Ezekieli 36
36
Izirayeli minin wusoo a da piɛ
1Minbuiin a nɛ, maa boo kɛ da Izirayeli a kelen kɛn ganaa, mà ǹ nə n too kɔ masɛ Dɛnaa Lawa a boo li. 2Dɛnaa Lawa n pii: – Zɔ́ɔn nə́ yaa wɔ ka ganaa ǹ nə́ pɛ: «Izirayeli a kelen kɛn nə́ wɔa wɔ baa!» 3A bɛ́ miɛ̃, maa boo gii da, n pɛ Izirayeli minin lɛn manɛ, mà masɛ Dɛnaa Lawa n kɛ pii: Ǹ tá ka gialaa bǎã tumaa nɛ, ǹ nə́ ka ziziɛ̃. Ká tɔrɔ kɔsɔn tumaa wɔ baa. Maǹ nə n lɛ we ka ganaa, ǹ nə́ ka diɛ yaa lɛa tɔrɔn bii. 4Bɛ lɛ taman yii, Izirayeli a kelen lɛn, ka n too kɔ masɛ Dɛnaa Lawa a boo li. Masɛ Dɛnaa Lawa n kɛ pii kelen manɛ ka tentenen ne, mu ziin laanka nyankɔrɔ basan nɛ, kɛbɔlɔn laanka kiwi-soen ne, lɛkoro lɛ-a a tɔrɔn bɛ́ ǹ nə́ ǹ mɛnɛn minin kokoo, ǹ nə́ ǹ da yaa lɛa. 5Bɛ lɛ na á toa, masɛ Dɛnaa Lawa á kɛ pii: Bɛ̀ ma foo kɛ yoo, a n ka tɛ bɛ́ lɔn. Man ma foo pii tɔrɔ kɔsɔn kɛn tumaa nɛ, sanparɛ Edɔmu minin kɛn dinin. A giala, ǹ nə́ maa gána lɛ baa ǹ dinin wɔ lɛa. Ǹ foo yii na á goã kɔɔ̃nɛ, busii nə́ ǹ gɔ́ɔ̃ nɛ, maa gána lɛ wɔ paǹ li. Maǹ nə́ goã giɛ li, ǹ na a mànan goa, ǹ na a gɔ́ɔ̃ kooro toa. 6Bɛ lɛ taman yii, boo da Izirayeli gána wɔ paǹ li, n pɛ kelen laanka tentenen manɛ, ka mu ziin laanka nyankɔrɔ basan nɛ, mà masɛ Dɛnaa Lawa n kɛ pii: Tɔrɔ kɔsɔn nə sìi mɛn da ka ganaa, á ke, bɛ lɛ a foo wuu pɛ n ma diɛ boo diɛ ganaa ka foo ne. 7Bɛ lɛ na á toa, masɛ Dɛnaa Lawa á kɛ pii ma á n liɛ: Tɔrɔn mɛnɛn bɛ́ ka lɛnpɛnɛ, bɛn tá re n yui ka ǹ dinin sìi ni.
