Irm 9
9
Enkai o ltung'ana lenyena
1Isipat ajoito tiatua Kristo, malejisho nanu; naaishakenoki nanu oltau lai te Nkiyang'et Sinyati, 2nchere kaara sapuk oleng osina o emion ti atua oltau lai. 3Amu ketaa kayieu napaji naa nanu makewan edeki naadung'ori aarishie Kristo te nkaraki lalashera, laainei entalipa o lorere lai. 4#Ena 9.4 Isiraeli ninche, naa ninche eitaa nkera enyena, neisho enkitoo, ilkulenye isotuaitin, ninche eishooki Nkitanapat, o esayiata e Nkai o nkisiligat enyena; 5ilkulenye iloo Akuiyiaa, naa ole ilo orere Kristo. Metamayiani Enkai natii shumata pooki ntarasi. Esai.
6Kake mme taa doi keetae enaturua ororei le Nkai. Amu mme Siraeli ate lelo pooki le ishoi e Siraeli, 7#Enk 21.12 neme nkera e Abraham lelo pooki le ishoi enye; kake, “Nkera e Isaak eji nkera inono.” 8Nejo ina nchere mme nena kera o sesen naara nne Nkai, kake nkera e nkisiligata enye eikenakini aajo eishoi enye. 9#Enk 18.10 Amu inji etejo enkisiligata enye, “Kalotu kenya tena rishata netum Sara enkayioni.” 10Neme neijia ake, kake inoolpayian obo papa lang Isaak nkera e Rebeka. 11Kake, ore meino eton eitu eas ninche ae supat aashu entorrono, ore eji peyie eitobirari eyieunoto e Nkai o engelunoto enye, neme te nkaraki isiaaitin kake te nkaraki e nkipototo enye, 12#Enk 25.23 nejokini Rebeka, “Keaku olbotor oisiaai oloti.” 13#Mal 1.2-3 Anaa enatisiraki aajo, “Yakobo atonyorra kake aibayie Esau.”
14Aikijo aa iyiook? Aikijo mme asipani Enkai te nkiguana enye? Mme neijia pae! 15#Ena 33.19 Amu etiaaka ninye Musa, “Nanu oing'urrie olayieu naing'urrie, naitanana oshoke to layieu naduaya.” 16Ore pooki nemeigarakino enayieu oltung'ani, kake eigarakino olng'ur le Nkai. 17#Ena 9.16 Amu etiaakita Ilkigerot Farao, “Nanu laailepie naa kajo paa te iyie aitoduaaya engolon ai, nelikiori enkarna ai tiatua enkop pooki.” 18Neaku ninye oing'urrie oloyieu neing'urrie, neitagol oltau lo loyieu neitagol.
Engoro e Nkai o lng'ur lenye
19Naa ore taata nikijoki, “Oo naa pee eitokini ake aajo eitarruoitie ltung'ana?” Ae ng'ae oidim aibooi eyieunoto enye? 20#Isa 29.16; 45.9 Kake aira ng'ae lo tung'ani owaliki Enkai? Kejoki entoki naitobiruni ilo oitobirita, “Oo pee kintayio aikunu inji? 21Eimeitore esarng'ab oloitobiru motioo e sarng'ab, neitainyie ae entoki sidai nashili, neitobirie ae entoki ake naasishoreki? 22Oo te naa Enkai nayieu, ejo pee etumoki aitoduaai engoro enye neyiolouni sii engolon enye, netang'asa ang'iriaki oleng lelo oora ile ngoro laa enkitarruorroto ake eitobirakaki, 23naa ore pee eyiolouni eneba enkarsisisho e nkitoo enye te lelo laa olng'ur eitobirakaki, naa ninye sii oitera aitobiraki ninche te dukuya te nkitoo enye, 24iyiook taa lelo laa ninye oitopiwuo, neme too Lyahudi ake kake too Loreren sii?” 25#Hos 2.23 Nesipa etejo ninye te Hosea,
“Iltung'ana apa leme laainei ayooki nanu aipot ajo,
‘ltung'ana laainei’, ore apa ina tinki
nayooki nanu ajo, ‘Enkirotet ai.’ ”
26 #
Hos 1.10
“Ore te napa ake wueji netiaakinyeki
ninche, ‘Mirara ltung'ana laainei’ te ina
eyookini aajo ninche ‘Nkera e Nkai naishu.’ ”
27 #
Isa 10.22-23
Netabuaa Isaya ajo ti alo Siraeli: “Ore hoo neba nkera e Siraeli anaa osinyai le naiposha, oloti pisiai ake eitajeuni ti atua ninche; 28amu keitabaiki Enkai enkop enkiguana natudung'oko asioki o te ngolon.” 29#Isa 1.9 Naa ore anaa enatoduaa Isaya, “Te neme Olaitoriani loo lororani otelekaka iyiook nkera, anaata kitotiutuo anaa Sodom, neikoni iyiook anaa Gomora.”
Enkomono e Paulo te nkaraki Isiraeli
30Aikijo aa naa iyiook? Iloreren leitu eing'oru ninche esupatisho ninche oonoto, naa to rrekie le nkirukoto; 31kake eji ore ninche Siraeli ooing'orutua esupatisho aa nekua kitanapat eitasheyie neitu eidim ninche aaitabai nena kitanapat. 32Aainyo? Enkaraki neitu eing'oru to rrekie le nkirukoto, kake etiu anaa too nkiaasin. Ketarrorrote te ilo soit orrorrisho, 33#Isa 28.16 anaa enatisiraki, “Ng'ura, nanu oirragie te Sion osoit orror iltung'ana, osoit kitok obatat ninche, kake ore oloiruk ninye nemeitukurruni.”
