Éxodo 38
38
Sacrificio ofrendakunata k'ananankupaq altarta ruwasqankumanta
(Ex 27.1-8)
1Bezaleelmi *ofrendakuna k'ananapaq *altarta ruwaran. Chay altartaqa ruwaran acacia nisqa sach'apa tablanmantan tawa esquinayoqta hinallataq tawa ladoyoqta ima. Sapankama ladonmi mediran ishkay metro ishkay chunka pishqayoq centimetrota. Sayaynintaqmi mediran huk metro ishkay chunka pishqayoq centimetrota. 2Chay altarpa sapankama esquinanpi kananpaqmi chay tablallamantataq huk wakapa waqranta hina ruwaran. Chaymi chay wakapa waqran hina ruwasqankunaqa altarwanqa huk piezallan karan. Hinaspan chay altartaqa enteronta broncewan llut'iran. 3Saynallataqmi ruwallarantaq broncemanta kaykunata: Ushpa oqarina posillokunata, tenazakunata, palakunata, tazonkunata, tenedorkunata hinallataq nina sansa apanapaq kaqkunatapas. 4Saynallataqmi chay altarpa rejillantapas broncemanta ruwaran. Hinaspan chay rejillata altarpa ukhun law chawpipi churaran. 5Saynallataqmi ruwaran tawa argollakunatapas. Hinaspan chay rejillapa tawantin esquinanman chay argollakunata churaran, saynapi varillakuna chayninta pasananpaq. 6Saynallataqmi ruwallarantaq acacia k'aspimanta varillakunatapas. Hinaspan broncewan llut'iran. 7Chay varillakunatan altarpa sapa lawninpi kaq argollakunaman pasachiran. Chay varillakunan serviran chay altarta wantunankupaq. Chay altartaqa tablamantan ch'usaq ukhuyoqta ruwaran.
Broncemanta ruwasqa lavatoriomanta
(Ex 30.18)
8Saynallataqmi Bezaleelqa ruwallarantaq mayllikunankupaq broncemanta lavatoriotapas. Chay lavatoriopa tiyananpaq basenpas broncemanta ruwasqan karan. Chaytaqa *tabernáculo templopa punkunpi servinankupaq huñunakuq warmikunapa espejonkunamantan ruwaran. Chay espejonkuqa broncemanta ruwasqan karan.
Tabernáculo templopa pationmanta
(Ex 27.9-19)
9Saynallataqmi Bezaleelqa ruwallarantaq *tabernáculo nisqa templopa pationtapas. Chay patioqa *sur nisqa uray lawmanmi tawa chunka pishqayoq metrota mediran. Saynallataqmi ruwallarantaq patiopa cortinankunatapas fino linomanta. 10Chay sur nisqa uray lawpin ishkay chunka postekuna karan. Saynallataqmi chay postekuna sayananpaqpas broncemanta ruwasqa basekuna karan. Ichaqa chay postekunapa ganchonkunapas hinallataq argollankunapas qolqemanta ruwasqan karan. 11Saynallataqmi chay patiopa *norte lawninpaqpas cortinakuna karan. Chay cortinakunan tawa chunka pishqayoq metrota mediran. Saynallataqmi chay norte lawpiqa karan ishkay chunka postekuna. Chay postekunapa sayananpaqpas broncemanta ruwasqa basekunan karan. Ichaqa chay postekunapa ganchonkunapas hinallataq argollankunapas qolqemanta ruwasqan karan. 12Chay patiopa intipa haykunan *oeste lawpipas karanmi cortinakuna. Chay cortinakunan anchonman ishkay chunka ishkayniyoq metrota pishqa chunka centimetroyoqta mediran. Saynallataqmi postenkunapas chunka karan, sapankama baseyoqkama. Ichaqa chay postekunapa ganchonkunapas hinallataq varillankunapas qolqemanta ruwasqan karan. 13Saynallataqmi chay patioqa intipa lloqsimunan *este lawmanpas ishkay chunka ishkayniyoq metrota pishqa chunka centimetroyoqta mediran. 14Chay patioman haykuna punkupa huk lawninpas qanchis metro cortinayoqmi karan. Postenkunapas kinsan karan, sapanka poste baseyoqkama. 15Saynallataqmi punkupa huknin lawpas qanchis metro cortinayoq karan. Postenkunapas kinsan karan, sapanka poste baseyoqkama. 16Chay patiopa enteron muyuriqninpi kaq cortinakunaqa fino linomanta ruwasqan karan. 17Postekuna tiyananpaq llapallan basekunapas broncemantan karan. Ichaqa chay postekunapa ganchonkunapas hinallataq argollankunapas qolqemanta ruwasqan karan. Chay postekunapa puntanman churanapaq moldurakunapas qolqemanta ruwasqan karan. Saynallataqmi chay patiopi kaq llapallan postekunapa argollankunapas qolqemanta ruwasqan karan.
