Bɔ bɛ̀rɛbaa nɛ 15
15
Muizu loe mɛn lɔ
1 #
SNS 15.3. Muizu laanka Izirayeli nɛnyaanan nə́ loe kɛ lɔ, ǹ nə́ Dɛnaa tɔ bɔ nɛ:
Man die loe loe ma Dɛnaa tɔ
bɔ nɛ,
a giala, á sii gole zɛnaa.
Á sùin laanka ǹ lɛ-kũlin kaa
tà mu li.
2 #
LOE 118.14; IZA 12.2. Ma pàã laanka maa zia gii-dali n ka Dɛnaa nɛ.
A din na á ma kirisibaa.
A din nə maa Lawa lɛa,
man die a din tɔ boe.
Ma digolon Lawa nɛ,
man die a tɔ a golebaa kɛ pii.
3Dɛnaa lɛ n zia-baali lɛa.
A tɔ n Dɛnaa.
4Á *Faarahɔn a wotoron laanka
a zia-baalin kaa tà mu li;
a ná a zia-baali sonboren
lɛn papaã Sawɛɛ tà mu li.
5Ǹ nə́ gisĩ mu giala-a ka kɔlɔn
bɛ́ lɔn,
mu nə́ ǹ kũ.
6Pàã gole tá n lon, Dɛnaa,
Pàã tá n lon, n tá n zɔ́ɔn ziziɛ̃ nɛ.
7N golebaa lɛ á kaãbaa diɛ,
bɛ lɛ nə n zɔ́ɔn dii.
Bɛ̀ n foo yoo, a n goon ka tɛ nɛ,
a nə n zɔ́ɔn kuĩ ka buu bɛ́ lɔn.
8N din lɛ gɔ́ɔ̃ ǹ piɛ̃ a kakabaa
na á mu lɛ goa á sɔkɔn,
mu baa-sili lɛ nə́ n kurəə,
á golee ka kungɔn bɛ́ lɔn,
mu lɛ golee bǎã goon ne tà lɛ
gɔ́ɔ̃ nɛ.
9Zɔ́ɔ pɛ: «Man die a kio lui,
ma dɔ a ganaa.
Ma dɛ, ma a mànan goa,
man lon pã nɛ.
Ma á re maa gɔya sa boe,
ma gɔn dɔ ǹ ganaa, ma ǹ dɛ.»
10Sɛnɛ Dɛnaa,
n din nə́ n piɛ̃ kɛ bɔ,
tà mu nə́ ǹ kũ.
Ǹ nə́ papaã mu gole lɛ giala-a
ka fɔlɔ kuturu bɛ́ lɔn.
11Dɛnaa,
die n ka n bɛ́ lɔn lawan bii?
Die n ka n bɛ́ lɔn,
a siĩnbaa n yii kɛnɛn?
Die n ka n bɛ́ lɔn,
màn gole lɛa,
màn yii guguru-a dɔ lɛa,
a n boe kaãbaa ǹ siin zɛnaa la?
Min kɔ́n!
12N nə́ n pàã bɔ, Dɛnaa,
tán nə́ n lɛ tã n zɔ́ɔn ganaa.
13N din zaman mɛn si,
n baa n wɔ lɛa,
n bɛ nyɛɛnaa ǹ bɔ ka n din a
bɔlɔgoondɛnaabaa nɛ,
n zii nyaa nɛ ka n din pàã nɛ,
n woo ne n lɛ kɔ ǹ gána kɛ nɛ.
14Bɛ̀ tɔrɔ kɔsɔn nə́ kɛ ma,
ǹ gɔ̀nɔn tá re bìn diɛ.
Yɔrɔ-kɔsiɛ á re Filisiti
gána minin kuĩ.
15Nyɛ́ɛ á re Edɔmu a kiin
kuĩ gɔrɔ.
Moabu a goledɛnan dɔn gɔ̀nɔn
tá re bìn diɛ gɔrɔ.
Kanaan gána din a minin gù
á re giɛ̃ gɔrɔ.
16Nyɛ́ɛ laanka yɔrɔ-kɔsiɛ
á re kirii ǹ la.
Dɛnaa, n pàã gole kɛ a lɛa,
ǹ gù á re goɛ̃ giɛ̃ nɛ,
yǎa n din a zaman kɛ kiɛ̃,
n zaman mɛn lɛ si n baa
n din wɔ lɛa.
