Psom 10
10
Segner Bondie, ed mwa kont bann opreser
1Kifer to res lwin ar nou, SEGNER?
Kifer pa trouv twa dan moman detres?
2Avek arogans move dimoun persekit bann pov;
zot may bannla dan zot latrap.
3Move dimoun li fier so prop move dezir;
dimoun gourman li modi LESEGNER e li peyna respe pou li.
4Dan so arogans move dimoun pa pran Bondie kont;
dan so panse peyna plas pou Bondie.
5Move dimoun reysi tou saki li fer.
Li pa konpran lazistis divinn, sa tro lwin pou li
e li mepriz so ennmi.
6Li dir ar limem, “Peyna nannye ki kapav bouz mwa!
Problem ek traka? Zame zot pa pou tous mwa! “
7So labous ranpli ar malediksion; li modi, li koz manti, li menase;
anba so lalang ena parol blesan ek mesanste.
8Li kasiet pre ar bann vilaz san defans
e atann so ler pou touy inosan;
dan kasiet li espionn so viktim;
9li res dan kasiet parey enn lion,
li vey so ler pou atake;
li ris bann pov, li trenn zot dan so piez.
10Bann viktim san defans pa sape
e zot tom dan so pouvwar.
11Dan so panse move dimoun dir, “Bondie pa pran kont;
so figir tourn lot kote, zame li pou trouve. “
12Lev twa, SEGNER! Lev to lame pou pini zot, Bondie;
pa bliye bann ki pe soufer!
13Kifer move dimoun mepriz Bondie?
Li dir, “Bondie pa pou demann mwa rann kont. “
14Tousa pa vre! To bien trouv tou.
To kone ena problem ek soufrans
e to pran tou dan to lame.
Bann ki feb ek san defans
zot remet zotmem dan to lame.
To finn toultan vinn osekour orfelin.
15Kas lerin move dimoun ki viv dan pese;
grenn zot mesanste ziska pa res nannye.
16LESEGNER, limem Lerwa pou leternite.
Bann ki priye lezot bondie
pa pou ena plas dan pei LESEGNER.
17SEGNER, to tann dezir bann ti dimoun,
to pou ekout bann feb e donn zot kouraz.
18To pou rann zistis an faver bann ki pe gagn kraze kouma orfelin;
koumsa bann zans ordiner pou aret sem laterer.
Currently Selected:
Psom 10: KMOTPOR
Highlight
Share
Copy
Want to have your highlights saved across all your devices? Sign up or sign in
Kreol Morisien OT Portions © Bible Society of Mauritius, 2020.
Psom 10
10
Segner Bondie, ed mwa kont bann opreser
1Kifer to res lwin ar nou, SEGNER?
Kifer pa trouv twa dan moman detres?
2Avek arogans move dimoun persekit bann pov;
zot may bannla dan zot latrap.
3Move dimoun li fier so prop move dezir;
dimoun gourman li modi LESEGNER e li peyna respe pou li.
4Dan so arogans move dimoun pa pran Bondie kont;
dan so panse peyna plas pou Bondie.
5Move dimoun reysi tou saki li fer.
Li pa konpran lazistis divinn, sa tro lwin pou li
e li mepriz so ennmi.
6Li dir ar limem, “Peyna nannye ki kapav bouz mwa!
Problem ek traka? Zame zot pa pou tous mwa! “
7So labous ranpli ar malediksion; li modi, li koz manti, li menase;
anba so lalang ena parol blesan ek mesanste.
8Li kasiet pre ar bann vilaz san defans
e atann so ler pou touy inosan;
dan kasiet li espionn so viktim;
9li res dan kasiet parey enn lion,
li vey so ler pou atake;
li ris bann pov, li trenn zot dan so piez.
10Bann viktim san defans pa sape
e zot tom dan so pouvwar.
11Dan so panse move dimoun dir, “Bondie pa pran kont;
so figir tourn lot kote, zame li pou trouve. “
12Lev twa, SEGNER! Lev to lame pou pini zot, Bondie;
pa bliye bann ki pe soufer!
13Kifer move dimoun mepriz Bondie?
Li dir, “Bondie pa pou demann mwa rann kont. “
14Tousa pa vre! To bien trouv tou.
To kone ena problem ek soufrans
e to pran tou dan to lame.
Bann ki feb ek san defans
zot remet zotmem dan to lame.
To finn toultan vinn osekour orfelin.
15Kas lerin move dimoun ki viv dan pese;
grenn zot mesanste ziska pa res nannye.
16LESEGNER, limem Lerwa pou leternite.
Bann ki priye lezot bondie
pa pou ena plas dan pei LESEGNER.
17SEGNER, to tann dezir bann ti dimoun,
to pou ekout bann feb e donn zot kouraz.
18To pou rann zistis an faver bann ki pe gagn kraze kouma orfelin;
koumsa bann zans ordiner pou aret sem laterer.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Kreol Morisien OT Portions © Bible Society of Mauritius, 2020.