Levítico 8
8
Aarón wawankunapiwan Diospa sacerdoten kanankupaq sapaqchasqa kasqankumanta
(Ex 29.1-37)
1Señor Diosmi Moisesta khaynata niran:
2—*Aaronta hinallataq wawankunatawan pusamuy. Hinaspa apamuy paykunapa p'achankunata, ch'uyanchana aceiteta, hucha perdonasqa kananpaq *sacrificio *ofrenda torillota, ishkay carnerokunata hinallataq mana levadurayoq t'antatapas canastapi. 3Hinaspa Israelpa miraynin llapallan runakunata huñumuy, noqawan tupananchis tolderamanta ruwasqa *tabernáculo templopa punkunman, nispa.
4Chaymi Moisesqa Señor Diospa kamachisqanman hina ruwaran. Hinaqtinmi Israelpa miraynin runakunaqa, llapallanku huñunakamuranku tabernáculo templopa punkunman. 5Hinaqtinmi Moisesqa Israelpa miraynin runakunata khaynata niran:
—Señor Diosmi kaykunata ruwananchispaq kamachimuwaranchis, nispa.
6Saynata niruspanmi Moisesqa Aaronta hinallataq wawankunatawan kamachiran ashuykamunankupaq. Hinaspan unuwan paykunata bañaran. 7Chaymantan Moisesqa Aaronta p'achachiran *sacerdotekunapaq ruwachisqan sumaq bordasqa *túnica p'achawan. Hinaspan chumpiwan cinturanta wataran. Chaypa hawanmantaqmi tunicata hinallataq *efod nisqa chalecotawan churaran. Hinaspan efodpa chumpinwan cinturanta wataran. 8Chay túnica p'achakunawan p'achachisqanpa hawanmanmi *pectoral nisqa pecherawan churaran. Chay pectoralpa hawanmanñataqmi *Urim nisqa rumita hinallataq *Tumim nisqa rumitawan churaran. 9Saynallataqmi Aaronpa umantapas, uma wank'ina telawan wank'iran. Hinaspan chay telapa hawanman mat'in lawpi qorimanta ruwasqa placata churaran. Chay placaqa karan, Aarón Señor Diospa sapaqchasqa kasqanta yachanankupaqmi. Chaykunatan Moisesqa ruwaran Señor Diospa kamachisqanman hina.
10Chaymantan Moisesqa ch'uyanchana aceiteta hap'ispa, ch'allaran tolderamanta ruwasqa tabernáculo templota hinallataq chaypi tukuy imaymana kaqkunamanwan ima. Saynatan Moisesqa tabernáculo templota tukuy imantinta ch'uyancharan. 11Chay aceitellawantaqmi *altarpa hawanmanpas qanchis kutita ch'allaran. Saynallataqmi ch'allallarantaq llapallan serviciokunamanpas, broncemanta lavatoriomanpas hinallataq chay lavatoriopa basenmanpas. Saynapin tukuy chaykunaqa Señor Diospaq sapaqchasqa karan. 12Chaymantan Moisesqa ch'uyanchana aceitewan Aaronpa umanman hich'aykuspa llusiran. Saynapin Señor Diospa sacerdoten kananpaq sapaqcharan.
13Chaymantan Moisesqa Aaronpa wawankunatapas ashuykachimuspa, sumaq bordasqa tunicakunawan p'achachiran. Hinaspan cinturan watakunanku chumpiwan cinturankuta wataran. Saynallataqmi umankutapas uma wank'ina telawan wank'iran. Saynatan Moisesqa ruwaran Señor Diospa kamachisqanman hinan.
14Chaymantan Moisesqa huchanku perdonasqa kananpaq huk torillota apachimuran. Hinaqtinmi Aarón hinallataq wawankunapas chay torillopa umanman makinkuta churaranku. 15Hinaqtinmi Moisesqa chay torillota ñak'aran. Hinaspan chay ñak'asqan animalpa yawarninta huk chikanta oqariran. Hinaspan dedonta chay yawarman challpuyuspa altarpa tawantin esquinanpi kaq waqrakunata llusiran. Puchuq yawartañataqmi altarpa tiyasqan lugarman ch'aqchuran. Saynapin chay altarqa ch'uyanchasqa karan, sacrificio ofrendata presentaqtinku, huchanku perdonasqa kananpaq. 16Chaymantan Moisesqa chay ñak'asqan torillopa ch'unchulninkunapa hawanpi kaq llapallan wirata hinallataq higadonpi wiratapas orqoran. Orqollarantaqmi ishkaynin rurunninkunatapas wirantinta. Hinaspan chay wirataqa altarpa hawanpi k'anaran. 17Ichaqa chay torillopa aychanta, qaranta hinallataq phusnuntapas, campamentomanta hawaman orqospan k'anaran. Chaykunatan Moisesqa ruwaran Señor Diospa kamachisqanman hina.