8Bɛa biikoo li, dan mɛnɛn bɛ́ Izirayeli gána a kelen kɛn la, bɛn tá re luu piɛ̃, ǹ nɛ kɔ maa zaman Izirayeli wɔ lɛa. A giala, ǹ daa diri. 9Á ke, man wusii má n die giɛ ka walan. Kaa wurun tá re wusii ǹ nə n kɔsɔ, màn tɔrɔn nə n da ǹ nɛ. 10Izirayeli gána tumaa nɛ, ma á re zaman mɔnɛɛ. Maa kɛbɔlɔn lɛn tá re wusii n nə n dɔ, minin nə wusoo ǹ giã kiwin lɛn nɛ. 11Ma á re minbuiinin laanka tɔɔn mɔnɛɛ. Ǹ tá re mɔnɛɛ, ǹ nɛnyaanan yɛ. Ma á re toɛ zaman mɔnaa gána lɛ nɛ a la lɛlɛ wɔ nɛ. Ma á re bǐɛ̃ zɛnɛɛ ka nɛ a la lɛlɛ wɔ kɛ nɛ. Ka á re doɛ̃ ka bɛ-n kəni, mà ma din nə Dɛnaa Lawa lɛa. 12Ma á re toɛ maa zaman Izirayeli lɛ tɔ wɔ gána lɛ paǹ tumaa nɛ. Ka á re gána lɛ sii ka baa kaa wɔ lɛa. Gána lɛ á re kaa wɔ biɛ, ǹ ba re kaa nɛnyaanan sii ka la doo duduu wa. 13Masɛ Dɛnaa Lawa n kɛ pii: Minin tɛnɛn man pii mà n din gána lɛ nə n minin dii. Mà ma n nə́ n din a zaman a nɛnyaanan dɛ. 14Bɛ lɛ nɛ, a kũ sisia ganaa, gána lɛ a re a minin dii doo wa, a re Izirayeli tɔrɔn lɛn nɛnyaanan dii doo wa. Ma din Dɛnaa Lawa a da ǹ boo ne. 15Tɔrɔ kɔsɔn bɛ́ ka diɛ yaa lɛa, ǹ nə́ sɔ mɛn kiɛ ka la, ka too a re bɛ miɛ doo wa. Gána lɛ a re a minin dii doo wa. Ma din Dɛnaa Lawa a da ǹ boo ne.
Izirayeli minin man wusii die ǹ gána nɛ
16Dɛnaa Lawa a da ǹ boo á ke á pɛ ma nɛ: 17Minbuiin a nɛ, n too kɔ. Izirayeli tɔrɔn bɛ́ ǹ nə́ goã ǹ gána lɛ nɛ, ǹ dinin man nə́ ǹ gána lɛ gɔgɔrɛ kɔ, ka ǹ giã ǹ gɔn laanka ǹ zɛnaa ǹ siin ni. Masɛ yii li, ǹ giã ǹ gɔn lɛ n ka lɔ a *gɔ̀ bɛ́ lɔn, bɛ̀ a lɛawaa tá a ganaa. 18Ǹ mà mɛn kaa gána lɛ nɛ, ǹ gána lɛ gɔgɔrɛ kɔ ka dìn mɛnɛn nɛ, bɛ lɛ na á toa masɛ foo yoo ǹ li. 19Bɛ lɛ n ke, má ǹ sasawaa má ǹ kaa gána kɔsɔn nɛ, má ǹ pɛsɛ̃. Bɛ lɛ n dɔlɔ lɛa ma bɔ ǹ ganaa, á kɔnpɛ ka ǹ dinin giã ǹ gɔn laanka ǹ zɛnaa ǹ siin ni. 20Maa minin lɛn bɛ́ ǹ nə́ woo gánan mɛnɛn nɛ, ǹ nə́ ma tɔ sonbore kɛ ziziɛ̃ walan. A giala, maǹ nə́ goã kɛ pii ǹ wɔ paǹ li: «Dɛnaa Lawa a minin man ka kɛn nɛ, sɛnɛ, ǹ nə́ ke ǹ nə́ soo ǹ nə́ n bɔ a gána nɛ!» 21Izirayeli tɔrɔn lɛn nə wo gánan mɛnɛn nɛ, ǹ dinin giã ǹ gɔn na á toa, bɛn nə́ ma tɔ sonbore kɛ ziziɛ̃. Bɛ lɛ na á goã kaka ma ganaa. 22Bɛ lɛ taman yii, a pɛ Izirayeli tɔrɔn lɛn manɛ, mà masɛ Dɛnaa Lawa n kɛ pii: «Izirayeli tɔrɔn lɛn, ma bɛ́ re sii mɛn zɛnɛɛ, ma bie re bɛ zɛnɛɛ kasɛn taman yii wa. Man die zɛnɛɛ ma din tɔ sonbore kɛ taman yii. A giala, ka wo tɔrɔn mɛnɛn bii, ká ma tɔ sonbore kɛ ziziɛ̃ walan. 23Ká ma tɔ ziziɛ̃ tɔrɔ kɔsɔn bii, ká sìi da ma ganaa. Sɛnɛ, ma á re nyɛɛ bɛn manɛ, maa ma din nə Lawa gole sonbore lɛa. Man die dí nyɛɛ ká ka dinin lɛn nɛ, ma maa Lawabaa lɛ nyaa ǹ nɛ. Ǹ tá re doɛ̃ bɛa biikoo li kəni, mà ma din nə Dɛnaa Lawa lɛa. Ma din Dɛnaa Lawa a da ǹ boo ne.
