Ezekieli 41
41
1Bɛ kio, giĩ lɛ ma kũ á wɔ ka ma nɛ Lawa a kion lɛ a gɔ́ɔ̃ gole kɛ nɛ, a ná a bìbìn kɛn zɔɔ̃: bɛn didimibaa na á goã gùrù yii sɔsɔrɔ wàãn paanan li. 2Wɔ ǹ kiɛnlɛ kɛa golebaa na á goã gùrù yii fù, a kigialan kɛn didimibaa na á goã gùrù yii sosooro, paǹan paanan li. Bɛ kio, á kion lɛ a sasabaa zɔɔ̃. Bɛ na á goã gùrù yii pusi. A gɔ́ɔ̃ a golebaa na á goã gùrù yii fuə.
3Bɛ kio, á wɔ kion lɛ gɔ́ɔ̃ nɛ, á wɔ ǹ kiɛnlɛ kɛa bìbìn zɔɔ̃. Bɛn man nə́ goã gùrù yii papaa. Wɔ ǹ kiɛnlɛ kɛ na á goã gùrù yii sɔrɔ. Wɔ ǹ kiɛnlɛ lɛ a wàã li màn paa ke, bɛn man nə́ goã gùrù yii sɔsɔbaa. 4Á kion lɛ a sasabaa zɔɔ̃. Bɛ na á goã gùrù yii fuə. A gɔ́ɔ̃ a golebaa dɔ na á goã gùrù yii fuə. Bɛ kio, á tɔ́n pɛ ma nɛ mà bǎã sonbore sonbore lɛ n ka bɛ nɛ.
Kion nɛ kɔsɔn
5Bɛ kio, giĩ lɛ Lawa a kion lɛ a kungɔnɔn didimibaa zɔɔ̃. Bɛn man nə́ goã gùrù yii sɔsɔrɔ. Kionən mɛnɛn bɛ́ a para li, bɛn gogoonmaa gɔ́ɔ̃ a golebaa na á goã gùrù yii sii. 6Kionən mɛnɛn lɛn bɛ́ a para li, bɛn man nə́ goã sanabolo lɛa kɔn lalan sɔɔ, ǹ gogoonmaa n kion nɛ pɔsɔɔ. Kion mɛn bɛ́ Lawa a kion lɛ lɛnpɛnɛ, maǹ nə́ kionən lɛn dɔ ǹ nə́ ǹ doa bɛa kungɔn ganaa. Sɛnɛ, ǹ kɔn nə n dɔ á n doa Lawa a kion lɛ din a kungɔn kɛ ganaa wa. 7Sanabolo lɛ a gogoonmaa nɛ, màn na á goã miɛ̃ kionən lɛn gɔ́ɔ̃ a golebaa li, bɛ dɔ na á goã màn boe kɛguru lɛ a didimibaa lɛ. A na á n baa miɛ̃ á Lawa a kion lɛ lɛnpɛnɛ. Bɛ lɛ na á toa, kion lɛ gɔ́ɔ̃ woo gole kɔ lon, min nə boe la a n toa sanabolo kɛ-n tán, a dii a da bɔ bii wɔ kɛ nɛ, a kiɛ̃ a wo lon wɔ kɛ nɛ. 8Má yɛ máa kionən mɛnɛn bɛ́ Lawa a kion lɛ lɛnpɛnɛ, ǹ bɛn dɔn gòã kaa tán mɛn la, a la a wo lon nə màn zɔ́ɔ̃ ǹ bala yii goon, bɛ giala mà gùrù yii sɔrɔ. 9Kionən mɛnɛn lɛn bɛ́ a wàãn li, bɛn kanaa a kungɔnɔn kɛn didimibaa na á goã gùrù yii sooro. Bǎã mɛn nə n toa Lawa a kion lɛ a wàã li ǹ kionən lɛn laanka 10wúlu-bɔlen kionən kɛn bii, bɛ na á goã gùrù yii fuə, á kion lɛ lɛnpɛnɛ. 11Wàã li ǹ kionən lɛn kiɛnlɛn yɔrɔ n dia-n bɛa bǎã kooro lɛ la. Kiɛnlɛ lɛ goon yɔrɔ n dia-n gɔsɛ a lɛ̀gɔn la, goon yɔrɔ n dia-n gusin a lɛ̀gɔn la. Bǎã kooro mɛn nə n toa gùrù yii sooro ne, á ná a lɛnpɛnɛ. 12Kion goon dɔ na á goã Lawa a kion lɛ a lɛ̀nyɛɛn gɔn la, a yɔrɔ n dia-n bɛa bǎã kooro lɛ la. Bɛa kion lɛ a sasabaa na á goã gùrù yii pɔmanangɔrɔ, a gɔ́ɔ̃ a golebaa na á goã gùrù yii pɔsɔbaa, a kɛguru a didimibaa na á goã gùrù yii sooro.