18Chaymantan Moisesqa sacrificio ofrendata k'anaspa ofrecenanku carnerota apachimuran. Hinaqtinmi Aaronqa wawankunapiwan chay carneropa umanman makinkuta churaranku. 19Hinaqtinmi Moisesqa chay carnerota ñak'aran. Hinaspan chay ñak'asqan carneropa yawarninwan altarpa enteron muyuriqninman ch'aqchuran. 20Chaymantan Moisesqa chay ñak'asqan carnerota kuchuspa pedacearan. Hinaspan k'anaran umanta, chay kuchusqan aychata hinallataq wirankunatapas. 21Hinaspan chay ñak'asqan carneropa ch'unchulninkunata hinallataq piernankunatapas unuwan maylliran. Hinaspan llapallan sacrificio ofrendakunata altarpi k'anaspa, huk sumaq q'apariq sacrificio ofrendata Señor Diosman ofreceran. Chaytaqa ruwaran Moisesman Señor Diospa kamachisqanman hinan.
22Chaymantan Moisesqa apachimuran sacerdote nombrasqa kanankupaq kaq sacrificio ofrenda carnerota. Hinaqtinmi Aaronqa wawankunapiwan chay carneropa umanman makinkuta churaranku. 23Hinaqtinmi Moisesqa chay carnerota ñak'aran. Hinaspan chay ñak'asqan carneropa yawarninta huk chikanta oqarispa, Aaronpa phaña ninrinpa ura patachanta llusiran. Saynallatataqmi phaña makinpa mama dedontapas hinallataq phaña chakinpa mama dedontapas chay yawarwan llusiran. 24Chaymantan Moisesqa Aaronpa wawankunata ashuyachimuran. Hinaspan paykunatapas chay yawarwan phaña ninrinkupa ura patachanta llusiran. Saynallatataqmi llusillarantaq phaña makinkupa hinallataq phaña chakinkupa mama dedonkunatapas. Puchuq yawartañataqmi altarpa enteron muyuriqninman ch'aqchuran.
25Chaymantan Moisesqa chay ñak'asqan carneropa wiranta, chupanta, ch'unchulninkunapa hawanpi kaq llapallan wirata, higadonpa hawanpi kaq wirata, ishkaynin rurunninkunata, rurunninkunapi wirata hinallataq phaña piernantawan ima oqariran. 26Saynallataqmi Moisesqa oqarillarantaq Señor Diosman ofrecesqa canastapi kaq mana levadurayoq t'antakunamantapas huk muyu t'antata, aceitewan ruwasqa tortillata hinallataq huk galletastapas. Hinaspan chaykunata churaran carneropa wiranpa hinallataq piernanpa hawanman. 27Hinaspan llapanta Aaronman hinallataq wawankunamanwan hap'ichiran. Hinaqtinmi paykunaqa ishkay kinsa kutita altoman oqarispa Señor Diosman chay ofrendataqa ofreceranku. 28Chaymantan Moisesqa llapallanta paykunapa makinmanta chashkiran. Hinaspan sacrificio k'anana aychatawan kushkata altarpa hawanman churayuspa llapallanta k'anaran. Chay ofrendaqa sacerdote nombrasqa kanankupaq ofrendan hinallataq Señor Diosman k'anaspa ofrecenanku sumaq q'apariq ofrendan. 29Chaymantan Moisesqa carneropa pechonta hap'iran. Chay carneroqa karan Señor Diospa sacerdotenkuna kanankupaq sacrificio ofrenda ofrecesqanmi. Hinaspan Moisesqa Señor Diospa ñawpaqninpi ishkay kinsa kutita altoman oqarispa Señor Diosman ofreceran. Chay carneropa pechonqa Moisespaqmi karan. Chaytaqa Señor Diospa kamachisqanman hinan Moisesqa ruwaran.