17N nə n die woe ǹ ne,
n nə́ ǹ kaa kele kɛ la,
kele mɛn lɛ bɛ́ n din wɔ lɛa.
Dɛnaa,
n din nə n bɛa bǎã kɛ lɛ zɛnaa,
mà nsɛ n die giɛ̃ a nɛ,
n nə n din guguru kɔ ǹ bǎã
koa a nɛ.
18Dɛnaa,
n din nə kii lɛa yǎa duduu.
19Faarahɔn a sùin ni, a wotoron ne, ka a sùi lɛ-kũlin bɛ́ ǹ nə́ wɔ tà lɛ nɛ ǹ mɛn waáraa, Dɛnaa wusoo á daa ka mu ni á kɔ ǹ lɛ. Sɛnɛ, Izirayeli nɛnyaanan kɛn sɛn nə́ boo la ǹ nə́ tà lɛ kuru, mu ná a mɛ ǹ gòã ganaa wa.
20Lawa a boo gii-dali Miriamu ke, Aarɔn ǹ miãnɛn lɛa, bɛ tɔ́n maà saa a gɔn. Lɔn tumaa soo ǹ nə́ kaa a kio, ǹ nə́ bɛ̀ biɛ maà lɛ wuu li. 21Miriamu loe saa á lɔ:
Ka Dɛnaa tɔ bɔ,
á sii gole zɛnaa,
á sùin laanka ǹ lɛ-kũlin kaa tà mu li!
Tɔ wɔ don gɔ́ɔ̃-n boo
Maaraa bǎã a mu
22Muizu Izirayeli nɛnyaanan lɛn nyɛɛnaa ǹ bɔ. Ǹ nə́ soo ǹ nə́ n bɔ Sawɛɛ tà bǎã nɛ, ǹ nə́ n yɔrɔ dia Suuru a don la. Ǹ nə́ tɔ wɔ lɛawaa sɔɔ don gɔ́ɔ̃ nɛ, ǹ nə́ ǹ ba mu yii wa. 23Ǹ nə́ daa dɔ mu bǎã kɔ́n nɛ, a tɔ n Maaraa. Sɛnɛ, ǹ boo la ǹ nə́ Maaraa a mu lɛ mi wa, a giala, a n kɔɔsɛ. Bɛ lɛ nɛ, bǎã lɛ tɔ á Maaraa (bɛ giala mà "kɔkɔsɛ"). 24Zaman lɛ zuũzuũ si Muizu ganaa walan. Ǹ nə́ pɛ mà ǹsɛn man die wàa mii kəni? 25Muizu tɔ́n Dɛnaa nyankɔ, yǎa Dɛnaa da tɔrɔ kɔ́n nyaa nɛ. A ná a gɔn boɛɛn kuru, á zũ mu lɛ li, mu lɛ kɔɔ̃n kɔ.
Dɛnaa na á sii zɛnaa ǹ gɔnɔn laanka landan koa ǹ mìi-n walan lɛ nɛ, á n da ǹ gɔ́ɔ̃ li dɔn. 26Á pɛ ǹ nɛ: «Bɛ̀ ka ma lɛ si taãn-taãnɛ, ma din mɛn bɛ́ kaa Dɛnaa lɛa, sii mɛn bɛ́ pepere ma gɔn, bɛ̀ ka bɛ zɛnaa, ka n too kɔ maa dí-pɛn ganaa, ka ǹ zɛnaa, haya, ma a re dɔlɔ boe ka ganaa ka busun kɛn nɛ wa. Ma bɛ́ má busun mɛnɛn da Ezipti minin ganaa dɔlɔ lɛa ke lɛn. Sonbore, ma din nə Dɛnaa Lawa lɛ lɛa kaa busu nyɛɛ.»
27Bɛ kio, ǹ nə́ dɔ Elimu. Mu yala fulupaa na á goã walan, ka sèwɔ da pɔsɔbaa nɛ. Ǹ nə́ golee, ǹ nə́ giã walan mu lɛ li.
Currently Selected:
Bɔ bɛ̀rɛbaa nɛ 15: SCE2013
Highlight
Share
Copy
Want to have your highlights saved across all your devices? Sign up or sign in
San Catholic Edition Bible © Bible Society of Burkina Faso, 2013.
