Bɔ bɛ̀rɛbaa nɛ 19
19
Lawa a dí-pɛn laanka a lɛ kɔ kɔn la ǹ boo
Sinayii don gɔ́ɔ̃ nɛ ǹ siin
1Mui sɔɔ Izirayeli nɛnyaanan lɛn soo Ezipti gána-n kio, pelo kɛ lɛ din ni, ǹ nə́ dɔ Sinayii don. 2Ǹ nə́ yoo Refidimu, ǹ nə́ daa dɔ Sinayii don, ǹ nə́ golee don lɛ gɔ́ɔ̃ nɛ. Izirayeli giã walan, kele lɛ yɔrɔ-a gɔrɔ. 3Sɛnɛ, Muizu dii á woo Lawa li.
Dɛnaa nə́ n toa kele lɛ la, á lɛ dia la, á pɛ:
– N die n kɛ pɛ Zakɔba tɔrɔ minin kɛn manɛ, Izirayeli nɛnyaanan lɛa, n daraa kɛ kɔ ǹ la. 4«Ǹ dinin nə́ sii kɛ lɛ yɛ ma zɛnaa Ezipti gána nɛ. Ka sia bɛ́ a nɛnyaanan guĩ lɔn, man má ka goa miɛ̃, má ka gũ, má daa dɔ ka nɛ ma din li. 5-6#TDP 4.20; 7.6; 14.2; 26.18; TIITI 2.14.#PIƐ1 2.9.#SNS 1.6; 5.10. Kanna kəni, bɛ̀ ka tá n too koe ma lon, ka n masɛ a lɛ kɔ kɔn la lɛ tamaɛ, ka á re goɛ̃ ma din wɔn lɛa, ka n masɛ a wúlu-bɔle zaman lɛa. Kanaa din tumaa n masɛ wɔ lɛa. Sɛnɛ, tɔrɔ mɛn bɛ́ ma din wɔ lɛa á la yii ni, ka dinin man bɛa tɔrɔ kɛ lɛ a minin lɛa tɔrɔn tumaa bii.» Bɛa boon kɛn lɛn pɛ Izirayeli nɛnyaanan lɛn manɛ.
7Muizu wusoo á daa, á lɛ dia zaman lɛ a min golen la, á bɛa boon kɛn lɛn tumaa pɛ ǹ nɛ, Lawa din màn mɛnɛn pɛ nɛ. 8Zaman lɛ tumaa na a lɛ si kun: «Dɛnaa din màn mɛn tumaa pɛ, wɔsɛn tá re bɛ tumaa zɛnɛɛ.»
Muizu wusoo á daa zaman lɛ a boon lɛn pɛ Dɛnaa nɛ. 9Dɛnaa pɛ nɛ:
– Á ke, masɛ á re die n li tɛmaa bara kaara kɛ bii, màn mɛn bɛ́ toɛ, bɛ̀ ma á boo diɛ n nɛ, zaman lɛ ma, ǹ boo la ǹ golee n dɔ li yǎa duduu.
Muizu wusoo á zaman lɛ a boon lɛn pɛ Dɛnaa nɛ. 10Dɛnaa pɛ-n doo: «Wo zaman lɛ li, n na a *yoreen kɔ pelo laanka biɛ̃ nɛ. A pɛ ǹ nɛ, mà ǹ nə ǹ mɔnaan pii, 11ǹ nə n yɔrɔ bɔ lɛawaa sɔɔbaa ǹ wɔ kɛa lɛa. A giala, Dɛnaa n die gisĩ Sinayii kele kɛ la lɛawaa sɔɔbaa ǹ wɔ pinaa kɛ nɛ, zaman lɛ tumaa yɔrɔ-a. 12#EBR 12.18-20. Golee ǹ bǎã lɔ tán zaman lɛ nɛ, n pɛ, mà ǹ nyan dii kele kɛ la wa, ǹ baran n mɔrɔ a lɛkoron dɔn ganaa wa. Min woo min bɛ́ re n mɔrɛ kele lɛ ganaa, ǹ bɛa dɛnaa dɛ a gã! 13Min dɔ baran n gɔn da bɛa sii ziziɛ̃ wole kɛ lɛ ganaa wa, sɛnɛ, ǹ dɛ ka kɔlɔ nɛ hinlaa ǹ pã ka kiɛ nɛ. Ta tɔɔ nɛ hinlaa minbuiin ni, a yii baran goã koo wa. Sɛnɛ, bɛ̀ bɛn wuu bɔ, min tɛnɛn nə dii kele lɛ la.»