18Patioman haykuna punkupin esqon metro cortina largonman churasqa karan. Alturantaqmi mediran ishkay metro ishkay chunka pishqayoq centimetrota, imaynan enteron patiopi kaq cortinakunapa alturanpas mediran chay iguallata. Chay cortinaqa ruwasqa karan azul q'aytumanta, nina sansa hina puka q'aytumanta, morado q'aytumanta hinallataq fino *lino q'aytumantawan ima sumaq bordasqa. 19Chay cortinakunata churanankupaqmi tawa postenkuna karan, sapankama poste broncemanta baseyoqkama. Ichaqa chay postekunapa ganchonkunapas hinallataq argollankunapas qolqemanta ruwasqa karan. Saynallataqmi chay postekunapa puntankunaman churasqanku moldurakunapas qolqemanta ruwasqa karan. 20Tabernáculo templota muyuriq estacakunapas hinallataq patiota muyuriq estacakunapas llapallanmi broncemanta ruwasqa karan.
Tabernáculo templota ruwanankupaq metalkunamanta
21*Sacerdote Aaronpa wawan Itamarmi kamachiran, *Leviypa miraynin runakuna tolderamanta ruwasqa *tabernáculo templopaq llapallan metalkuna utilizasqankuta listaman churanankupaq. Chaytan paykunaqa ruwaranku Moisespa kamachisqanman hina. 22Uri sutiyoq runapa wawan Bezaleelmi Moisesman Señor Diospa tukuy kamachisqankunata hina ruwaran. Bezaleelqa Judá ayllumanta Hur sutiyoq runapa nietonmi karan. 23Bezaleelpa ayudantenmi karan Aholiab. Aholiabqa Dan ayllumanta Ahisamac sutiyoq runapa wawanmi karan. Hinaspapas payqa herreron hinallataq dibujokunata ruwaq runan karan. Saynallataqmi payqa kay q'aytukunawan bordadokunata ruwaran: Azul q'aytuwan, morado q'aytuwan, nina sansa color q'aytuwan hinallataq fino linowan ima.
24Tabernáculo nisqa templota ruwanankupaqqa qoritan *ofrendata churaranku Israelpa miraynin runakunaqa. Chay qori ofrendasqankuqa 965 kilo hinan karan, tabernáculo nisqa templopi medinanku medidaman hina.
25Hinaspapas padronasqa kaq runakunaqa qolqetan ofrendaranku. Chay qolqe ofredasqankuqa 3,319 kilo hinan karan, tabernáculo nisqa templopi medinanku medidaman hina. 26Ishkay chunka watayoqmanta wichayman padronasqa kaqkunaqa karanku 603,550 runakunan. Paykunan sapankamanku pishqa gramo parten qolqeta qoranku, tabernáculo nisqa templopi medinanku medidaman hina. 27Saynallataqmi churasqanku ofrenda qolqeqa 3,300 kilo karan. Chay qolqeta fundispan tabernáculo nisqa templopa basenkunata hinallataq cortina warkunanku postekunapa basenkunatapas ruwaranku. Llapallan basekuna ruwasqankuqa pachakmi karan. Sapankama basekunata ruwanankupaqmi kinsa chunka kinsayoq kilo qolqeta utilizaranku. 28Ishkay chunka kilo hina puchuq qolqemantataqmi ruwaran postekunapa ganchonkunata, argollankunata hinallataq postekunapa puntanman churananpaq ima.
29Saynallataqmi tabernáculo nisqa templopaqqa bronce ofrendata churaranku. Chay ofrendasqanku bronceqa 2,340 kilo hinan karan. 30Chay broncemantan ruwaran tabernáculo nisqa templopa punkunpi kaq basekunata, altarta, altarpa rejillanta hinallataq altarpa llapallan servicionkunatapas. 31Saynallataqmi chay broncemantaqa ruwallarantaq patiopa muyuriqninpi kaq basekunata hinallataq patiopa punkunpi kaq basekunatapas. Chay broncellamantataqmi ruwaran templopa muyuriqninpi kaq llapallan estacakunatapas hinallataq patiopi enteron muyuriqninpi kaq llapallan estacakunatapas.
Currently Selected:
Éxodo 38: QEAÑT
Highlight
Share
Copy
Want to have your highlights saved across all your devices? Sign up or sign in
Antiguo Testamento Quechua del Este de Apurímac © Sociedad Bíblica Peruana, 2020.
Mosoq Testamento Quechua del Este de Apurímac © Publicado por © 2013 Wycliffe, Inc.
