Ozee 2
2
Lɛawaa gole
1Ǹ kɔn pinaa,
Izirayeli minin lɛn tá re mɔnɛɛ,
ka yìsi mu lɛ-a ǹ nyɔɔsɔ̃ bɛ́ lɔn,
min ná a boe la a zɔɔ̃ wa,
min ná a boe la a nimi wa.
Lawa pɛ ǹ nɛ bǎã mɛn nɛ
"Ka bie maa zaman lɛa doo wa",
á re wusii a pɛ ǹ nɛ walan
"Lawa yiikoonaa a minin"!
2Zudaa minin laanka
Izirayeli minin ni,
bɛn tá re wusii ǹ kaa kun.
Ǹ tá re kiã goon toto boe,
ǹ koa ǹ dinin mìi la,
Gána lɛ á re kiɛɛrɛ koe ǹ ganaa.
A giala,
sii lɛ bɛ́ re n zɛnɛɛ Zizereyɛli
ǹ mɛn pinaa,
lɛawaa gole ne.
3Ka pɛ ka dɔɔ̃ngiĩn lɛn manɛ:
«Amii, maa zaman.»
Ka pɛ ka dɔɔ̃nlɔn lɛn manɛ:
«Urukama,
ma á re makara boe ka ganaa.»
4Ka kiri wɔ kaa náa lɛ ganaa,
ka kiri wɔ a ganaa taãn-taãnɛ.
A giala, a ba maa wɔ lɛa doo wa,
ma dɔ ba a dɔ wɔ lɛa doo wa.
A kɔrɔbaa ǹ nyaǹan kɛn a yɔrɔ nɛ,
yǎa a bɛn tuturi.
A naarɛbaa ǹ mànan kɛn a bɔlɔ-a,
yǎa a bɛn wɛɛ.
5Bɛ bie wa,
man die sɔlɛɛ ma a tontoro da.
Ma á re a tontoro diɛ
ka a yɛ pinaa bɛ́ lɔn.
A gána lɛ á re don biɛ,
ma á re bɔyɛɛ ma baa
ka bǎã gere bɛ lɔn,
ma á re toɛ mu boro dɛ a gã.
6A nɛnyaanan kɛn,
ma a re makara boe ǹ ganaa wa,
a giala, a na á ǹ yɛ kɔrɔbaa gɔ́ɔ̃ nɛ.
7Ǹ dan lɛ na á kɔrɔbaa zɛnaa.
Lɔ mɛn lɛ nə ǹ yɛ,
bɛ na á sìi da ǹ sii zɛnaa.
A giala, á goã á pɛ kɛnɛn:
«Ma n die baa sii maa
tɔntɔraan lɛn kio.
Ǹsɛn mɛnɛn bɛ
maa màn-bii laanka maa mi ǹ
mu koe ma la,
mɔnaa sonbore laanka gɛ̀sɛ
sonbore ne,
nyɔɔ laanka duvɛ̃ nɛ.»
8Bɛ lɛ n ke,
masɛ Lawa á re nyan we a bɔ ǹ
zii lɛ,
ma á re kungɔn doe ma a
nyɛɛnaan tã nɛ,
a re a zii lɛ yii a kɔ lɛ doo wa.
9Á re baa sii a tɔntɔraan lɛn kio,
sɛnɛ a re doe ǹ ganaa wa.
Á re giɛ ǹ li,
sɛnɛ, a re ǹ yii wa.
Bɛa biikoo li á re pii:
«Man die wusii ma wo
ma zuũ bibinaa lɛ li,
a giala, maa tá walan nə́ goã
soɛ á la maa pelo ǹ kɛ nɛ.»
10Sɛnɛ, a doɛ̃ mà *belee ke,
ka duvɛ̃ laanka nyɔɔ kɛ nɛ,
mà ma din nə má kɔ asɛ la wa.
Ma din dɔ-n má wɔrɔ laanka
sana gigiã kɔ la.
Sɛnɛ, á sana lɛ saa á *Baali
nyín zɛnaa nɛ!
11Bɛ lɛ na á toa,
ma á re maa belee kuĩ ma si la,
a kurii biikoo li,
ma á re maa rezɛ̃ kuĩ ma si la,
a ma biikoo li.
Sère ka mɔnaa laanka gɛ̀sɛ
sonbore mɔnaa ke,
ǹ mɛnɛn lɛn bɛ́ a sìi duri,
ma á re bɛn wɛɛ, ma ǹ bɔ a ganaa.
12Sisia kəni,
man die a sìi boe ma da kanaa
a tɔntɔraan lɛn yii ni:
Min kɔn dɔ a re boe la a si
ma la wa.