14Muizu gisĩ á n bɔ kele lɛ la, á woo zaman lɛ li. Á zaman lɛ yoreen kɔ, á pɛ ǹ nɛ, mà ǹ nə́ ǹ mɔnaan pii. 15Á pɛ zaman lɛ nɛ: «Ka n yɔrɔ bɔ lɛawaa sɔɔ gɔ́ɔ̃ nɛ. Ka baran n mɔrɔ kaa lɔn ganaa wa.»
16 #
SNS 4.5. #
TDP 4.11-12. A lɛawaa sɔɔbaa ǹ wɔ pinaa lɛ kəni, lɛ̀ bɛ́ á waa, la a ginii wuu bɔ, ka la a tɛ-pɛn nɛ, tɛmaa bara kaara kɔ́n nə́ n kɔ kele lɛ lɛ, bɛn wuu kaka goon bɔ. Zaman lɛ tumaa bìn da ǹ giã ǹ bǎã nɛ. 17Muizu soo ka zaman lɛ nɛ, á ǹ bɔ ǹ giã ǹ bǎã nɛ, ǹ nə́ woo n da Lawa lɛ. Ǹ nə́ golee kele lɛ genli. 18Sinayii kele lɛ goã tɛmaa lɛa, a giala, Dɛnaa gisĩ la tɛ bii. A tɛmaa lɛ yoo ka n pɛ mà kùsì gole tɛmaa nɛ, kele lɛ tumaa bìn da taãn-taãnɛ. 19Bɛn wuu lɛ gole kɔ. Muizu n boo diɛ. Lawa dɔ na a lɛ sii ka la a ginii ni.
20Dɛnaa gisĩ Sinayii kele lɛ mìi ni, á n toa walan á lɛ dia la. Muizu dii. 21Dɛnaa pɛ nɛ: «Gisĩ n nə n gɔn waa zaman lɛ nɛ, mà ǹ baran bǎã loe lɛ lanparɛ, mà maǹ die giɛ Dɛnaa ganaa wa dɛ! Bɛ bie wa, ǹ gigiã á re giɛ̃. 22A laanɛ wúlu-bɔlen mɛnɛn dɔn dinin bɛ́ boe la, ǹ tá n mɔrɛ ma ganaa, ǹ dɔ́n nə *gɔ̀ bɔ ǹ dinin ganaa, màn mɛn bɛ́ toɛ, ma baran yoo ǹ gialaa wa.»
23Muizu pɛ Dɛnaa nɛ: «Zaman lɛ a boe la a dii kele lɛ la wa, a giala, n nə́ n gɔn waa wɔ nɛ, ń pɛ mà ma bǎã lɔ tán kele lɛ li, zaman lɛ baran n mɔrɔ a ganaa wa.»
24Dɛnaa pɛ Muizu ni: «Gisĩ, bɛ kio, n laanka Aarɔn dii. Wúlu-bɔlen kɛn laanka zaman lɛ baran n nanaa ǹ dii, ǹ da masɛ Dɛnaa li wa, màn mɛn bɛ́ toɛ, ma baran yoo ǹ gialaa wa.»
25Á gisĩ á woo zaman lɛ li, á bɛ lɛ pɛ ǹ nɛ.
Currently Selected:
Bɔ bɛ̀rɛbaa nɛ 19: SCE2013
Highlight
Share
Copy
Want to have your highlights saved across all your devices? Sign up or sign in
San Catholic Edition Bible © Bible Society of Burkina Faso, 2013.
