Bɔ bɛ̀rɛbaa nɛ 21
21
Dí-pɛn mɛnɛn bɛ́ bɛ̀rɛn wɔ paǹ li
1Lawa mà sii zɛnaa ǹ gɔn kɔsɔn nə́ ke, a n siĩni a ǹ pɛ Izirayeli nɛnyaanan manɛ: 2#LWS 25.39-46. «Bɛ̀ ka bɛ̀rɛ pii, á n *Ebrəə min lɛa, a doamaa nɛ a dí nya lɛ̀ sɔrɔ. A sɔbaabaa ǹ wɔ, á boe la, a wo a din gɔn wìi a lɛa, a ná a ba màn kɔ́n sarɛɛ wa. 3Bɛ̀ a na á daa bɛ̀rɛ lɛ baa a dinsɔɔ̃, a n soe, a wo a dinsɔɔ̃. Bɛ̀ a na á daa ka lɔ nɛ, a lɔ dɔ n soe, a wo kun ni. 4Bɛ̀ a mìinaa na á lɔ kɔ la, yǎa lɔ lɛ nɛnyaanan yɛ la, nɛgiĩn hinlaa nɛlɔn, lɔ lɛ laanka a nɛnyaanan man goɛ̃ ǹ mìinaa nɛ. Bɛ̀rɛ lɛ sɛ n soe a dinsɔɔ̃. 5Sɛnɛ, bɛ̀ bɛ̀rɛ lɛ pɛ mà a mìinaa lɛ á kɔɔ̃nɛ a ganaa, mà a din a lɔ lɛ dɔ laanka a nɛnyaanan tá kɔɔ̃nɛ a ganaa, mà a ba li a soo a wo a din gɔn wìi a lɛa wa, 6a mìinaa lɛ Lawa baa siére lɛa, a bɛ̀rɛ lɛ mɔrɔ a kiɛnlɛ ganaa, hinlaa a kiɛnlɛ gɔn ganaa, a na a too fɔ̃ ka kiɛ nɛ. Bɛ̀rɛ lɛ n dí nyɛɛ nɛ kəni yǎa duduu.
7«Bɛ̀ min dɔ ná a nɛlɔ sã bɛ̀rɛ lɛa, bɛa nɛlɔ lɛ a boe la, a soo ka bɛ̀rɛ gialakunun bɛ́ zɛnɛɛ lɔn wa. 8Bɛ̀ a sii kɔɔ̃n kɔ a mìinaa ganaa, á baa a lɔ lɛa wa, a n toɛ nɛlɔ lɛ di da a nyin giɔ̀mɔ saraa, a si. Zii ba a mìinaa lɛ lon, a nɛlɔ lɛ sã tɔrɔ kɔsɔ min la wa, bɛ bie wa, a sii lɛ zɛnaa a yɔrɔ li wa.
9«Bɛ̀ a n giɛ li a kɔ a nɛgiĩ la dɔn, a n sii tumaa zɛnɛɛ a wɔ paǹ li, ka a bɛ́ zɛnɛɛ a din a nɛlɔn man lɔn.
10«Bɛ̀ mìinaa lɛ ga lɔ kɔsɔ li a din wɔ lɛa, a ba màn boe bɛ̀rɛlɔ lɛ a màn-bii lɛ wa, a boe a mɔnaa lɛ wa, a boe ǹ tá kun dɔ lɛ wa. 11Bɛ̀ mìinaa lɛ bɛa sii sɔɔ kɛ zɛnaa nɛ wa, bɛ̀rɛlɔ lɛ á boe la a soo, a wo a din gɔn wìi a lɛa, a ná a ba wɔrɔ sarɛɛ wa.
Sãn mɛnɛn bɛ́ gɛ̀ dɔlɔ boe
12 #
LWS 24.17. «Bɛ̀ min mɛn min dɛ á gã, a dɔ nə n dii a gã. 13#MNS 35.10-34; TDP 19.1-13; ZOZ 20.1-9. Bɛ tumaa kio, min mɛn lɛ bɛ́ a gɔn da ǹ miã lɛ ganaa á dɛ wa, sɛnɛ, sii lɛ nə́ n baa foobaamala sii lɛa, ma á re bǎã boe ma koa, gɛ̀ kɛ lɛ tɔrɔ dɛle á boe la a baa si, a wo a nɛ. 14Sɛnɛ, bɛ̀ min foo busu ǹ miã li, á ga li, á dɛ ka yiri ni, ta bɛa gɛ̀-dɛle kɛ lɛ na á n duru *wúlu bɔ ǹ bǎã nɛ, ǹ bɔ walan ǹ dɛ, a gã.
