ROMA 9
9
Mungú nee mukós
1Aníng gaarí ni kah ar ló', asma an káh ar baraá Kristo, slám lama a ooaaká. Muunaáeé' nee Qeeruú hhoohhoó' oo Mungú a lamabu'uuse dinkwa nee aníng niwa kah, 2aníng gurhaamír yaariir a koóm ar ló'wa slahh'eemiis baraá muunaáeene umuúqo daqto. 3Án geeraawo gár ni slaa' masók tin lu'us nee tiwa paraatli dír Kristowo, adoorí geera bir alee/isoó huba dír hhaee'eene, kudá' tlahhay'eé'. 4Inooín a múk Israeli. Kina harafadiít tawa na/aá Mungú. Inooín xirfuú Mungú nguna ariyé'. Slám Mungú gina alqadoorós i haniís, nee hara'ayaaro. Nee slám dabér saalíngw Doó Mungú kana amor'ín i haniís, nee al'axweesantá Munguhe. 5Inooín a laqwalór baabi'iidá' aáng. Nee Kristo dír naa daáhh a baraá tlahhay'ín xwaylár slaqwto. Inós a Mungú mura' sleémeero gu baliít. Inós i xirfuuti ay alhhe'eesay wasle. Amin.
6Ala a ooaaká axweesantá Mungú ina warqeér. Asma múk xoorór Israeli sleémeero a múk Israeli oo kil'eeká. 7Nee slám a ooanaaká xwaylár Abrahamu sleémeero a na/aá Abrahamu. Asma tí kaa gooín, «Na/aá Isaka an kudá' ta bay na/iiwók.» 8Gídaabárós a tí, tlahhoó hee, hee gu na/oó Mungú tleehhiiká. Ala na/iidá' taa laqwalín as al'axweesantá Mungú, kudá' an na/aá Abrahamu. 9Asma /aymuuduú al'axweesani a kwí, «Aníng ni kii/ kurko qoomár adoorihe, Sara na/oó garma gwa xwayluúr.»
10Ala a tí kiloseeká. Rebeka na/ii gina dír hhawaatuú wák wa xwayluúr, inós an Isaka, baabuúrén 11Gawaá adoorihe qoomár daaqaywí kuwa laqwaliiká, qoomár gár hhoo' laqaá gár tlaakw ar taa tleéhh iwa kahh, asma adoodá' Mungú aa slaá', nee adoodá' aa tsawaár tawa adoodá' warqawaaká, asma tsawdór Mungú gár i eeharahat a tlehhma'aá mukooká, ala a ateetamór Mungú. 12Qoomaadae Mungú Rebeka gari báy, «Garmoó úr garmoó niiná gu sagadiyuus.» 13Asma tí kaa gooín, «Aníng Yakobo una slaá', ala Esau una aáhh.»
14Ala gár ta ooaan a milá gawaá daanduú tihe? Ar Mungú i tlehhiiti a tidá' gan'amuú koomaakáhe? Aasla'áy, a adoosingeeká. 15Asma Mungú Mose guna báy, «Án hee bur gurtleemuú wa slaá', u gurtláw. Nee kudá' guruueé' iwa tlatlay, u gurtleemuú i tleéhh.» 16Gawaá adoorihe gurtleemuú Mungú a ooanaaká kun slasláy as adoodá' hee i slai, laqaá as ilakaaharuuwós, ala kun slasláy as adoodá' Mungú i slai daanduú heewo, Munguúdá' gurtleemuú hanmiís. 17Asma baraá Gooiro Mungú Farao guna báy, «Án kuúng gár usa waawutmoó wa qaás a tí, /uuruueé' nguwa gawaawók i laqaam, nee as umuueé' kuwa alki/iiti baraá yaamu sleémeerowo.» 18Ala bar adoorí, Mungú barnaxes hee gu gurtleemuú wa slaa', guqo gurtláy, nee barnaxes hee gu muuná gawdeesár wa slaa', guqo muuná gawdees.