Bɔ bɛ̀rɛbaa nɛ 19
19
Lawa a dí-pɛn laanka a lɛ kɔ kɔn la ǹ boo
Sinayii don gɔ́ɔ̃ nɛ ǹ siin
1Mui sɔɔ Izirayeli nɛnyaanan lɛn soo Ezipti gána-n kio, pelo kɛ lɛ din ni, ǹ nə́ dɔ Sinayii don. 2Ǹ nə́ yoo Refidimu, ǹ nə́ daa dɔ Sinayii don, ǹ nə́ golee don lɛ gɔ́ɔ̃ nɛ. Izirayeli giã walan, kele lɛ yɔrɔ-a gɔrɔ. 3Sɛnɛ, Muizu dii á woo Lawa li.
Dɛnaa nə́ n toa kele lɛ la, á lɛ dia la, á pɛ:
– N die n kɛ pɛ Zakɔba tɔrɔ minin kɛn manɛ, Izirayeli nɛnyaanan lɛa, n daraa kɛ kɔ ǹ la. 4«Ǹ dinin nə́ sii kɛ lɛ yɛ ma zɛnaa Ezipti gána nɛ. Ka sia bɛ́ a nɛnyaanan guĩ lɔn, man má ka goa miɛ̃, má ka gũ, má daa dɔ ka nɛ ma din li. 5-6#TDP 4.20; 7.6; 14.2; 26.18; TIITI 2.14.#PIƐ1 2.9.#SNS 1.6; 5.10. Kanna kəni, bɛ̀ ka tá n too koe ma lon, ka n masɛ a lɛ kɔ kɔn la lɛ tamaɛ, ka á re goɛ̃ ma din wɔn lɛa, ka n masɛ a wúlu-bɔle zaman lɛa. Kanaa din tumaa n masɛ wɔ lɛa. Sɛnɛ, tɔrɔ mɛn bɛ́ ma din wɔ lɛa á la yii ni, ka dinin man bɛa tɔrɔ kɛ lɛ a minin lɛa tɔrɔn tumaa bii.» Bɛa boon kɛn lɛn pɛ Izirayeli nɛnyaanan lɛn manɛ.
7Muizu wusoo á daa, á lɛ dia zaman lɛ a min golen la, á bɛa boon kɛn lɛn tumaa pɛ ǹ nɛ, Lawa din màn mɛnɛn pɛ nɛ. 8Zaman lɛ tumaa na a lɛ si kun: «Dɛnaa din màn mɛn tumaa pɛ, wɔsɛn tá re bɛ tumaa zɛnɛɛ.»
Muizu wusoo á daa zaman lɛ a boon lɛn pɛ Dɛnaa nɛ. 9Dɛnaa pɛ nɛ:
– Á ke, masɛ á re die n li tɛmaa bara kaara kɛ bii, màn mɛn bɛ́ toɛ, bɛ̀ ma á boo diɛ n nɛ, zaman lɛ ma, ǹ boo la ǹ golee n dɔ li yǎa duduu.
Muizu wusoo á zaman lɛ a boon lɛn pɛ Dɛnaa nɛ. 10Dɛnaa pɛ-n doo: «Wo zaman lɛ li, n na a *yoreen kɔ pelo laanka biɛ̃ nɛ. A pɛ ǹ nɛ, mà ǹ nə ǹ mɔnaan pii, 11ǹ nə n yɔrɔ bɔ lɛawaa sɔɔbaa ǹ wɔ kɛa lɛa. A giala, Dɛnaa n die gisĩ Sinayii kele kɛ la lɛawaa sɔɔbaa ǹ wɔ pinaa kɛ nɛ, zaman lɛ tumaa yɔrɔ-a. 12#EBR 12.18-20. Golee ǹ bǎã lɔ tán zaman lɛ nɛ, n pɛ, mà ǹ nyan dii kele kɛ la wa, ǹ baran n mɔrɔ a lɛkoron dɔn ganaa wa. Min woo min bɛ́ re n mɔrɛ kele lɛ ganaa, ǹ bɛa dɛnaa dɛ a gã! 13Min dɔ baran n gɔn da bɛa sii ziziɛ̃ wole kɛ lɛ ganaa wa, sɛnɛ, ǹ dɛ ka kɔlɔ nɛ hinlaa ǹ pã ka kiɛ nɛ. Ta tɔɔ nɛ hinlaa minbuiin ni, a yii baran goã koo wa. Sɛnɛ, bɛ̀ bɛn wuu bɔ, min tɛnɛn nə dii kele lɛ la.»