Publicado por © 2013 Liga Bíblica, Internacional
Éxodo 38
38
Sacrificio ofrendakunata k'ananankupaq altarta ruwasqankumanta
(Ex 27.1-8)
1Bezaleelmi *ofrendakuna k'ananapaq *altarta ruwaran. Chay altartaqa ruwaran acacia nisqa sach'apa tablanmantan tawa esquinayoqta hinallataq tawa ladoyoqta ima. Sapankama ladonmi mediran ishkay metro ishkay chunka pishqayoq centimetrota. Sayaynintaqmi mediran huk metro ishkay chunka pishqayoq centimetrota. 2Chay altarpa sapankama esquinanpi kananpaqmi chay tablallamantataq huk wakapa waqranta hina ruwaran. Chaymi chay wakapa waqran hina ruwasqankunaqa altarwanqa huk piezallan karan. Hinaspan chay altartaqa enteronta broncewan llut'iran. 3Saynallataqmi ruwallarantaq broncemanta kaykunata: Ushpa oqarina posillokunata, tenazakunata, palakunata, tazonkunata, tenedorkunata hinallataq nina sansa apanapaq kaqkunatapas. 4Saynallataqmi chay altarpa rejillantapas broncemanta ruwaran. Hinaspan chay rejillata altarpa ukhun law chawpipi churaran. 5Saynallataqmi ruwaran tawa argollakunatapas. Hinaspan chay rejillapa tawantin esquinanman chay argollakunata churaran, saynapi varillakuna chayninta pasananpaq. 6Saynallataqmi ruwallarantaq acacia k'aspimanta varillakunatapas. Hinaspan broncewan llut'iran. 7Chay varillakunatan altarpa sapa lawninpi kaq argollakunaman pasachiran. Chay varillakunan serviran chay altarta wantunankupaq. Chay altartaqa tablamantan ch'usaq ukhuyoqta ruwaran.
Broncemanta ruwasqa lavatoriomanta
(Ex 30.18)
8Saynallataqmi Bezaleelqa ruwallarantaq mayllikunankupaq broncemanta lavatoriotapas. Chay lavatoriopa tiyananpaq basenpas broncemanta ruwasqan karan. Chaytaqa *tabernáculo templopa punkunpi servinankupaq huñunakuq warmikunapa espejonkunamantan ruwaran. Chay espejonkuqa broncemanta ruwasqan karan.
Tabernáculo templopa pationmanta
(Ex 27.9-19)
9Saynallataqmi Bezaleelqa ruwallarantaq *tabernáculo nisqa templopa pationtapas. Chay patioqa *sur nisqa uray lawmanmi tawa chunka pishqayoq metrota mediran. Saynallataqmi ruwallarantaq patiopa cortinankunatapas fino linomanta. 10Chay sur nisqa uray lawpin ishkay chunka postekuna karan. Saynallataqmi chay postekuna sayananpaqpas broncemanta ruwasqa basekuna karan. Ichaqa chay postekunapa ganchonkunapas hinallataq argollankunapas qolqemanta ruwasqan karan. 11Saynallataqmi chay patiopa *norte lawninpaqpas cortinakuna karan. Chay cortinakunan tawa chunka pishqayoq metrota mediran. Saynallataqmi chay norte lawpiqa karan ishkay chunka postekuna. Chay postekunapa sayananpaqpas broncemanta ruwasqa basekunan karan. Ichaqa chay postekunapa ganchonkunapas hinallataq argollankunapas qolqemanta ruwasqan karan. 12Chay patiopa intipa haykunan *oeste lawpipas karanmi cortinakuna. Chay cortinakunan anchonman ishkay chunka ishkayniyoq metrota pishqa chunka centimetroyoqta mediran. Saynallataqmi postenkunapas chunka karan, sapankama baseyoqkama. Ichaqa chay postekunapa ganchonkunapas hinallataq varillankunapas qolqemanta ruwasqan karan. 13Saynallataqmi chay patioqa intipa lloqsimunan *este lawmanpas ishkay chunka ishkayniyoq metrota pishqa chunka centimetroyoqta mediran. 14Chay patioman haykuna punkupa huk lawninpas qanchis metro cortinayoqmi karan. Postenkunapas kinsan karan, sapanka poste baseyoqkama. 15Saynallataqmi punkupa huknin lawpas qanchis metro cortinayoq karan. Postenkunapas kinsan karan, sapanka poste baseyoqkama. 16Chay patiopa enteron muyuriqninpi kaq cortinakunaqa fino linomanta ruwasqan karan. 17Postekuna tiyananpaq llapallan basekunapas broncemantan karan. Ichaqa chay postekunapa ganchonkunapas hinallataq argollankunapas qolqemanta ruwasqan karan. Chay postekunapa puntanman churanapaq moldurakunapas qolqemanta ruwasqan karan. Saynallataqmi chay patiopi kaq llapallan postekunapa argollankunapas qolqemanta ruwasqan karan.