Currently Selected:
Irm 9: SINYATI
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2020
©Bible Society of Tanzania, 2020
Irm 9
9
Enkai o ltung'ana lenyena
1Isipat ajoito tiatua Kristo, malejisho nanu; naaishakenoki nanu oltau lai te Nkiyang'et Sinyati, 2nchere kaara sapuk oleng osina o emion ti atua oltau lai. 3Amu ketaa kayieu napaji naa nanu makewan edeki naadung'ori aarishie Kristo te nkaraki lalashera, laainei entalipa o lorere lai. 4#Ena 9.4 Isiraeli ninche, naa ninche eitaa nkera enyena, neisho enkitoo, ilkulenye isotuaitin, ninche eishooki Nkitanapat, o esayiata e Nkai o nkisiligat enyena; 5ilkulenye iloo Akuiyiaa, naa ole ilo orere Kristo. Metamayiani Enkai natii shumata pooki ntarasi. Esai.
6Kake mme taa doi keetae enaturua ororei le Nkai. Amu mme Siraeli ate lelo pooki le ishoi e Siraeli, 7#Enk 21.12 neme nkera e Abraham lelo pooki le ishoi enye; kake, “Nkera e Isaak eji nkera inono.” 8Nejo ina nchere mme nena kera o sesen naara nne Nkai, kake nkera e nkisiligata enye eikenakini aajo eishoi enye. 9#Enk 18.10 Amu inji etejo enkisiligata enye, “Kalotu kenya tena rishata netum Sara enkayioni.” 10Neme neijia ake, kake inoolpayian obo papa lang Isaak nkera e Rebeka. 11Kake, ore meino eton eitu eas ninche ae supat aashu entorrono, ore eji peyie eitobirari eyieunoto e Nkai o engelunoto enye, neme te nkaraki isiaaitin kake te nkaraki e nkipototo enye, 12#Enk 25.23 nejokini Rebeka, “Keaku olbotor oisiaai oloti.” 13#Mal 1.2-3 Anaa enatisiraki aajo, “Yakobo atonyorra kake aibayie Esau.”
14Aikijo aa iyiook? Aikijo mme asipani Enkai te nkiguana enye? Mme neijia pae! 15#Ena 33.19 Amu etiaaka ninye Musa, “Nanu oing'urrie olayieu naing'urrie, naitanana oshoke to layieu naduaya.” 16Ore pooki nemeigarakino enayieu oltung'ani, kake eigarakino olng'ur le Nkai. 17#Ena 9.16 Amu etiaakita Ilkigerot Farao, “Nanu laailepie naa kajo paa te iyie aitoduaaya engolon ai, nelikiori enkarna ai tiatua enkop pooki.” 18Neaku ninye oing'urrie oloyieu neing'urrie, neitagol oltau lo loyieu neitagol.
Engoro e Nkai o lng'ur lenye
19Naa ore taata nikijoki, “Oo naa pee eitokini ake aajo eitarruoitie ltung'ana?” Ae ng'ae oidim aibooi eyieunoto enye? 20#Isa 29.16; 45.9 Kake aira ng'ae lo tung'ani owaliki Enkai? Kejoki entoki naitobiruni ilo oitobirita, “Oo pee kintayio aikunu inji? 21Eimeitore esarng'ab oloitobiru motioo e sarng'ab, neitainyie ae entoki sidai nashili, neitobirie ae entoki ake naasishoreki? 22Oo te naa Enkai nayieu, ejo pee etumoki aitoduaai engoro enye neyiolouni sii engolon enye, netang'asa ang'iriaki oleng lelo oora ile ngoro laa enkitarruorroto ake eitobirakaki, 23naa ore pee eyiolouni eneba enkarsisisho e nkitoo enye te lelo laa olng'ur eitobirakaki, naa ninye sii oitera aitobiraki ninche te dukuya te nkitoo enye, 24iyiook taa lelo laa ninye oitopiwuo, neme too Lyahudi ake kake too Loreren sii?” 25#Hos 2.23 Nesipa etejo ninye te Hosea,
“Iltung'ana apa leme laainei ayooki nanu aipot ajo,
‘ltung'ana laainei’, ore apa ina tinki
nayooki nanu ajo, ‘Enkirotet ai.’ ”
26 #
Hos 1.10
“Ore te napa ake wueji netiaakinyeki
ninche, ‘Mirara ltung'ana laainei’ te ina
eyookini aajo ninche ‘Nkera e Nkai naishu.’ ”
27 #
Isa 10.22-23
Netabuaa Isaya ajo ti alo Siraeli: “Ore hoo neba nkera e Siraeli anaa osinyai le naiposha, oloti pisiai ake eitajeuni ti atua ninche; 28amu keitabaiki Enkai enkop enkiguana natudung'oko asioki o te ngolon.” 29#Isa 1.9 Naa ore anaa enatoduaa Isaya, “Te neme Olaitoriani loo lororani otelekaka iyiook nkera, anaata kitotiutuo anaa Sodom, neikoni iyiook anaa Gomora.”
Enkomono e Paulo te nkaraki Isiraeli
30Aikijo aa naa iyiook? Iloreren leitu eing'oru ninche esupatisho ninche oonoto, naa to rrekie le nkirukoto; 31kake eji ore ninche Siraeli ooing'orutua esupatisho aa nekua kitanapat eitasheyie neitu eidim ninche aaitabai nena kitanapat. 32Aainyo? Enkaraki neitu eing'oru to rrekie le nkirukoto, kake etiu anaa too nkiaasin. Ketarrorrote te ilo soit orrorrisho, 33#Isa 28.16 anaa enatisiraki, “Ng'ura, nanu oirragie te Sion osoit orror iltung'ana, osoit kitok obatat ninche, kake ore oloiruk ninye nemeitukurruni.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2020
©Bible Society of Tanzania, 2020