14Muizu gisĩ á n bɔ kele lɛ la, á woo zaman lɛ li. Á zaman lɛ yoreen kɔ, á pɛ ǹ nɛ, mà ǹ nə́ ǹ mɔnaan pii. 15Á pɛ zaman lɛ nɛ: «Ka n yɔrɔ bɔ lɛawaa sɔɔ gɔ́ɔ̃ nɛ. Ka baran n mɔrɔ kaa lɔn ganaa wa.»
16 #
SNS 4.5. #
TDP 4.11-12. A lɛawaa sɔɔbaa ǹ wɔ pinaa lɛ kəni, lɛ̀ bɛ́ á waa, la a ginii wuu bɔ, ka la a tɛ-pɛn nɛ, tɛmaa bara kaara kɔ́n nə́ n kɔ kele lɛ lɛ, bɛn wuu kaka goon bɔ. Zaman lɛ tumaa bìn da ǹ giã ǹ bǎã nɛ. 17Muizu soo ka zaman lɛ nɛ, á ǹ bɔ ǹ giã ǹ bǎã nɛ, ǹ nə́ woo n da Lawa lɛ. Ǹ nə́ golee kele lɛ genli. 18Sinayii kele lɛ goã tɛmaa lɛa, a giala, Dɛnaa gisĩ la tɛ bii. A tɛmaa lɛ yoo ka n pɛ mà kùsì gole tɛmaa nɛ, kele lɛ tumaa bìn da taãn-taãnɛ. 19Bɛn wuu lɛ gole kɔ. Muizu n boo diɛ. Lawa dɔ na a lɛ sii ka la a ginii ni.
20Dɛnaa gisĩ Sinayii kele lɛ mìi ni, á n toa walan á lɛ dia la. Muizu dii. 21Dɛnaa pɛ nɛ: «Gisĩ n nə n gɔn waa zaman lɛ nɛ, mà ǹ baran bǎã loe lɛ lanparɛ, mà maǹ die giɛ Dɛnaa ganaa wa dɛ! Bɛ bie wa, ǹ gigiã á re giɛ̃. 22A laanɛ wúlu-bɔlen mɛnɛn dɔn dinin bɛ́ boe la, ǹ tá n mɔrɛ ma ganaa, ǹ dɔ́n nə *gɔ̀ bɔ ǹ dinin ganaa, màn mɛn bɛ́ toɛ, ma baran yoo ǹ gialaa wa.»
23Muizu pɛ Dɛnaa nɛ: «Zaman lɛ a boe la a dii kele lɛ la wa, a giala, n nə́ n gɔn waa wɔ nɛ, ń pɛ mà ma bǎã lɔ tán kele lɛ li, zaman lɛ baran n mɔrɔ a ganaa wa.»
24Dɛnaa pɛ Muizu ni: «Gisĩ, bɛ kio, n laanka Aarɔn dii. Wúlu-bɔlen kɛn laanka zaman lɛ baran n nanaa ǹ dii, ǹ da masɛ Dɛnaa li wa, màn mɛn bɛ́ toɛ, ma baran yoo ǹ gialaa wa.»
25Á gisĩ á woo zaman lɛ li, á bɛ lɛ pɛ ǹ nɛ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
San Catholic Edition Bible © Bible Society of Burkina Faso, 2013.