Ezekieli 28
28
Tiirin kii a zɛ̀rɛbaa
1Dɛnaa Lawa boo da ma nɛ á pɛ: 2Minbuiin a nɛ, a pɛ Tiiri kiwi kɛ a kii ni mà masɛ Dɛnaa Lawa a da ǹ boo á ke:
A giala, n nə́ n din gole kɔ,
ń pɛ mà nsɛ n lawa lɛa,
giã-n lawabaa ǹ kii dankan la,
yìsi mun kɛn bii.
A da yaa n nə n minbuiin nɛ lɛa,
n bie Lawa lɛa wa.
Sɛnɛ, n dɔ á ke,
ń nə́ n din baa ka Lawa bɛ́ lɔn...
3Á ke, n tá sii doɛ̃ ń la Danieli ni.
Sii-durii kɔn banban,
mà n nə n ba bɛ doɛ̃ wa.
4Ń naforo yɛ n sii-doɛ̃ kɛ laanka
n yiri kɛ barka nɛ,
ń sana laanka wɔrɔ gigiã yɛ
ń kaa màn nɛ.
5N sii-doɛ̃ gole lɛ taman yii,
n pii-kɔ lɛ taman yii,
n naforo lɛ mɔnaa.
N naforo lɛ nɛ, ń nə́ n saa li,
ń nə́ n din gole kɔ.
6Bɛ lɛ nɛ, masɛ Dɛnaa Lawa á kɛ pii:
N bɛ́ ń nə́ n din baa lawa lɛa,
7Á ke man die tiin kɔnɔn kiɛ
n ganaa,
tɔrɔ mɛn a minin bɛ́ baraa ǹ nə́ la
ǹ miãn wɔ nɛ.
N màn sonboren mɛnɛn yɛ ka n
din a sii-doɛ̃ kɛ nɛ,
ǹ tá re gɔya sa woɛ̃ bɛn li,
ǹ tá re n siĩnbaa kɛ ziziɛ̃.
8Ǹ tá re n nyin we tii li,
n tá re gɛ̀ baraa we,
yìsi mu bii.
9Min mɛn lɛ bɛ́ re n dii,
n yii a we n pɛ mà nsɛ n Lawa lɛa?
N nə n minbuiin nɛ lɛa,
n bie Lawa lɛa min kɛ lɛ gɔn
die n foɛ̃ wa.
10Tiin tá re n dii,
n tá re tɔrɔ kɔsɔn gɛ̀ kɛ tɔrɔ we,
ma din nə má pɛ,
ma din Dɛnaa Lawa a da ǹ boo ne.
11Dɛnaa Lawa wusoo á boo da ma-n kɛnɛn: 12«Minbuiin a nɛ, foo ziziɛ̃ ǹ loe lɔ Tiiri kiwi lɛ la. N pɛ ǹ nɛ, mà masɛ Dɛnaa Lawa n kɛ pii:
Nsɛ lɛ a sii tumaa lɛ na á goã piɛ̃ nɛ,
n sii-doɛ̃ ke, bɛ dɔ kɔn,
n siĩnbaa kɛ dɔ lɛ pã.
13Ma nə ń goã Edɛn,
Lawa a dù gɔrɔ kɛ nɛ.
Ǹ ná a kungɔn dɔ ka kɔlɔ sonboren ne,
ǹ ná a lɛnpɛnɛ nɛ:
Kɔlɔ tã bonbon ne, a lɔɔdɛnaa nɛ,
a fu ni, a buu buruu ni, a tɛ-pɛle ne,
a buu buruu tì ni, a bɔlɔn nɛ, a tã nɛ,
a bɔlɔn buu buruu dɛnaa nɛ.
N maàn kɛn laanka n pìin ni,
n nə ń bɛn zɛnaa ka sana nɛ.
Maǹ nə́ ǹ zɛnaa ka sana nɛ
n din a zɛnaa pinaa.
14N din lon màn yiikoonaa tɛ-pɛle,
man má n koa máa n minin tamaa.
Ma nə ń goã Lawa a kele sonbore kɛ la,
ń goã woe bɛ̀ n nə n bɔyaa,
kɔlɔ tɛ-pɛlen kɛn bii.
15A kũ n zɛnaa pinaa ganaa,
n zɛnaa ǹ sii na á goã siĩni,
yǎa baraabaa ke,
á daa á yɛ n ganaa sisia.
16N pii-kɔ lɛ bɛ́ á gole kɔ,
kakaarɛbaa la n yii ni,
ń nɔmaa ń sii baraa zɛnaa.
Bɛ lɛ n ke ma á n diɛ kun ka
min kooron ne,
n wɔlɔ ń lui-n Lawa a kele kɛ ganaa.
