Zenez 46
46
Zakob al Lezip avek so fami
1Zakob pran tou seki li ena, e li koumans so vwayaz pou al Lezip. Li ariv dan Berseba. Laba, li ofer bann sakrifis anloner Bondie ki so papa Izaak ti adore. 2Aswar, Bondie koz avek Izrael dan enn rev e dir li: “Zakob! Zakob!” Li reponn: “Wi, mo pe ekout twa.” 3Bondie dir li: “Momem Bondie, Bondie to papa. Pa bizin per pou al Lezip. Mo pou fer to bann desandan vinn enn gran pep laba. 4Mo pou al avek twa dan Lezip, e enn zour, mo pou fer twa retourn isi. Kan to pou mor, Zozef pou ferm to lizie ar so prop lame.”
5Zakob kit Berseba. So bann garson met li, zot fam ek zot zanfan, dan bann kales ki Faraon ti done pou zot vwayaz. 6-7Zot amenn tou zot bann troupo avek zot. Zot amenn osi tou bann dibien ki zot ena dan Kanaan. Zakob ariv Lezip avek tou so fami: so bann garson, so bann tifi, ek tou so bann tizanfan.
Lalis fami Zakob ki finn al Lezip
8Ala lalis bann Izraelit ki finn al dan Lezip avek Zakob:
Riben, so premiene, 9ek so bann garson Enok, Palou, Esronn, ek Karmi.
10Simeon ek so bann garson, Yemouel, Yamin, Ohad, Yakin, Soar, ek Saoul. Mama Saoul enn Kananeenn.
11Levi ek so bann garson Gersonn, Keat, ek Merari.
12Zida ek so bann garson Sela, Peres, ek Zera. Zida ti ena de lot garson, Er ek Onann. Me zot ti mor dan pei Kanaan. Peres ena de garson, Esronn ek Amoul.
13Isakar ek so bann garson Tola, Pouva, Yasoub#46:13 Yasoub: Dan Nonb 26: 24 ek dan Kronik 7 : 1, so nom Yob., ek Simronn.
14Zabilon ek so bann garson Sered, Elon, ek Yaleel.
15Sa bannla bann garson Lea ek Zakob. Zot finn ne dan Padann-Aram. Ena osi zot tifi Dina. Avek zot bann zanfan, zot ti 33 antou.
16Gad ek so bann garson Sifionn, Agi, Souni, Esbon, Eri, Arodi, ek Areli.
17Aser ek so bann garson Imna, Isva, Isvi, ek Beria. Ena osi zot ser Sera. Beria ena de garson: Eber ek Malkiel.
18Sa bannla 16 desandan Zilpa ek Zakob. Zilpa mem ki Laban ti donn so tifi Lea kouma servant.
19Rasel, fam Zakob, finn donn li de garson: Zozef ek Benzamin. 20Zozef finn gagn Manase ek Efraim avek so fam Asnat dan Lezip. Papa Asnat apel Potifera, enn pret dan Onn. 21Benzamin ena dis garson: Bela, Beker, Asbel, Gera, Naaman, Ei, Ros, Moupim, Houpim, ek Ard.
22Sa bannla 14 desandan Zakob ek Rasel.
23Dann ek so garson Housim.
24Neftali ek so bann garson Yasiel, Gouni, Yetzer, ek Silem.
25Sa bannla set desandan Bila ek Zakob. Bila mem ki Laban ti donn so tifi Rasel kouma servant.
26Bann desandan Zakob ki finn al Lezip avek li, zot antou 66. Ladan, pa kont so bann belfi. 27Zozef ena de garson ki finn ne dan Lezip. Alor, ena antou 70#46:27 Gagn 70 kan azout tou bann desandan Lea, Zilpa, Rasel ek Bila. Get verse 15, 18, 22 ek 25. Me de parmi bann zanfan Zida, (get verse 12) ti fini mor dan Kanaan. desandan Zakob ki finn al Lezip.
Zakob ek so fami dan Lezip
28Izrael avoy Zida par devan kot Zozef pou prepar so vwayaz dan Gosenn. Kan zot ariv laba, 29Zozef prepar so kales, e li al akeyir so papa dan Gosenn. Kouma li zwenn so papa, li may so likou e li plore enn bon letan. 30Izrael dir Zozef: “Asterla mo kapav mor trankil, parski mo finn retrouv twa vivan.” 31Zozef dir so bann frer e tou lafami so papa: “Mo pe al dir Faraon ki mo bann frer ek tou lafami mo papa ki sorti Kanaan, finn vini. 32Mo pou fer li kone ki zot bann elver, e ki zot okip bann troupo. Mo pou osi fer li kone ki zot finn vinn avek zot bann troupo mouton, kabri, bef, ek tou zot dibien. 33Faraon pou apel zot e pou dimann zot ki travay zot fer. 34Zot bizin reponn: ‘Nou, to bann serviter, finn okip zanimo depi nou zenes ziska asterla. Parey kouma nou bann anset ti fer avan nou.’ Lerla, li pou permet zot res dan rezion Gosenn, parski bann Ezipsien pa kontan bann elver mouton ek kabri.”
Currently Selected:
Zenez 46: KMOTPOR
Highlight
Share
Copy
Want to have your highlights saved across all your devices? Sign up or sign in
Kreol Morisien OT Portions © Bible Society of Mauritius, 2020.
