ROMA 4
4
Slaqsoó Abrahamu
1Ala gár ta ooaan a milá daanduú baabuúrén Abrahamuwo. 2Asma bar Abrahamu kuna gan'amuú i harafaár as tlehhmi'iiwós, inós i harín tiwa xirfayeemisi. Ala dír geeraá Munguhe gár tis xirfayeemisi i káhh. 3Gooi gár i kat a milá? «Abrahamu Mungú guna haratlintií'. Inós kuri gan'amií harafaár ar haratlintaaoorós.» 4Ala dír heedaádá' gadiyér tleehha, bu'utuuwós ku harafaariiká tawa tawo qeemu. Ala an hariímarós. 5Ala a gár dimbé dír heedaádá' tlehhma'aá koomaakahe, ala gár i kon a Mungú guna haratlintií', Munguúdá' heé tlakusmo gu gan'amií harafaár. Heé adoorí Mungú gun gan'amií harafaar as haratlintaaoorós. 6Gaarí an gár Daudi sleeme isa adoorír axweés daanduú amohhooár heedá' Mungú aa gan'amií harafaár oo tlehhma'aá koomaaká,
7«Múk amohhoó' an kudá' dakuúsar'ín taa gurtláy,
nee kudá' tlakweemaaín taa tuuntuúk.
8Heé amohhoó' a kudá' Aako i tlakweemaá i harafadiitiiká.»
9Xáy, amohhooarí dír kay káh a dír mukdá' taa al/utlíni, laqaá tam dír mukdá' taa al/utlinká sleeme? Asma adoodá' Gooi i kat ana qaroó ooaán, «Abrahamu Mungú guna haratlintií'. Inós kuri gan'amií harafaár ar haratlintaaoorós.» 10Adór kura harafaár gan'amií i alé a adoomá? A qoomár inós kuwa al/uútli, laqaá a qoomár inós kuwa al/utliiká? Abrahamu kuna gan'amií harafaár qoomár inós kuwa al/utliiká, ala a alaá al/utloorooká. 11Aluuwo kuri al/uútl. Al/utloorós a layár taa haniís nee Mungú adór inós kura gan'amií harafaár as haratlintaaoodá' i kon qoomár inós kuwa al/utliiká. Gawaá adoorihe Abrahamu tari baabuú mukdá' sleémeero taa al/utliniiká, kudá' haratlintaatiiá', as inooín sleeme kiwa gan'amií harafaari. 12Slám inós a malé baabuú mukdá' taa al/utlín. Ala a as al/utlo kiloseeká, asma inooín baraá slafingw'ine haratlintaaoodár Abrahamu ngaa eehariyé', tidá' Abrahamu i kon iimír inós kuwa al/utliiká.
Al'axweesantá Mungú
13Mungú al'axweesani gana oó' dír Abrahamu nee xwaylarós yaamu kiwa aali. Al'axweesantí kaa haniisiiká asma Abrahamu hara'aya ngiwa eehár, ala kana haniís as adoodá' inós kuwa gan'amuú i harafaár nee Mungú as haratlintaao. 14Asma mukdá' hara'ayár eeharahár, bar inooín a aaluuse, daqaní haratlintaao gaarós i káhh, nee al'axweesantá Mungú kaa hingeés. 15Asma hara'aya sakwasleemár Mungú gan huwaahúp, ala didár hara'aya iwa kahh, dakuús sleeme i káhh.
