Psom 19
19
Laglwar ek Lalwa Bondie
Pou sef koral. Enn Psom David.
1Lesiel revel klerman laglwar Bondie!
Travay so lame proklame par zetwal lao dan lesiel.
2Sak zour rakont sa lot zour ki vini;
lanwit deklar lot lanwit sa nouvel la.
3Pena diskour, pena parol pou dir,
pa tann okenn lavwa.
4Malgre sa zot mesaz travers partou;
zot lavwa vwayaz ziska finfon later.
Dan lesiel Bondie finn ranz enn lakaz pou soley;
5kouma nouvo marye, li leve, li sorti dan lasam,
kouma enn atlet anform li galoup so parkour ziska aswar.
6Li komans depi les, li al ziska lwes,
so saler sof partou.
7Lalwa LESEGNER li parfe;
li donn nouvo lafors pou viv.
Temwaniaz LESEGNER li valab toultan,
li donn sazes bann dimoun sinp.
8Instriksion LESEGNER li drwat ek zis,
li ranpli leker ar lazwa.
Komandman LESEGNER bien kler
li ouver nou lizie.
9Respe pou LESEGNER li bien bon,
li valab pou toultan.
Zizman ki LESEGNER rande li vre,
e zot touzour zis.
10Zot pli presie ki lor,
ki boukou lor rafine;
li ena plis douser ki dimiel
pli dou ki dimiel ki fek koule.
11Zot donn mwa, to serviter, gran konesans
e kan mo obeyir zot mo gagn rekonpans.
12Kisannla kapav trouv so prop febles?
Pardonn mwa bann erer ki mo pa pe trouve.
13Protez mwa to serviter kont larogans;
ki sa pa dominn mwa.
Lerla mo pou san repros,
e inosan konsernan bann move ditor.
14Fer ki parol mo labous e meditasion mo leker
zot akseptab devan twa,
O SEGNER, tomem mo protekter ek mo liberater.
Currently Selected:
Psom 19: KMOTPOR
Highlight
Share
Copy
Want to have your highlights saved across all your devices? Sign up or sign in
Kreol Morisien OT Portions © Bible Society of Mauritius, 2020.
Psom 19
19
Laglwar ek Lalwa Bondie
Pou sef koral. Enn Psom David.
1Lesiel revel klerman laglwar Bondie!
Travay so lame proklame par zetwal lao dan lesiel.
2Sak zour rakont sa lot zour ki vini;
lanwit deklar lot lanwit sa nouvel la.
3Pena diskour, pena parol pou dir,
pa tann okenn lavwa.
4Malgre sa zot mesaz travers partou;
zot lavwa vwayaz ziska finfon later.
Dan lesiel Bondie finn ranz enn lakaz pou soley;
5kouma nouvo marye, li leve, li sorti dan lasam,
kouma enn atlet anform li galoup so parkour ziska aswar.
6Li komans depi les, li al ziska lwes,
so saler sof partou.
7Lalwa LESEGNER li parfe;
li donn nouvo lafors pou viv.
Temwaniaz LESEGNER li valab toultan,
li donn sazes bann dimoun sinp.
8Instriksion LESEGNER li drwat ek zis,
li ranpli leker ar lazwa.
Komandman LESEGNER bien kler
li ouver nou lizie.
9Respe pou LESEGNER li bien bon,
li valab pou toultan.
Zizman ki LESEGNER rande li vre,
e zot touzour zis.
10Zot pli presie ki lor,
ki boukou lor rafine;
li ena plis douser ki dimiel
pli dou ki dimiel ki fek koule.
11Zot donn mwa, to serviter, gran konesans
e kan mo obeyir zot mo gagn rekonpans.
12Kisannla kapav trouv so prop febles?
Pardonn mwa bann erer ki mo pa pe trouve.
13Protez mwa to serviter kont larogans;
ki sa pa dominn mwa.
Lerla mo pou san repros,
e inosan konsernan bann move ditor.
14Fer ki parol mo labous e meditasion mo leker
zot akseptab devan twa,
O SEGNER, tomem mo protekter ek mo liberater.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Kreol Morisien OT Portions © Bible Society of Mauritius, 2020.