Nsɛ lon màn yiikoonaa
minin-tamaali lɛ,
ma á re n lui,
ma n bɔ kɔlɔ tɛ-pɛlen kɛn bii.
17Ma n nə́ n din gole kɔ n siĩnbaa
kɛ taman yii,
Ń toa n siĩnbaa lɛ nə́ n sii-doɛ̃
kɛ ziziɛ̃,
man die n lui ma n dia tán,
man die sìi diɛ n ganaa,
n miã kiin yɔrɔ-a.
18N sii baraa damata kɛ lɛ taman yii,
n mɛnaa minin la kɛ lɛ,
n pii-kɔ gɔ́ɔ̃ nɛ,
ń nə́ n Lawa guguru kɔ ǹ bǎãn
lɛn ziziɛ̃.
Bɛ lɛ n ke ma á re yui ka tɛ nɛ
n kiwi lɛ bii,
bɛa tɛ lɛ á re n kuĩ.
N tá re ton biɛ tán,
n gamaa wolen tumaa yɔrɔ-a.
19Tɔrɔ kɔsɔn mɛnɛn tumaa bɛ́ n doɛ̃,
bɛn tá re n kaãbiɛ n sii ganaa.
N tá re nyɛ́ɛ da ǹ màn biɛ,
n tá re papaɛ̃ duduu.»
Boo mɛn nə n da Sidɔn wɔ paǹ li
20 #
ZOW 4.4-8; ZAK 9.1-2; MAT 11.21-22; LUK 10.13-14. Dɛnaa Lawa boo da ma nɛ á pɛ: 21Minbuiin a nɛ, n yɔrɔ da Sidɔn kiwi kɛ la, n yoo ǹ gialaa, n masɛ a boo gii kɛ da a minin manɛ.
22Masɛ Dɛnaa Lawa n kɛ pii:
Á ke, nsɛ Sidɔn kiwi kɛ lɛ,
ma á die n gialaa.
Maa zɛnaa ǹ siin taman yii,
minin tá re ma guguru koe
Sidɔn kiwi.
Ma bɛ́ re dɔlɔn mɛnɛn boe n ganaa,
ma maa Lawa sonborebaa kɛ
nyaa nɛ,
minin tá re doɛ̃ ka bɛ lɛ-n kəni,
mà ma din nə Dɛnaa Lawa lɛa.
23Ma á re piɛ̃ busu babaraa diɛ n la,
mà tá re goɛ̃ tán n ziin la,
zia á re yui n paǹ tumaa-a,
bɛ lɛ n die toɛ n minin lɛn gigiã gã.
Ǹ tá re doɛ̃ ka bɛ lɛ-n kəni,
mà ma din nə Dɛnaa Lawa lɛa.
Izirayeli minin là nyantoro
24Bɛ kio, nyan ba re Izirayeli minin kɛn toɛ̃ doo wa, nyan ba re ǹ gòã foɛ̃ doo wa, min mɛnɛn dɔn bɛ́ ǹ lɛnpɛnɛ, bɛn kɔn dɔ a re ǹ puusə koe doo wa. Ǹ tá re doɛ̃ ka bɛ lɛ-n kəni, mà masɛ din nə Dɛnaa Lawa gole lɛa.
25Masɛ Dɛnaa Lawa n kɛ pii: «Izirayeli tɔrɔn kɛn bɛ́ pɛsiɛ̃-n tɔrɔ kɔsɔn mɛnɛn bii, bɛ̀ masɛ nə́ ǹ waa bɛn bii ma ǹ sɔkɔn ǹ mɛn waáraa, ma á re nyɛɛ tɔrɔ kɔsɔn kɛn manɛ, máa masɛ din nə Lawa sonbore lɛa. Izirayeli minin lɛn tá re giɛ̃ ǹ dinin tán la, masɛ goã má bǎã mɛn lɛ kɔ maa dí-nyali Zakɔba la. 26Ǹ tá re giɛ̃ a nɛ ka là nyantoro ne, ǹ kionən dɔdɔ, ǹ *rezɛ̃ da zuzumu. Ǹ tá re giɛ̃ a nɛ ka là nyantoro ne, a giala, ǹ lɛkoro lɛ-a minin mɛnɛn tumaa bɛ́ ǹ puusə koe, masɛ á re dɔlɔ boe bɛn ganaa. Ǹ tá re doɛ̃ kəni, mà masɛ din Dɛnaa Lawa nə ǹ Lawa lɛa.»
Currently Selected:
Ezekieli 28: SCE2013
Highlight
Share
Copy
Want to have your highlights saved across all your devices? Sign up or sign in
San Catholic Edition Bible © Bible Society of Burkina Faso, 2013.