24«Ka goã tɔrɔn mɛnɛn bii gánan mɛnɛn tumaa nɛ, ma á re ka wɛɛ ma ka bɔ walan, ma ka sɔkɔn, ma da ka ka nɛ, ka dinin gána nɛ. 25Ma á re mu sonbore kiɛ ka ganaa, bɛ ka *yoreen kɔ. Ma á re kaa gɔ̀ siin tumaa pii ma ǹ bɔ ka ganaa, ka kaa dì siin kɛn tumaa nɛ. 26#EZE 11.19-20. Ma á re foo dii koe ka la, ma taasiɛ dii kɔ ka la. Ka foo mɛn bɛ́ kaka ka kɔlɔ bɛ́ lɔn, ma á re bɛ boe ma bɔ ka nɛ, foo mɛn bɛ́ lɛ koe maa boo ganaa, ma bɛ kɔ ka la. 27Ma á re ma din yiri we ka nɛ, ka boo la ka tɔ wɔ a kɔnpɛ ka maa landa boon kɛn nɛ, ka boo la ka maa sii yɔrɔ bɔ ǹ boon kɛn tamaa, ka kɔ ǹ lɛ. 28Ma gána mɛn kɔ ka digolon la, ka á re giɛ̃ bɛ lɛ nɛ. Ka á re maa zaman biɛ, ma dɔ á re ka dɔn Lawa biɛ. 29Ma á re kaa gɔ̀ tumaa pii ma bɔ ka ganaa. Ma á re toɛ ka *belee yɛ a mɔnaa, ma a re toɛ bòo ka kũ doo wa. 30Ma á re toɛ kaa dan nə nɛ gigiã kɔ, màn gigiã yɛ kaa wuru dí ni, màn mɛn bɛ́ toɛ, sìi nyan ka kũ tɔrɔn bii doo bòo taman yii wa. 31Bɛa biikoo li, ka yiri á die gisĩ ka kaa giã ǹ gɔn baraa laanka kaa zɛnaa ǹ siin kɛn nɛ, ǹ mɛnɛn bɛ́ ǹ goã siĩn wa. Ka tìĩ á re boe ka dinin nyin ni, kaa sii baraan laanka kaa sii bɔbɔnɛɛn lɛn taman yii. 32Masɛ Dɛnaa Lawa a da ǹ boo á ke: Ka doamaa-n ka dɔ̃, mà kasɛn lɛa bie ma á re bɛa sii lɛ zɛnɛɛ wa. Izirayeli tɔrɔn lɛn, kaa giã ǹ gɔn kɛ lɛ doamaa nɛ a sìi da ka ganaa, a ka mìi kuməə.»
