Éxodo 40
40
Señor Dioswan tupananku tabernáculo templota sayarichisqankumanta
1Señor Diosmi Moisesta khaynata niran:
2—Primer kaq killapa qallariynin p'unchawpin tolderamanta ruwasqa *tabernáculo templota sayarichinki. Chay templopin noqawan tupankichis. 3Chay tabernáculo templo ukhumanmi baúl hina *arcata churanki. Hinaspan chay arca churasqayki lugarta velo nisqa cortinawan separanki. 4Saynallataqmi chay tabernáculo templopa ukhumanqa mesata churanki. Hinaspan chay mesapa hawanpi serviciokunata ordenninpi churanki. Saynallataqmi mechero hina *candelabrotapas churaspa, lamparankunatapas ratachinki. 5Saynallataqmi incienso k'ananapaq qorimanta ruwasqa *altartapas baúl hina arcapa ñawpaqninman churanki (chay velo nisqa cortinapa hawa lawnin Lugar Santopi). Hinaspan tabernáculo temploman haykuna punkumanpas cortinata churallankitaq. 6Chaymantan chay tabernáculo temploman haykuna punkupa ñawpaqninpipas churallankitaq *sacrificio *ofrenda k'anana altarta. 7Saynallataqmi churallankitaq mayllikunapaq lavatoriotapas, tabernáculo templowan hinallataq altarwan tupanakuq chawpin lugarpi. Hinaspan chay lavatoriopi unuta churanki. 8Chaymantan tabernáculo templopa muyuriqnin patiopa cerconta churanki. Hinaspan chay patiopa punkunpi cortinatapas churanki.
9Chaymantan ch'uyanchana aceitewan chay tabernáculo templota tukuy imakunantinta ch'uyanchanki. Saynapin chay tabernáculo temploqa tukuy imakunantinta ch'uyanchaqtiyki, noqapaq sapaqchasqa ch'uya kanqa. 10Saynallataqmi ch'uyanchana aceitewan sacrificio ofrenda k'anana altartapas, llapallan serviciokunantinta ch'uyanchanki. Saynata ch'uyanchaqtiykin, chay altarqa noqapaq sapaqchasqa ch'uyay-ch'uya kanqa. 11Saynallataqmi mayllikuna lavatoriota hinallataq basentapas ch'uyanchana aceitewan ch'uyanchanki, saynapi noqapaq sapaqchasqa ch'uya kananpaq.
12Chaymantan Aaronta hinallataq wawankunatawan pusamuspayki, unuwan bañanki noqa Señor Dioswan tupananchis tabernáculo templopa punkunpi. 13Hinaspan Aaronta p'achachinki ch'uyanchasqa p'achawan. Chaymantan ch'uyanchana aceitewan Aaronpa umanman hich'aykuspa llusinki. Saynapin paytaqa sapaqchanki, noqa Señor Diospa sacerdotey kananpaq. 14Saynallataqmi Aaronpa wawankunatapas ashuykachimuspa, p'achachinki sacerdotekunapa *túnica p'achankunawan. 15Hinaspan ch'uyanchana aceitewan paykunapa umanman hich'aykuspa llusinki, imaynan Aarontapas ch'uyancharanki chay hinata. Saynapin paykunaqa, noqa Señor Diospa sacerdoteykuna kanqaku. Hinaspapas chay ch'uyanchana aceitewan ch'uyanchasqa kasqankuraykun, paykunapas hinallataq mirayninkunapas wiñaypaq sacerdoteykuna kanqaku, nispa.
16Hinaqtinmi Moisesqa Señor Diospa kamachisqanman hina ruwaran. 17Saynapin Señor Diosta yupaychana tabernáculo temploqa hatarichisqa karan (Egipto *nacionmanta lloqsimusqanku) ishkay kaq watapi primer kaq killapa qallariynin p'unchawpi. 18Moisesmi hatarichiran Señor Diosta yupaychananku tabernáculo templota. Hinaspan basenkunatapas, tablankunatapas, varillankunatapas lugarninpi churaran. Saynallataqmi pilarninkunatapas sayachiran. 19Moisesqa tabernáculo templota sayarichispanmi, hawanman huk tolderawan qataran. Saynataqa ruwaran, Señor Diospa kamachisqanman hinan. 20Chaymantan tabla rumipi escribisqa kamachikuy leykunatapas baúl hina *arcapa ukhunman churaran. Chaymantan arcapa varillankunatapas ustuchiran. Hinallataq baúl hina arcamanpas tapanta churaran. 21Hinaspan chay baúl hina arcata tabernáculo templo ukhuman apayuspa, Lugar Santísimo nisqa cuartopi churaran. Saynallataqmi chay cuartota rakiq cortinatapas warkuran, chay baúl hina arcata ama pipas rikunanpaq. Saynatan Moisesqa ruwaran Señor Diospa kamachisqanman hina.