13Bɛ kio, giĩ lɛ Lawa a kion lɛ a sasabaa zɔɔ̃. A na á goã gùrù yii paabiɛ. Bǎã kooro lɛ nɛ, kion ke lɛ̀nyɛɛn gɔn la, bɛ laanka a kɛgurun ni, bɛn dɔn sasabaa na á goã gùrù yii paabiɛ. 14Lawa a kion lɛ nyɛɛn ke dia-n woe lɛ̀giala la, bɛ laanka ǹ bǎã mɛn toa kooro a paǹ tumaa li, bɛ na á goã gùrù yii paabiɛ. 15Kion mɛn bɛ́ Lawa a kion lɛ kio, giĩ lɛ bɛ dɔ zɔɔ̃. Kiɛ̃ ǹ bǎãn mɛnɛn bɛ́ a wàã li, bɛ̀ bɛn nə́ kaa kun ni, a n goɛ̃ gùrù yii paabiɛ.
Lawa a kion lɛ gɔ́ɔ̃ bɛ́ lɔn
Kion lɛ a wɔ ǹ dàã ke, kion gole kɛ nɛ gɔ́ɔ̃ li, 16kiɛnlɛ mìin kɛn nɛ, fənɛtərən kɛn nɛ tɛ̀mɛ nə́ ǹ lɛ, kiɛ̃ ǹ bǎãn kɛn sanabolo sɔɔn kɛn nɛ, ǹ yɔrɔ n dia-n kiɛnlɛ mìi lɛ la, bɛ tumaa na á goã gɔn sonbore lɛa. A tumaa na á goã gɔn lɛa, a saa tán ganaa, a wo fənɛtərən lɛn yaa. 17A saa Lawa a kion lɛ a wɔ ǹ kiɛnlɛ ganaa, a wo kion kɛ yaa gɔ́ɔ̃ li, a kanaa nɛ, ka a kungɔn kɛ tumaa lalan nɛ a lɛnpɛnɛ, ǹ nə́ goã ǹ nə́ bǎã kɔn toa, 18ǹ nə́ lon màn yiikoonaa nyínin kɛn laanka sèwo da nyínin zɛnaa walan. Maǹ nə́ sèwo da nyín goon zɛnaa lon màn yiikoonaa màn papaa bii. Lon màn yiikoonaan lɛn gogoonmaa yɔrɔ na á goã paa. 19Minbuiin nɛ yɔrɔ n ka goon ne, dia nɛ sèwo da lɛ la paǹ goon li, yàra yɔrɔ n ka goon ne, dia nɛ sèwo da lɛ la paǹ kɔsɔ li. Bɛ tumaa na á n zɛnaa kion lɛ tumaa ganaa, á ná a lɛnpɛnɛ. 20Lon màn yiikoonaan nyínin laanka sèwo da nyínin man nə́ n zɛnaa kion gole lɛ a kungɔnɔn lɛn ganaa, a saa tán ganaa, a wo kiɛnlɛ lalan kɛ yaa. 21Lawa a kion lɛ a kiɛnlɛ a bìbìn man nə́ goã wàã sii zɛnɛ kɔnlɛ lɛa. Bǎã sonbore kɛ nyɛɛnɛ, màn kɔn nə tán ka n pɛ 22mà *wúlu bɔ ǹ bǎã nɛ, ǹ nə́ dɔ ka gɔn nɛ. A là a wo lon nə gùrù yii sɔɔ, a sasabaa n gùrù yii paa. A gùrù pusiin kɛn nɛ, a giala kaa tán nɛ ka a wàãn nɛ, a tumaa na á goã gɔn lɛa. Giĩ lɛ tɔ́n pɛ ma nɛ mà tabala mɛn bɛ́ tán Dɛnaa Lawa yɔrɔ-a, mà a din lɛ n ka kɛ nɛ.
