Psom 90
90
KATRIYEM LIV PSOM
(Psom 90-106)
Bondie ek limanite
Lapriyer Moiz, zom swazire par Bondie.
1Segner, se twa ki finn toultan donn nou sekirite.
2Avan kreasion montagn,
avan ki to ti fasonn later ek lemond,
depi touzour e pour touzour twa ki Bondie.
3To fer dimoun retourn lapousier,
to dir, “Imin, retourn kot to sorti! “
4Mil an pou twa li pa pli long ki enn zour ki finn fonn;
oubien parey de-trwa ler-tan dan lanwit.
5To balye tousala, parey enn rev ki pase,
parey kouma lerb ki ne gramatin,
6li fleri gramatin, grandi pandan lazourne
e deperi ek mor aswar.
7To lakoler griye nou;
To laraz terifie nou.
8To plas nou bann fot devan twa,
dan lalimier to prezans okenn sekre pa sape.
9To lakoler koup-koup longer nou lavi
ki tengn kouma enn soupir.
10Nou kapav viv swasanndis-an,
katrovin si lasante bon,
me se traka ek sagrin ki plin nou lekzistans;
bann lane pas vit e nou anvole ale.
11Kisannla finn fer fas lafors to lakoler?
To lakoler osi gran ki nou respe pou twa.
12Fer nou konpran kouma lavi kourt;
sa kapav ranpli nou leker ar sazes.
13Eski to pou kontinie ankoler ar nou?
Pitie nou, SEGNER, montre konpasion.
14Toulegramatin ranpli nou ar to lamour infini;
koumsa nou pou kapav sante e konn lazwa toulezour.
15Zordi, Segner, donn nou aster otan lazwa
ki sagrin ki nou ti kone yer dan moman douler ek penitans.
16Permet nou dekouver to bann gran aksion;
permet nou desandan trouv to pwisans triyonfan.
17O Segner nou Bondie, devers to benediksion lor nou,
beni travay nou lame avek prosperite -
wi, beni travay nou lame avek prosperite!
Currently Selected:
Psom 90: KMOTPOR
Highlight
Copy
Compare
Share
Want to have your highlights saved across all your devices? Sign up or sign in
Kreol Morisien OT Portions © Bible Society of Mauritius, 2020.
Psom 90
90
KATRIYEM LIV PSOM
(Psom 90-106)
Bondie ek limanite
Lapriyer Moiz, zom swazire par Bondie.
1Segner, se twa ki finn toultan donn nou sekirite.
2Avan kreasion montagn,
avan ki to ti fasonn later ek lemond,
depi touzour e pour touzour twa ki Bondie.
3To fer dimoun retourn lapousier,
to dir, “Imin, retourn kot to sorti! “
4Mil an pou twa li pa pli long ki enn zour ki finn fonn;
oubien parey de-trwa ler-tan dan lanwit.
5To balye tousala, parey enn rev ki pase,
parey kouma lerb ki ne gramatin,
6li fleri gramatin, grandi pandan lazourne
e deperi ek mor aswar.
7To lakoler griye nou;
To laraz terifie nou.
8To plas nou bann fot devan twa,
dan lalimier to prezans okenn sekre pa sape.
9To lakoler koup-koup longer nou lavi
ki tengn kouma enn soupir.
10Nou kapav viv swasanndis-an,
katrovin si lasante bon,
me se traka ek sagrin ki plin nou lekzistans;
bann lane pas vit e nou anvole ale.
11Kisannla finn fer fas lafors to lakoler?
To lakoler osi gran ki nou respe pou twa.
12Fer nou konpran kouma lavi kourt;
sa kapav ranpli nou leker ar sazes.
13Eski to pou kontinie ankoler ar nou?
Pitie nou, SEGNER, montre konpasion.
14Toulegramatin ranpli nou ar to lamour infini;
koumsa nou pou kapav sante e konn lazwa toulezour.
15Zordi, Segner, donn nou aster otan lazwa
ki sagrin ki nou ti kone yer dan moman douler ek penitans.
16Permet nou dekouver to bann gran aksion;
permet nou desandan trouv to pwisans triyonfan.
17O Segner nou Bondie, devers to benediksion lor nou,
beni travay nou lame avek prosperite -
wi, beni travay nou lame avek prosperite!
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Kreol Morisien OT Portions © Bible Society of Mauritius, 2020.