33Masɛ Dɛnaa Lawa n kɛ pii: «Bɛ̀ má kaa sii baraan tumaa pii má ǹ bɔ ka ganaa ǹ mɛn pinaa, kɛbɔlɔ bǎãn tá re wusii ǹ nə n dɔ, ma á re zaman mɔnɛɛ kiwin lɛn nɛ. 34Ma gána mɛn lɛ ziziɛ̃, a bǎãn tá re wusii ǹ nə n kɔsɔ, màn mɛn bɛ́ toɛ kiɛ̃ wolen kɛn tumaa, ǹ kɔn baran taasɛ mà maǹ nə́ bǎã lɛ daa wa.» 35Minin tá re n toɛ: «Kiwi kɛ lɛ ǹ nə́ goã ǹ nə́ ziziɛ̃, á ke á n baa ka Edɛn dù gɔrɔ kɛ bɛ́ lɔn. Kiwin mɛnɛn bɛ́ ǹ nə́ goã ǹ nə́ wuru, ǹ nə́ ziziɛ̃ ǹ nə́ kɛbɔlɔ baa, ǹ nə́ kungɔn dɔ ǹ nə́ bɛn lɛnpɛnɛ nɛ, minin nə́ giã ǹ nɛ. 36Bɛa biikoo li kəni, kiwin mɛnɛn bɛ́ ǹ lɛnpɛnɛ, bɛn tá re doɛ̃, mà bɛ̀ ǹ nə́ bǎã mɛn wuru, mà ma din Dɛnaa Lawa n wusii ma dɔ, mà bɛ̀ ǹ nə́ bǎã mɛn daa, mà ma din nə wusii ma màn zumu a nɛ. Bɛ̀ masɛ Dɛnaa Lawa boo mɛn da, man bɛ lɛ zɛnɛɛ.»
37Masɛ Dɛnaa Lawa n kɛ pii: – Ma bɛ́ re sii mɛn dɔ zɛnɛɛ, bɛ n ka kɛ nɛ: «Ma á re lɛ koe Izirayeli tɔrɔn lɛn nə ma nyankɔ, màn mɛn bɛ́ toɛ, man dɔ ǹ lɛ. Ma á re ǹ minin mɔnɛɛ ka sère kuru bɛ́ lɔn. 38Ǹ kiwin mɛnɛn yu, bɛn man die piɛ̃ ka zaman nɛ, gigiã ka wúlu bɔ ǹ tɔɔn kɛn bɛ́ lɔn, ka tɔɔn bɛ́ lɔn Zeruzalɛmu zɔ́n biikoo li. Minin tá re doɛ̃ bɛa biikoo li, mà ma din nə Dɛnaa Lawa lɛa.»
Currently Selected:
Ezekieli 36: SCE2013
Highlight
Share
Copy
Want to have your highlights saved across all your devices? Sign up or sign in
San Catholic Edition Bible © Bible Society of Burkina Faso, 2013.
Ezekieli 36
36
Izirayeli minin wusoo a da piɛ
1Minbuiin a nɛ, maa boo kɛ da Izirayeli a kelen kɛn ganaa, mà ǹ nə n too kɔ masɛ Dɛnaa Lawa a boo li. 2Dɛnaa Lawa n pii: – Zɔ́ɔn nə́ yaa wɔ ka ganaa ǹ nə́ pɛ: «Izirayeli a kelen kɛn nə́ wɔa wɔ baa!» 3A bɛ́ miɛ̃, maa boo gii da, n pɛ Izirayeli minin lɛn manɛ, mà masɛ Dɛnaa Lawa n kɛ pii: Ǹ tá ka gialaa bǎã tumaa nɛ, ǹ nə́ ka ziziɛ̃. Ká tɔrɔ kɔsɔn tumaa wɔ baa. Maǹ nə n lɛ we ka ganaa, ǹ nə́ ka diɛ yaa lɛa tɔrɔn bii. 4Bɛ lɛ taman yii, Izirayeli a kelen lɛn, ka n too kɔ masɛ Dɛnaa Lawa a boo li. Masɛ Dɛnaa Lawa n kɛ pii kelen manɛ ka tentenen ne, mu ziin laanka nyankɔrɔ basan nɛ, kɛbɔlɔn laanka kiwi-soen ne, lɛkoro lɛ-a a tɔrɔn bɛ́ ǹ nə́ ǹ mɛnɛn minin kokoo, ǹ nə́ ǹ da yaa lɛa. 5Bɛ lɛ na á toa, masɛ Dɛnaa Lawa á kɛ pii: Bɛ̀ ma foo kɛ yoo, a n ka tɛ bɛ́ lɔn. Man ma foo pii tɔrɔ kɔsɔn kɛn tumaa nɛ, sanparɛ Edɔmu minin kɛn dinin. A giala, ǹ nə́ maa gána lɛ baa ǹ dinin wɔ lɛa. Ǹ foo yii na á goã kɔɔ̃nɛ, busii nə́ ǹ gɔ́ɔ̃ nɛ, maa gána lɛ wɔ paǹ li. Maǹ nə́ goã giɛ li, ǹ na a mànan goa, ǹ na a gɔ́ɔ̃ kooro toa. 6Bɛ lɛ taman yii, boo da Izirayeli gána wɔ paǹ li, n pɛ kelen laanka tentenen manɛ, ka mu ziin laanka nyankɔrɔ basan nɛ, mà masɛ Dɛnaa Lawa n kɛ pii: Tɔrɔ kɔsɔn nə sìi mɛn da ka ganaa, á ke, bɛ lɛ a foo wuu pɛ n ma diɛ boo diɛ ganaa ka foo ne. 7Bɛ lɛ na á toa, masɛ Dɛnaa Lawa á kɛ pii ma á n liɛ: Tɔrɔn mɛnɛn bɛ́ ka lɛnpɛnɛ, bɛn tá re n yui ka ǹ dinin sìi ni.