Xaraasleemaá Mungú nee gurtleemuuwós
19Án ngi slaá' daxta kuúng i yaahás tawa o', «Bar adoosíng, Mungú adór ir kaahi dakuús amór naa dáhh a amór hee? Asma heé sla'aarír Mungú ilaa/aro ga aleesláw a heemá?» 20Ala kuúng heé, kuúng a heemá, tiwa tlaampa'aamisa' nee Mungú? Gár taa tleéhh, tleehharusmoowós gunqo beéra, «Aníng misa adoorír tléhh?» 21Ahaá, tleeusmo i aleesleemuú kónke daanduú tleeiro, tam baraá /aarmoó wák oo tleeiro xooslmoó wák guri tleehh oo hhoohhoó', nee oo hatlá' oo hhoohhooeeká.
22Mungú xaraasleemawós gi laqaamár wa slaa', nee aleesleemuuwós nguwa laqan. Ala Mungú xaraasleemawós gaa ala alqiítl, nee xooslaadá' taa qwanáy wa tleéhh, gana ala máy ar qitluú yaariír, as mingiwa hhitín. 23Adoorí gana tleéhh as xooslaadá' gurtleemuú slaw ngiwa xirfuuwós oo yaariír i geehhooeesi. Kuká' an kudá' aa amohhe'eés as xirif kuwa slay. 24Tam atén sleeme tina ateét tawa xooslár adór tí. Ala múk taa ateét a har múk Yahudi kiloseeká, a múk xoordaá hatlá' sleeme. 25Tí an tidá' Mungú baraá kitaábuú aarusmo Hoseawo aa oó',
«Mukdá' aáng kwe'eeneeká,
un baw, Kuungá' a muk'eé'.
Nee /ameenidá' aáng naa sií',
an baw, Sla'aaruso'or'eé'.
26Nee didaádá' aáng inooín kiwa báy,
‹Kuungá' a muk'eeneeká,›
didár kilae kin bay,
‹Kuungá' a na/aá Mungú kudá' slaáf.› »
27Nee aarusmo Isaya ina axweés sleeme daanduú múk Israeliwo, iri tseé' iri oó',
«Múk Israeli tam ku yaariire
adór hhasángw afaá tlawi,
ala múk ba/ám baraaine ku niiná.
28Adoodá' Mungú aa oó' ngiwa tleehhi,
inós adoodá' ga tleehh ar gaanslaay,
axweesantós gari boo/ees baraá yaamuwo.»
29Nee slám Isaya gaa qaroó geerií oó' iwa kaahi, «Aakoó Aleesleemusmo geera bar xwayla ngaa amooréní meetisiiká, atén geera a adór Sodoma, geera taa alqoomeés nee Gomora.»
Múk Israeli nee Ya/abtór hho'
30Ala gár ta ooaan a milá daanduú tihe? Mukduú xoordaá hatlá' oo gan'amu gwa leelehhitiiká dír Munguhe, inooín kaa gan'amuú i harafaár ar loohír haratlintaao. 31Ala múk Israeli hara'aya gana leelehhiít as gan'amu kuwa slay, ala inooín kaa gan'amuú i harafaariiká. 32Asma milá? Asma gan'amu kuna leelehhiít ar tlehhemi'i, slám ar haratlintaaoorooká. Inooín tari dukuúts gawaá tlaa/anooduú dukuutsmo. 33Adoodá' kara gooín,
«Qaytsiít, aníng tlaa/anoó dukuutsmo u qaás baraá Siyoni,
nee tlaa/ár muu gu daraahh.
Ala umuúqo heewo oo inós gwaa haratlintii'
ku mureekeesiiká.»
Currently Selected:
ROMA 9: IRQW
Highlight
Copy
Compare
Share
Want to have your highlights saved across all your devices? Sign up or sign in
The Bible in Iraqw © Bible Society of Tanzania, 2004.