15«Bɛ̀ min nə́ ǹ di dɛ hinlaa ǹ dan dɛ, ǹ bɛa min kɛ lɛ dɛ a gã.
16 #
TDP 24.7. «Bɛ̀ min min koã, á sã hinlaa maǹ nə́ kũ a gɔn, ǹ bɛa min-koãli lɛ dɛ a gã.
17 #
LWS 20.9; MAT 15.4; MAR 7.10. «Bɛ̀ min boo baraa da ǹ di ganaa hinlaa ǹ dan ganaa, ǹ bɛa min lɛ dɛ a gã.
18«Bɛ̀ minin nə́ zia da, yǎa goon nə ǹ miã dɛ ka kɔlɔ nɛ, hinlaa ka gɔn-munii ni, bɛ̀ ǹ miã lɛ gã wa, sɛnɛ, á waa tán ka busu ni, 19bɛ̀ á boe la á yui, á n soe kanaa, a nə́ n doɛ bàlà ganaa, ǹ na a dɛle lɛ toa walan. Sii goon nə ke, a doamaa nɛ, a kɛ lɛ a waa tán lɛ saraa, a na a dagòã bɔ yǎa a kaka koe.
20«Bɛ̀ min na á bɛ̀rɛgiĩ hinlaa á bɛ̀rɛlɔ dɛ ka dɔ̀rɔ̀ nɛ, yǎa a gã a gɔn, ǹ doamaa nɛ ǹ gɛ̀ dòo bɔ a ganaa. 21Sɛnɛ, bɛ̀ a yii goã koo lɛawaa goon hinlaa lɛawaa paa, gɛ̀-dòo ba n boe wa, a giala, man a gɔn mànan lɛa.
22«Bɛ̀ minin dɔn man nə́ kɔn kũ, ǹ nə́ n tɔ lɔ nɔnoa nɛ, bɛ̀ a nɔ̀ lɛ ziziɛ̃, baraa ná a n zɛnaa a din ni wa, minin lɛn doamaa nɛ, ǹ màn saraa a kɔnpɛ ka lɔ lɛ zuũ a màn pɛ nɛ. Ǹ saraa sii yɔrɔ-bɔlen yii ni. 23Sɛnɛ, bɛ̀ baraa lɔ lɛ dinmaa yɛ, nyin giɔ̀mɔ nə n sarɛɛ ka nyin ni. 24#LWS 24.19-20; TDP 19.21; MAT 5.38. Yii wɔ n ka yii ni, sɔ wɔ n ka sɔ nɛ, gɔn wɔ n ka gɔn nɛ, gòã wɔ n ka gòã nɛ. 25Tɛ da min ganaa wɔ n ka tɛ-diɛ nɛ, mà bɔ min ganaa wɔ n ka mà-bɔ nɛ, min dɛ ka gɔn kiri-n wɔ n ka gɔn kiri ni.
26«Bɛ̀ min na á bɛ̀rɛgiĩ hinlaa á bɛ̀rɛlɔ dɛ, a ná a yii puru, a toa ǹ wo ǹ dinin gɔn wìi a lɛa, bɛ yii lɛ a saraa baa. 27Ta a bɛ̀rɛ lɛ sɔ nɛ á yiɛ, a n toɛ a wo a din gɔn wìi a lɛa, bɛ na a sɔ lɛ a saraa baa.
28«Bɛ̀ dii giĩ hinlaa lɔ dɛ ka a bɛn nɛ, yǎa a gã, bɛa dii lɛ nə n dii ka kɔlɔ nɛ yǎa a giɛ̃. Min dɔ baran a siĩ sɔ̃ wa. Sɛnɛ, zɛ̀rɛ ba re goɛ̃ dii lɛ a dɛnaa ganaa wa. 29Sɛnɛ, bɛ̀ dii lɛ lɛ-mui sii n ka minin dɛ nɛ, ǹ nə́ n gɔn waa ǹ dɛnaa nɛ, a na a ga a walan wa, yǎa dii lɛ min dɛ, dii lɛ nə n dii ka kɔlɔ nɛ, ǹ dɛnaa dinmaa dɔ nə n dii a gã. 30Bɛ̀ ǹ nə́ pɛ nɛ, mà a n din nyin si, ǹ bɛ́ re màn woo màn pii ni, a n bɛ sarɛɛ a din nyin giɔ̀mɔ lɛa. 31Ta dii lɛ na á nɛginin hinlaa nɛlɔ dɛ á gã, a nə n yɔrɔ boe bɛa gɔn kɛ lɛ la. 32Bɛ̀ dii lɛ na á bɛ̀rɛgiĩ hinlaa bɛ̀rɛlɔ dɛ, dii lɛ a dɛnaa doamaa nɛ, a wɔrɔ we pɔsɔɔ saraa bɛ̀rɛ lɛ a dɛnaa la. Dii lɛ sɛ nə n dii ka kɔlɔ nɛ.