18Patioman haykuna punkupin esqon metro cortina largonman churasqa karan. Alturantaqmi mediran ishkay metro ishkay chunka pishqayoq centimetrota, imaynan enteron patiopi kaq cortinakunapa alturanpas mediran chay iguallata. Chay cortinaqa ruwasqa karan azul q'aytumanta, nina sansa hina puka q'aytumanta, morado q'aytumanta hinallataq fino *lino q'aytumantawan ima sumaq bordasqa. 19Chay cortinakunata churanankupaqmi tawa postenkuna karan, sapankama poste broncemanta baseyoqkama. Ichaqa chay postekunapa ganchonkunapas hinallataq argollankunapas qolqemanta ruwasqa karan. Saynallataqmi chay postekunapa puntankunaman churasqanku moldurakunapas qolqemanta ruwasqa karan. 20Tabernáculo templota muyuriq estacakunapas hinallataq patiota muyuriq estacakunapas llapallanmi broncemanta ruwasqa karan.
Tabernáculo templota ruwanankupaq metalkunamanta
21*Sacerdote Aaronpa wawan Itamarmi kamachiran, *Leviypa miraynin runakuna tolderamanta ruwasqa *tabernáculo templopaq llapallan metalkuna utilizasqankuta listaman churanankupaq. Chaytan paykunaqa ruwaranku Moisespa kamachisqanman hina. 22Uri sutiyoq runapa wawan Bezaleelmi Moisesman Señor Diospa tukuy kamachisqankunata hina ruwaran. Bezaleelqa Judá ayllumanta Hur sutiyoq runapa nietonmi karan. 23Bezaleelpa ayudantenmi karan Aholiab. Aholiabqa Dan ayllumanta Ahisamac sutiyoq runapa wawanmi karan. Hinaspapas payqa herreron hinallataq dibujokunata ruwaq runan karan. Saynallataqmi payqa kay q'aytukunawan bordadokunata ruwaran: Azul q'aytuwan, morado q'aytuwan, nina sansa color q'aytuwan hinallataq fino linowan ima.
24Tabernáculo nisqa templota ruwanankupaqqa qoritan *ofrendata churaranku Israelpa miraynin runakunaqa. Chay qori ofrendasqankuqa 965 kilo hinan karan, tabernáculo nisqa templopi medinanku medidaman hina.
25Hinaspapas padronasqa kaq runakunaqa qolqetan ofrendaranku. Chay qolqe ofredasqankuqa 3,319 kilo hinan karan, tabernáculo nisqa templopi medinanku medidaman hina. 26Ishkay chunka watayoqmanta wichayman padronasqa kaqkunaqa karanku 603,550 runakunan. Paykunan sapankamanku pishqa gramo parten qolqeta qoranku, tabernáculo nisqa templopi medinanku medidaman hina. 27Saynallataqmi churasqanku ofrenda qolqeqa 3,300 kilo karan. Chay qolqeta fundispan tabernáculo nisqa templopa basenkunata hinallataq cortina warkunanku postekunapa basenkunatapas ruwaranku. Llapallan basekuna ruwasqankuqa pachakmi karan. Sapankama basekunata ruwanankupaqmi kinsa chunka kinsayoq kilo qolqeta utilizaranku. 28Ishkay chunka kilo hina puchuq qolqemantataqmi ruwaran postekunapa ganchonkunata, argollankunata hinallataq postekunapa puntanman churananpaq ima.
29Saynallataqmi tabernáculo nisqa templopaqqa bronce ofrendata churaranku. Chay ofrendasqanku bronceqa 2,340 kilo hinan karan. 30Chay broncemantan ruwaran tabernáculo nisqa templopa punkunpi kaq basekunata, altarta, altarpa rejillanta hinallataq altarpa llapallan servicionkunatapas. 31Saynallataqmi chay broncemantaqa ruwallarantaq patiopa muyuriqninpi kaq basekunata hinallataq patiopa punkunpi kaq basekunatapas. Chay broncellamantataqmi ruwaran templopa muyuriqninpi kaq llapallan estacakunatapas hinallataq patiopi enteron muyuriqninpi kaq llapallan estacakunatapas.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Antiguo Testamento Quechua del Este de Apurímac © Sociedad Bíblica Peruana, 2020.
Mosoq Testamento Quechua del Este de Apurímac © Publicado por © 2013 Wycliffe, Inc.
Publicado por © 2013 Liga Bíblica, Internacional