30Hinaspan Moisesqa ch'uyanchana aceiteta hinallataq altar patapi yawartawan oqariran. Hinaspan chaykunawan ch'allaykuran Aaronta, wawankunata hinallataq sacerdote p'achankunatapas. Saynata ruwaspan Moisesqa Señor Diospaq sapaqcharan Aaronta, wawankunata hinallataq paykunapa p'achankunatapas.
31Chaymantan Moisesqa Aaronta hinallataq wawankunatawan khaynata niran:
—Qankunapaq kaq aychata *tabernáculo templopa punkunpi wayk'uychis. Hinaspa chay aychata chay lugarpi mikhuychis canastapi t'antakunatawan kushkata. Chay t'antaqa sacerdote nombrasqa kanankupaq ofrecesqanku t'antan. Chaytaqa Señor Diosmi kamachiwaran khaynata: “Aaronmi wawankunapiwan kushka chay aychataqa hinallataq chay t'antatapas mikhunqaku”, nispa. 32Chay puchuq aychataqa hinallataq puchuq t'antatapas llapantan k'anankichis. 33Chay tolderamanta ruwasqa tabernáculo templopa punkunpin qepakunkichis qanchis p'unchaw ama maymanpas lloqsispa. Chay qanchisnintin p'unchawmi ch'uyanchakunkichis. Hinaspan Señor Diospa sacerdoteykuna kanaykichispaq sapaqchasqa kankichis. 34Kunan p'unchaw ruwasqaykichistaqa Señor Diosmi kamachikamun, saynapi huchaykichis perdonasqa kananpaq. 35Qanchis p'unchawmi qankunaqa tuta-p'unchaw chay tabernáculo templopa punkunpi qepakunkichis. Saynaqa Señor Diospa kamachisqantayá kasukuychis ama wañunaykichispaq. Saynatan Señor Diosqa kamachimuwan, nispa.
36Hinaqtinmi Aaronqa hinallataq wawankunapas, tukuy chaykunata ruwaranku, Moisesnintakama Señor Diospa kamachisqanman hina.
Currently Selected:
Levítico 8: QEAÑT
Highlight
Share
Copy
Want to have your highlights saved across all your devices? Sign up or sign in
Antiguo Testamento Quechua del Este de Apurímac © Sociedad Bíblica Peruana, 2020.
Mosoq Testamento Quechua del Este de Apurímac © Publicado por © 2013 Wycliffe, Inc.
Publicado por © 2013 Liga Bíblica, Internacional
Levítico 8
8
Aarón wawankunapiwan Diospa sacerdoten kanankupaq sapaqchasqa kasqankumanta
(Ex 29.1-37)
1Señor Diosmi Moisesta khaynata niran:
2—*Aaronta hinallataq wawankunatawan pusamuy. Hinaspa apamuy paykunapa p'achankunata, ch'uyanchana aceiteta, hucha perdonasqa kananpaq *sacrificio *ofrenda torillota, ishkay carnerokunata hinallataq mana levadurayoq t'antatapas canastapi. 3Hinaspa Israelpa miraynin llapallan runakunata huñumuy, noqawan tupananchis tolderamanta ruwasqa *tabernáculo templopa punkunman, nispa.
4Chaymi Moisesqa Señor Diospa kamachisqanman hina ruwaran. Hinaqtinmi Israelpa miraynin runakunaqa, llapallanku huñunakamuranku tabernáculo templopa punkunman. 5Hinaqtinmi Moisesqa Israelpa miraynin runakunata khaynata niran:
—Señor Diosmi kaykunata ruwananchispaq kamachimuwaranchis, nispa.
6Saynata niruspanmi Moisesqa Aaronta hinallataq wawankunatawan kamachiran ashuykamunankupaq. Hinaspan unuwan paykunata bañaran. 7Chaymantan Moisesqa Aaronta p'achachiran *sacerdotekunapaq ruwachisqan sumaq bordasqa *túnica p'achawan. Hinaspan chumpiwan cinturanta wataran. Chaypa hawanmantaqmi tunicata hinallataq *efod nisqa chalecotawan churaran. Hinaspan efodpa chumpinwan cinturanta wataran. 8Chay túnica p'achakunawan p'achachisqanpa hawanmanmi *pectoral nisqa pecherawan churaran. Chay pectoralpa hawanmanñataqmi *Urim nisqa rumita hinallataq *Tumim nisqa rumitawan churaran. 9Saynallataqmi Aaronpa umantapas, uma wank'ina telawan wank'iran. Hinaspan chay telapa hawanman mat'in lawpi qorimanta ruwasqa placata churaran. Chay placaqa karan, Aarón Señor Diospa sapaqchasqa kasqanta yachanankupaqmi. Chaykunatan Moisesqa ruwaran Señor Diospa kamachisqanman hina.
