Rit 1
1
Bann maler fami Elimelek
1Dan lepok kan bann ziz gouvern Israel#1:1 Bann ziz ti pe gouverne apepre 1100 avan Z. K., lir liv Ziz. , ena enn lafaminn dan pei. Enn zom pe res Betleem dan rezion Zida. Li pran so fam ek so de garson e zot al res dan pei Moab. 2Misie la apel Elimelek e so fam apel Naomi. Zot de garson apel Malonn ek Kilionn. Zot fer parti klan Efrata. Kan zot ariv dan pei Moab, zot etabli laba. 3Me Elimelek, mari Naomi, mor dan pei Moab. Naomi res tousel avek so de garson. 4Plitar, toulede garson marye ar bann tifi Moabit. Enn apel Orpa ek lot la apel Rit. Apepre dizan plitar, 5Malonn ek Kilionn osi mor. Naomi res tousel, san mari ni zanfan.
Rit al avek Naomi dan Betleem
6Dan pei Moab, Naomi tann dir ki LESEGNER finn beni so pep avek bann bon rekolt. Alor, li ek so bann belfi desid pou kit sa pei la. 7Zot kit landrwa kot zot pe reste e zot pran larout ansam pou retourn dan Zida. 8Me, dan sime, Naomi dir so bann belfi: “Asterla, retourn lakaz zot mama. Zot finn touzour fidel anver bann ki finn mor e anver mwa. LESEGNER ava bon avek zot osi. 9Ki LESEGNER beni zot e fer zot trouv enn lot dimoun. Koumsa, sakenn ava gagn so prop menaz.” Apre sa, Naomi anbras zot. Me toulede koumans kriye e plore for-for. 10Zot dir Naomi: “Non, nou anvi retourn avek twa, parmi to pep.” 11Me Naomi redir zot: “Ale! Retourne mo bann tifi. Kifer zot anvi swiv mwa? Eski zot panse mo ankor kapav gagn zanfan ki pou marye ar zot#1:11 Ti ena enn koutim: kan enn mari mor san zanfan, so frer ti bizin marye avek so fam pou donn li enn desandan.? 12Non, mo tro vie pou sa. Retourn kot zot! Apretou, mem si mo ti kapav remarye e gagn zanfan zordimem, 13eski zot ti pou kapav atann ziska ki bann garson la grandi? Non, mo bann tifi, LESEGNER finn rann mo lavi amer. Li finn pini mwa, me pa zot. Mo sor pou tro dir pou zot.” 14Letan bannla tann sa, toulede plor ankor pli for. Landernie, Orpa fini par anbras so belmer pou dir li orevwar. Me Rit pa oule kit so belmer enn pous.
15Naomi dir li: “Get to belser finn ale. Li finn retourn parmi so pep e avek so bann bondie. Kifer to pa retourn avek li twa osi?” 16Me Rit dir li:
“Napa fors mwa pou kit twa
napa anpes mwa swiv twa!
Kot to pou ale, mo pou ale;
kot to pou reste, mo pou reste;
to pep pou osi mo pep,
to Bondie pou osi mo Bondie.
17La kot to pou mor, labamem mwa osi mo pou mor. La kot to pou antere,
labamem mwa osi mo pou antere.
Ki LESEGNER pini mwa si mo bizin kit twa.
Zis lamor ki pou separ nou!”
18Naomi trouve ki so belfi ti finn fini desid pou swiv li. Lerla li aret persiste ar li. 19Alor, zot toulede marse ziska ki zot ariv Betleem. Letan zot ariv laba, tou dimoun dan vilaz gagn enn gran lazwa akoz zot. Bann fam pe dir ant zot: “Ala Naomi!” 20Me Naomi dir zot:
“Aret apel mwa Naomi#1:20 Naomi, an Ebre, vedir erez.,
apel mwa Mara#1:20 Mara, an Ebre, vedir ranpli ar lamertim.,
parski Bondie Toupwisan finn rann mo lavi bien amer.
21Mo ti ale lame plin,
me LESEGNER finn retourn mwa lame vid.
Kifer zot kontign apel mwa Naomi?
Zot pa trouve LESEGNER finn fer mwa ditor?
Bondie Toupwisan finn fer mwa gagn maler lor maler.”
22Ala ki manier Naomi kit pei Moab avek so belfi Rit, ki enn Moabit. Zot retourn Betleem dan komansman sezon rekolt dible.
Currently Selected:
Rit 1: KMOTPOR
Highlight
Share
Copy
Want to have your highlights saved across all your devices? Sign up or sign in
Kreol Morisien OT Portions © Bible Society of Mauritius, 2020.