ROMA 9
9
Mungú nee mukós
1Aníng gaarí ni kah ar ló', asma an káh ar baraá Kristo, slám lama a ooaaká. Muunaáeé' nee Qeeruú hhoohhoó' oo Mungú a lamabu'uuse dinkwa nee aníng niwa kah, 2aníng gurhaamír yaariir a koóm ar ló'wa slahh'eemiis baraá muunaáeene umuúqo daqto. 3Án geeraawo gár ni slaa' masók tin lu'us nee tiwa paraatli dír Kristowo, adoorí geera bir alee/isoó huba dír hhaee'eene, kudá' tlahhay'eé'. 4Inooín a múk Israeli. Kina harafadiít tawa na/aá Mungú. Inooín xirfuú Mungú nguna ariyé'. Slám Mungú gina alqadoorós i haniís, nee hara'ayaaro. Nee slám dabér saalíngw Doó Mungú kana amor'ín i haniís, nee al'axweesantá Munguhe. 5Inooín a laqwalór baabi'iidá' aáng. Nee Kristo dír naa daáhh a baraá tlahhay'ín xwaylár slaqwto. Inós a Mungú mura' sleémeero gu baliít. Inós i xirfuuti ay alhhe'eesay wasle. Amin.
6Ala a ooaaká axweesantá Mungú ina warqeér. Asma múk xoorór Israeli sleémeero a múk Israeli oo kil'eeká. 7Nee slám a ooanaaká xwaylár Abrahamu sleémeero a na/aá Abrahamu. Asma tí kaa gooín, «Na/aá Isaka an kudá' ta bay na/iiwók.» 8Gídaabárós a tí, tlahhoó hee, hee gu na/oó Mungú tleehhiiká. Ala na/iidá' taa laqwalín as al'axweesantá Mungú, kudá' an na/aá Abrahamu. 9Asma /aymuuduú al'axweesani a kwí, «Aníng ni kii/ kurko qoomár adoorihe, Sara na/oó garma gwa xwayluúr.»
10Ala a tí kiloseeká. Rebeka na/ii gina dír hhawaatuú wák wa xwayluúr, inós an Isaka, baabuúrén 11Gawaá adoorihe qoomár daaqaywí kuwa laqwaliiká, qoomár gár hhoo' laqaá gár tlaakw ar taa tleéhh iwa kahh, asma adoodá' Mungú aa slaá', nee adoodá' aa tsawaár tawa adoodá' warqawaaká, asma tsawdór Mungú gár i eeharahat a tlehhma'aá mukooká, ala a ateetamór Mungú. 12Qoomaadae Mungú Rebeka gari báy, «Garmoó úr garmoó niiná gu sagadiyuus.» 13Asma tí kaa gooín, «Aníng Yakobo una slaá', ala Esau una aáhh.»
14Ala gár ta ooaan a milá gawaá daanduú tihe? Ar Mungú i tlehhiiti a tidá' gan'amuú koomaakáhe? Aasla'áy, a adoosingeeká. 15Asma Mungú Mose guna báy, «Án hee bur gurtleemuú wa slaá', u gurtláw. Nee kudá' guruueé' iwa tlatlay, u gurtleemuú i tleéhh.» 16Gawaá adoorihe gurtleemuú Mungú a ooanaaká kun slasláy as adoodá' hee i slai, laqaá as ilakaaharuuwós, ala kun slasláy as adoodá' Mungú i slai daanduú heewo, Munguúdá' gurtleemuú hanmiís. 17Asma baraá Gooiro Mungú Farao guna báy, «Án kuúng gár usa waawutmoó wa qaás a tí, /uuruueé' nguwa gawaawók i laqaam, nee as umuueé' kuwa alki/iiti baraá yaamu sleémeerowo.» 18Ala bar adoorí, Mungú barnaxes hee gu gurtleemuú wa slaa', guqo gurtláy, nee barnaxes hee gu muuná gawdeesár wa slaa', guqo muuná gawdees.