23Kiɛnlɛ màn paa na á goã Lawa a kion lɛ laanka bǎã sonbore kɛ ganaa. 24Goo lɛkara papaa na á goã bɛa kiɛnlɛn lɛn lɛ, ǹ nə́ boe la ǹ nə n bũ, ǹ nə n tã. 25Ǹ nə́ goã ǹ nə́ lon màn yiikoonaa nyínin laanka sèwo da nyínin zɛnaa kion gɔ́ɔ̃ gole lɛ a kiɛnlɛn ganaa, goon ka kɛn nɛ, ǹ nə́ goã ǹ nə́ ǹ zɛnaa kungɔnɔn lɛn ganaa. Siã boɛɛn goon na á goã doa-n dàã lɛ a nyɛɛn ganaa kanaa. Maǹ nə́ bɛa siã lɛ dɔ ka gɔn nɛ. 26Fənɛtərən mɛnɛn bɛ́ ǹ nə́ tɛ̀mɛ wɔ ǹ lɛ, sèwo da nyínin kɛn nɛ, bɛn man nə́ goã dàã lɛ paǹ tumaa ganaa nyaǹ lɛa. A din nyaǹ goon lɛ na á goã wàã li kionən kɛn laanka siã lɛ ganaa.
Currently Selected:
Ezekieli 41: SCE2013
Highlight
Share
Copy
Want to have your highlights saved across all your devices? Sign up or sign in
San Catholic Edition Bible © Bible Society of Burkina Faso, 2013.
Ezekieli 41
41
1Bɛ kio, giĩ lɛ ma kũ á wɔ ka ma nɛ Lawa a kion lɛ a gɔ́ɔ̃ gole kɛ nɛ, a ná a bìbìn kɛn zɔɔ̃: bɛn didimibaa na á goã gùrù yii sɔsɔrɔ wàãn paanan li. 2Wɔ ǹ kiɛnlɛ kɛa golebaa na á goã gùrù yii fù, a kigialan kɛn didimibaa na á goã gùrù yii sosooro, paǹan paanan li. Bɛ kio, á kion lɛ a sasabaa zɔɔ̃. Bɛ na á goã gùrù yii pusi. A gɔ́ɔ̃ a golebaa na á goã gùrù yii fuə.
3Bɛ kio, á wɔ kion lɛ gɔ́ɔ̃ nɛ, á wɔ ǹ kiɛnlɛ kɛa bìbìn zɔɔ̃. Bɛn man nə́ goã gùrù yii papaa. Wɔ ǹ kiɛnlɛ kɛ na á goã gùrù yii sɔrɔ. Wɔ ǹ kiɛnlɛ lɛ a wàã li màn paa ke, bɛn man nə́ goã gùrù yii sɔsɔbaa. 4Á kion lɛ a sasabaa zɔɔ̃. Bɛ na á goã gùrù yii fuə. A gɔ́ɔ̃ a golebaa dɔ na á goã gùrù yii fuə. Bɛ kio, á tɔ́n pɛ ma nɛ mà bǎã sonbore sonbore lɛ n ka bɛ nɛ.