Rit 1
1
Bann maler fami Elimelek
1Dan lepok kan bann ziz gouvern Israel#1:1 Bann ziz ti pe gouverne apepre 1100 avan Z. K., lir liv Ziz. , ena enn lafaminn dan pei. Enn zom pe res Betleem dan rezion Zida. Li pran so fam ek so de garson e zot al res dan pei Moab. 2Misie la apel Elimelek e so fam apel Naomi. Zot de garson apel Malonn ek Kilionn. Zot fer parti klan Efrata. Kan zot ariv dan pei Moab, zot etabli laba. 3Me Elimelek, mari Naomi, mor dan pei Moab. Naomi res tousel avek so de garson. 4Plitar, toulede garson marye ar bann tifi Moabit. Enn apel Orpa ek lot la apel Rit. Apepre dizan plitar, 5Malonn ek Kilionn osi mor. Naomi res tousel, san mari ni zanfan.
Rit al avek Naomi dan Betleem
6Dan pei Moab, Naomi tann dir ki LESEGNER finn beni so pep avek bann bon rekolt. Alor, li ek so bann belfi desid pou kit sa pei la. 7Zot kit landrwa kot zot pe reste e zot pran larout ansam pou retourn dan Zida. 8Me, dan sime, Naomi dir so bann belfi: “Asterla, retourn lakaz zot mama. Zot finn touzour fidel anver bann ki finn mor e anver mwa. LESEGNER ava bon avek zot osi. 9Ki LESEGNER beni zot e fer zot trouv enn lot dimoun. Koumsa, sakenn ava gagn so prop menaz.” Apre sa, Naomi anbras zot. Me toulede koumans kriye e plore for-for. 10Zot dir Naomi: “Non, nou anvi retourn avek twa, parmi to pep.” 11Me Naomi redir zot: “Ale! Retourne mo bann tifi. Kifer zot anvi swiv mwa? Eski zot panse mo ankor kapav gagn zanfan ki pou marye ar zot#1:11 Ti ena enn koutim: kan enn mari mor san zanfan, so frer ti bizin marye avek so fam pou donn li enn desandan.? 12Non, mo tro vie pou sa. Retourn kot zot! Apretou, mem si mo ti kapav remarye e gagn zanfan zordimem, 13eski zot ti pou kapav atann ziska ki bann garson la grandi? Non, mo bann tifi, LESEGNER finn rann mo lavi amer. Li finn pini mwa, me pa zot. Mo sor pou tro dir pou zot.” 14Letan bannla tann sa, toulede plor ankor pli for. Landernie, Orpa fini par anbras so belmer pou dir li orevwar. Me Rit pa oule kit so belmer enn pous.
15Naomi dir li: “Get to belser finn ale. Li finn retourn parmi so pep e avek so bann bondie. Kifer to pa retourn avek li twa osi?” 16Me Rit dir li:
“Napa fors mwa pou kit twa
napa anpes mwa swiv twa!
Kot to pou ale, mo pou ale;
kot to pou reste, mo pou reste;
to pep pou osi mo pep,
to Bondie pou osi mo Bondie.
17La kot to pou mor, labamem mwa osi mo pou mor. La kot to pou antere,
labamem mwa osi mo pou antere.
Ki LESEGNER pini mwa si mo bizin kit twa.
Zis lamor ki pou separ nou!”
18Naomi trouve ki so belfi ti finn fini desid pou swiv li. Lerla li aret persiste ar li. 19Alor, zot toulede marse ziska ki zot ariv Betleem. Letan zot ariv laba, tou dimoun dan vilaz gagn enn gran lazwa akoz zot. Bann fam pe dir ant zot: “Ala Naomi!” 20Me Naomi dir zot:
“Aret apel mwa Naomi#1:20 Naomi, an Ebre, vedir erez.,
apel mwa Mara#1:20 Mara, an Ebre, vedir ranpli ar lamertim.,
parski Bondie Toupwisan finn rann mo lavi bien amer.
21Mo ti ale lame plin,
me LESEGNER finn retourn mwa lame vid.
Kifer zot kontign apel mwa Naomi?
Zot pa trouve LESEGNER finn fer mwa ditor?
Bondie Toupwisan finn fer mwa gagn maler lor maler.”
22Ala ki manier Naomi kit pei Moab avek so belfi Rit, ki enn Moabit. Zot retourn Betleem dan komansman sezon rekolt dible.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Kreol Morisien OT Portions © Bible Society of Mauritius, 2020.