɛ. Wàa na á baa kasɛn tá ka dinin soɛ koe Dɛnaa Lawa a zaman gialakun kɛ nɛ?»
4Muizu bɛ́ á bɛa boon kɛn lɛn ma, á na, á kaa tán a lɛ la. 5Bɛ kio, á pɛ Koree ne, ka Koree a kiodɛnan lɛn tumaa nɛ kɛnɛn: «Biɛ̃ baayɛlɛ, Dɛnaa Lawa tá re nyɛɛ, min mɛn bɛ́ a din wɔ lɛa, min mɛn bɛ́ *yoreene, ka min mɛn bɛ́ boe la a n mɔrɔ a ganaa. Bɛ̀ á min mɛn bɔ, á die toɛ bɛ nə n mɔrɔ a ganaa. 6Koree laanka a kiodɛnan lɛn, ka die ka sii lɛ a kɛ zɛnaa: ka da yon gìĩ kɔɔ̃n kaa ǹ mànan goa, 7biɛ̃, ka tɛ nàn kaa ǹ nɛ, ka da yon gìĩ kɔɔ̃n kaa a lalan, Dɛnaa Lawa yɔrɔ-a. Dɛnaa Lawa bɛ́ re min mɛn boe, bɛ lɛ n yoreene. Levii a tanlɛ minin lɛn mà bɛ á boe.» 8Muizu wusoo doo á pɛ Koree ne: «Ka n too kɔ kəni, kasɛn Levii a tanlɛ minin kɛn lɛn. 9Izirayeli a Lawa bɛ́ á ka yii gɔgɔɔ̃ Izirayeli zaman lɛ bii, á n toɛ ka nə́ n mɔrɛ a ganaa, ń giɛ ka tá a kion sonbore kɛ a dí nyɛɛ, ka dí nya nɛ zaman lɛ a lɛa, bɛ na a ba doe ka yii li wa? 10Lawa toa ka tá n mɔrɛ a ganaa, nsɛ Koree kɛ lɛ laanka n dɔɔ̃n Levii a tanlɛ minin lɛn nɛ. Ka n wusii doo wúlu bɔ ǹ dí liɛ? 11Bɛa yɔrɔ kɛ lɛ la, n laanka n kiodɛnan lɛn tumaa n ká kaa kun, ká yoo Dɛnaa Lawa gialaa. Bɛ bie wa, Aarɔn lɛ n die lɛa kəni, ka tɔn zùũzùũ si a ganaa?»
12Bɛ kio, Muizu min dia woe lɛ diɛ Datan laanka Abiramu la, Eliabu a nɛgiĩn lɛn. Sɛnɛ, ǹ nə́ pɛ: «Wɔsɛn ba li wɔ daa wa. 13Gána mɛn nə́ ke bɔ̀nyaa laanka zoo nyɔɔ n baa sii a nɛ, Muizu wɔ waa á wɔ bɔ walan, á daa wɔ dɛ diə gole kɛ nɛ. Bɛ tɔn dɔ a yii li wa? A n zoɛ̃ li dɔn, a wɔsɛn nyɛɛnaandɛnaa baa ka pàã nɛ? 14Haayii dɛ! Gána mɛn bɛ́ bɔ̀nyaa laanka zoo nyɔɔn baa sii a nɛ, a bie á daa ka wɔsɛn nɛ bɛ-n wa. A wurun hinlaa *rezɛ̃ dan kɔ wɔsɛn la, wɔ́ baa wɔa wɔ lɛa wa. N ba re giɛ n gaãnaan li wa? Wɔa die wa.» 15Muizu foo tɔ́n yoo taãn-taãnɛ, á pɛ Dɛnaa Lawa nɛ: «Bɛa minin kɛn lɛn bɛ́ re n goe ka mànan mɛnɛn nɛ, n baran n yɔrɔ bǐɛ̃ da bɛ la wa. Haalɛ dundun din ni, ma si ǹ la wa. Ma sii dɔ la ǹ kɔn la wa.»