22Saynallataqmi mesatapas tabernáculo templo ukhuman apayuspa, Lugar Santo nisqa cuartopi churaran wichay law *norte nisqa lawninman. Chay mesataqa churaran chay ishkay cuartokunata rakiq cortinapa hawan kaq lawninmanmi. 23Hinaspan Señor Diospa ñawpaqninpi chay mesaman t'antakunata ordenninpi churaran, Señor Diospa kamachisqanman hina. 24Saynallataqmi candelabrotapas tabernáculo templo ukhuman apayuspa, mesapa chimpanpi churaran *sur nisqa uray lawpi. 25Hinaspan Señor Diospa ñawpaqninpi chay candelabropi kaq lamparakunata ratachiran, Señor Diospa kamachisqanman hina. 26Saynallataqmi qorimanta altartapas tabernáculo templo ukhuman apayuspa, Lugar Santo nisqa cuartopi churaran cortinapa chimpanpi. 27Hinaspan chay qorimanta altarpi mishk'i q'apaq inciensota k'anaran, Señor Diospa kamachisqanman hina. 28Chaymantan Moisesqa tabernáculo templopa punkunman cortinata churaran. 29Saynallataqmi Moisesqa sacrificio ofrenda k'anana altartapas patiopi churaran, tabernáculo temploman haykuna punkupa ñawpaqninpi. Hinaspan chay altarpi animalkunata sacrificaspa k'anaran. Saynallatataqmi cosecha kawsaykunamanta ofrendakunatapas k'anaran, Señor Diospa kamachisqanman hina.
30Saynallataqmi mayllikunankupaq lavatoriotapas tabernáculo templowan hinallataq *altarwan tupanakuq chawpin lugarpi churaran. Hinaspan ununta chay lavatorioman hich'aykuran. 31Chay lavatoriopi unuwanmi Moisespas hinallataq wawqen Aaronpas, wawankunapiwan ima makinkuta hinallataq chakinkutapas mayllikuranku. 32Saynatan mayllikuranku tabernáculo temploman haykunankupaq hinallataq altarman ashuykunankupaqqa. Chaykunataqa ruwaranku Moisesman Señor Diospa kamachisqanman hinan. 33Chaymantan Moisesqa patiota ruwaran, enteron tabernáculo templopa hinallataq altarpa muyuriqninpi. Hinaspan cortinata churaran patiopa punkunpi. Saynatan Moisesqa Dios yupaychana tabernáculo templo ruwayta tukuran.
Tabernáculo templopa hawanpi phuyu kasqanmanta
(Nm 9.15-23)
34*Tabernáculo templota Moisés ruwayta tukuruqtin hinallan phuyu tapaykuran. Hinaqtinmi chay lugarman Señor Diospa k'anchaynin hunt'aykuran. 35Hinaqtinmi Moisesqa chay tabernáculo templomanqa mana haykuyta atiranchu, phuyu tapasqanrayku hinallataq Señor Diospa k'anchaynin chay lugarman hunt'aykusqanrayku ima.
36Tabernáculo templopa hawanmanta altoman phuyu oqarikuqtinmi, Israelpa miraynin runakunaqa campamentonkuta pashkaspanku, viajenkuta seguiranku. 37Sichus tabernáculo templopa hawanmanta altoman phuyu mana oqarikuranchu chayqa, llapallan Israelpa miraynin runakunaqa kaqllapin qepakuranku, phuyu altoman oqarikunan p'unchawkama. 38Señor Diospa phuyunqa p'unchawmi tabernáculo templopa hawanpi karan. Ichaqa tutañataqmi chay phuyu ukhumanta nina hina k'anchamuran. Chaytaqa llapallan Israelpa miraynin runakunan rikuranku. Saynan karan Israelpa miraynin runakunapa enteron viajenkupiqa.
Currently Selected:
Éxodo 40: QEAÑT
Highlight
Share
Copy
Want to have your highlights saved across all your devices? Sign up or sign in
Antiguo Testamento Quechua del Este de Apurímac © Sociedad Bíblica Peruana, 2020.
Mosoq Testamento Quechua del Este de Apurímac © Publicado por © 2013 Wycliffe, Inc.