Kion nɛ kɔsɔn
5Bɛ kio, giĩ lɛ Lawa a kion lɛ a kungɔnɔn didimibaa zɔɔ̃. Bɛn man nə́ goã gùrù yii sɔsɔrɔ. Kionən mɛnɛn bɛ́ a para li, bɛn gogoonmaa gɔ́ɔ̃ a golebaa na á goã gùrù yii sii. 6Kionən mɛnɛn lɛn bɛ́ a para li, bɛn man nə́ goã sanabolo lɛa kɔn lalan sɔɔ, ǹ gogoonmaa n kion nɛ pɔsɔɔ. Kion mɛn bɛ́ Lawa a kion lɛ lɛnpɛnɛ, maǹ nə́ kionən lɛn dɔ ǹ nə́ ǹ doa bɛa kungɔn ganaa. Sɛnɛ, ǹ kɔn nə n dɔ á n doa Lawa a kion lɛ din a kungɔn kɛ ganaa wa. 7Sanabolo lɛ a gogoonmaa nɛ, màn na á goã miɛ̃ kionən lɛn gɔ́ɔ̃ a golebaa li, bɛ dɔ na á goã màn boe kɛguru lɛ a didimibaa lɛ. A na á n baa miɛ̃ á Lawa a kion lɛ lɛnpɛnɛ. Bɛ lɛ na á toa, kion lɛ gɔ́ɔ̃ woo gole kɔ lon, min nə boe la a n toa sanabolo kɛ-n tán, a dii a da bɔ bii wɔ kɛ nɛ, a kiɛ̃ a wo lon wɔ kɛ nɛ. 8Má yɛ máa kionən mɛnɛn bɛ́ Lawa a kion lɛ lɛnpɛnɛ, ǹ bɛn dɔn gòã kaa tán mɛn la, a la a wo lon nə màn zɔ́ɔ̃ ǹ bala yii goon, bɛ giala mà gùrù yii sɔrɔ. 9Kionən mɛnɛn lɛn bɛ́ a wàãn li, bɛn kanaa a kungɔnɔn kɛn didimibaa na á goã gùrù yii sooro. Bǎã mɛn nə n toa Lawa a kion lɛ a wàã li ǹ kionən lɛn laanka 10wúlu-bɔlen kionən kɛn bii, bɛ na á goã gùrù yii fuə, á kion lɛ lɛnpɛnɛ. 11Wàã li ǹ kionən lɛn kiɛnlɛn yɔrɔ n dia-n bɛa bǎã kooro lɛ la. Kiɛnlɛ lɛ goon yɔrɔ n dia-n gɔsɛ a lɛ̀gɔn la, goon yɔrɔ n dia-n gusin a lɛ̀gɔn la. Bǎã kooro mɛn nə n toa gùrù yii sooro ne, á ná a lɛnpɛnɛ. 12Kion goon dɔ na á goã Lawa a kion lɛ a lɛ̀nyɛɛn gɔn la, a yɔrɔ n dia-n bɛa bǎã kooro lɛ la. Bɛa kion lɛ a sasabaa na á goã gùrù yii pɔmanangɔrɔ, a gɔ́ɔ̃ a golebaa na á goã gùrù yii pɔsɔbaa, a kɛguru a didimibaa na á goã gùrù yii sooro.
13Bɛ kio, giĩ lɛ Lawa a kion lɛ a sasabaa zɔɔ̃. A na á goã gùrù yii paabiɛ. Bǎã kooro lɛ nɛ, kion ke lɛ̀nyɛɛn gɔn la, bɛ laanka a kɛgurun ni, bɛn dɔn sasabaa na á goã gùrù yii paabiɛ. 14Lawa a kion lɛ nyɛɛn ke dia-n woe lɛ̀giala la, bɛ laanka ǹ bǎã mɛn toa kooro a paǹ tumaa li, bɛ na á goã gùrù yii paabiɛ. 15Kion mɛn bɛ́ Lawa a kion lɛ kio, giĩ lɛ bɛ dɔ zɔɔ̃. Kiɛ̃ ǹ bǎãn mɛnɛn bɛ́ a wàã li, bɛ̀ bɛn nə́ kaa kun ni, a n goɛ̃ gùrù yii paabiɛ.
