Éxodo 15
15
Moisés Israelpa miraynin runakunapiwan takisqankumanta
1Chaymantan Moisesqa hinallataq Israelpa miraynin runakunapas Señor Diosman huk takita takiranku khaynata:
—Señor Diosmanmi takisaq,
ancha hatun atiyniyoq kasqanmanta.
Payqa caballokunatan montakuq runakunantinta
lamar qochaman wikapaykuran.
2Señor Diosmi kallpanchawaqniyqa;
chaymi noqaqa paypaq takipuni.
Señor Diosmi salvaykuwaqniyqa;
chaymi noqaqa payta alabani.
Señor Diosmi noqapa Diosniyqa;
chaymi noqaqa payta yupaychani.
Señor Diosmi abueloykunapa Diosninqa;
chaymi noqaqa payta yupaychani.
3Señor Diosqa guerrapi peleaqmi.
Señor Diosmi paypa sutinqa.
4Señor Diosqa rey Faraonpa carretankunatan
tropantin soldadonkunatawan
lamar qochaman wikapaykun.
Rey Faraonpa ancha allinnin capitanninkunan
Puka Lamar Qochapi heq'eparanku.
5Paykunaqa lamar qocha ukhumanmi
rumi hina chinkaykuranku.
Paykunataqa lamar qochan millp'uran.
6Señor Diosnilláy,
qanpa phaña makiykiqa ancha-ancha atiyniyoqmi.
Señor Diosnilláy,
qanqa phaña makiykiwanmi enemigoykuta ñut'uranki.
7Qanqa ancha-ancha atiyniykiwanmi
contraykipi sayarimuqkunatapas venceranki.
Imaynan ninapas ishuta ruphan,
saynatan anchata phiñakuspayki,
paykunataqa chinkarachinki.
8Qanqa phukuykuspallan,
lamar qochapi unukunata ishkayman rakiranki.
Qalchikamuq unukunapas perqa hinan sayariran.
Lamar qochapa ukhu-ukhunpi kaq unukunapas perqa hinan qasilla karan.
9Enemigoykikunan niran:
“Israelpa miraynin runakunataqa qepankutan qatisaq.
Paykunaman taripaspan hap'isaq.
Paykunamanta llapallan qechusqaytan rakisaq.
Chayta ruwaspan kusisqa kasaq.
*Espadayta orqospan,
makiywan wañuchispa, paykunataqa chinkachisaq”, nispanku.
10Ichaqa qan phukuykuqtiykin,
lamar qochaqa paykunata tapaykuran.
Mancharikuypaq ancha unupin paykunaqa titi hinaraq chinkaykuranku.
11Señor Diosnilláy,
¿ima diostaq qan hinari kanman?
¿Pitaq qan hina ancha atiyniyoq ch'uyari kanman?
Qanllan kanki ancha-ancha atiyniyoq Diosqa.
Qanllan kanki tukuy hatu-hatun milagrokunata ruwaq Diosqa.
12Phaña makiykita haywariqtillaykin,
paykunataqa allpa millp'urpariran.
13Ancha munakuyniykiwanmi,
kay salvasqayki runakunataqa orqomuranki.
Ancha atiyniykiwanmi
paykunataqa tiyanayki ch'uya llaqtaman pusashanki.
14Filistea nacionniyoq runakunan kaykunata uyarispanku,
manchakuymanta anchata waqanqaku.
Huk law nacionniyoq runakunan kaykunata uyarispanku,
manchakuymanta khatatatanqaku.
15Edom nacionpi jefekunan
anchata mancharikunqaku.
Moab nacionpi jefekunan
manchakuymanta khatatatanqaku.
Canaán nacionpi tiyaq llapallan runakunapas,
manañan qarillañachu kanqaku.
16Señor Diosnilláy,
chay nacionkunaqa anchatayá mancharikuchunku atiyniykita rikuspanku.
Señor Diosnilláy,
ancha atiyniykita rikuspankuyá chay llaqtakunapi runakunaqa rumi hina qasilla qepachunku.
Kay akllakusqayki llaqta pasanankamayá, paykunaqa ama kuyurichunkuchu.
