Ezekieli 9
9
Lawa n dɔlɔ boe Zeruzalɛmu ganaa
1Bɛ kio, má Dɛnaa Lawa lɛ ma lɛ diɛ kɔsɛkɔsɛ á pɛ: «Ka daa, kiwi lɛ a dɔlɔ bɔma-a dɔ. Didie na a basaã kɔ ǹ màn saa a gɔn.» 2Má tɔ́n giĩ sɔrɔ yɛ ǹ nə́ soo Lawa a kion gɔ́ɔ̃ li a kiɛnlɛ kɛ nɛ, ǹ mɛn lɛ yɔrɔ bɛ́ dia-n gɔsɛ a lɛ̀gɔn la. Didie a basaã kɔ ǹ màn na á goã a gɔn. Giĩ goon ná a goã ǹ bii ka mɔnaa gole ná a ganaa, sɛ́wɔ-kiɛ̃lin sɛ́wɔ kiɛ̃ ǹ màn kɛ n lɔɔ nɛ a maabɛlɛ ganaa. *Wúlu bɔ ǹ bǎã ke zan lɛa, ǹ nə́ daa, ǹ nə́ golee bɛ genli. 3Izirayeli minin Lawa kɛa siĩnbaa ke á goã lon màn yiikoonaan nyínin kɛn la, á yoo á n bɔ bɛn la, á woo Lawa a kion lɛ a kiɛnlɛ-a. Giĩ kɛ lɛ dɔnkɛ gole ná a ganaa, sɛ́wɔ kiɛ̃ ǹ màn dɔ ná a maabɛlɛ ganaa, Dɛnaa Lawa tɔ́n lɛ dia bɛ la 4#SNS 7.3; 9.4; 14.1. á pɛ nɛ: «Kiɛ̃ n nə n bibiə̃ Zeruzalɛmu kiwi lɛ gɔ́ɔ̃ nɛ. Giĩn mɛnɛn bɛ́ gini, ǹ nə́ wuu pii sii bɔbɔnɛɛn kɛn tumaa taman yii minin nə́ zɛnɛɛ kiwi lɛ gɔ́ɔ̃ nɛ, nyaǹ da bɛa giĩn lɛn nyanlɛ ganaa.» 5Má Dɛnaa Lawa lɛ ma pii gialakunun kɛn dɔn manɛ: «Ka kiɛ̃ ka kɔ a kio lɛ, ka kiwi minin lɛn dɛ. Ka nyan toa min makara ka kũ, ka toa walan wa. 6Min golen ne, giĩ tenən ne, nɛniɛ tenən ne, nɛnyaanan laanka lɔn nɛ, ka ǹ tumaa dɛ lenlen. Sɛnɛ, nyaǹ lɛ bɛ́ min woo min ganaa, ka nyan toa ka n mɔrɔ bɛ-a wa. Ka a giala kɔ maa kion lɛ ganaa.» Min goleen mɛnɛn bɛ́ kiãn lɛa ǹ nə́ goã Lawa a kion lɛ yɔrɔ-a, ǹ ná a giala kɔ ǹ nə́ bɛn dɛ. 7Dɛnaa Lawa tɔ́n pɛ ǹ nɛ: «Ka *gɔ̀ da maa kion lɛ ganaa. Ka soo ka wo minbuiin lɛ dɛ, ka a sumu gɔ́ɔ̃ pã nɛ.» Ǹ nə́ soo ǹ nə́ woo minbuiin lɛ dɛ kiwi lɛ gɔ́ɔ̃ nɛ.
8Ǹ bɛ́ minbuiin lɛ gialaa dii, ma dinsɔɔ̃-n má goã golee-n bii-a. Má tɔ́n na má kaa tán ma lɛ la má n lɛ dɛ má pɛ: «E, Dɛnaa Lawa! Izirayeli minin mɛnɛn nə la, n nə n die bɛn dii, n nə n foo nyɛɛ Zeruzalɛmu la?» 9Á tɔ́n pɛ ma nɛ: – Izirayeli minin laanka Zudaa minin sii baraa lɛ gole kɔ á la yii ni. Kakaarɛbaa gána lɛ pã, mɛnaa kɔn la kiwi lɛ pã. A giala, maǹ pii: «Dɛnaa Lawa gána lɛ toa walan, a yii a màn kɔn ganaa wa.»
10A bɛ́ miɛ̃, min makara a die ma kuĩ ma bɛ toa walan wa. Masɛ á die kaa zɛnaa ǹ sii lɛ a dɔlɔ diɛ ka mìi ni. 11Bɛa biikoo li giĩ mɛn lɛ goã ka mɔnaa gole ná a ganaa, sɛ́wɔ-kiɛ̃ ǹ màn dɔ ná a maabɛlɛ ganaa, bɛ́ tɔ́n na a nya ǹ dí yɔrɔ nyaa, á pɛ: «N pɛ ma-n lɔn, má zɛnaa miɛ̃.»
Currently Selected:
Ezekieli 9: SCE2013
Highlight
Share
Copy
Want to have your highlights saved across all your devices? Sign up or sign in
San Catholic Edition Bible © Bible Society of Burkina Faso, 2013.