Bɔ bɛ̀rɛbaa nɛ 15
15
Muizu loe mɛn lɔ
1 #
SNS 15.3. Muizu laanka Izirayeli nɛnyaanan nə́ loe kɛ lɔ, ǹ nə́ Dɛnaa tɔ bɔ nɛ:
Man die loe loe ma Dɛnaa tɔ
bɔ nɛ,
a giala, á sii gole zɛnaa.
Á sùin laanka ǹ lɛ-kũlin kaa
tà mu li.
2 #
LOE 118.14; IZA 12.2. Ma pàã laanka maa zia gii-dali n ka Dɛnaa nɛ.
A din na á ma kirisibaa.
A din nə maa Lawa lɛa,
man die a din tɔ boe.
Ma digolon Lawa nɛ,
man die a tɔ a golebaa kɛ pii.
3Dɛnaa lɛ n zia-baali lɛa.
A tɔ n Dɛnaa.
4Á *Faarahɔn a wotoron laanka
a zia-baalin kaa tà mu li;
a ná a zia-baali sonboren
lɛn papaã Sawɛɛ tà mu li.
5Ǹ nə́ gisĩ mu giala-a ka kɔlɔn
bɛ́ lɔn,
mu nə́ ǹ kũ.
6Pàã gole tá n lon, Dɛnaa,
Pàã tá n lon, n tá n zɔ́ɔn ziziɛ̃ nɛ.
7N golebaa lɛ á kaãbaa diɛ,
bɛ lɛ nə n zɔ́ɔn dii.
Bɛ̀ n foo yoo, a n goon ka tɛ nɛ,
a nə n zɔ́ɔn kuĩ ka buu bɛ́ lɔn.
8N din lɛ gɔ́ɔ̃ ǹ piɛ̃ a kakabaa
na á mu lɛ goa á sɔkɔn,
mu baa-sili lɛ nə́ n kurəə,
á golee ka kungɔn bɛ́ lɔn,
mu lɛ golee bǎã goon ne tà lɛ
gɔ́ɔ̃ nɛ.
9Zɔ́ɔ pɛ: «Man die a kio lui,
ma dɔ a ganaa.
Ma dɛ, ma a mànan goa,
man lon pã nɛ.
Ma á re maa gɔya sa boe,
ma gɔn dɔ ǹ ganaa, ma ǹ dɛ.»
10Sɛnɛ Dɛnaa,
n din nə́ n piɛ̃ kɛ bɔ,
tà mu nə́ ǹ kũ.
Ǹ nə́ papaã mu gole lɛ giala-a
ka fɔlɔ kuturu bɛ́ lɔn.
11Dɛnaa,
die n ka n bɛ́ lɔn lawan bii?
Die n ka n bɛ́ lɔn,
a siĩnbaa n yii kɛnɛn?
Die n ka n bɛ́ lɔn,
màn gole lɛa,
màn yii guguru-a dɔ lɛa,
a n boe kaãbaa ǹ siin zɛnaa la?
Min kɔ́n!
12N nə́ n pàã bɔ, Dɛnaa,
tán nə́ n lɛ tã n zɔ́ɔn ganaa.
13N din zaman mɛn si,
n baa n wɔ lɛa,
n bɛ nyɛɛnaa ǹ bɔ ka n din a
bɔlɔgoondɛnaabaa nɛ,
n zii nyaa nɛ ka n din pàã nɛ,
n woo ne n lɛ kɔ ǹ gána kɛ nɛ.
14Bɛ̀ tɔrɔ kɔsɔn nə́ kɛ ma,
ǹ gɔ̀nɔn tá re bìn diɛ.
Yɔrɔ-kɔsiɛ á re Filisiti
gána minin kuĩ.
15Nyɛ́ɛ á re Edɔmu a kiin
kuĩ gɔrɔ.
Moabu a goledɛnan dɔn gɔ̀nɔn
tá re bìn diɛ gɔrɔ.
Kanaan gána din a minin gù
á re giɛ̃ gɔrɔ.
16Nyɛ́ɛ laanka yɔrɔ-kɔsiɛ
á re kirii ǹ la.
Dɛnaa, n pàã gole kɛ a lɛa,
ǹ gù á re goɛ̃ giɛ̃ nɛ,
yǎa n din a zaman kɛ kiɛ̃,
n zaman mɛn lɛ si n baa
n din wɔ lɛa.