33«Bɛ̀ min tù gɔ́ɔ̃ bɔ, hinlaa á tù fɔ̃, a ná a pii kɔ lɛ wa, bɛ̀ dii hinlaa dundun nə́ n dɔ a nɛ, 34tùdɛnaa lɛ na a doo sarɛɛ. A n wɔrɔ boe, a tɔɔ gere lɛ giɔ̀mɔ saraa ǹ dɛnaa la. Sɛnɛ, tɔɔ gere lɛ na a wɔ biɛ.
35«Bɛ̀ min a dii nə́ ǹ miã kɔsɔ wɔ dɛ á gã, maǹ dii yiikoonaa lɛ sɛ siɛ̃, ǹ na a wɔrɔ gii kɔn. Ǹ dii gere lɛ dɔ siĩ gii kɔn. 36Bɛ̀ á foaãnɛ, mà bɛa dii kɛ lɛ nə ǹ miãn dii lɛlɛ, ǹ dɛnaa dɔ ná a ga a walan wa, a n dii yiikoonaa koe a gere lɛ doo lɛa. A gere lɛ sɛ n goɛ̃ asɛ nɛ.
Tɔɔn koã boo
37«Bɛ̀ min dii goon koã, hinlaa sère goon, á dɛ hinlaa á sã, a n dii sooro koe dii lɛ doo lɛa, hinlaa sère sii koe sère lɛ doo lɛa.»
Currently Selected:
Bɔ bɛ̀rɛbaa nɛ 21: SCE2013
Highlight
Share
Copy
Want to have your highlights saved across all your devices? Sign up or sign in
San Catholic Edition Bible © Bible Society of Burkina Faso, 2013.
Bɔ bɛ̀rɛbaa nɛ 21
21
Dí-pɛn mɛnɛn bɛ́ bɛ̀rɛn wɔ paǹ li
1Lawa mà sii zɛnaa ǹ gɔn kɔsɔn nə́ ke, a n siĩni a ǹ pɛ Izirayeli nɛnyaanan manɛ: 2#LWS 25.39-46. «Bɛ̀ ka bɛ̀rɛ pii, á n *Ebrəə min lɛa, a doamaa nɛ a dí nya lɛ̀ sɔrɔ. A sɔbaabaa ǹ wɔ, á boe la, a wo a din gɔn wìi a lɛa, a ná a ba màn kɔ́n sarɛɛ wa. 3Bɛ̀ a na á daa bɛ̀rɛ lɛ baa a dinsɔɔ̃, a n soe, a wo a dinsɔɔ̃. Bɛ̀ a na á daa ka lɔ nɛ, a lɔ dɔ n soe, a wo kun ni. 4Bɛ̀ a mìinaa na á lɔ kɔ la, yǎa lɔ lɛ nɛnyaanan yɛ la, nɛgiĩn hinlaa nɛlɔn, lɔ lɛ laanka a nɛnyaanan man goɛ̃ ǹ mìinaa nɛ. Bɛ̀rɛ lɛ sɛ n soe a dinsɔɔ̃. 5Sɛnɛ, bɛ̀ bɛ̀rɛ lɛ pɛ mà a mìinaa lɛ á kɔɔ̃nɛ a ganaa, mà a din a lɔ lɛ dɔ laanka a nɛnyaanan tá kɔɔ̃nɛ a ganaa, mà a ba li a soo a wo a din gɔn wìi a lɛa wa, 6a mìinaa lɛ Lawa baa siére lɛa, a bɛ̀rɛ lɛ mɔrɔ a kiɛnlɛ ganaa, hinlaa a kiɛnlɛ gɔn ganaa, a na a too fɔ̃ ka kiɛ nɛ. Bɛ̀rɛ lɛ n dí nyɛɛ nɛ kəni yǎa duduu.
