Ozee 5
5
Goledɛnan sii baraa zɛnaa
1Lawa a wúlu-bɔlen lɛn,
ka n too kɔ!
Izirayeli minin lɛn,
ka n too kɔ doɛ̃:
Kii a sumu minin lɛn,
ka n too da!
Sii kɛ lɛ a kiri n die kuĩ
ka dinin mìi ni.
A giala,
kaa zɛnaa ǹ sii kɛ na
á kan baa Misipaa kiwi,
a na á biɛ baa ká koa Tabɔɔrɔ
kele kɛ la,
2a na á nyankɔrɔ zuzulu baa
ka fɔ̃ Sitimu kiwi.
Sɛnɛ, masɛ Dɛnaa Lawa
á re a dɔlɔ boe ka tumaa ganaa.
3Masɛ á Efrayimu tɔrɔn kɛn doɛ̃,
Izirayeli tɔrɔn kɛn sii kɔn ba durii-n
masɛ ganaa wa.
Efrayimu tɔrɔn,
ka kɔrɔbaa zɛnaa.
Izirayeli tɔrɔn,
ka *gɔ̀ da ka dinin ganaa.
4Ǹ zɛnaa ǹ sii lɛ din ba toɛ ǹ yii wɔ
ǹ wusoo ǹ da ǹ Lawa li wa.
A giala,
kɔrɔbaa ǹ taasiɛ lɛ tá ǹ yiri ni.
Ǹ ba masɛ Dɛnaa Lawa doɛ̃ wa.
5Izirayeli tɔrɔn din gole kɔ kɛ lɛ n toɛ
min nə ǹ dɔ̃.
Izirayeli tɔrɔn laanka Efrayimu minin
kɛn tá re kiɛ,
ǹ sii kɔkɔrɔ zɛnaa taman yii.
Zudaa minin kɛn dɔn dinin
tá re talɛɛ kunun ǹ ni.
6Ǹ tá re die ka ǹ tɔɔ dadaran
laanka ǹ tɔɔ bisinin ni
mà maǹ giɛ Dɛnaa Lawa li.
Sɛnɛ, ǹ ba re yii wa.
A giala á soo á n bɔ ǹ bii.
7A giala, ǹ nə́ Dɛnaa Lawa bebele,
ǹ nə́ kikio nɛn yɛ.
Sisia kəni,
kànaa laanka mui goon,
ǹ gána lɛ á re yui.
Dɔɔ̃n zia laanka a dɔlɔ
8Ka bɛn pɛ Gibeya kiwi,
ka bɛn pɛ Ramaa kiwi,
ka lɛn da Bɛti-Avɛn kiwi:
Haya! Bɛnzamɛn tɔrɔn lɛn,
kaa zɔ́ɔn tá ka kio.
9Dɔlɔ-bɔ kɛa pinaa,
Efrayimu tɔrɔ kɛ kɔn ba re goɛ̃ wa.
Sii mɛn bɛ́ a re sàabiɛ wa,
man bɛ lɛ nyɛɛ Izirayeli
tɔrɔn manɛ.
10Zudaa tɔrɔn nyɛɛnaadɛnan
kɛn man minin lɛa,
ǹ wuru gèlè toɛ walan bɛ̀ ǹ wɔ
ǹ miãn lon.
Masɛ foo n die yui ǹ dinin lɛn li,
ka mu tii á ke lɔn.
11Ǹ tá re boe Efrayimu tɔrɔn
kɛn yii ni,
ǹ tá re mɛnɛɛ ǹ la kiri wɔ ǹ bǎã nɛ.
A giala,
ǹ dinin man nə́ n laa
sii kooro zɛnaa ganaa.
12Bɛ lɛ n ke,
masɛ Lawa á die kɔǹgɛ̀ biɛ
Efrayimu tɔrɔn kɛn ganaa,
ma á re busulɛ biɛ
Zudaa minin kɛn ganaa.
13Efrayimu tɔrɔn kɛn nə́
ǹ dinin busu dɔ̃,
Zudaa tɔrɔn dɔn nə́ ǹ busu dɔ̃.
Bɛ lɛ nɛ,
Efrayimu minin nə́ woo Asiirii,
ǹ nə́ minin dia kii gole kɛ li.
Sɛnɛ, bɛa boe la a kaa busu kɛ
nya wa,
a boe la a ka si kaa busu kɛ la wa.
14Man die n biɛ ka yàra bɛ́ lɔn
Efrayimu tɔrɔn kɛn ganaa,
man baa ka yàra ten bɛ lɔn
Zudaa minin ganaa.
Ma dinmaa n die ǹ tɔtoɛ̃ ma kiɛ̃.
Man die woe ǹ ne,
min kɔn dɔ ná a re yii a ǹ si
ma la wa.
Dɛnaa Lawa n giɛ kɔn-narɛɛ taãn li
15Masɛ n die n la boe ǹ ganaa,
yǎa ǹ golee ǹ dinin sã li,
ǹ giɛ ma li.
Bɛ̀ fuu nə́ ǹ yɛ, ǹ tá re ma basa boe.
Currently Selected:
Ozee 5: SCE2013
Highlight
Share
Copy
Want to have your highlights saved across all your devices? Sign up or sign in
San Catholic Edition Bible © Bible Society of Burkina Faso, 2013.