17N nə n die woe ǹ ne,
n nə́ ǹ kaa kele kɛ la,
kele mɛn lɛ bɛ́ n din wɔ lɛa.
Dɛnaa,
n din nə n bɛa bǎã kɛ lɛ zɛnaa,
mà nsɛ n die giɛ̃ a nɛ,
n nə n din guguru kɔ ǹ bǎã
koa a nɛ.
18Dɛnaa,
n din nə kii lɛa yǎa duduu.
19Faarahɔn a sùin ni, a wotoron ne, ka a sùi lɛ-kũlin bɛ́ ǹ nə́ wɔ tà lɛ nɛ ǹ mɛn waáraa, Dɛnaa wusoo á daa ka mu ni á kɔ ǹ lɛ. Sɛnɛ, Izirayeli nɛnyaanan kɛn sɛn nə́ boo la ǹ nə́ tà lɛ kuru, mu ná a mɛ ǹ gòã ganaa wa.
20Lawa a boo gii-dali Miriamu ke, Aarɔn ǹ miãnɛn lɛa, bɛ tɔ́n maà saa a gɔn. Lɔn tumaa soo ǹ nə́ kaa a kio, ǹ nə́ bɛ̀ biɛ maà lɛ wuu li. 21Miriamu loe saa á lɔ:
Ka Dɛnaa tɔ bɔ,
á sii gole zɛnaa,
á sùin laanka ǹ lɛ-kũlin kaa tà mu li!
Tɔ wɔ don gɔ́ɔ̃-n boo
Maaraa bǎã a mu
22Muizu Izirayeli nɛnyaanan lɛn nyɛɛnaa ǹ bɔ. Ǹ nə́ soo ǹ nə́ n bɔ Sawɛɛ tà bǎã nɛ, ǹ nə́ n yɔrɔ dia Suuru a don la. Ǹ nə́ tɔ wɔ lɛawaa sɔɔ don gɔ́ɔ̃ nɛ, ǹ nə́ ǹ ba mu yii wa. 23Ǹ nə́ daa dɔ mu bǎã kɔ́n nɛ, a tɔ n Maaraa. Sɛnɛ, ǹ boo la ǹ nə́ Maaraa a mu lɛ mi wa, a giala, a n kɔɔsɛ. Bɛ lɛ nɛ, bǎã lɛ tɔ á Maaraa (bɛ giala mà "kɔkɔsɛ"). 24Zaman lɛ zuũzuũ si Muizu ganaa walan. Ǹ nə́ pɛ mà ǹsɛn man die wàa mii kəni? 25Muizu tɔ́n Dɛnaa nyankɔ, yǎa Dɛnaa da tɔrɔ kɔ́n nyaa nɛ. A ná a gɔn boɛɛn kuru, á zũ mu lɛ li, mu lɛ kɔɔ̃n kɔ.
Dɛnaa na á sii zɛnaa ǹ gɔnɔn laanka landan koa ǹ mìi-n walan lɛ nɛ, á n da ǹ gɔ́ɔ̃ li dɔn. 26Á pɛ ǹ nɛ: «Bɛ̀ ka ma lɛ si taãn-taãnɛ, ma din mɛn bɛ́ kaa Dɛnaa lɛa, sii mɛn bɛ́ pepere ma gɔn, bɛ̀ ka bɛ zɛnaa, ka n too kɔ maa dí-pɛn ganaa, ka ǹ zɛnaa, haya, ma a re dɔlɔ boe ka ganaa ka busun kɛn nɛ wa. Ma bɛ́ má busun mɛnɛn da Ezipti minin ganaa dɔlɔ lɛa ke lɛn. Sonbore, ma din nə Dɛnaa Lawa lɛ lɛa kaa busu nyɛɛ.»
27Bɛ kio, ǹ nə́ dɔ Elimu. Mu yala fulupaa na á goã walan, ka sèwɔ da pɔsɔbaa nɛ. Ǹ nə́ golee, ǹ nə́ giã walan mu lɛ li.
Currently Selected:
:
Highlight
Share
Copy
Want to have your highlights saved across all your devices? Sign up or sign in
San Catholic Edition Bible © Bible Society of Burkina Faso, 2013.