8Bɛa biikoo li, dan mɛnɛn bɛ́ Izirayeli gána a kelen kɛn la, bɛn tá re luu piɛ̃, ǹ nɛ kɔ maa zaman Izirayeli wɔ lɛa. A giala, ǹ daa diri. 9Á ke, man wusii má n die giɛ ka walan. Kaa wurun tá re wusii ǹ nə n kɔsɔ, màn tɔrɔn nə n da ǹ nɛ. 10Izirayeli gána tumaa nɛ, ma á re zaman mɔnɛɛ. Maa kɛbɔlɔn lɛn tá re wusii n nə n dɔ, minin nə wusoo ǹ giã kiwin lɛn nɛ. 11Ma á re minbuiinin laanka tɔɔn mɔnɛɛ. Ǹ tá re mɔnɛɛ, ǹ nɛnyaanan yɛ. Ma á re toɛ zaman mɔnaa gána lɛ nɛ a la lɛlɛ wɔ nɛ. Ma á re bǐɛ̃ zɛnɛɛ ka nɛ a la lɛlɛ wɔ kɛ nɛ. Ka á re doɛ̃ ka bɛ-n kəni, mà ma din nə Dɛnaa Lawa lɛa. 12Ma á re toɛ maa zaman Izirayeli lɛ tɔ wɔ gána lɛ paǹ tumaa nɛ. Ka á re gána lɛ sii ka baa kaa wɔ lɛa. Gána lɛ á re kaa wɔ biɛ, ǹ ba re kaa nɛnyaanan sii ka la doo duduu wa. 13Masɛ Dɛnaa Lawa n kɛ pii: Minin tɛnɛn man pii mà n din gána lɛ nə n minin dii. Mà ma n nə́ n din a zaman a nɛnyaanan dɛ. 14Bɛ lɛ nɛ, a kũ sisia ganaa, gána lɛ a re a minin dii doo wa, a re Izirayeli tɔrɔn lɛn nɛnyaanan dii doo wa. Ma din Dɛnaa Lawa a da ǹ boo ne. 15Tɔrɔ kɔsɔn bɛ́ ka diɛ yaa lɛa, ǹ nə́ sɔ mɛn kiɛ ka la, ka too a re bɛ miɛ doo wa. Gána lɛ a re a minin dii doo wa. Ma din Dɛnaa Lawa a da ǹ boo ne.