13Ma á re a foo kɔɔ̃nbaa ǹ siin
kɛn tumaa sàabiɛ:
A zɔ́nɔn nɛ,
a mui dii zɔ́nɔn nɛ ka a susu ǹ
piin ni,
ka lɛsɔkɔn kɛn tumaa nɛ á ǹ zɛnɛɛ.
14Ma á re a *rezɛ̃ dan
laanka a gɔ́rɔ dan kɛn ziziɛ̃.
A na á goã pii,
mà bɛ lɛ na asɛ a saraa lɛa,
asɛ a tɔntɔraan lɛn nə́ kɔ asɛ la.
Sɛnɛ masɛ Dɛnaa Lawa á re ǹ bɔyɛɛ
ma ǹ baa nyan tewonən lɛa.
15A wúlu mànan tã Baali ganaa
lɛawaan mɛnɛn li
ma á re bɛn dɔlɔ boe a ganaa.
A na á goã a gɔn ganaa ǹ zanan
kɛn laanka a bɔlɔ-a ǹ gii kɛn we,
bɛ̀ a baa si a tɔntɔraan lɛn kio.
Ma dinmaa ke, a yiri bɔ ka ma nɛ!
Dɛnaa Lawa a da ǹ boo ne.
16A bɛ́ miɛ̃,
ma á re wusii ma bebele,
ma kũ ma da tán,
ma a foo wɔraa ǹ boon da nɛ.
17Ma á re wusii ma a rezɛ̃ wuru
kɛ kɔ la walan,
Koe nyankɔrɔ ke a tɔ n Akɔɔrɔ#2.17 Ka ga Zoz 7.24-26,
ma á re bɛ biɛ foo doa ǹ bǎã lɛa.
Á re koe ma lɛ walan
ka a nɛniɛmaa waáraa kɛ bɛ́ lɔn,
ka a soo Ezipti gána-n biikoo kɛ bɛ́ lɔn.
Izirayeli laanka Lawa a kaa kun
18Ma din Dɛnaa Lawa a da ǹ boo á ke:
«Bɛa pinaa kɛ nɛ,
N tá re ma bii "n zuũ",
n ba re "Baali" tɔ kɛ koe ma-a
doo wa.
19Dì Baali tɔn kɛn,
ma a re toɛ bɛn kɔn soo n lɛ-n
doo wa.
Min kɔn din yiri a die goɛ̃ ǹ tɔn
nɛ doo wa.
20Bɛa pinaa kɛ nɛ,
maa zaman lɛ taman yii,
ma á re lɛ kɔ kɔn la we
ka don mànan nɛ,
bàanan nɛ lon,
ka màn baaran nɛ tán.
Sa nɛ, gɔya sa nɛ,
ziabaa ǹ mànan kɛn tumaa nɛ,
ma á re ǹ yiyiɛ,
ma ǹ bɔ gána lɛ nɛ.
Ma á re toɛ gána lɛ a minin
nə nyuù wɔ kiĩni.
21Man die luu diɛ n la
ma din wɔ lɛa yǎa duduu:
Man die luu diɛ n la ka yɔrɔ kɛ nɛ:
Peperebaa nɛ, sonborebaa nɛ,
kɔn-narɛɛ laanka makara-doɛ̃ nɛ.
22Man die luu diɛ n la ma din
wɔ lɛa,
ka bɔlɔgoondɛnaabaa nɛ.
Bɛa biikoo li,
n tá re ma doɛ̃ Dɛnaa Lawa lɛa.»
23Dɛnaa Lawa a da ǹ boo ne:
Bɛa pinaa kɛ lɛ nɛ,
ma á re n nyii,
ma á re n nyii lon la,
lon tá re n nyii tán la.
24Tán dɔ á re n nyii belee la,
duvɛ̃ nɛ, ka nyɔɔ nɛ.
Bɛ tumaa á re n nyii Zizereyɛli#2.24 Zizereyɛli giala mà Lawa n màn diɛ.
a nyankɔrɔ lɛ kɛ la.
25 #
RƆM 9.25; PIƐ1 2.10. Ma a re maa zaman biɛ màn tɔrɔ lɛa
ma da gána lɛ nɛ.
Min mɛn bɛ́ a tɔ n
"Ma a re makara boe n ganaa wa"
ma á re makara boe bɛ ganaa.
Min mɛn bɛ́ a tɔ n
"Maa zaman bie wa"
ma á re pii bɛ nɛ "maa zaman".
Asɛ dɔ á re pii: «Maa Lawa».
Currently Selected:
Ozee 2: SCE2013
Highlight
Share
Copy
Want to have your highlights saved across all your devices? Sign up or sign in
San Catholic Edition Bible © Bible Society of Burkina Faso, 2013.