10Chaymantan Moisesqa ch'uyanchana aceiteta hap'ispa, ch'allaran tolderamanta ruwasqa tabernáculo templota hinallataq chaypi tukuy imaymana kaqkunamanwan ima. Saynatan Moisesqa tabernáculo templota tukuy imantinta ch'uyancharan. 11Chay aceitellawantaqmi *altarpa hawanmanpas qanchis kutita ch'allaran. Saynallataqmi ch'allallarantaq llapallan serviciokunamanpas, broncemanta lavatoriomanpas hinallataq chay lavatoriopa basenmanpas. Saynapin tukuy chaykunaqa Señor Diospaq sapaqchasqa karan. 12Chaymantan Moisesqa ch'uyanchana aceitewan Aaronpa umanman hich'aykuspa llusiran. Saynapin Señor Diospa sacerdoten kananpaq sapaqcharan.
13Chaymantan Moisesqa Aaronpa wawankunatapas ashuykachimuspa, sumaq bordasqa tunicakunawan p'achachiran. Hinaspan cinturan watakunanku chumpiwan cinturankuta wataran. Saynallataqmi umankutapas uma wank'ina telawan wank'iran. Saynatan Moisesqa ruwaran Señor Diospa kamachisqanman hinan.
14Chaymantan Moisesqa huchanku perdonasqa kananpaq huk torillota apachimuran. Hinaqtinmi Aarón hinallataq wawankunapas chay torillopa umanman makinkuta churaranku. 15Hinaqtinmi Moisesqa chay torillota ñak'aran. Hinaspan chay ñak'asqan animalpa yawarninta huk chikanta oqariran. Hinaspan dedonta chay yawarman challpuyuspa altarpa tawantin esquinanpi kaq waqrakunata llusiran. Puchuq yawartañataqmi altarpa tiyasqan lugarman ch'aqchuran. Saynapin chay altarqa ch'uyanchasqa karan, sacrificio ofrendata presentaqtinku, huchanku perdonasqa kananpaq. 16Chaymantan Moisesqa chay ñak'asqan torillopa ch'unchulninkunapa hawanpi kaq llapallan wirata hinallataq higadonpi wiratapas orqoran. Orqollarantaqmi ishkaynin rurunninkunatapas wirantinta. Hinaspan chay wirataqa altarpa hawanpi k'anaran. 17Ichaqa chay torillopa aychanta, qaranta hinallataq phusnuntapas, campamentomanta hawaman orqospan k'anaran. Chaykunatan Moisesqa ruwaran Señor Diospa kamachisqanman hina.
18Chaymantan Moisesqa sacrificio ofrendata k'anaspa ofrecenanku carnerota apachimuran. Hinaqtinmi Aaronqa wawankunapiwan chay carneropa umanman makinkuta churaranku. 19Hinaqtinmi Moisesqa chay carnerota ñak'aran. Hinaspan chay ñak'asqan carneropa yawarninwan altarpa enteron muyuriqninman ch'aqchuran. 20Chaymantan Moisesqa chay ñak'asqan carnerota kuchuspa pedacearan. Hinaspan k'anaran umanta, chay kuchusqan aychata hinallataq wirankunatapas. 21Hinaspan chay ñak'asqan carneropa ch'unchulninkunata hinallataq piernankunatapas unuwan maylliran. Hinaspan llapallan sacrificio ofrendakunata altarpi k'anaspa, huk sumaq q'apariq sacrificio ofrendata Señor Diosman ofreceran. Chaytaqa ruwaran Moisesman Señor Diospa kamachisqanman hinan.
22Chaymantan Moisesqa apachimuran sacerdote nombrasqa kanankupaq kaq sacrificio ofrenda carnerota. Hinaqtinmi Aaronqa wawankunapiwan chay carneropa umanman makinkuta churaranku. 23Hinaqtinmi Moisesqa chay carnerota ñak'aran. Hinaspan chay ñak'asqan carneropa yawarninta huk chikanta oqarispa, Aaronpa phaña ninrinpa ura patachanta llusiran. Saynallatataqmi phaña makinpa mama dedontapas hinallataq phaña chakinpa mama dedontapas chay yawarwan llusiran. 24Chaymantan Moisesqa Aaronpa wawankunata ashuyachimuran. Hinaspan paykunatapas chay yawarwan phaña ninrinkupa ura patachanta llusiran. Saynallatataqmi llusillarantaq phaña makinkupa hinallataq phaña chakinkupa mama dedonkunatapas. Puchuq yawartañataqmi altarpa enteron muyuriqninman ch'aqchuran.