Sii mɛn nə Koree laanka a kiodɛnan yɛ
16Muizu pɛ Koree ne: «N din ni, ka n kiodɛnan lɛn tumaa nɛ, ka da Dɛnaa Lawa yɔrɔ-a bǐɛ̃. Aarɔn dɔ á die goɛ̃ a tan. 17Min biɛpaa ka posooro mɛn bɛ́ n kio, bɛn min gogoonmaa die a na a da yon gìĩ kɔɔ̃n kaa ǹ màn saa, a da yon gìĩ kɔɔ̃n kaa a nɛ, a da nɛ Dɛnaa Lawa yɔrɔ-a. Aarɔn laanka n dinmaa dɔ die ka zɛnaa miɛ̃.» 18Koree laanka a kiodɛnan lɛn nə́ lɛ kɔ: ǹ didie ná a da yon gìĩ kɔɔ̃n kaa ǹ màn saa, á tɛ nàn kaa a nɛ, á da yon gìĩ kɔɔ̃n kaa a lalan, ǹ nə́ daa golee kɔn yɛ ka Lawa nɛ ǹ kion kɛa kiɛnlɛ-a, kun ka Muizu laanka Aarɔn nɛ. 19Koree lɛ ná a kiodɛnan lɛn tumaa mìi sɔkɔn Muizu laanka Aarɔn li, kɔn yɛ ka Lawa nɛ ǹ kion lɛ a kiɛnlɛ-a. Dɛnaa Lawa a gugurubaa daa n din nyaa zaman lɛ tumaa nɛ. 20Dɛnaa Lawa tɔ́n boo da Muizu laanka Aarɔn nɛ, á pɛ: 21«Ka n na ka n bɔ bɛa minin kɛn lɛn ganaa. Masɛ n die ǹ bɔ̀n biɛ a din bǎã nɛ.» 22Bɛ kio, Muizu laanka Aarɔn na, ǹ nə́ kaa tán ǹ lɛ la, ǹ nə́ pɛ: «Ee Lawa! Nsɛ mɛn bɛ́, da ǹ màn din tumaa a fɔfoã nə́ n gɔn, n foo n die yui zaman lɛ tumaa li, a da yǎa min goon dinsɔɔ̃ na á sii baraa zɛnaa?»
23Dɛnaa Lawa wusoo á boo da Muizu ni á pɛ: 24«A pɛ zaman lɛ nɛ, mà ǹ nə n wɔlɔ lui Koree a giã ǹ bǎã ganaa, ka Datan laanka Abiramu wɔ nɛ.» 25Muizu tɔ́n yoo á woo Datan laanka Abiramu li, ka Izirayeli min golen ná a kio. 26Muizu pɛ zaman lɛ nɛ: «Ka n zɔ̃ ka n bɔ bɛa min baraan kɛn lɛn mɔnaa zìãn ganaa, ka baran toa ka n gɔn da ǹ màn kɔn ganaa wa. Bɛ bie wa, ka dɔn man die giɛ̃ bɛa min baraan kɛn lɛn sii baraan lɛn tumaa taman yii.»
27Bɛ kio, zaman lɛ nə́ n wɔlɔ lui Koree a giã ǹ bǎã lɛ ganaa, ka Datan laanka Abiramu wɔ nɛ. Datan laanka Abiramu na á goã ǹ nə́ soo, ǹ nə́ golee ǹ mɔnaa zìãn kiɛnlɛ-a kun ka ǹ lɔn nɛ, ka ǹ nɛnyaanan laanka ǹ nɔ̀ɔnɔn nɛ. 28Muizu tɔ́n pɛ: «Ka tá re doɛ̃ kɛ li kəni, mà Dɛnaa Lawa na a masɛ dia bɛa siin kɛn lɛn tumaa zɛnɛɛ, masɛ bie ǹ zɛnɛɛ ma din li wa. 29Bɛa minin kɛn lɛn gɛ̀ wɔ ǹ gɔn goã goon ka min tumaa wɔ nɛ, bɛ̀ ǹ giala nyɔmɔɔ goã goon ka min tumaa wɔ-n sɛn, Dɛnaa Lawa bie á masɛ dia wa. 30Sɛnɛ, bɛ̀ Dɛnaa Lawa kaãbaa sii zɛnaa, tán nə́ n lɛ bũ, á ǹ mui kɔnlɛ ka màn mɛn tumaa bɛ́ ǹ wɔ lɛa, yǎa ǹ wo geren piɛ ǹ yii n koo, ka tá re doɛ̃ kəni mà bɛa minin kɛn man nə́ n yii wɔ Dɛnaa Lawa la.»