Xaraasleemaá Mungú nee gurtleemuuwós
19Án ngi slaá' daxta kuúng i yaahás tawa o', «Bar adoosíng, Mungú adór ir kaahi dakuús amór naa dáhh a amór hee? Asma heé sla'aarír Mungú ilaa/aro ga aleesláw a heemá?» 20Ala kuúng heé, kuúng a heemá, tiwa tlaampa'aamisa' nee Mungú? Gár taa tleéhh, tleehharusmoowós gunqo beéra, «Aníng misa adoorír tléhh?» 21Ahaá, tleeusmo i aleesleemuú kónke daanduú tleeiro, tam baraá /aarmoó wák oo tleeiro xooslmoó wák guri tleehh oo hhoohhoó', nee oo hatlá' oo hhoohhooeeká.
22Mungú xaraasleemawós gi laqaamár wa slaa', nee aleesleemuuwós nguwa laqan. Ala Mungú xaraasleemawós gaa ala alqiítl, nee xooslaadá' taa qwanáy wa tleéhh, gana ala máy ar qitluú yaariír, as mingiwa hhitín. 23Adoorí gana tleéhh as xooslaadá' gurtleemuú slaw ngiwa xirfuuwós oo yaariír i geehhooeesi. Kuká' an kudá' aa amohhe'eés as xirif kuwa slay. 24Tam atén sleeme tina ateét tawa xooslár adór tí. Ala múk taa ateét a har múk Yahudi kiloseeká, a múk xoordaá hatlá' sleeme. 25Tí an tidá' Mungú baraá kitaábuú aarusmo Hoseawo aa oó',
«Mukdá' aáng kwe'eeneeká,
un baw, Kuungá' a muk'eé'.
Nee /ameenidá' aáng naa sií',
an baw, Sla'aaruso'or'eé'.
26Nee didaádá' aáng inooín kiwa báy,
‹Kuungá' a muk'eeneeká,›
didár kilae kin bay,
‹Kuungá' a na/aá Mungú kudá' slaáf.› »
27Nee aarusmo Isaya ina axweés sleeme daanduú múk Israeliwo, iri tseé' iri oó',
«Múk Israeli tam ku yaariire
adór hhasángw afaá tlawi,
ala múk ba/ám baraaine ku niiná.
28Adoodá' Mungú aa oó' ngiwa tleehhi,
inós adoodá' ga tleehh ar gaanslaay,
axweesantós gari boo/ees baraá yaamuwo.»
29Nee slám Isaya gaa qaroó geerií oó' iwa kaahi, «Aakoó Aleesleemusmo geera bar xwayla ngaa amooréní meetisiiká, atén geera a adór Sodoma, geera taa alqoomeés nee Gomora.»
Múk Israeli nee Ya/abtór hho'
30Ala gár ta ooaan a milá daanduú tihe? Mukduú xoordaá hatlá' oo gan'amu gwa leelehhitiiká dír Munguhe, inooín kaa gan'amuú i harafaár ar loohír haratlintaao. 31Ala múk Israeli hara'aya gana leelehhiít as gan'amu kuwa slay, ala inooín kaa gan'amuú i harafaariiká. 32Asma milá? Asma gan'amu kuna leelehhiít ar tlehhemi'i, slám ar haratlintaaoorooká. Inooín tari dukuúts gawaá tlaa/anooduú dukuutsmo. 33Adoodá' kara gooín,
«Qaytsiít, aníng tlaa/anoó dukuutsmo u qaás baraá Siyoni,
nee tlaa/ár muu gu daraahh.
Ala umuúqo heewo oo inós gwaa haratlintii'
ku mureekeesiiká.»
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Bible in Iraqw © Bible Society of Tanzania, 2004.