25Chaymantan Moisesqa chay ñak'asqan carneropa wiranta, chupanta, ch'unchulninkunapa hawanpi kaq llapallan wirata, higadonpa hawanpi kaq wirata, ishkaynin rurunninkunata, rurunninkunapi wirata hinallataq phaña piernantawan ima oqariran. 26Saynallataqmi Moisesqa oqarillarantaq Señor Diosman ofrecesqa canastapi kaq mana levadurayoq t'antakunamantapas huk muyu t'antata, aceitewan ruwasqa tortillata hinallataq huk galletastapas. Hinaspan chaykunata churaran carneropa wiranpa hinallataq piernanpa hawanman. 27Hinaspan llapanta Aaronman hinallataq wawankunamanwan hap'ichiran. Hinaqtinmi paykunaqa ishkay kinsa kutita altoman oqarispa Señor Diosman chay ofrendataqa ofreceranku. 28Chaymantan Moisesqa llapallanta paykunapa makinmanta chashkiran. Hinaspan sacrificio k'anana aychatawan kushkata altarpa hawanman churayuspa llapallanta k'anaran. Chay ofrendaqa sacerdote nombrasqa kanankupaq ofrendan hinallataq Señor Diosman k'anaspa ofrecenanku sumaq q'apariq ofrendan. 29Chaymantan Moisesqa carneropa pechonta hap'iran. Chay carneroqa karan Señor Diospa sacerdotenkuna kanankupaq sacrificio ofrenda ofrecesqanmi. Hinaspan Moisesqa Señor Diospa ñawpaqninpi ishkay kinsa kutita altoman oqarispa Señor Diosman ofreceran. Chay carneropa pechonqa Moisespaqmi karan. Chaytaqa Señor Diospa kamachisqanman hinan Moisesqa ruwaran.
30Hinaspan Moisesqa ch'uyanchana aceiteta hinallataq altar patapi yawartawan oqariran. Hinaspan chaykunawan ch'allaykuran Aaronta, wawankunata hinallataq sacerdote p'achankunatapas. Saynata ruwaspan Moisesqa Señor Diospaq sapaqcharan Aaronta, wawankunata hinallataq paykunapa p'achankunatapas.
31Chaymantan Moisesqa Aaronta hinallataq wawankunatawan khaynata niran:
—Qankunapaq kaq aychata *tabernáculo templopa punkunpi wayk'uychis. Hinaspa chay aychata chay lugarpi mikhuychis canastapi t'antakunatawan kushkata. Chay t'antaqa sacerdote nombrasqa kanankupaq ofrecesqanku t'antan. Chaytaqa Señor Diosmi kamachiwaran khaynata: “Aaronmi wawankunapiwan kushka chay aychataqa hinallataq chay t'antatapas mikhunqaku”, nispa. 32Chay puchuq aychataqa hinallataq puchuq t'antatapas llapantan k'anankichis. 33Chay tolderamanta ruwasqa tabernáculo templopa punkunpin qepakunkichis qanchis p'unchaw ama maymanpas lloqsispa. Chay qanchisnintin p'unchawmi ch'uyanchakunkichis. Hinaspan Señor Diospa sacerdoteykuna kanaykichispaq sapaqchasqa kankichis. 34Kunan p'unchaw ruwasqaykichistaqa Señor Diosmi kamachikamun, saynapi huchaykichis perdonasqa kananpaq. 35Qanchis p'unchawmi qankunaqa tuta-p'unchaw chay tabernáculo templopa punkunpi qepakunkichis. Saynaqa Señor Diospa kamachisqantayá kasukuychis ama wañunaykichispaq. Saynatan Señor Diosqa kamachimuwan, nispa.
36Hinaqtinmi Aaronqa hinallataq wawankunapas, tukuy chaykunata ruwaranku, Moisesnintakama Señor Diospa kamachisqanman hina.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Antiguo Testamento Quechua del Este de Apurímac © Sociedad Bíblica Peruana, 2020.
Mosoq Testamento Quechua del Este de Apurímac © Publicado por © 2013 Wycliffe, Inc.
Publicado por © 2013 Liga Bíblica, Internacional