31Muizu bɛ́ á bɛa boo kɛ lɛ yii da á nya gɔrɔ, tán nə́ n dɛ bɛa minin lɛn gòã giulun. 32Tán lɛ nə́ n lɛ bũ, á ǹ mui kɔnlɛ ka ǹ kion minin ni, ka Koree a minin tumaa laanka ǹ gɔn mànan nɛ. 33Ǹ nə́ woo geren piɛ ǹ yii n koo, kɔnlɛ ka màn mɛn tumaa bɛ́ ǹ wɔ lɛa. Tán nə́ n lɛ tɔrɔ ǹ ganaa. Maǹ nə́ papaã ǹ nə́ n bɔ Izirayeli zaman lɛ bii ka bɛa yɔrɔ lɛ nɛ. 34Izirayeli minin mɛnɛn tumaa goã kunu ǹ ganaa, bɛn bɛ́ ǹ nə́ ǹ lɛ-dɛ ma, ǹ nə́ n daa baa la. A giala mà ǹ nə́ goã nyɛ́ɛ biɛ, mà tán lɛ tá re ǹsɛn dɔn mui. 35Min biɛpaa ka posooro mɛn dɔ goã wúlu boe ka da yon gìĩ kɔɔ̃n lɛ nɛ, Dɛnaa Lawa tɛ dɛ á da bɛn dɔn-a ǹ nə́ kũ ǹ yii n koo.
Currently Selected:
Minin nimi 16: SCE2013
Highlight
Share
Copy
Want to have your highlights saved across all your devices? Sign up or sign in
San Catholic Edition Bible © Bible Society of Burkina Faso, 2013.
Minin nimi 16
16
Koree a piã
1 #
ZUD 11. Levii tɔrɔ goon ne, a tɔ n Koree. Isaara a nɛ nɛ, Keyati a tanlɛ min ni. Bɛa Koree lɛ piã wɔ kun ka Eliabu a nɛ min paa nɛ, Datan laanka Abiramu ni, ka Pelɛti a nɛ Ɔne ne. Ǹ dinin min sɔɔ tumaa n Urubɛn a tanlɛ minin lɛa. 2Ǹ nə́ yoo Muizu gialaa, ǹ laanka Izirayeli min biɛpaa ka posooro ne. Maǹ nə́ goã zaman lɛ a goledɛnan lɛa, min yii guguru-an lɛa, ǹ nə́ woe lɛsɔkɔn bǎãn nɛ. 3Ǹ nə́ kaa kun ǹ nə́ yoo Muizu laanka Aarɔn gialaa, ǹ nə́ pɛ ǹ nɛ: «Kɛa boe? A giala, zaman lɛ tumaa n Dɛnaa Lawa wɔ lɛa, Dɛnaa Lawa tá kun ka wɔ tumaa nɛ. Wàa na á baa kasɛn tá ka dinin soɛ koe Dɛnaa Lawa a zaman gialakun kɛ nɛ?»
4Muizu bɛ́ á bɛa boon kɛn lɛn ma, á na, á kaa tán a lɛ la. 5Bɛ kio, á pɛ Koree ne, ka Koree a kiodɛnan lɛn tumaa nɛ kɛnɛn: «Biɛ̃ baayɛlɛ, Dɛnaa Lawa tá re nyɛɛ, min mɛn bɛ́ a din wɔ lɛa, min mɛn bɛ́ *yoreene, ka min mɛn bɛ́ boe la a n mɔrɔ a ganaa. Bɛ̀ á min mɛn bɔ, á die toɛ bɛ nə n mɔrɔ a ganaa. 6Koree laanka a kiodɛnan lɛn, ka die ka sii lɛ a kɛ zɛnaa: ka da yon gìĩ kɔɔ̃n kaa ǹ mànan goa, 7biɛ̃, ka tɛ nàn kaa ǹ nɛ, ka da yon gìĩ kɔɔ̃n kaa a lalan, Dɛnaa Lawa yɔrɔ-a. Dɛnaa Lawa bɛ́ re min mɛn boe, bɛ lɛ n yoreene. Levii a tanlɛ minin lɛn mà bɛ á boe.» 8Muizu wusoo doo á pɛ Koree ne: «Ka n too kɔ kəni, kasɛn Levii a tanlɛ minin kɛn lɛn. 9Izirayeli a Lawa bɛ́ á ka yii gɔgɔɔ̃ Izirayeli zaman lɛ bii, á n toɛ ka nə́ n mɔrɛ a ganaa, ń giɛ ka tá a kion sonbore kɛ a dí nyɛɛ, ka dí nya nɛ zaman lɛ a lɛa, bɛ na a ba doe ka yii li wa? 10Lawa toa ka tá n mɔrɛ a ganaa, nsɛ Koree kɛ lɛ laanka n dɔɔ̃n Levii a tanlɛ minin lɛn nɛ. Ka n wusii doo wúlu bɔ ǹ dí liɛ? 11Bɛa yɔrɔ kɛ lɛ la, n laanka n kiodɛnan lɛn tumaa n ká kaa kun, ká yoo Dɛnaa Lawa gialaa. Bɛ bie wa, Aarɔn lɛ n die lɛa kəni, ka tɔn zùũzùũ si a ganaa?»
