Psom 38
38
Lapriyer enn dimoun malere
Enn Psom David. Enn ofrand pou remersiman.
1SEGNER, mem to ankoler, pa kondann mwa;
malgre to gran koler, pa pini mwa.
2To bann fles finn pers-pers mwa,
to lame finn abat lor mwa.
3Akoz to koler, mo ena douler partou;
akoz mo pese, maladi fann dan tou mo lezo.
4Mo pe nwaye dan kaskad pese;
fardo la tro lour pou sarye.
5Akoz mo prop betiz
mo blesir santi pi, pe fer infeksion;
6mo korde ar douler,
toutlazourne mo dan lapenn.
7Lafiev pe bril mwa;
pena lasante dan mo lekor.
8Mo pena lafors. Mo kas-kase.
Mo leker pe soufer, mo nek plegne.
9Segner, to kone ki mo bann dezir ete.
To tann mwa plegne ar douler;
10mo leker bat for-for;
mo gagn febles
e mo trouv som.
11Kamarad ek vwazin pa koste ar mwa
akoz mo infeksion;
mem mo fami pa frekant mwa.
12Seki anvi touy mwa, pe met piez partou;
bann ki pe rod fer mwa ditor, menas pou kas-kas mwa;
zot pas zot letan konplote.
13Mo kouma bann sourd, nepli tann bien;
mo lalang amare, pa kapav koze.
14Mo kouma enn dimoun ki nepli tande,
mo pakone ki pou reponn.
15Mo finn met mo lespwar an twa, SEGNER;
twa Segner, mo Bondie, to pou ekzos mo lapriyer.
16Mo priye, “Pa les mo ennmi gagn lokazion riy mwa;
pa donn zot sans rezouir kan mo glise ek tonbe. “
17Mo lafin bien pre;
douler fer mwa korde.
18Mo konfes mo fot
mo regret mo pese.
19Mo bann ennmi paret bien for.
Parmi, boukou ayir mwa san rezon.
20Bann ki retourn lemal pou lebien
akiz mwa parski mwa mo finn swazir bon sime.
21Pa abandonn mwa, SEGNER;
Mo Bondie pa res lwin ar mwa.
22Pa tarde pou ed mwa, Segner, mo Sover.
Currently Selected:
Psom 38: KMOTPOR
Highlight
Share
Copy
Want to have your highlights saved across all your devices? Sign up or sign in
Kreol Morisien OT Portions © Bible Society of Mauritius, 2020.
Psom 38
38
Lapriyer enn dimoun malere
Enn Psom David. Enn ofrand pou remersiman.
1SEGNER, mem to ankoler, pa kondann mwa;
malgre to gran koler, pa pini mwa.
2To bann fles finn pers-pers mwa,
to lame finn abat lor mwa.
3Akoz to koler, mo ena douler partou;
akoz mo pese, maladi fann dan tou mo lezo.
4Mo pe nwaye dan kaskad pese;
fardo la tro lour pou sarye.
5Akoz mo prop betiz
mo blesir santi pi, pe fer infeksion;
6mo korde ar douler,
toutlazourne mo dan lapenn.
7Lafiev pe bril mwa;
pena lasante dan mo lekor.
8Mo pena lafors. Mo kas-kase.
Mo leker pe soufer, mo nek plegne.
9Segner, to kone ki mo bann dezir ete.
To tann mwa plegne ar douler;
10mo leker bat for-for;
mo gagn febles
e mo trouv som.
11Kamarad ek vwazin pa koste ar mwa
akoz mo infeksion;
mem mo fami pa frekant mwa.
12Seki anvi touy mwa, pe met piez partou;
bann ki pe rod fer mwa ditor, menas pou kas-kas mwa;
zot pas zot letan konplote.
13Mo kouma bann sourd, nepli tann bien;
mo lalang amare, pa kapav koze.
14Mo kouma enn dimoun ki nepli tande,
mo pakone ki pou reponn.
15Mo finn met mo lespwar an twa, SEGNER;
twa Segner, mo Bondie, to pou ekzos mo lapriyer.
16Mo priye, “Pa les mo ennmi gagn lokazion riy mwa;
pa donn zot sans rezouir kan mo glise ek tonbe. “
17Mo lafin bien pre;
douler fer mwa korde.
18Mo konfes mo fot
mo regret mo pese.
19Mo bann ennmi paret bien for.
Parmi, boukou ayir mwa san rezon.
20Bann ki retourn lemal pou lebien
akiz mwa parski mwa mo finn swazir bon sime.
21Pa abandonn mwa, SEGNER;
Mo Bondie pa res lwin ar mwa.
22Pa tarde pou ed mwa, Segner, mo Sover.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Kreol Morisien OT Portions © Bible Society of Mauritius, 2020.