Publicado por © 2013 Liga Bíblica, Internacional
Éxodo 40
40
Señor Dioswan tupananku tabernáculo templota sayarichisqankumanta
1Señor Diosmi Moisesta khaynata niran:
2—Primer kaq killapa qallariynin p'unchawpin tolderamanta ruwasqa *tabernáculo templota sayarichinki. Chay templopin noqawan tupankichis. 3Chay tabernáculo templo ukhumanmi baúl hina *arcata churanki. Hinaspan chay arca churasqayki lugarta velo nisqa cortinawan separanki. 4Saynallataqmi chay tabernáculo templopa ukhumanqa mesata churanki. Hinaspan chay mesapa hawanpi serviciokunata ordenninpi churanki. Saynallataqmi mechero hina *candelabrotapas churaspa, lamparankunatapas ratachinki. 5Saynallataqmi incienso k'ananapaq qorimanta ruwasqa *altartapas baúl hina arcapa ñawpaqninman churanki (chay velo nisqa cortinapa hawa lawnin Lugar Santopi). Hinaspan tabernáculo temploman haykuna punkumanpas cortinata churallankitaq. 6Chaymantan chay tabernáculo temploman haykuna punkupa ñawpaqninpipas churallankitaq *sacrificio *ofrenda k'anana altarta. 7Saynallataqmi churallankitaq mayllikunapaq lavatoriotapas, tabernáculo templowan hinallataq altarwan tupanakuq chawpin lugarpi. Hinaspan chay lavatoriopi unuta churanki. 8Chaymantan tabernáculo templopa muyuriqnin patiopa cerconta churanki. Hinaspan chay patiopa punkunpi cortinatapas churanki.
9Chaymantan ch'uyanchana aceitewan chay tabernáculo templota tukuy imakunantinta ch'uyanchanki. Saynapin chay tabernáculo temploqa tukuy imakunantinta ch'uyanchaqtiyki, noqapaq sapaqchasqa ch'uya kanqa. 10Saynallataqmi ch'uyanchana aceitewan sacrificio ofrenda k'anana altartapas, llapallan serviciokunantinta ch'uyanchanki. Saynata ch'uyanchaqtiykin, chay altarqa noqapaq sapaqchasqa ch'uyay-ch'uya kanqa. 11Saynallataqmi mayllikuna lavatoriota hinallataq basentapas ch'uyanchana aceitewan ch'uyanchanki, saynapi noqapaq sapaqchasqa ch'uya kananpaq.
12Chaymantan Aaronta hinallataq wawankunatawan pusamuspayki, unuwan bañanki noqa Señor Dioswan tupananchis tabernáculo templopa punkunpi. 13Hinaspan Aaronta p'achachinki ch'uyanchasqa p'achawan. Chaymantan ch'uyanchana aceitewan Aaronpa umanman hich'aykuspa llusinki. Saynapin paytaqa sapaqchanki, noqa Señor Diospa sacerdotey kananpaq. 14Saynallataqmi Aaronpa wawankunatapas ashuykachimuspa, p'achachinki sacerdotekunapa *túnica p'achankunawan. 15Hinaspan ch'uyanchana aceitewan paykunapa umanman hich'aykuspa llusinki, imaynan Aarontapas ch'uyancharanki chay hinata. Saynapin paykunaqa, noqa Señor Diospa sacerdoteykuna kanqaku. Hinaspapas chay ch'uyanchana aceitewan ch'uyanchasqa kasqankuraykun, paykunapas hinallataq mirayninkunapas wiñaypaq sacerdoteykuna kanqaku, nispa.
16Hinaqtinmi Moisesqa Señor Diospa kamachisqanman hina ruwaran. 17Saynapin Señor Diosta yupaychana tabernáculo temploqa hatarichisqa karan (Egipto *nacionmanta lloqsimusqanku) ishkay kaq watapi primer kaq killapa qallariynin p'unchawpi. 18Moisesmi hatarichiran Señor Diosta yupaychananku tabernáculo templota. Hinaspan basenkunatapas, tablankunatapas, varillankunatapas lugarninpi churaran. Saynallataqmi pilarninkunatapas sayachiran. 19Moisesqa tabernáculo templota sayarichispanmi, hawanman huk tolderawan qataran. Saynataqa ruwaran, Señor Diospa kamachisqanman hinan. 20Chaymantan tabla rumipi escribisqa kamachikuy leykunatapas baúl hina *arcapa ukhunman churaran. Chaymantan arcapa varillankunatapas ustuchiran. Hinallataq baúl hina arcamanpas tapanta churaran. 21Hinaspan chay baúl hina arcata tabernáculo templo ukhuman apayuspa, Lugar Santísimo nisqa cuartopi churaran. Saynallataqmi chay cuartota rakiq cortinatapas warkuran, chay baúl hina arcata ama pipas rikunanpaq. Saynatan Moisesqa ruwaran Señor Diospa kamachisqanman hina.
