Zenez 40
40
1-2Inpe letan apre, serviter ki servi lerwa so labwason, ek sef boulanze lerwa, komet enn fot. Faraon ankoler ar zot. 3Li fer met zot dan prizon kot so komandan gard rwayal. Dan sa prizon lamem Zozef ti ete. 4Komandan gard rwayal konfie Zozef sa de prizonie la. Zozef vey lor zot bienet. Zot res dan prizon pou inpe letan.
Zozef explik rev de prizonie Faraon
5Enn swar, serviter ki servi lerwa so labwason ek sef boulanze Faraon, toulede fer enn rev. Sak rev ena enn sinifikasion. 6Gramatin, kan Zozef vinn get zot, li trouv zot dan traka. 7Li dimann zot: “Kifer zot paret trakase koumsa zordi?” 8Zot reponn li: “Nou finn fer sakenn enn rev. Pena personn isi ki kapav explik nou sa bann rev la.” Zozef dir zot: “Bondie ki donn konesans pou interpret rev. Pa per! Rakont mwa zot rev.”
9Alor, serviter ki servi lerwa so labwason rakont Zozef so rev: “Dan mo rev, ti ena enn pie rezin divan mwa. 10Pie rezin la ti ena trwa brans. Kouma li ti koumans bourzone li ti anfler. Bann fler la finn raport bann grap rezin mir. 11Koup Faraon ti dan mo lame. Mo ti kas bann grap rezin e mo ti pers zot zi dan koup la. Lerla, mo finn met koup la dan lame Faraon.” 12Alor, Zozef dir li: “Ala seki to rev vedir: Trwa brans la reprezant trwa zour. 13Dan trwa zour Faraon pou relev to latet. Li pou redonn twa to travay. Lerla, to pou kapav servi li so divin, parey kouma to ti pe fer avan. 14Silteple, pa bliye mwa kan to pou dan bien. Koz mwa avek Faraon, pouki mo sorti dan sa prizon la. 15Bann dimoun finn anlev mwa lor later bann Ebre. Zot finn amenn mwa isi par lafors. Mem isi mo pa finn fer nanye ki merit prizon.”
16Kan sef boulanze trouve ki Zozef finn interpret rev la bien, li dir li: “Mwa osi mo finn fer enn rev. Dan mo rev, mo ti pe sarye trwa panie gato lor mo latet. 17Dan panie ki ti pli lao la, ti ena bann bon gato ki Faraon kontan. Me bann zwazo ti pe manz zot lor mo latet.” 18Zozef dir li: “Ala seki to rev vedir: Trwa panie la reprezant trwa zour. 19Dan trwa zour Faraon pou fer lev twa anler. Li pou fer pandi twa lor enn pie. Bann votour pou vinn manz to laser.”
20Trwa zour plitar, Faraon fet so laniverser. Li organiz enn gran repa pou tou so bann ofisie. Dan zot prezans, li fer amenn so de serviter e li donn sakenn enn pozision diferan. 21Serviter ki responsab pou servi li so labwason regagn so travay. Li rekoumans donn lerwa so koup divin. 22Me lerwa fer pandi so sef boulanze. Tou arive parey kouma Zozef ti dir. 23Pourtan, serviter ki responsab pou servi labwason lerwa la finn bliye Zozef.
Currently Selected:
Zenez 40: KMOTPOR
Highlight
Share
Copy
Want to have your highlights saved across all your devices? Sign up or sign in
Kreol Morisien OT Portions © Bible Society of Mauritius, 2020.
Zenez 40
40
1-2Inpe letan apre, serviter ki servi lerwa so labwason, ek sef boulanze lerwa, komet enn fot. Faraon ankoler ar zot. 3Li fer met zot dan prizon kot so komandan gard rwayal. Dan sa prizon lamem Zozef ti ete. 4Komandan gard rwayal konfie Zozef sa de prizonie la. Zozef vey lor zot bienet. Zot res dan prizon pou inpe letan.
Zozef explik rev de prizonie Faraon
5Enn swar, serviter ki servi lerwa so labwason ek sef boulanze Faraon, toulede fer enn rev. Sak rev ena enn sinifikasion. 6Gramatin, kan Zozef vinn get zot, li trouv zot dan traka. 7Li dimann zot: “Kifer zot paret trakase koumsa zordi?” 8Zot reponn li: “Nou finn fer sakenn enn rev. Pena personn isi ki kapav explik nou sa bann rev la.” Zozef dir zot: “Bondie ki donn konesans pou interpret rev. Pa per! Rakont mwa zot rev.”
9Alor, serviter ki servi lerwa so labwason rakont Zozef so rev: “Dan mo rev, ti ena enn pie rezin divan mwa. 10Pie rezin la ti ena trwa brans. Kouma li ti koumans bourzone li ti anfler. Bann fler la finn raport bann grap rezin mir. 11Koup Faraon ti dan mo lame. Mo ti kas bann grap rezin e mo ti pers zot zi dan koup la. Lerla, mo finn met koup la dan lame Faraon.” 12Alor, Zozef dir li: “Ala seki to rev vedir: Trwa brans la reprezant trwa zour. 13Dan trwa zour Faraon pou relev to latet. Li pou redonn twa to travay. Lerla, to pou kapav servi li so divin, parey kouma to ti pe fer avan. 14Silteple, pa bliye mwa kan to pou dan bien. Koz mwa avek Faraon, pouki mo sorti dan sa prizon la. 15Bann dimoun finn anlev mwa lor later bann Ebre. Zot finn amenn mwa isi par lafors. Mem isi mo pa finn fer nanye ki merit prizon.”
16Kan sef boulanze trouve ki Zozef finn interpret rev la bien, li dir li: “Mwa osi mo finn fer enn rev. Dan mo rev, mo ti pe sarye trwa panie gato lor mo latet. 17Dan panie ki ti pli lao la, ti ena bann bon gato ki Faraon kontan. Me bann zwazo ti pe manz zot lor mo latet.” 18Zozef dir li: “Ala seki to rev vedir: Trwa panie la reprezant trwa zour. 19Dan trwa zour Faraon pou fer lev twa anler. Li pou fer pandi twa lor enn pie. Bann votour pou vinn manz to laser.”
20Trwa zour plitar, Faraon fet so laniverser. Li organiz enn gran repa pou tou so bann ofisie. Dan zot prezans, li fer amenn so de serviter e li donn sakenn enn pozision diferan. 21Serviter ki responsab pou servi li so labwason regagn so travay. Li rekoumans donn lerwa so koup divin. 22Me lerwa fer pandi so sef boulanze. Tou arive parey kouma Zozef ti dir. 23Pourtan, serviter ki responsab pou servi labwason lerwa la finn bliye Zozef.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Kreol Morisien OT Portions © Bible Society of Mauritius, 2020.