12Bɛ kio, Muizu min dia woe lɛ diɛ Datan laanka Abiramu la, Eliabu a nɛgiĩn lɛn. Sɛnɛ, ǹ nə́ pɛ: «Wɔsɛn ba li wɔ daa wa. 13Gána mɛn nə́ ke bɔ̀nyaa laanka zoo nyɔɔ n baa sii a nɛ, Muizu wɔ waa á wɔ bɔ walan, á daa wɔ dɛ diə gole kɛ nɛ. Bɛ tɔn dɔ a yii li wa? A n zoɛ̃ li dɔn, a wɔsɛn nyɛɛnaandɛnaa baa ka pàã nɛ? 14Haayii dɛ! Gána mɛn bɛ́ bɔ̀nyaa laanka zoo nyɔɔn baa sii a nɛ, a bie á daa ka wɔsɛn nɛ bɛ-n wa. A wurun hinlaa *rezɛ̃ dan kɔ wɔsɛn la, wɔ́ baa wɔa wɔ lɛa wa. N ba re giɛ n gaãnaan li wa? Wɔa die wa.» 15Muizu foo tɔ́n yoo taãn-taãnɛ, á pɛ Dɛnaa Lawa nɛ: «Bɛa minin kɛn lɛn bɛ́ re n goe ka mànan mɛnɛn nɛ, n baran n yɔrɔ bǐɛ̃ da bɛ la wa. Haalɛ dundun din ni, ma si ǹ la wa. Ma sii dɔ la ǹ kɔn la wa.»
Sii mɛn nə Koree laanka a kiodɛnan yɛ
16Muizu pɛ Koree ne: «N din ni, ka n kiodɛnan lɛn tumaa nɛ, ka da Dɛnaa Lawa yɔrɔ-a bǐɛ̃. Aarɔn dɔ á die goɛ̃ a tan. 17Min biɛpaa ka posooro mɛn bɛ́ n kio, bɛn min gogoonmaa die a na a da yon gìĩ kɔɔ̃n kaa ǹ màn saa, a da yon gìĩ kɔɔ̃n kaa a nɛ, a da nɛ Dɛnaa Lawa yɔrɔ-a. Aarɔn laanka n dinmaa dɔ die ka zɛnaa miɛ̃.» 18Koree laanka a kiodɛnan lɛn nə́ lɛ kɔ: ǹ didie ná a da yon gìĩ kɔɔ̃n kaa ǹ màn saa, á tɛ nàn kaa a nɛ, á da yon gìĩ kɔɔ̃n kaa a lalan, ǹ nə́ daa golee kɔn yɛ ka Lawa nɛ ǹ kion kɛa kiɛnlɛ-a, kun ka Muizu laanka Aarɔn nɛ. 19Koree lɛ ná a kiodɛnan lɛn tumaa mìi sɔkɔn Muizu laanka Aarɔn li, kɔn yɛ ka Lawa nɛ ǹ kion lɛ a kiɛnlɛ-a. Dɛnaa Lawa a gugurubaa daa n din nyaa zaman lɛ tumaa nɛ. 20Dɛnaa Lawa tɔ́n boo da Muizu laanka Aarɔn nɛ, á pɛ: 21«Ka n na ka n bɔ bɛa minin kɛn lɛn ganaa. Masɛ n die ǹ bɔ̀n biɛ a din bǎã nɛ.» 22Bɛ kio, Muizu laanka Aarɔn na, ǹ nə́ kaa tán ǹ lɛ la, ǹ nə́ pɛ: «Ee Lawa! Nsɛ mɛn bɛ́, da ǹ màn din tumaa a fɔfoã nə́ n gɔn, n foo n die yui zaman lɛ tumaa li, a da yǎa min goon dinsɔɔ̃ na á sii baraa zɛnaa?»