22Saynallataqmi mesatapas tabernáculo templo ukhuman apayuspa, Lugar Santo nisqa cuartopi churaran wichay law *norte nisqa lawninman. Chay mesataqa churaran chay ishkay cuartokunata rakiq cortinapa hawan kaq lawninmanmi. 23Hinaspan Señor Diospa ñawpaqninpi chay mesaman t'antakunata ordenninpi churaran, Señor Diospa kamachisqanman hina. 24Saynallataqmi candelabrotapas tabernáculo templo ukhuman apayuspa, mesapa chimpanpi churaran *sur nisqa uray lawpi. 25Hinaspan Señor Diospa ñawpaqninpi chay candelabropi kaq lamparakunata ratachiran, Señor Diospa kamachisqanman hina. 26Saynallataqmi qorimanta altartapas tabernáculo templo ukhuman apayuspa, Lugar Santo nisqa cuartopi churaran cortinapa chimpanpi. 27Hinaspan chay qorimanta altarpi mishk'i q'apaq inciensota k'anaran, Señor Diospa kamachisqanman hina. 28Chaymantan Moisesqa tabernáculo templopa punkunman cortinata churaran. 29Saynallataqmi Moisesqa sacrificio ofrenda k'anana altartapas patiopi churaran, tabernáculo temploman haykuna punkupa ñawpaqninpi. Hinaspan chay altarpi animalkunata sacrificaspa k'anaran. Saynallatataqmi cosecha kawsaykunamanta ofrendakunatapas k'anaran, Señor Diospa kamachisqanman hina.
30Saynallataqmi mayllikunankupaq lavatoriotapas tabernáculo templowan hinallataq *altarwan tupanakuq chawpin lugarpi churaran. Hinaspan ununta chay lavatorioman hich'aykuran. 31Chay lavatoriopi unuwanmi Moisespas hinallataq wawqen Aaronpas, wawankunapiwan ima makinkuta hinallataq chakinkutapas mayllikuranku. 32Saynatan mayllikuranku tabernáculo temploman haykunankupaq hinallataq altarman ashuykunankupaqqa. Chaykunataqa ruwaranku Moisesman Señor Diospa kamachisqanman hinan. 33Chaymantan Moisesqa patiota ruwaran, enteron tabernáculo templopa hinallataq altarpa muyuriqninpi. Hinaspan cortinata churaran patiopa punkunpi. Saynatan Moisesqa Dios yupaychana tabernáculo templo ruwayta tukuran.
Tabernáculo templopa hawanpi phuyu kasqanmanta
(Nm 9.15-23)
34*Tabernáculo templota Moisés ruwayta tukuruqtin hinallan phuyu tapaykuran. Hinaqtinmi chay lugarman Señor Diospa k'anchaynin hunt'aykuran. 35Hinaqtinmi Moisesqa chay tabernáculo templomanqa mana haykuyta atiranchu, phuyu tapasqanrayku hinallataq Señor Diospa k'anchaynin chay lugarman hunt'aykusqanrayku ima.
36Tabernáculo templopa hawanmanta altoman phuyu oqarikuqtinmi, Israelpa miraynin runakunaqa campamentonkuta pashkaspanku, viajenkuta seguiranku. 37Sichus tabernáculo templopa hawanmanta altoman phuyu mana oqarikuranchu chayqa, llapallan Israelpa miraynin runakunaqa kaqllapin qepakuranku, phuyu altoman oqarikunan p'unchawkama. 38Señor Diospa phuyunqa p'unchawmi tabernáculo templopa hawanpi karan. Ichaqa tutañataqmi chay phuyu ukhumanta nina hina k'anchamuran. Chaytaqa llapallan Israelpa miraynin runakunan rikuranku. Saynan karan Israelpa miraynin runakunapa enteron viajenkupiqa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Antiguo Testamento Quechua del Este de Apurímac © Sociedad Bíblica Peruana, 2020.
Mosoq Testamento Quechua del Este de Apurímac © Publicado por © 2013 Wycliffe, Inc.
Publicado por © 2013 Liga Bíblica, Internacional