زَكَرِيَّا 4
4
رُعُيَ تَبِيَرْ: سَنْدَا مَيْ رِڧٜىٰ ڢِتِلُ دَ عِتَتُوَنْ ظَيْتُنْ
1مَلاَىِٕكَنْ دَ يَيِ مَغَنَ دَنِے يَدَاوُاْ يَتَاشٜىٰنِ، نَيِ كَمَرْ وَنْدَ عَكَ تَاشٜىٰشِ دَغَ بَرْثِ؞ 2يَتَمْبَيٜىٰنِ يَثٜىٰ «مٜىٰكَغَنِ؟»
نَا أَمْسَ نَثٜىٰ «نَاغَا وَنِ سَنْدَنْ ظِينَارِيَ مَيْ رِڧٜىٰ ڢِتِلَ، يَنَدَ ݣُونُوانْ مَيْ عَكَنْسَ؞ كٜىٰوَيٜىٰ دَ غٜىٰڢٜىٰنْ ݣُونُوانْ، أَݣَويْ بَكُنَنْ ڢِتِلُ بَݣَويْ، كُواْوَنٜىٰ بَاكِ يَنَدَ لَڠُونِ بَݣَويْ؞ 3أَغٜىٰڢٜىٰنْ سَنْدَا مَيْ رِڧٜىٰ ڢِتِلُنْ، أَݣَويْ عِتَتُوَنْ ظَيْتُنْ بِيُ، طَيَ أَغٜىٰڢٜىٰنْ دَامَ، طَيَ أَغٜىٰڢٜىٰنْ هَغُ؞»#رُعُيَ 11.4
4سَيْ نَتَمْبَيِ مَلاَىِٕكَنْ دَ يَيِ مَغَنَ دَنِے نَثٜىٰ «يَا مَيْغِرْمَ، مٜىٰنٜىٰنٜىٰ مَعَنَرْ وَطَنَّنْ؟»
5يَأَمْسَ يَثٜىٰ «بَكَ سَنْ كُواْ مٜىٰنٜىٰنٜىٰ وَطَنَّنْبَ؟»
نَأَمْسَ «أَعَ، يَا مَيْغِرْمَ؞»
6سَيْ يَثٜىٰ مِنِ «غَا مَغَنَرْ يَهْوٜىٰهْ ذُوَاغَ ظٜىٰرُبَّبٜىٰلْ، ‹بَتَوُرِنْ ڧَرْڢِبَ، بَتَوُرِنْ إِيكُواْ بَ، عَمَّا تَوُرِنْ رُوحُنَ نٜىٰ،› إِنْجِ يَهْوٜىٰهْ مَيْ ضُنْدُنَا؞ 7‹بَابُ كُواْمٜىٰ، بَابُ بَبَّنْ تُدُنْ دَ ذَيْ عِيَ تَرٜىٰوَ ظٜىٰرُبَّبٜىٰلْ حَنْيَ؞ ذَاعَكَوَرْ دَشِ أَعِدُوانْ ظٜىٰرُبَّبٜىٰلْ! سَعَنً ظٜىٰرُبَّبٜىٰلْ ذَيْسَا دُوڟٜىٰنْ ڧَرْشٜىٰ نَغِنِنْ غِدَنْ يَهْوٜىٰهْ يَايِنْ دَ مُتَنٜىٰ سُنَ تَادَ مُرْيَ سُنَ ثٜىٰوَ «اللَّهْ يَسَا أَلْبَرْكَ! اللَّهْ يَسَا أَلْبَرْكَ!» › »
8سَعَنً يَهْوٜىٰهْ يَايِ مَغَنَ دَنِے ثٜىٰوَ 9«حَنُّوَنْ ظٜىٰرُبَّبٜىٰلْ نٜىٰ سُنْ كَڢَ تُوشٜىٰنْ وَنَّنْ غِدَا، حَنُّوَنْسَ نٜىٰ كُمَ ذَاسُ كَمَّلَ غِنِنْ وَنَّنْ غِدَا؞ تَهَكَنٜىٰ ذَاكُ سَنِ ثٜىٰوَ يَهْوٜىٰهْ مَيْ ضُنْدُنَا نٜىٰ يَعَيْكٜىٰنِ غَرٜىٰكُ؞ 10غَمَا وَنٜىٰنٜىٰ مَيْ رٜىٰنِنْ رَانَرْ طَوْكَرْ ڧأَنَانً مَتَاكَنْ غِنِنَّنْ؟ وَنَّنْ مُتُمْ شِينٜىٰ ذَيْ يِڢَضٍ ثِكِ سَعَدَّ يَغَ إِغِيَرْ أَوُانْ كَمَّلَوَرْ غِنِنْ أَ حَنُّنْ ظٜىٰرُبَّبٜىٰلْ؞
«غَمٜىٰ دَ وَطَنَّنْ ڢِتِلُ بَݣَويْ، سُونٜىٰ عَلَمَرْ إِدَانُنْ يَهْوٜىٰهْ وَطَنْدَ سُكٜىٰ كَيْ دَ كَٰوُاْوَ عَثِكِنْ دُكَنْ دُونِيَا؞»
11سَعَنً نَتَمْبَيِ مَلاَىِٕكَنْ نَثٜىٰ «مٜىٰنٜىٰنٜىٰ مَعَنَرْ عِتَتُوَنْ ظَيْتُنَّنْ بِيُ أَغٜىٰڢٜىٰنْ دَامَ دَ غٜىٰڢٜىٰنْ هَغُ نَسَنْدَ مَيْ رِڧٜىٰ ڢِتِلُنْ؟#رُعُيَ 11.4 12مٜىٰنٜىٰنٜىٰ كُمَ مَعَنَرْ رَسَّ بِيُنَّنْ نَظَيْتُنْ مَاسُ بَادَ مَيْ عَثِكِنْ بُتُوتُنْ ظِينَارِيَ بِيُ؟»
13سَيْ يَأَمْسَ يَثٜىٰ «بَكَ سَنِبَ؟»
نَأَمْسَ «أَعَ، يَا مَيْغِرْمَ؞»
14سَيْ يَثٜىٰ مِنِ «وَطَنَّنْ رَسَّ سُونٜىٰ عَلَمَرْ مُتَنٜىٰ بِيُ وَطَنْدَ عَكَ كٜىٰٻٜىٰ سُنَيِ وَ عُبَنْغِجِنْ دُكَنْ دُونِيَا حِدِمَ؞»
Currently Selected:
زَكَرِيَّا 4: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