Ozee 2
2
Lɛawaa gole
1Ǹ kɔn pinaa,
Izirayeli minin lɛn tá re mɔnɛɛ,
ka yìsi mu lɛ-a ǹ nyɔɔsɔ̃ bɛ́ lɔn,
min ná a boe la a zɔɔ̃ wa,
min ná a boe la a nimi wa.
Lawa pɛ ǹ nɛ bǎã mɛn nɛ
"Ka bie maa zaman lɛa doo wa",
á re wusii a pɛ ǹ nɛ walan
"Lawa yiikoonaa a minin"!
2Zudaa minin laanka
Izirayeli minin ni,
bɛn tá re wusii ǹ kaa kun.
Ǹ tá re kiã goon toto boe,
ǹ koa ǹ dinin mìi la,
Gána lɛ á re kiɛɛrɛ koe ǹ ganaa.
A giala,
sii lɛ bɛ́ re n zɛnɛɛ Zizereyɛli
ǹ mɛn pinaa,
lɛawaa gole ne.
3Ka pɛ ka dɔɔ̃ngiĩn lɛn manɛ:
«Amii, maa zaman.»
Ka pɛ ka dɔɔ̃nlɔn lɛn manɛ:
«Urukama,
ma á re makara boe ka ganaa.»
4Ka kiri wɔ kaa náa lɛ ganaa,
ka kiri wɔ a ganaa taãn-taãnɛ.
A giala, a ba maa wɔ lɛa doo wa,
ma dɔ ba a dɔ wɔ lɛa doo wa.
A kɔrɔbaa ǹ nyaǹan kɛn a yɔrɔ nɛ,
yǎa a bɛn tuturi.
A naarɛbaa ǹ mànan kɛn a bɔlɔ-a,
yǎa a bɛn wɛɛ.
5Bɛ bie wa,
man die sɔlɛɛ ma a tontoro da.
Ma á re a tontoro diɛ
ka a yɛ pinaa bɛ́ lɔn.
A gána lɛ á re don biɛ,
ma á re bɔyɛɛ ma baa
ka bǎã gere bɛ lɔn,
ma á re toɛ mu boro dɛ a gã.
6A nɛnyaanan kɛn,
ma a re makara boe ǹ ganaa wa,
a giala, a na á ǹ yɛ kɔrɔbaa gɔ́ɔ̃ nɛ.
7Ǹ dan lɛ na á kɔrɔbaa zɛnaa.
Lɔ mɛn lɛ nə ǹ yɛ,
bɛ na á sìi da ǹ sii zɛnaa.
A giala, á goã á pɛ kɛnɛn:
«Ma n die baa sii maa
tɔntɔraan lɛn kio.
Ǹsɛn mɛnɛn bɛ
maa màn-bii laanka maa mi ǹ
mu koe ma la,
mɔnaa sonbore laanka gɛ̀sɛ
sonbore ne,
nyɔɔ laanka duvɛ̃ nɛ.»
8Bɛ lɛ n ke,
masɛ Lawa á re nyan we a bɔ ǹ
zii lɛ,
ma á re kungɔn doe ma a
nyɛɛnaan tã nɛ,
a re a zii lɛ yii a kɔ lɛ doo wa.
9Á re baa sii a tɔntɔraan lɛn kio,
sɛnɛ a re doe ǹ ganaa wa.
Á re giɛ ǹ li,
sɛnɛ, a re ǹ yii wa.
Bɛa biikoo li á re pii:
«Man die wusii ma wo
ma zuũ bibinaa lɛ li,
a giala, maa tá walan nə́ goã
soɛ á la maa pelo ǹ kɛ nɛ.»
10Sɛnɛ, a doɛ̃ mà *belee ke,
ka duvɛ̃ laanka nyɔɔ kɛ nɛ,
mà ma din nə má kɔ asɛ la wa.
Ma din dɔ-n má wɔrɔ laanka
sana gigiã kɔ la.
Sɛnɛ, á sana lɛ saa á *Baali
nyín zɛnaa nɛ!
11Bɛ lɛ na á toa,
ma á re maa belee kuĩ ma si la,
a kurii biikoo li,
ma á re maa rezɛ̃ kuĩ ma si la,
a ma biikoo li.
Sère ka mɔnaa laanka gɛ̀sɛ
sonbore mɔnaa ke,
ǹ mɛnɛn lɛn bɛ́ a sìi duri,
ma á re bɛn wɛɛ, ma ǹ bɔ a ganaa.
12Sisia kəni,
man die a sìi boe ma da kanaa
a tɔntɔraan lɛn yii ni:
Min kɔn dɔ a re boe la a si
ma la wa.