Zenez 46
46
Zakob al Lezip avek so fami
1Zakob pran tou seki li ena, e li koumans so vwayaz pou al Lezip. Li ariv dan Berseba. Laba, li ofer bann sakrifis anloner Bondie ki so papa Izaak ti adore. 2Aswar, Bondie koz avek Izrael dan enn rev e dir li: “Zakob! Zakob!” Li reponn: “Wi, mo pe ekout twa.” 3Bondie dir li: “Momem Bondie, Bondie to papa. Pa bizin per pou al Lezip. Mo pou fer to bann desandan vinn enn gran pep laba. 4Mo pou al avek twa dan Lezip, e enn zour, mo pou fer twa retourn isi. Kan to pou mor, Zozef pou ferm to lizie ar so prop lame.”
5Zakob kit Berseba. So bann garson met li, zot fam ek zot zanfan, dan bann kales ki Faraon ti done pou zot vwayaz. 6-7Zot amenn tou zot bann troupo avek zot. Zot amenn osi tou bann dibien ki zot ena dan Kanaan. Zakob ariv Lezip avek tou so fami: so bann garson, so bann tifi, ek tou so bann tizanfan.
Lalis fami Zakob ki finn al Lezip
8Ala lalis bann Izraelit ki finn al dan Lezip avek Zakob:
Riben, so premiene, 9ek so bann garson Enok, Palou, Esronn, ek Karmi.
10Simeon ek so bann garson, Yemouel, Yamin, Ohad, Yakin, Soar, ek Saoul. Mama Saoul enn Kananeenn.
11Levi ek so bann garson Gersonn, Keat, ek Merari.
12Zida ek so bann garson Sela, Peres, ek Zera. Zida ti ena de lot garson, Er ek Onann. Me zot ti mor dan pei Kanaan. Peres ena de garson, Esronn ek Amoul.
13Isakar ek so bann garson Tola, Pouva, Yasoub#46:13 Yasoub: Dan Nonb 26: 24 ek dan Kronik 7 : 1, so nom Yob., ek Simronn.
14Zabilon ek so bann garson Sered, Elon, ek Yaleel.
15Sa bannla bann garson Lea ek Zakob. Zot finn ne dan Padann-Aram. Ena osi zot tifi Dina. Avek zot bann zanfan, zot ti 33 antou.
16Gad ek so bann garson Sifionn, Agi, Souni, Esbon, Eri, Arodi, ek Areli.
17Aser ek so bann garson Imna, Isva, Isvi, ek Beria. Ena osi zot ser Sera. Beria ena de garson: Eber ek Malkiel.
18Sa bannla 16 desandan Zilpa ek Zakob. Zilpa mem ki Laban ti donn so tifi Lea kouma servant.
19Rasel, fam Zakob, finn donn li de garson: Zozef ek Benzamin. 20Zozef finn gagn Manase ek Efraim avek so fam Asnat dan Lezip. Papa Asnat apel Potifera, enn pret dan Onn. 21Benzamin ena dis garson: Bela, Beker, Asbel, Gera, Naaman, Ei, Ros, Moupim, Houpim, ek Ard.
22Sa bannla 14 desandan Zakob ek Rasel.
23Dann ek so garson Housim.
24Neftali ek so bann garson Yasiel, Gouni, Yetzer, ek Silem.
25Sa bannla set desandan Bila ek Zakob. Bila mem ki Laban ti donn so tifi Rasel kouma servant.
26Bann desandan Zakob ki finn al Lezip avek li, zot antou 66. Ladan, pa kont so bann belfi. 27Zozef ena de garson ki finn ne dan Lezip. Alor, ena antou 70#46:27 Gagn 70 kan azout tou bann desandan Lea, Zilpa, Rasel ek Bila. Get verse 15, 18, 22 ek 25. Me de parmi bann zanfan Zida, (get verse 12) ti fini mor dan Kanaan. desandan Zakob ki finn al Lezip.
Zakob ek so fami dan Lezip
28Izrael avoy Zida par devan kot Zozef pou prepar so vwayaz dan Gosenn. Kan zot ariv laba, 29Zozef prepar so kales, e li al akeyir so papa dan Gosenn. Kouma li zwenn so papa, li may so likou e li plore enn bon letan. 30Izrael dir Zozef: “Asterla mo kapav mor trankil, parski mo finn retrouv twa vivan.” 31Zozef dir so bann frer e tou lafami so papa: “Mo pe al dir Faraon ki mo bann frer ek tou lafami mo papa ki sorti Kanaan, finn vini. 32Mo pou fer li kone ki zot bann elver, e ki zot okip bann troupo. Mo pou osi fer li kone ki zot finn vinn avek zot bann troupo mouton, kabri, bef, ek tou zot dibien. 33Faraon pou apel zot e pou dimann zot ki travay zot fer. 34Zot bizin reponn: ‘Nou, to bann serviter, finn okip zanimo depi nou zenes ziska asterla. Parey kouma nou bann anset ti fer avan nou.’ Lerla, li pou permet zot res dan rezion Gosenn, parski bann Ezipsien pa kontan bann elver mouton ek kabri.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Kreol Morisien OT Portions © Bible Society of Mauritius, 2020.