Izirayeli minin man wusii die ǹ gána nɛ
16Dɛnaa Lawa a da ǹ boo á ke á pɛ ma nɛ: 17Minbuiin a nɛ, n too kɔ. Izirayeli tɔrɔn bɛ́ ǹ nə́ goã ǹ gána lɛ nɛ, ǹ dinin man nə́ ǹ gána lɛ gɔgɔrɛ kɔ, ka ǹ giã ǹ gɔn laanka ǹ zɛnaa ǹ siin ni. Masɛ yii li, ǹ giã ǹ gɔn lɛ n ka lɔ a *gɔ̀ bɛ́ lɔn, bɛ̀ a lɛawaa tá a ganaa. 18Ǹ mà mɛn kaa gána lɛ nɛ, ǹ gána lɛ gɔgɔrɛ kɔ ka dìn mɛnɛn nɛ, bɛ lɛ na á toa masɛ foo yoo ǹ li. 19Bɛ lɛ n ke, má ǹ sasawaa má ǹ kaa gána kɔsɔn nɛ, má ǹ pɛsɛ̃. Bɛ lɛ n dɔlɔ lɛa ma bɔ ǹ ganaa, á kɔnpɛ ka ǹ dinin giã ǹ gɔn laanka ǹ zɛnaa ǹ siin ni. 20Maa minin lɛn bɛ́ ǹ nə́ woo gánan mɛnɛn nɛ, ǹ nə́ ma tɔ sonbore kɛ ziziɛ̃ walan. A giala, maǹ nə́ goã kɛ pii ǹ wɔ paǹ li: «Dɛnaa Lawa a minin man ka kɛn nɛ, sɛnɛ, ǹ nə́ ke ǹ nə́ soo ǹ nə́ n bɔ a gána nɛ!» 21Izirayeli tɔrɔn lɛn nə wo gánan mɛnɛn nɛ, ǹ dinin giã ǹ gɔn na á toa, bɛn nə́ ma tɔ sonbore kɛ ziziɛ̃. Bɛ lɛ na á goã kaka ma ganaa. 22Bɛ lɛ taman yii, a pɛ Izirayeli tɔrɔn lɛn manɛ, mà masɛ Dɛnaa Lawa n kɛ pii: «Izirayeli tɔrɔn lɛn, ma bɛ́ re sii mɛn zɛnɛɛ, ma bie re bɛ zɛnɛɛ kasɛn taman yii wa. Man die zɛnɛɛ ma din tɔ sonbore kɛ taman yii. A giala, ka wo tɔrɔn mɛnɛn bii, ká ma tɔ sonbore kɛ ziziɛ̃ walan. 23Ká ma tɔ ziziɛ̃ tɔrɔ kɔsɔn bii, ká sìi da ma ganaa. Sɛnɛ, ma á re nyɛɛ bɛn manɛ, maa ma din nə Lawa gole sonbore lɛa. Man die dí nyɛɛ ká ka dinin lɛn nɛ, ma maa Lawabaa lɛ nyaa ǹ nɛ. Ǹ tá re doɛ̃ bɛa biikoo li kəni, mà ma din nə Dɛnaa Lawa lɛa. Ma din Dɛnaa Lawa a da ǹ boo ne.
24«Ka goã tɔrɔn mɛnɛn bii gánan mɛnɛn tumaa nɛ, ma á re ka wɛɛ ma ka bɔ walan, ma ka sɔkɔn, ma da ka ka nɛ, ka dinin gána nɛ. 25Ma á re mu sonbore kiɛ ka ganaa, bɛ ka *yoreen kɔ. Ma á re kaa gɔ̀ siin tumaa pii ma ǹ bɔ ka ganaa, ka kaa dì siin kɛn tumaa nɛ. 26#EZE 11.19-20. Ma á re foo dii koe ka la, ma taasiɛ dii kɔ ka la. Ka foo mɛn bɛ́ kaka ka kɔlɔ bɛ́ lɔn, ma á re bɛ boe ma bɔ ka nɛ, foo mɛn bɛ́ lɛ koe maa boo ganaa, ma bɛ kɔ ka la. 27Ma á re ma din yiri we ka nɛ, ka boo la ka tɔ wɔ a kɔnpɛ ka maa landa boon kɛn nɛ, ka boo la ka maa sii yɔrɔ bɔ ǹ boon kɛn tamaa, ka kɔ ǹ lɛ. 28Ma gána mɛn kɔ ka digolon la, ka á re giɛ̃ bɛ lɛ nɛ. Ka á re maa zaman biɛ, ma dɔ á re ka dɔn Lawa biɛ. 29Ma á re kaa gɔ̀ tumaa pii ma bɔ ka ganaa. Ma á re toɛ ka *belee yɛ a mɔnaa, ma a re toɛ bòo ka kũ doo wa. 30Ma á re toɛ kaa dan nə nɛ gigiã kɔ, màn gigiã yɛ kaa wuru dí ni, màn mɛn bɛ́ toɛ, sìi nyan ka kũ tɔrɔn bii doo bòo taman yii wa. 31Bɛa biikoo li, ka yiri á die gisĩ ka kaa giã ǹ gɔn baraa laanka kaa zɛnaa ǹ siin kɛn nɛ, ǹ mɛnɛn bɛ́ ǹ goã siĩn wa. Ka tìĩ á re boe ka dinin nyin ni, kaa sii baraan laanka kaa sii bɔbɔnɛɛn lɛn taman yii. 32Masɛ Dɛnaa Lawa a da ǹ boo á ke: Ka doamaa-n ka dɔ̃, mà kasɛn lɛa bie ma á re bɛa sii lɛ zɛnɛɛ wa. Izirayeli tɔrɔn lɛn, kaa giã ǹ gɔn kɛ lɛ doamaa nɛ a sìi da ka ganaa, a ka mìi kuməə.»