Lawa a kion lɛ gɔ́ɔ̃ bɛ́ lɔn
Kion lɛ a wɔ ǹ dàã ke, kion gole kɛ nɛ gɔ́ɔ̃ li, 16kiɛnlɛ mìin kɛn nɛ, fənɛtərən kɛn nɛ tɛ̀mɛ nə́ ǹ lɛ, kiɛ̃ ǹ bǎãn kɛn sanabolo sɔɔn kɛn nɛ, ǹ yɔrɔ n dia-n kiɛnlɛ mìi lɛ la, bɛ tumaa na á goã gɔn sonbore lɛa. A tumaa na á goã gɔn lɛa, a saa tán ganaa, a wo fənɛtərən lɛn yaa. 17A saa Lawa a kion lɛ a wɔ ǹ kiɛnlɛ ganaa, a wo kion kɛ yaa gɔ́ɔ̃ li, a kanaa nɛ, ka a kungɔn kɛ tumaa lalan nɛ a lɛnpɛnɛ, ǹ nə́ goã ǹ nə́ bǎã kɔn toa, 18ǹ nə́ lon màn yiikoonaa nyínin kɛn laanka sèwo da nyínin zɛnaa walan. Maǹ nə́ sèwo da nyín goon zɛnaa lon màn yiikoonaa màn papaa bii. Lon màn yiikoonaan lɛn gogoonmaa yɔrɔ na á goã paa. 19Minbuiin nɛ yɔrɔ n ka goon ne, dia nɛ sèwo da lɛ la paǹ goon li, yàra yɔrɔ n ka goon ne, dia nɛ sèwo da lɛ la paǹ kɔsɔ li. Bɛ tumaa na á n zɛnaa kion lɛ tumaa ganaa, á ná a lɛnpɛnɛ. 20Lon màn yiikoonaan nyínin laanka sèwo da nyínin man nə́ n zɛnaa kion gole lɛ a kungɔnɔn lɛn ganaa, a saa tán ganaa, a wo kiɛnlɛ lalan kɛ yaa. 21Lawa a kion lɛ a kiɛnlɛ a bìbìn man nə́ goã wàã sii zɛnɛ kɔnlɛ lɛa. Bǎã sonbore kɛ nyɛɛnɛ, màn kɔn nə tán ka n pɛ 22mà *wúlu bɔ ǹ bǎã nɛ, ǹ nə́ dɔ ka gɔn nɛ. A là a wo lon nə gùrù yii sɔɔ, a sasabaa n gùrù yii paa. A gùrù pusiin kɛn nɛ, a giala kaa tán nɛ ka a wàãn nɛ, a tumaa na á goã gɔn lɛa. Giĩ lɛ tɔ́n pɛ ma nɛ mà tabala mɛn bɛ́ tán Dɛnaa Lawa yɔrɔ-a, mà a din lɛ n ka kɛ nɛ.
23Kiɛnlɛ màn paa na á goã Lawa a kion lɛ laanka bǎã sonbore kɛ ganaa. 24Goo lɛkara papaa na á goã bɛa kiɛnlɛn lɛn lɛ, ǹ nə́ boe la ǹ nə n bũ, ǹ nə n tã. 25Ǹ nə́ goã ǹ nə́ lon màn yiikoonaa nyínin laanka sèwo da nyínin zɛnaa kion gɔ́ɔ̃ gole lɛ a kiɛnlɛn ganaa, goon ka kɛn nɛ, ǹ nə́ goã ǹ nə́ ǹ zɛnaa kungɔnɔn lɛn ganaa. Siã boɛɛn goon na á goã doa-n dàã lɛ a nyɛɛn ganaa kanaa. Maǹ nə́ bɛa siã lɛ dɔ ka gɔn nɛ. 26Fənɛtərən mɛnɛn bɛ́ ǹ nə́ tɛ̀mɛ wɔ ǹ lɛ, sèwo da nyínin kɛn nɛ, bɛn man nə́ goã dàã lɛ paǹ tumaa ganaa nyaǹ lɛa. A din nyaǹ goon lɛ na á goã wàã li kionən kɛn laanka siã lɛ ganaa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
San Catholic Edition Bible © Bible Society of Burkina Faso, 2013.