17Señor Diosnilláy,
akllakusqayki runakunata pusaspaykin, akllakusqayki allpaman haykuchinki.
Qanpa tiyanaykipaq akllakusqayki allpaman pusaspan, paykunataqa chaypi wiñaypaq tiyachinki.
Qanpa ruwasqayki ch'uya templomanmi paykunataqa pusanki.
18Señor Diosqa
wiña-wiñaypaqmi gobiernanqa, nispa.
Moisespa hermanan María takisqanmanta
19Israelpa miraynin runakunaqa lamar qochapa chawpintan ch'aki allpanta pasaranku. Hinaqtinmi *Rey Faraonpa ejercitonqa carretankunantin hinallataq caballopi kaq soldadonkunantin, Israelpa miraynin runakunata qatiranku. Ichaqa lamar qochaman haykuqtinkun, Señor Diosqa Egipto nacionniyoq runakunapa hawanman unuta kutiykachiran. Chaymi paykunataqa unu tapaykuran. 20Hinaqtinmi Aaronpa hermanan *profetisa Mariaqa huk panderetata hap'ispa danzaran. Chaymi llapallan warmikunapas paypa qepanta danzaspa riranku hinallataq panderetata tocastin ima.
21Mariaqa khaynatan takiran:
—Señor Diosman takiychis
tukuy atiyniyninwan vencesqanmanta.
Payqa lamar qochamanmi wikch'uykuran
caballokunata hinallataq caballopi montakuq runakunatapas, nispa.
Mara nisqa lugarpi qatqe unumanta
22Moisesqa Israelpa miraynin runakunatan kamachiran, Puka *Lamar Qocha lugarmanta Shur nisqa lugarman rinankupaq. Chaymi paykunaqa chaymanta lloqsispanku, kinsa p'unchaw ch'inñeq desierto lugarpi puriranku. Ichaqa manan unutaqa tarirankuchu. 23Chaymantan chayaranku Mara nisqa lugarkama. Ichaqa manan chaypi unutaqa tomayta atirankuchu qatqe kasqanrayku. Chaymi chay lugartaqa suticharanku Mara sutiwan. 24Hinaqtinmi paykunaqa Moisespa contranpi rimayta qallariranku. Hinaspan khaynata reclamaranku:
—¿Ima unutataq noqaykuri tomasaqkú? nispanku.
25Hinaqtinmi Moisesqa Diosmanta mañakuran. Chaymi Señor Diosqa huk sach'ata Moisesman rikuchiran. Hinaqtinmi payqa chay sach'ata unuman wikch'uykuran. Chaymi chay unuqa kasqan ratolla mishk'i unuman tukuran.
Chay lugarpin Señor Diosqa Israelpa miraynin runakunata pruebaman churaran (kasukunqakuchus icha manachus chayta yachananpaq). Hinaspapas qollarantaqmi huk kamachikuykunatapas, chayman hina kawsanankupaq. 26Hinaspan Diosqa khaynata niran:
—Noqan ima onqoymantapas sanoyachisuqniykichis Diosqa kani. Sichus qankuna noqapa rimasqaykunata allinta uyariwankichis, saynallataq qosqay leykunatapas hinallataq kamachisqaykunatapas allinta kasukunkichis chayqa, manan qankunataqa Egipto nacionniyoq runakunata castigasqay plagakunawanqa castigasqaykichishchu. Noqaqa Señor Diosniykichismi kani, nispa.
27Chaymantan Israelpa miraynin runakunaqa Elim nisqa lugarman chayaranku. Chay lugarpin chunka ishkayniyoq pukyukuna hinallataq qanchis chunka palmera sach'akuna karan. Hinaspan chay unupa kasqanpi samaranku.
Currently Selected:
Éxodo 15: QEAÑT
Highlight
Share
Copy
Want to have your highlights saved across all your devices? Sign up or sign in
Antiguo Testamento Quechua del Este de Apurímac © Sociedad Bíblica Peruana, 2020.
Mosoq Testamento Quechua del Este de Apurímac © Publicado por © 2013 Wycliffe, Inc.