Ozee 5
5
Goledɛnan sii baraa zɛnaa
1Lawa a wúlu-bɔlen lɛn,
ka n too kɔ!
Izirayeli minin lɛn,
ka n too kɔ doɛ̃:
Kii a sumu minin lɛn,
ka n too da!
Sii kɛ lɛ a kiri n die kuĩ
ka dinin mìi ni.
A giala,
kaa zɛnaa ǹ sii kɛ na
á kan baa Misipaa kiwi,
a na á biɛ baa ká koa Tabɔɔrɔ
kele kɛ la,
2a na á nyankɔrɔ zuzulu baa
ka fɔ̃ Sitimu kiwi.
Sɛnɛ, masɛ Dɛnaa Lawa
á re a dɔlɔ boe ka tumaa ganaa.
3Masɛ á Efrayimu tɔrɔn kɛn doɛ̃,
Izirayeli tɔrɔn kɛn sii kɔn ba durii-n
masɛ ganaa wa.
Efrayimu tɔrɔn,
ka kɔrɔbaa zɛnaa.
Izirayeli tɔrɔn,
ka *gɔ̀ da ka dinin ganaa.
4Ǹ zɛnaa ǹ sii lɛ din ba toɛ ǹ yii wɔ
ǹ wusoo ǹ da ǹ Lawa li wa.
A giala,
kɔrɔbaa ǹ taasiɛ lɛ tá ǹ yiri ni.
Ǹ ba masɛ Dɛnaa Lawa doɛ̃ wa.
5Izirayeli tɔrɔn din gole kɔ kɛ lɛ n toɛ
min nə ǹ dɔ̃.
Izirayeli tɔrɔn laanka Efrayimu minin
kɛn tá re kiɛ,
ǹ sii kɔkɔrɔ zɛnaa taman yii.
Zudaa minin kɛn dɔn dinin
tá re talɛɛ kunun ǹ ni.
6Ǹ tá re die ka ǹ tɔɔ dadaran
laanka ǹ tɔɔ bisinin ni
mà maǹ giɛ Dɛnaa Lawa li.
Sɛnɛ, ǹ ba re yii wa.
A giala á soo á n bɔ ǹ bii.
7A giala, ǹ nə́ Dɛnaa Lawa bebele,
ǹ nə́ kikio nɛn yɛ.
Sisia kəni,
kànaa laanka mui goon,
ǹ gána lɛ á re yui.
Dɔɔ̃n zia laanka a dɔlɔ
8Ka bɛn pɛ Gibeya kiwi,
ka bɛn pɛ Ramaa kiwi,
ka lɛn da Bɛti-Avɛn kiwi:
Haya! Bɛnzamɛn tɔrɔn lɛn,
kaa zɔ́ɔn tá ka kio.
9Dɔlɔ-bɔ kɛa pinaa,
Efrayimu tɔrɔ kɛ kɔn ba re goɛ̃ wa.
Sii mɛn bɛ́ a re sàabiɛ wa,
man bɛ lɛ nyɛɛ Izirayeli
tɔrɔn manɛ.
10Zudaa tɔrɔn nyɛɛnaadɛnan
kɛn man minin lɛa,
ǹ wuru gèlè toɛ walan bɛ̀ ǹ wɔ
ǹ miãn lon.
Masɛ foo n die yui ǹ dinin lɛn li,
ka mu tii á ke lɔn.
11Ǹ tá re boe Efrayimu tɔrɔn
kɛn yii ni,
ǹ tá re mɛnɛɛ ǹ la kiri wɔ ǹ bǎã nɛ.
A giala,
ǹ dinin man nə́ n laa
sii kooro zɛnaa ganaa.
12Bɛ lɛ n ke,
masɛ Lawa á die kɔǹgɛ̀ biɛ
Efrayimu tɔrɔn kɛn ganaa,
ma á re busulɛ biɛ
Zudaa minin kɛn ganaa.
13Efrayimu tɔrɔn kɛn nə́
ǹ dinin busu dɔ̃,
Zudaa tɔrɔn dɔn nə́ ǹ busu dɔ̃.
Bɛ lɛ nɛ,
Efrayimu minin nə́ woo Asiirii,
ǹ nə́ minin dia kii gole kɛ li.
Sɛnɛ, bɛa boe la a kaa busu kɛ
nya wa,
a boe la a ka si kaa busu kɛ la wa.
14Man die n biɛ ka yàra bɛ́ lɔn
Efrayimu tɔrɔn kɛn ganaa,
man baa ka yàra ten bɛ lɔn
Zudaa minin ganaa.
Ma dinmaa n die ǹ tɔtoɛ̃ ma kiɛ̃.
Man die woe ǹ ne,
min kɔn dɔ ná a re yii a ǹ si
ma la wa.
Dɛnaa Lawa n giɛ kɔn-narɛɛ taãn li
15Masɛ n die n la boe ǹ ganaa,
yǎa ǹ golee ǹ dinin sã li,
ǹ giɛ ma li.
Bɛ̀ fuu nə́ ǹ yɛ, ǹ tá re ma basa boe.
Currently Selected:
:
Highlight
Share
Copy
Want to have your highlights saved across all your devices? Sign up or sign in
San Catholic Edition Bible © Bible Society of Burkina Faso, 2013.