33Masɛ Dɛnaa Lawa n kɛ pii: «Bɛ̀ má kaa sii baraan tumaa pii má ǹ bɔ ka ganaa ǹ mɛn pinaa, kɛbɔlɔ bǎãn tá re wusii ǹ nə n dɔ, ma á re zaman mɔnɛɛ kiwin lɛn nɛ. 34Ma gána mɛn lɛ ziziɛ̃, a bǎãn tá re wusii ǹ nə n kɔsɔ, màn mɛn bɛ́ toɛ kiɛ̃ wolen kɛn tumaa, ǹ kɔn baran taasɛ mà maǹ nə́ bǎã lɛ daa wa.» 35Minin tá re n toɛ: «Kiwi kɛ lɛ ǹ nə́ goã ǹ nə́ ziziɛ̃, á ke á n baa ka Edɛn dù gɔrɔ kɛ bɛ́ lɔn. Kiwin mɛnɛn bɛ́ ǹ nə́ goã ǹ nə́ wuru, ǹ nə́ ziziɛ̃ ǹ nə́ kɛbɔlɔ baa, ǹ nə́ kungɔn dɔ ǹ nə́ bɛn lɛnpɛnɛ nɛ, minin nə́ giã ǹ nɛ. 36Bɛa biikoo li kəni, kiwin mɛnɛn bɛ́ ǹ lɛnpɛnɛ, bɛn tá re doɛ̃, mà bɛ̀ ǹ nə́ bǎã mɛn wuru, mà ma din Dɛnaa Lawa n wusii ma dɔ, mà bɛ̀ ǹ nə́ bǎã mɛn daa, mà ma din nə wusii ma màn zumu a nɛ. Bɛ̀ masɛ Dɛnaa Lawa boo mɛn da, man bɛ lɛ zɛnɛɛ.»
37Masɛ Dɛnaa Lawa n kɛ pii: – Ma bɛ́ re sii mɛn dɔ zɛnɛɛ, bɛ n ka kɛ nɛ: «Ma á re lɛ koe Izirayeli tɔrɔn lɛn nə ma nyankɔ, màn mɛn bɛ́ toɛ, man dɔ ǹ lɛ. Ma á re ǹ minin mɔnɛɛ ka sère kuru bɛ́ lɔn. 38Ǹ kiwin mɛnɛn yu, bɛn man die piɛ̃ ka zaman nɛ, gigiã ka wúlu bɔ ǹ tɔɔn kɛn bɛ́ lɔn, ka tɔɔn bɛ́ lɔn Zeruzalɛmu zɔ́n biikoo li. Minin tá re doɛ̃ bɛa biikoo li, mà ma din nə Dɛnaa Lawa lɛa.»
Currently Selected:
:
Highlight
Share
Copy
Want to have your highlights saved across all your devices? Sign up or sign in
San Catholic Edition Bible © Bible Society of Burkina Faso, 2013.