Ezekieli 9
9
Lawa n dɔlɔ boe Zeruzalɛmu ganaa
1Bɛ kio, má Dɛnaa Lawa lɛ ma lɛ diɛ kɔsɛkɔsɛ á pɛ: «Ka daa, kiwi lɛ a dɔlɔ bɔma-a dɔ. Didie na a basaã kɔ ǹ màn saa a gɔn.» 2Má tɔ́n giĩ sɔrɔ yɛ ǹ nə́ soo Lawa a kion gɔ́ɔ̃ li a kiɛnlɛ kɛ nɛ, ǹ mɛn lɛ yɔrɔ bɛ́ dia-n gɔsɛ a lɛ̀gɔn la. Didie a basaã kɔ ǹ màn na á goã a gɔn. Giĩ goon ná a goã ǹ bii ka mɔnaa gole ná a ganaa, sɛ́wɔ-kiɛ̃lin sɛ́wɔ kiɛ̃ ǹ màn kɛ n lɔɔ nɛ a maabɛlɛ ganaa. *Wúlu bɔ ǹ bǎã ke zan lɛa, ǹ nə́ daa, ǹ nə́ golee bɛ genli. 3Izirayeli minin Lawa kɛa siĩnbaa ke á goã lon màn yiikoonaan nyínin kɛn la, á yoo á n bɔ bɛn la, á woo Lawa a kion lɛ a kiɛnlɛ-a. Giĩ kɛ lɛ dɔnkɛ gole ná a ganaa, sɛ́wɔ kiɛ̃ ǹ màn dɔ ná a maabɛlɛ ganaa, Dɛnaa Lawa tɔ́n lɛ dia bɛ la 4#SNS 7.3; 9.4; 14.1. á pɛ nɛ: «Kiɛ̃ n nə n bibiə̃ Zeruzalɛmu kiwi lɛ gɔ́ɔ̃ nɛ. Giĩn mɛnɛn bɛ́ gini, ǹ nə́ wuu pii sii bɔbɔnɛɛn kɛn tumaa taman yii minin nə́ zɛnɛɛ kiwi lɛ gɔ́ɔ̃ nɛ, nyaǹ da bɛa giĩn lɛn nyanlɛ ganaa.» 5Má Dɛnaa Lawa lɛ ma pii gialakunun kɛn dɔn manɛ: «Ka kiɛ̃ ka kɔ a kio lɛ, ka kiwi minin lɛn dɛ. Ka nyan toa min makara ka kũ, ka toa walan wa. 6Min golen ne, giĩ tenən ne, nɛniɛ tenən ne, nɛnyaanan laanka lɔn nɛ, ka ǹ tumaa dɛ lenlen. Sɛnɛ, nyaǹ lɛ bɛ́ min woo min ganaa, ka nyan toa ka n mɔrɔ bɛ-a wa. Ka a giala kɔ maa kion lɛ ganaa.» Min goleen mɛnɛn bɛ́ kiãn lɛa ǹ nə́ goã Lawa a kion lɛ yɔrɔ-a, ǹ ná a giala kɔ ǹ nə́ bɛn dɛ. 7Dɛnaa Lawa tɔ́n pɛ ǹ nɛ: «Ka *gɔ̀ da maa kion lɛ ganaa. Ka soo ka wo minbuiin lɛ dɛ, ka a sumu gɔ́ɔ̃ pã nɛ.» Ǹ nə́ soo ǹ nə́ woo minbuiin lɛ dɛ kiwi lɛ gɔ́ɔ̃ nɛ.
8Ǹ bɛ́ minbuiin lɛ gialaa dii, ma dinsɔɔ̃-n má goã golee-n bii-a. Má tɔ́n na má kaa tán ma lɛ la má n lɛ dɛ má pɛ: «E, Dɛnaa Lawa! Izirayeli minin mɛnɛn nə la, n nə n die bɛn dii, n nə n foo nyɛɛ Zeruzalɛmu la?» 9Á tɔ́n pɛ ma nɛ: – Izirayeli minin laanka Zudaa minin sii baraa lɛ gole kɔ á la yii ni. Kakaarɛbaa gána lɛ pã, mɛnaa kɔn la kiwi lɛ pã. A giala, maǹ pii: «Dɛnaa Lawa gána lɛ toa walan, a yii a màn kɔn ganaa wa.»
10A bɛ́ miɛ̃, min makara a die ma kuĩ ma bɛ toa walan wa. Masɛ á die kaa zɛnaa ǹ sii lɛ a dɔlɔ diɛ ka mìi ni. 11Bɛa biikoo li giĩ mɛn lɛ goã ka mɔnaa gole ná a ganaa, sɛ́wɔ-kiɛ̃ ǹ màn dɔ ná a maabɛlɛ ganaa, bɛ́ tɔ́n na a nya ǹ dí yɔrɔ nyaa, á pɛ: «N pɛ ma-n lɔn, má zɛnaa miɛ̃.»
Currently Selected:
:
Highlight
Share
Copy
Want to have your highlights saved across all your devices? Sign up or sign in
San Catholic Edition Bible © Bible Society of Burkina Faso, 2013.