7«Bɛ̀ min dɔ ná a nɛlɔ sã bɛ̀rɛ lɛa, bɛa nɛlɔ lɛ a boe la, a soo ka bɛ̀rɛ gialakunun bɛ́ zɛnɛɛ lɔn wa. 8Bɛ̀ a sii kɔɔ̃n kɔ a mìinaa ganaa, á baa a lɔ lɛa wa, a n toɛ nɛlɔ lɛ di da a nyin giɔ̀mɔ saraa, a si. Zii ba a mìinaa lɛ lon, a nɛlɔ lɛ sã tɔrɔ kɔsɔ min la wa, bɛ bie wa, a sii lɛ zɛnaa a yɔrɔ li wa.
9«Bɛ̀ a n giɛ li a kɔ a nɛgiĩ la dɔn, a n sii tumaa zɛnɛɛ a wɔ paǹ li, ka a bɛ́ zɛnɛɛ a din a nɛlɔn man lɔn.
10«Bɛ̀ mìinaa lɛ ga lɔ kɔsɔ li a din wɔ lɛa, a ba màn boe bɛ̀rɛlɔ lɛ a màn-bii lɛ wa, a boe a mɔnaa lɛ wa, a boe ǹ tá kun dɔ lɛ wa. 11Bɛ̀ mìinaa lɛ bɛa sii sɔɔ kɛ zɛnaa nɛ wa, bɛ̀rɛlɔ lɛ á boe la a soo, a wo a din gɔn wìi a lɛa, a ná a ba wɔrɔ sarɛɛ wa.
Sãn mɛnɛn bɛ́ gɛ̀ dɔlɔ boe
12 #
LWS 24.17. «Bɛ̀ min mɛn min dɛ á gã, a dɔ nə n dii a gã. 13#MNS 35.10-34; TDP 19.1-13; ZOZ 20.1-9. Bɛ tumaa kio, min mɛn lɛ bɛ́ a gɔn da ǹ miã lɛ ganaa á dɛ wa, sɛnɛ, sii lɛ nə́ n baa foobaamala sii lɛa, ma á re bǎã boe ma koa, gɛ̀ kɛ lɛ tɔrɔ dɛle á boe la a baa si, a wo a nɛ. 14Sɛnɛ, bɛ̀ min foo busu ǹ miã li, á ga li, á dɛ ka yiri ni, ta bɛa gɛ̀-dɛle kɛ lɛ na á n duru *wúlu bɔ ǹ bǎã nɛ, ǹ bɔ walan ǹ dɛ, a gã.
15«Bɛ̀ min nə́ ǹ di dɛ hinlaa ǹ dan dɛ, ǹ bɛa min kɛ lɛ dɛ a gã.
16 #
TDP 24.7. «Bɛ̀ min min koã, á sã hinlaa maǹ nə́ kũ a gɔn, ǹ bɛa min-koãli lɛ dɛ a gã.
17 #
LWS 20.9; MAT 15.4; MAR 7.10. «Bɛ̀ min boo baraa da ǹ di ganaa hinlaa ǹ dan ganaa, ǹ bɛa min lɛ dɛ a gã.
18«Bɛ̀ minin nə́ zia da, yǎa goon nə ǹ miã dɛ ka kɔlɔ nɛ, hinlaa ka gɔn-munii ni, bɛ̀ ǹ miã lɛ gã wa, sɛnɛ, á waa tán ka busu ni, 19bɛ̀ á boe la á yui, á n soe kanaa, a nə́ n doɛ bàlà ganaa, ǹ na a dɛle lɛ toa walan. Sii goon nə ke, a doamaa nɛ, a kɛ lɛ a waa tán lɛ saraa, a na a dagòã bɔ yǎa a kaka koe.
20«Bɛ̀ min na á bɛ̀rɛgiĩ hinlaa á bɛ̀rɛlɔ dɛ ka dɔ̀rɔ̀ nɛ, yǎa a gã a gɔn, ǹ doamaa nɛ ǹ gɛ̀ dòo bɔ a ganaa. 21Sɛnɛ, bɛ̀ a yii goã koo lɛawaa goon hinlaa lɛawaa paa, gɛ̀-dòo ba n boe wa, a giala, man a gɔn mànan lɛa.