Publicado por © 2013 Liga Bíblica, Internacional
Éxodo 15
15
Moisés Israelpa miraynin runakunapiwan takisqankumanta
1Chaymantan Moisesqa hinallataq Israelpa miraynin runakunapas Señor Diosman huk takita takiranku khaynata:
—Señor Diosmanmi takisaq,
ancha hatun atiyniyoq kasqanmanta.
Payqa caballokunatan montakuq runakunantinta
lamar qochaman wikapaykuran.
2Señor Diosmi kallpanchawaqniyqa;
chaymi noqaqa paypaq takipuni.
Señor Diosmi salvaykuwaqniyqa;
chaymi noqaqa payta alabani.
Señor Diosmi noqapa Diosniyqa;
chaymi noqaqa payta yupaychani.
Señor Diosmi abueloykunapa Diosninqa;
chaymi noqaqa payta yupaychani.
3Señor Diosqa guerrapi peleaqmi.
Señor Diosmi paypa sutinqa.
4Señor Diosqa rey Faraonpa carretankunatan
tropantin soldadonkunatawan
lamar qochaman wikapaykun.
Rey Faraonpa ancha allinnin capitanninkunan
Puka Lamar Qochapi heq'eparanku.
5Paykunaqa lamar qocha ukhumanmi
rumi hina chinkaykuranku.
Paykunataqa lamar qochan millp'uran.
6Señor Diosnilláy,
qanpa phaña makiykiqa ancha-ancha atiyniyoqmi.
Señor Diosnilláy,
qanqa phaña makiykiwanmi enemigoykuta ñut'uranki.
7Qanqa ancha-ancha atiyniykiwanmi
contraykipi sayarimuqkunatapas venceranki.
Imaynan ninapas ishuta ruphan,
saynatan anchata phiñakuspayki,
paykunataqa chinkarachinki.
8Qanqa phukuykuspallan,
lamar qochapi unukunata ishkayman rakiranki.
Qalchikamuq unukunapas perqa hinan sayariran.
Lamar qochapa ukhu-ukhunpi kaq unukunapas perqa hinan qasilla karan.
9Enemigoykikunan niran:
“Israelpa miraynin runakunataqa qepankutan qatisaq.
Paykunaman taripaspan hap'isaq.
Paykunamanta llapallan qechusqaytan rakisaq.
Chayta ruwaspan kusisqa kasaq.
*Espadayta orqospan,
makiywan wañuchispa, paykunataqa chinkachisaq”, nispanku.
10Ichaqa qan phukuykuqtiykin,
lamar qochaqa paykunata tapaykuran.
Mancharikuypaq ancha unupin paykunaqa titi hinaraq chinkaykuranku.
11Señor Diosnilláy,
¿ima diostaq qan hinari kanman?
¿Pitaq qan hina ancha atiyniyoq ch'uyari kanman?
Qanllan kanki ancha-ancha atiyniyoq Diosqa.
Qanllan kanki tukuy hatu-hatun milagrokunata ruwaq Diosqa.
12Phaña makiykita haywariqtillaykin,
paykunataqa allpa millp'urpariran.
13Ancha munakuyniykiwanmi,
kay salvasqayki runakunataqa orqomuranki.
Ancha atiyniykiwanmi
paykunataqa tiyanayki ch'uya llaqtaman pusashanki.
14Filistea nacionniyoq runakunan kaykunata uyarispanku,
manchakuymanta anchata waqanqaku.
Huk law nacionniyoq runakunan kaykunata uyarispanku,
manchakuymanta khatatatanqaku.
15Edom nacionpi jefekunan
anchata mancharikunqaku.
Moab nacionpi jefekunan
manchakuymanta khatatatanqaku.
Canaán nacionpi tiyaq llapallan runakunapas,
manañan qarillañachu kanqaku.
16Señor Diosnilláy,
chay nacionkunaqa anchatayá mancharikuchunku atiyniykita rikuspanku.
Señor Diosnilláy,
ancha atiyniykita rikuspankuyá chay llaqtakunapi runakunaqa rumi hina qasilla qepachunku.