23Dɛnaa Lawa wusoo á boo da Muizu ni á pɛ: 24«A pɛ zaman lɛ nɛ, mà ǹ nə n wɔlɔ lui Koree a giã ǹ bǎã ganaa, ka Datan laanka Abiramu wɔ nɛ.» 25Muizu tɔ́n yoo á woo Datan laanka Abiramu li, ka Izirayeli min golen ná a kio. 26Muizu pɛ zaman lɛ nɛ: «Ka n zɔ̃ ka n bɔ bɛa min baraan kɛn lɛn mɔnaa zìãn ganaa, ka baran toa ka n gɔn da ǹ màn kɔn ganaa wa. Bɛ bie wa, ka dɔn man die giɛ̃ bɛa min baraan kɛn lɛn sii baraan lɛn tumaa taman yii.»
27Bɛ kio, zaman lɛ nə́ n wɔlɔ lui Koree a giã ǹ bǎã lɛ ganaa, ka Datan laanka Abiramu wɔ nɛ. Datan laanka Abiramu na á goã ǹ nə́ soo, ǹ nə́ golee ǹ mɔnaa zìãn kiɛnlɛ-a kun ka ǹ lɔn nɛ, ka ǹ nɛnyaanan laanka ǹ nɔ̀ɔnɔn nɛ. 28Muizu tɔ́n pɛ: «Ka tá re doɛ̃ kɛ li kəni, mà Dɛnaa Lawa na a masɛ dia bɛa siin kɛn lɛn tumaa zɛnɛɛ, masɛ bie ǹ zɛnɛɛ ma din li wa. 29Bɛa minin kɛn lɛn gɛ̀ wɔ ǹ gɔn goã goon ka min tumaa wɔ nɛ, bɛ̀ ǹ giala nyɔmɔɔ goã goon ka min tumaa wɔ-n sɛn, Dɛnaa Lawa bie á masɛ dia wa. 30Sɛnɛ, bɛ̀ Dɛnaa Lawa kaãbaa sii zɛnaa, tán nə́ n lɛ bũ, á ǹ mui kɔnlɛ ka màn mɛn tumaa bɛ́ ǹ wɔ lɛa, yǎa ǹ wo geren piɛ ǹ yii n koo, ka tá re doɛ̃ kəni mà bɛa minin kɛn man nə́ n yii wɔ Dɛnaa Lawa la.»
31Muizu bɛ́ á bɛa boo kɛ lɛ yii da á nya gɔrɔ, tán nə́ n dɛ bɛa minin lɛn gòã giulun. 32Tán lɛ nə́ n lɛ bũ, á ǹ mui kɔnlɛ ka ǹ kion minin ni, ka Koree a minin tumaa laanka ǹ gɔn mànan nɛ. 33Ǹ nə́ woo geren piɛ ǹ yii n koo, kɔnlɛ ka màn mɛn tumaa bɛ́ ǹ wɔ lɛa. Tán nə́ n lɛ tɔrɔ ǹ ganaa. Maǹ nə́ papaã ǹ nə́ n bɔ Izirayeli zaman lɛ bii ka bɛa yɔrɔ lɛ nɛ. 34Izirayeli minin mɛnɛn tumaa goã kunu ǹ ganaa, bɛn bɛ́ ǹ nə́ ǹ lɛ-dɛ ma, ǹ nə́ n daa baa la. A giala mà ǹ nə́ goã nyɛ́ɛ biɛ, mà tán lɛ tá re ǹsɛn dɔn mui. 35Min biɛpaa ka posooro mɛn dɔ goã wúlu boe ka da yon gìĩ kɔɔ̃n lɛ nɛ, Dɛnaa Lawa tɛ dɛ á da bɛn dɔn-a ǹ nə́ kũ ǹ yii n koo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
San Catholic Edition Bible © Bible Society of Burkina Faso, 2013.