13Ma á re a foo kɔɔ̃nbaa ǹ siin
kɛn tumaa sàabiɛ:
A zɔ́nɔn nɛ,
a mui dii zɔ́nɔn nɛ ka a susu ǹ
piin ni,
ka lɛsɔkɔn kɛn tumaa nɛ á ǹ zɛnɛɛ.
14Ma á re a *rezɛ̃ dan
laanka a gɔ́rɔ dan kɛn ziziɛ̃.
A na á goã pii,
mà bɛ lɛ na asɛ a saraa lɛa,
asɛ a tɔntɔraan lɛn nə́ kɔ asɛ la.
Sɛnɛ masɛ Dɛnaa Lawa á re ǹ bɔyɛɛ
ma ǹ baa nyan tewonən lɛa.
15A wúlu mànan tã Baali ganaa
lɛawaan mɛnɛn li
ma á re bɛn dɔlɔ boe a ganaa.
A na á goã a gɔn ganaa ǹ zanan
kɛn laanka a bɔlɔ-a ǹ gii kɛn we,
bɛ̀ a baa si a tɔntɔraan lɛn kio.
Ma dinmaa ke, a yiri bɔ ka ma nɛ!
Dɛnaa Lawa a da ǹ boo ne.
16A bɛ́ miɛ̃,
ma á re wusii ma bebele,
ma kũ ma da tán,
ma a foo wɔraa ǹ boon da nɛ.
17Ma á re wusii ma a rezɛ̃ wuru
kɛ kɔ la walan,
Koe nyankɔrɔ ke a tɔ n Akɔɔrɔ#2.17 Ka ga Zoz 7.24-26,
ma á re bɛ biɛ foo doa ǹ bǎã lɛa.
Á re koe ma lɛ walan
ka a nɛniɛmaa waáraa kɛ bɛ́ lɔn,
ka a soo Ezipti gána-n biikoo kɛ bɛ́ lɔn.
Izirayeli laanka Lawa a kaa kun
18Ma din Dɛnaa Lawa a da ǹ boo á ke:
«Bɛa pinaa kɛ nɛ,
N tá re ma bii "n zuũ",
n ba re "Baali" tɔ kɛ koe ma-a
doo wa.
19Dì Baali tɔn kɛn,
ma a re toɛ bɛn kɔn soo n lɛ-n
doo wa.
Min kɔn din yiri a die goɛ̃ ǹ tɔn
nɛ doo wa.
20Bɛa pinaa kɛ nɛ,
maa zaman lɛ taman yii,
ma á re lɛ kɔ kɔn la we
ka don mànan nɛ,
bàanan nɛ lon,
ka màn baaran nɛ tán.
Sa nɛ, gɔya sa nɛ,
ziabaa ǹ mànan kɛn tumaa nɛ,
ma á re ǹ yiyiɛ,
ma ǹ bɔ gána lɛ nɛ.
Ma á re toɛ gána lɛ a minin
nə nyuù wɔ kiĩni.
21Man die luu diɛ n la
ma din wɔ lɛa yǎa duduu:
Man die luu diɛ n la ka yɔrɔ kɛ nɛ:
Peperebaa nɛ, sonborebaa nɛ,
kɔn-narɛɛ laanka makara-doɛ̃ nɛ.
22Man die luu diɛ n la ma din
wɔ lɛa,
ka bɔlɔgoondɛnaabaa nɛ.
Bɛa biikoo li,
n tá re ma doɛ̃ Dɛnaa Lawa lɛa.»
23Dɛnaa Lawa a da ǹ boo ne:
Bɛa pinaa kɛ lɛ nɛ,
ma á re n nyii,
ma á re n nyii lon la,
lon tá re n nyii tán la.
24Tán dɔ á re n nyii belee la,
duvɛ̃ nɛ, ka nyɔɔ nɛ.
Bɛ tumaa á re n nyii Zizereyɛli#2.24 Zizereyɛli giala mà Lawa n màn diɛ.
a nyankɔrɔ lɛ kɛ la.
25 #
RƆM 9.25; PIƐ1 2.10. Ma a re maa zaman biɛ màn tɔrɔ lɛa
ma da gána lɛ nɛ.
Min mɛn bɛ́ a tɔ n
"Ma a re makara boe n ganaa wa"
ma á re makara boe bɛ ganaa.
Min mɛn bɛ́ a tɔ n
"Maa zaman bie wa"
ma á re pii bɛ nɛ "maa zaman".
Asɛ dɔ á re pii: «Maa Lawa».
Currently Selected:
:
Highlight
Share
Copy
Want to have your highlights saved across all your devices? Sign up or sign in
San Catholic Edition Bible © Bible Society of Burkina Faso, 2013.