22«Bɛ̀ minin dɔn man nə́ kɔn kũ, ǹ nə́ n tɔ lɔ nɔnoa nɛ, bɛ̀ a nɔ̀ lɛ ziziɛ̃, baraa ná a n zɛnaa a din ni wa, minin lɛn doamaa nɛ, ǹ màn saraa a kɔnpɛ ka lɔ lɛ zuũ a màn pɛ nɛ. Ǹ saraa sii yɔrɔ-bɔlen yii ni. 23Sɛnɛ, bɛ̀ baraa lɔ lɛ dinmaa yɛ, nyin giɔ̀mɔ nə n sarɛɛ ka nyin ni. 24#LWS 24.19-20; TDP 19.21; MAT 5.38. Yii wɔ n ka yii ni, sɔ wɔ n ka sɔ nɛ, gɔn wɔ n ka gɔn nɛ, gòã wɔ n ka gòã nɛ. 25Tɛ da min ganaa wɔ n ka tɛ-diɛ nɛ, mà bɔ min ganaa wɔ n ka mà-bɔ nɛ, min dɛ ka gɔn kiri-n wɔ n ka gɔn kiri ni.
26«Bɛ̀ min na á bɛ̀rɛgiĩ hinlaa á bɛ̀rɛlɔ dɛ, a ná a yii puru, a toa ǹ wo ǹ dinin gɔn wìi a lɛa, bɛ yii lɛ a saraa baa. 27Ta a bɛ̀rɛ lɛ sɔ nɛ á yiɛ, a n toɛ a wo a din gɔn wìi a lɛa, bɛ na a sɔ lɛ a saraa baa.
28«Bɛ̀ dii giĩ hinlaa lɔ dɛ ka a bɛn nɛ, yǎa a gã, bɛa dii lɛ nə n dii ka kɔlɔ nɛ yǎa a giɛ̃. Min dɔ baran a siĩ sɔ̃ wa. Sɛnɛ, zɛ̀rɛ ba re goɛ̃ dii lɛ a dɛnaa ganaa wa. 29Sɛnɛ, bɛ̀ dii lɛ lɛ-mui sii n ka minin dɛ nɛ, ǹ nə́ n gɔn waa ǹ dɛnaa nɛ, a na a ga a walan wa, yǎa dii lɛ min dɛ, dii lɛ nə n dii ka kɔlɔ nɛ, ǹ dɛnaa dinmaa dɔ nə n dii a gã. 30Bɛ̀ ǹ nə́ pɛ nɛ, mà a n din nyin si, ǹ bɛ́ re màn woo màn pii ni, a n bɛ sarɛɛ a din nyin giɔ̀mɔ lɛa. 31Ta dii lɛ na á nɛginin hinlaa nɛlɔ dɛ á gã, a nə n yɔrɔ boe bɛa gɔn kɛ lɛ la. 32Bɛ̀ dii lɛ na á bɛ̀rɛgiĩ hinlaa bɛ̀rɛlɔ dɛ, dii lɛ a dɛnaa doamaa nɛ, a wɔrɔ we pɔsɔɔ saraa bɛ̀rɛ lɛ a dɛnaa la. Dii lɛ sɛ nə n dii ka kɔlɔ nɛ.
33«Bɛ̀ min tù gɔ́ɔ̃ bɔ, hinlaa á tù fɔ̃, a ná a pii kɔ lɛ wa, bɛ̀ dii hinlaa dundun nə́ n dɔ a nɛ, 34tùdɛnaa lɛ na a doo sarɛɛ. A n wɔrɔ boe, a tɔɔ gere lɛ giɔ̀mɔ saraa ǹ dɛnaa la. Sɛnɛ, tɔɔ gere lɛ na a wɔ biɛ.
35«Bɛ̀ min a dii nə́ ǹ miã kɔsɔ wɔ dɛ á gã, maǹ dii yiikoonaa lɛ sɛ siɛ̃, ǹ na a wɔrɔ gii kɔn. Ǹ dii gere lɛ dɔ siĩ gii kɔn. 36Bɛ̀ á foaãnɛ, mà bɛa dii kɛ lɛ nə ǹ miãn dii lɛlɛ, ǹ dɛnaa dɔ ná a ga a walan wa, a n dii yiikoonaa koe a gere lɛ doo lɛa. A gere lɛ sɛ n goɛ̃ asɛ nɛ.
Tɔɔn koã boo
37«Bɛ̀ min dii goon koã, hinlaa sère goon, á dɛ hinlaa á sã, a n dii sooro koe dii lɛ doo lɛa, hinlaa sère sii koe sère lɛ doo lɛa.»
Currently Selected:
:
Highlight
Share
Copy
Want to have your highlights saved across all your devices? Sign up or sign in
San Catholic Edition Bible © Bible Society of Burkina Faso, 2013.