Psom 41
41
Lapriyer enn dimoun malad
Pou sef koral. Enn Psom David.
1Bienere dimoun ki pran kont ek ed bann pov
kan zot dan difikilte, LESEGNER pou delivre zot.
2LESEGNER protez ek gard zot vivan;
zot ere lor later.
To pa abandonn zot dan lame zot ennmi.
3LESEGNER pou pran zot swin ler zot malad
e refer zot vinn fringan.
4Mo ti konfese, “Mo finn fer pese kont twa SEGNER;
pardonn mwa e donn mwa gerizon.”
5Bann ki deteste mwa zot kalomnie mwa;
zot souete ki mo mor e ki mo nom disparet.
6Mem bann ki rann mwa vizit
zot pa sinser;
zot vinn tir linformasion
e lerla zot fann rimer.
7Tann zot pe mirmire dan zorey zot vwazin!
Zot pe priye ki mo fini mal.
8Zot dir, “Li pa pou sape ar sa maladi la!
Peyna li sape sannfwala!”
9Mem mo meyer kamarad - mo ti kapav met lame dan dife pou li;
nou ti partaz tou -
li mars ar bannla aster.
10Me twa, SEGNER, par pitie
redonn mwa lasante
e lerla mo fer mo ennmi peye.
11Mo kone ki to ena afeksion pou mwa,
parski mo ennmi pa finn gagn viktwar lor mwa.
12To finn relev mwa akoz mo lintegrite,
to pou gard mwa dan to prezans eternelman.
13Glwara twa SEGNER, Bondie Izrael,
aster, pli divan ek toultan.
Amenn! Amenn!
Currently Selected:
Psom 41: KMOTPOR
Highlight
Share
Copy
Want to have your highlights saved across all your devices? Sign up or sign in
Kreol Morisien OT Portions © Bible Society of Mauritius, 2020.
Psom 41
41
Lapriyer enn dimoun malad
Pou sef koral. Enn Psom David.
1Bienere dimoun ki pran kont ek ed bann pov
kan zot dan difikilte, LESEGNER pou delivre zot.
2LESEGNER protez ek gard zot vivan;
zot ere lor later.
To pa abandonn zot dan lame zot ennmi.
3LESEGNER pou pran zot swin ler zot malad
e refer zot vinn fringan.
4Mo ti konfese, “Mo finn fer pese kont twa SEGNER;
pardonn mwa e donn mwa gerizon.”
5Bann ki deteste mwa zot kalomnie mwa;
zot souete ki mo mor e ki mo nom disparet.
6Mem bann ki rann mwa vizit
zot pa sinser;
zot vinn tir linformasion
e lerla zot fann rimer.
7Tann zot pe mirmire dan zorey zot vwazin!
Zot pe priye ki mo fini mal.
8Zot dir, “Li pa pou sape ar sa maladi la!
Peyna li sape sannfwala!”
9Mem mo meyer kamarad - mo ti kapav met lame dan dife pou li;
nou ti partaz tou -
li mars ar bannla aster.
10Me twa, SEGNER, par pitie
redonn mwa lasante
e lerla mo fer mo ennmi peye.
11Mo kone ki to ena afeksion pou mwa,
parski mo ennmi pa finn gagn viktwar lor mwa.
12To finn relev mwa akoz mo lintegrite,
to pou gard mwa dan to prezans eternelman.
13Glwara twa SEGNER, Bondie Izrael,
aster, pli divan ek toultan.
Amenn! Amenn!
Currently Selected:
:
Highlight
Share
Copy
Want to have your highlights saved across all your devices? Sign up or sign in
Kreol Morisien OT Portions © Bible Society of Mauritius, 2020.