Kay akllakusqayki llaqta pasanankamayá, paykunaqa ama kuyurichunkuchu.
17Señor Diosnilláy,
akllakusqayki runakunata pusaspaykin, akllakusqayki allpaman haykuchinki.
Qanpa tiyanaykipaq akllakusqayki allpaman pusaspan, paykunataqa chaypi wiñaypaq tiyachinki.
Qanpa ruwasqayki ch'uya templomanmi paykunataqa pusanki.
18Señor Diosqa
wiña-wiñaypaqmi gobiernanqa, nispa.
Moisespa hermanan María takisqanmanta
19Israelpa miraynin runakunaqa lamar qochapa chawpintan ch'aki allpanta pasaranku. Hinaqtinmi *Rey Faraonpa ejercitonqa carretankunantin hinallataq caballopi kaq soldadonkunantin, Israelpa miraynin runakunata qatiranku. Ichaqa lamar qochaman haykuqtinkun, Señor Diosqa Egipto nacionniyoq runakunapa hawanman unuta kutiykachiran. Chaymi paykunataqa unu tapaykuran. 20Hinaqtinmi Aaronpa hermanan *profetisa Mariaqa huk panderetata hap'ispa danzaran. Chaymi llapallan warmikunapas paypa qepanta danzaspa riranku hinallataq panderetata tocastin ima.
21Mariaqa khaynatan takiran:
—Señor Diosman takiychis
tukuy atiyniyninwan vencesqanmanta.
Payqa lamar qochamanmi wikch'uykuran
caballokunata hinallataq caballopi montakuq runakunatapas, nispa.
Mara nisqa lugarpi qatqe unumanta
22Moisesqa Israelpa miraynin runakunatan kamachiran, Puka *Lamar Qocha lugarmanta Shur nisqa lugarman rinankupaq. Chaymi paykunaqa chaymanta lloqsispanku, kinsa p'unchaw ch'inñeq desierto lugarpi puriranku. Ichaqa manan unutaqa tarirankuchu. 23Chaymantan chayaranku Mara nisqa lugarkama. Ichaqa manan chaypi unutaqa tomayta atirankuchu qatqe kasqanrayku. Chaymi chay lugartaqa suticharanku Mara sutiwan. 24Hinaqtinmi paykunaqa Moisespa contranpi rimayta qallariranku. Hinaspan khaynata reclamaranku:
—¿Ima unutataq noqaykuri tomasaqkú? nispanku.
25Hinaqtinmi Moisesqa Diosmanta mañakuran. Chaymi Señor Diosqa huk sach'ata Moisesman rikuchiran. Hinaqtinmi payqa chay sach'ata unuman wikch'uykuran. Chaymi chay unuqa kasqan ratolla mishk'i unuman tukuran.
Chay lugarpin Señor Diosqa Israelpa miraynin runakunata pruebaman churaran (kasukunqakuchus icha manachus chayta yachananpaq). Hinaspapas qollarantaqmi huk kamachikuykunatapas, chayman hina kawsanankupaq. 26Hinaspan Diosqa khaynata niran:
—Noqan ima onqoymantapas sanoyachisuqniykichis Diosqa kani. Sichus qankuna noqapa rimasqaykunata allinta uyariwankichis, saynallataq qosqay leykunatapas hinallataq kamachisqaykunatapas allinta kasukunkichis chayqa, manan qankunataqa Egipto nacionniyoq runakunata castigasqay plagakunawanqa castigasqaykichishchu. Noqaqa Señor Diosniykichismi kani, nispa.
27Chaymantan Israelpa miraynin runakunaqa Elim nisqa lugarman chayaranku. Chay lugarpin chunka ishkayniyoq pukyukuna hinallataq qanchis chunka palmera sach'akuna karan. Hinaspan chay unupa kasqanpi samaranku.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Antiguo Testamento Quechua del Este de Apurímac © Sociedad Bíblica Peruana, 2020.
Mosoq Testamento Quechua del Este de Apurímac © Publicado por © 2013 Wycliffe, Inc.
Publicado por © 2013 Liga Bíblica, Internacional