Ezekieli 28
28
Tiirin kii a zɛ̀rɛbaa
1Dɛnaa Lawa boo da ma nɛ á pɛ: 2Minbuiin a nɛ, a pɛ Tiiri kiwi kɛ a kii ni mà masɛ Dɛnaa Lawa a da ǹ boo á ke:
A giala, n nə́ n din gole kɔ,
ń pɛ mà nsɛ n lawa lɛa,
giã-n lawabaa ǹ kii dankan la,
yìsi mun kɛn bii.
A da yaa n nə n minbuiin nɛ lɛa,
n bie Lawa lɛa wa.
Sɛnɛ, n dɔ á ke,
ń nə́ n din baa ka Lawa bɛ́ lɔn...
3Á ke, n tá sii doɛ̃ ń la Danieli ni.
Sii-durii kɔn banban,
mà n nə n ba bɛ doɛ̃ wa.
4Ń naforo yɛ n sii-doɛ̃ kɛ laanka
n yiri kɛ barka nɛ,
ń sana laanka wɔrɔ gigiã yɛ
ń kaa màn nɛ.
5N sii-doɛ̃ gole lɛ taman yii,
n pii-kɔ lɛ taman yii,
n naforo lɛ mɔnaa.
N naforo lɛ nɛ, ń nə́ n saa li,
ń nə́ n din gole kɔ.
6Bɛ lɛ nɛ, masɛ Dɛnaa Lawa á kɛ pii:
N bɛ́ ń nə́ n din baa lawa lɛa,
7Á ke man die tiin kɔnɔn kiɛ
n ganaa,
tɔrɔ mɛn a minin bɛ́ baraa ǹ nə́ la
ǹ miãn wɔ nɛ.
N màn sonboren mɛnɛn yɛ ka n
din a sii-doɛ̃ kɛ nɛ,
ǹ tá re gɔya sa woɛ̃ bɛn li,
ǹ tá re n siĩnbaa kɛ ziziɛ̃.
8Ǹ tá re n nyin we tii li,
n tá re gɛ̀ baraa we,
yìsi mu bii.
9Min mɛn lɛ bɛ́ re n dii,
n yii a we n pɛ mà nsɛ n Lawa lɛa?
N nə n minbuiin nɛ lɛa,
n bie Lawa lɛa min kɛ lɛ gɔn
die n foɛ̃ wa.
10Tiin tá re n dii,
n tá re tɔrɔ kɔsɔn gɛ̀ kɛ tɔrɔ we,
ma din nə má pɛ,
ma din Dɛnaa Lawa a da ǹ boo ne.
11Dɛnaa Lawa wusoo á boo da ma-n kɛnɛn: 12«Minbuiin a nɛ, foo ziziɛ̃ ǹ loe lɔ Tiiri kiwi lɛ la. N pɛ ǹ nɛ, mà masɛ Dɛnaa Lawa n kɛ pii:
Nsɛ lɛ a sii tumaa lɛ na á goã piɛ̃ nɛ,
n sii-doɛ̃ ke, bɛ dɔ kɔn,
n siĩnbaa kɛ dɔ lɛ pã.
13Ma nə ń goã Edɛn,
Lawa a dù gɔrɔ kɛ nɛ.
Ǹ ná a kungɔn dɔ ka kɔlɔ sonboren ne,
ǹ ná a lɛnpɛnɛ nɛ:
Kɔlɔ tã bonbon ne, a lɔɔdɛnaa nɛ,
a fu ni, a buu buruu ni, a tɛ-pɛle ne,
a buu buruu tì ni, a bɔlɔn nɛ, a tã nɛ,
a bɔlɔn buu buruu dɛnaa nɛ.
N maàn kɛn laanka n pìin ni,
n nə ń bɛn zɛnaa ka sana nɛ.
Maǹ nə́ ǹ zɛnaa ka sana nɛ
n din a zɛnaa pinaa.
14N din lon màn yiikoonaa tɛ-pɛle,
man má n koa máa n minin tamaa.
Ma nə ń goã Lawa a kele sonbore kɛ la,
ń goã woe bɛ̀ n nə n bɔyaa,
kɔlɔ tɛ-pɛlen kɛn bii.
15A kũ n zɛnaa pinaa ganaa,
n zɛnaa ǹ sii na á goã siĩni,
yǎa baraabaa ke,
á daa á yɛ n ganaa sisia.
16N pii-kɔ lɛ bɛ́ á gole kɔ,
kakaarɛbaa la n yii ni,
ń nɔmaa ń sii baraa zɛnaa.
Bɛ lɛ n ke ma á n diɛ kun ka
min kooron ne,
n wɔlɔ ń lui-n Lawa a kele kɛ ganaa.