16Gawaá adoorihe muruudá' Mungú aa axweés dír Abrahamú i aleeró, sleemuuwós gár i ga/ay a haratlintaao. Gawaá adoorihe hee bir haratlintaaór kón, Mungú muruuwí guqo tawó haniis. Al'axweesantí a dír xwaylár Abrahamu sleémeerowo. Ala a dír kudá' kilooineeká awa hara'ayár Mose koomá', ala tam dír kudá' haratlintaaór Abrahamú koomá' sleeme. Asma inós dír atén sleémeerowo a baabá, 17adoodá' kara gooín, tawa kaahi, «Án kuúng ugwa qaás tawa baabuú xoordaá yaariir.» Gawaá adoorihe inós an baabuú xoordaá yaariir dír geeraá Munguhe, Munguúdá' inós aa haratlintií'. Munguúwí an kudá' múk aa qaatl gu slafíngw i hanimiís, slám an kudá' mura' sleémeero oo kaáhh gu ateetiím tawa adór muruú dáw. 18Qoomár haraxu'uti iwa kahh, inós ina haratlintií' ar haraxu'uti adór inós ir baabuú xoordaá yaariir tleehhiiti, adoodá' kura ádbáy tawa kaahi, «Adoorí an adór xwaylarók ir tlahh.» 19Abrahamu kureeriiwós tsiiruú wake naa nakaa/iyé'. Inós slaqwtós gari alqaytsiít naxés gwa'araaro aa nakaá/. Nee slám xwaylár Sara aa tsatít. Ala tam adoorihe Abrahamu aa mune si'iiká baraá haratlintaaoorose. 20Inós al'axweesantá Mungú gaa xurér wa ariiká baloó ale. Ala haratlintaaoorós kana /uurií doók, Mungú guri xirfayeemiís. 21Nee slám al'axweesantá Mungú gari haraxuú' adór Mungú tidá' aa dir'ínií al'axweés ngir aleesláy tleehhamooro. 22Gawaá adoorihe inós kuri gan'amií harafaár ar haratlintaaoorós. 23Axweesanaywí gooi iwa kat, «Inós kuna gan'amií harafaár ar haratlintaaoorós.» Axweesanaywí kwaa gooinká as inós kilós, 24ala kuna gooín as atén sleeme. Asma tam atén sleeme ti gan'amuú i harafaar as haratlintaao, asma atén Mungú un haratlintaatiaán, kudá' Yesu, Aakoorén, ngwa waasle/atis baraá múk aa qaátl wa ale. 25Yesu kuna haniís iwa gwaai as tlakweemaarén, nee kunguri waaslee/atís as atén tiwa gan'amuú i harafaari.
Currently Selected:
ROMA 4: IRQW
Highlight
Copy
Compare
Share
Want to have your highlights saved across all your devices? Sign up or sign in
The Bible in Iraqw © Bible Society of Tanzania, 2004.
ROMA 4
4
Slaqsoó Abrahamu
1Ala gár ta ooaan a milá daanduú baabuúrén Abrahamuwo. 2Asma bar Abrahamu kuna gan'amuú i harafaár as tlehhmi'iiwós, inós i harín tiwa xirfayeemisi. Ala dír geeraá Munguhe gár tis xirfayeemisi i káhh. 3Gooi gár i kat a milá? «Abrahamu Mungú guna haratlintií'. Inós kuri gan'amií harafaár ar haratlintaaoorós.» 4Ala dír heedaádá' gadiyér tleehha, bu'utuuwós ku harafaariiká tawa tawo qeemu. Ala an hariímarós. 5Ala a gár dimbé dír heedaádá' tlehhma'aá koomaakahe, ala gár i kon a Mungú guna haratlintií', Munguúdá' heé tlakusmo gu gan'amií harafaár. Heé adoorí Mungú gun gan'amií harafaar as haratlintaaoorós. 6Gaarí an gár Daudi sleeme isa adoorír axweés daanduú amohhooár heedá' Mungú aa gan'amií harafaár oo tlehhma'aá koomaaká,
7«Múk amohhoó' an kudá' dakuúsar'ín taa gurtláy,
nee kudá' tlakweemaaín taa tuuntuúk.
8Heé amohhoó' a kudá' Aako i tlakweemaá i harafadiitiiká.»
9Xáy, amohhooarí dír kay káh a dír mukdá' taa al/utlíni, laqaá tam dír mukdá' taa al/utlinká sleeme? Asma adoodá' Gooi i kat ana qaroó ooaán, «Abrahamu Mungú guna haratlintií'. Inós kuri gan'amií harafaár ar haratlintaaoorós.» 10Adór kura harafaár gan'amií i alé a adoomá? A qoomár inós kuwa al/uútli, laqaá a qoomár inós kuwa al/utliiká? Abrahamu kuna gan'amií harafaár qoomár inós kuwa al/utliiká, ala a alaá al/utloorooká. 11Aluuwo kuri al/uútl. Al/utloorós a layár taa haniís nee Mungú adór inós kura gan'amií harafaár as haratlintaaoodá' i kon qoomár inós kuwa al/utliiká. Gawaá adoorihe Abrahamu tari baabuú mukdá' sleémeero taa al/utliniiká, kudá' haratlintaatiiá', as inooín sleeme kiwa gan'amií harafaari. 12Slám inós a malé baabuú mukdá' taa al/utlín. Ala a as al/utlo kiloseeká, asma inooín baraá slafingw'ine haratlintaaoodár Abrahamu ngaa eehariyé', tidá' Abrahamu i kon iimír inós kuwa al/utliiká.
Al'axweesantá Mungú
13Mungú al'axweesani gana oó' dír Abrahamu nee xwaylarós yaamu kiwa aali. Al'axweesantí kaa haniisiiká asma Abrahamu hara'aya ngiwa eehár, ala kana haniís as adoodá' inós kuwa gan'amuú i harafaár nee Mungú as haratlintaao. 14Asma mukdá' hara'ayár eeharahár, bar inooín a aaluuse, daqaní haratlintaao gaarós i káhh, nee al'axweesantá Mungú kaa hingeés. 15Asma hara'aya sakwasleemár Mungú gan huwaahúp, ala didár hara'aya iwa kahh, dakuús sleeme i káhh.
16Gawaá adoorihe muruudá' Mungú aa axweés dír Abrahamú i aleeró, sleemuuwós gár i ga/ay a haratlintaao. Gawaá adoorihe hee bir haratlintaaór kón, Mungú muruuwí guqo tawó haniis. Al'axweesantí a dír xwaylár Abrahamu sleémeerowo. Ala a dír kudá' kilooineeká awa hara'ayár Mose koomá', ala tam dír kudá' haratlintaaór Abrahamú koomá' sleeme. Asma inós dír atén sleémeerowo a baabá, 17adoodá' kara gooín, tawa kaahi, «Án kuúng ugwa qaás tawa baabuú xoordaá yaariir.» Gawaá adoorihe inós an baabuú xoordaá yaariir dír geeraá Munguhe, Munguúdá' inós aa haratlintií'. Munguúwí an kudá' múk aa qaatl gu slafíngw i hanimiís, slám an kudá' mura' sleémeero oo kaáhh gu ateetiím tawa adór muruú dáw. 18Qoomár haraxu'uti iwa kahh, inós ina haratlintií' ar haraxu'uti adór inós ir baabuú xoordaá yaariir tleehhiiti, adoodá' kura ádbáy tawa kaahi, «Adoorí an adór xwaylarók ir tlahh.» 19Abrahamu kureeriiwós tsiiruú wake naa nakaa/iyé'. Inós slaqwtós gari alqaytsiít naxés gwa'araaro aa nakaá/. Nee slám xwaylár Sara aa tsatít. Ala tam adoorihe Abrahamu aa mune si'iiká baraá haratlintaaoorose. 20Inós al'axweesantá Mungú gaa xurér wa ariiká baloó ale. Ala haratlintaaoorós kana /uurií doók, Mungú guri xirfayeemiís. 21Nee slám al'axweesantá Mungú gari haraxuú' adór Mungú tidá' aa dir'ínií al'axweés ngir aleesláy tleehhamooro. 22Gawaá adoorihe inós kuri gan'amií harafaár ar haratlintaaoorós. 23Axweesanaywí gooi iwa kat, «Inós kuna gan'amií harafaár ar haratlintaaoorós.» Axweesanaywí kwaa gooinká as inós kilós, 24ala kuna gooín as atén sleeme. Asma tam atén sleeme ti gan'amuú i harafaar as haratlintaao, asma atén Mungú un haratlintaatiaán, kudá' Yesu, Aakoorén, ngwa waasle/atis baraá múk aa qaátl wa ale. 25Yesu kuna haniís iwa gwaai as tlakweemaarén, nee kunguri waaslee/atís as atén tiwa gan'amuú i harafaari.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Bible in Iraqw © Bible Society of Tanzania, 2004.