Nsɛ lon màn yiikoonaa
minin-tamaali lɛ,
ma á re n lui,
ma n bɔ kɔlɔ tɛ-pɛlen kɛn bii.
17Ma n nə́ n din gole kɔ n siĩnbaa
kɛ taman yii,
Ń toa n siĩnbaa lɛ nə́ n sii-doɛ̃
kɛ ziziɛ̃,
man die n lui ma n dia tán,
man die sìi diɛ n ganaa,
n miã kiin yɔrɔ-a.
18N sii baraa damata kɛ lɛ taman yii,
n mɛnaa minin la kɛ lɛ,
n pii-kɔ gɔ́ɔ̃ nɛ,
ń nə́ n Lawa guguru kɔ ǹ bǎãn
lɛn ziziɛ̃.
Bɛ lɛ n ke ma á re yui ka tɛ nɛ
n kiwi lɛ bii,
bɛa tɛ lɛ á re n kuĩ.
N tá re ton biɛ tán,
n gamaa wolen tumaa yɔrɔ-a.
19Tɔrɔ kɔsɔn mɛnɛn tumaa bɛ́ n doɛ̃,
bɛn tá re n kaãbiɛ n sii ganaa.
N tá re nyɛ́ɛ da ǹ màn biɛ,
n tá re papaɛ̃ duduu.»
Boo mɛn nə n da Sidɔn wɔ paǹ li
20 #
ZOW 4.4-8; ZAK 9.1-2; MAT 11.21-22; LUK 10.13-14. Dɛnaa Lawa boo da ma nɛ á pɛ: 21Minbuiin a nɛ, n yɔrɔ da Sidɔn kiwi kɛ la, n yoo ǹ gialaa, n masɛ a boo gii kɛ da a minin manɛ.
22Masɛ Dɛnaa Lawa n kɛ pii:
Á ke, nsɛ Sidɔn kiwi kɛ lɛ,
ma á die n gialaa.
Maa zɛnaa ǹ siin taman yii,
minin tá re ma guguru koe
Sidɔn kiwi.
Ma bɛ́ re dɔlɔn mɛnɛn boe n ganaa,
ma maa Lawa sonborebaa kɛ
nyaa nɛ,
minin tá re doɛ̃ ka bɛ lɛ-n kəni,
mà ma din nə Dɛnaa Lawa lɛa.
23Ma á re piɛ̃ busu babaraa diɛ n la,
mà tá re goɛ̃ tán n ziin la,
zia á re yui n paǹ tumaa-a,
bɛ lɛ n die toɛ n minin lɛn gigiã gã.
Ǹ tá re doɛ̃ ka bɛ lɛ-n kəni,
mà ma din nə Dɛnaa Lawa lɛa.
Izirayeli minin là nyantoro
24Bɛ kio, nyan ba re Izirayeli minin kɛn toɛ̃ doo wa, nyan ba re ǹ gòã foɛ̃ doo wa, min mɛnɛn dɔn bɛ́ ǹ lɛnpɛnɛ, bɛn kɔn dɔ a re ǹ puusə koe doo wa. Ǹ tá re doɛ̃ ka bɛ lɛ-n kəni, mà masɛ din nə Dɛnaa Lawa gole lɛa.
25Masɛ Dɛnaa Lawa n kɛ pii: «Izirayeli tɔrɔn kɛn bɛ́ pɛsiɛ̃-n tɔrɔ kɔsɔn mɛnɛn bii, bɛ̀ masɛ nə́ ǹ waa bɛn bii ma ǹ sɔkɔn ǹ mɛn waáraa, ma á re nyɛɛ tɔrɔ kɔsɔn kɛn manɛ, máa masɛ din nə Lawa sonbore lɛa. Izirayeli minin lɛn tá re giɛ̃ ǹ dinin tán la, masɛ goã má bǎã mɛn lɛ kɔ maa dí-nyali Zakɔba la. 26Ǹ tá re giɛ̃ a nɛ ka là nyantoro ne, ǹ kionən dɔdɔ, ǹ *rezɛ̃ da zuzumu. Ǹ tá re giɛ̃ a nɛ ka là nyantoro ne, a giala, ǹ lɛkoro lɛ-a minin mɛnɛn tumaa bɛ́ ǹ puusə koe, masɛ á re dɔlɔ boe bɛn ganaa. Ǹ tá re doɛ̃ kəni, mà masɛ din Dɛnaa Lawa nə ǹ Lawa lɛa.»
Currently Selected:
:
Highlight
Share
Copy
Want to have your highlights saved across all your devices? Sign up or sign in
San Catholic Edition Bible © Bible Society of Burkina Faso, 2013.