زَكَرِيَّا 13
13
1«أَ رَانَرْ نَنْ ذَاعَ بُوطٜىٰ مَٻُٻُّغَرْ ضُوَ دُواْمِنْ أَوَنْكٜىٰ ذُنُبَيْ دَ ڧَظَنْتَرْ ذُرِيَرْ دَاوُدَ دَ مَذَوْنَنْ عُرُوشَلِيمَ؞»
ذَاعَكَوَرْ دَ أَلُّواْلِنْ ڧَضْيَا دَ أَنَّبَاوَنْ ڧَضْيَا
2إِنْجِ يَهْوٜىٰهْ مَيْ ضُنْدُنَا «أَ رَانَرْ نَنْ ذَنْ كَوَرْدَ سُونَيٜىٰنْ غُمَكَ دَغَ ڧَسَرْ، حَرْ دَ بَذَاعَ ڧَارَ تُنَاوَا دَسُو بَ؞ ذَنْ كُمَ كَوَرْدَ أَنَّبَاوَنْ ڧَضْيَا دَ ڧَظَامِنْ رُوحُ دَغَ ڧَسَرْ؞ 3عِدَنْ حَرْ يَكَسَنْثٜىٰ وَنِ يَثِيغَبَدَ يِنْ أَنَّبْثِ، سَيْ بَابَنْسَ كُواْ مَامَرْسَ دَ سُكَ حَيْڢٜىٰشِ سُثٜىٰ مَسَ، ‹بَذَاكَ رَايُ بَ، غَمَا كَنَ ڢَطِنْ ڧَضْيَا دَ سُونَنْ يَهْوٜىٰهْ؞› سَعَنً بَابَنْسَ دَ مَامَرْسَ سُسُواْكٜىٰشِ سَعَدَّ يَكٜىٰ أَنَّبْثِنْ؞
4«أَ رَانَرْ نَنْ كُواْوَنٜىٰ أَنَّبِے ذَيْجِے كُنْيَرْ رُعُيَرْ أَنَّبْثِنْسَ؞ بَذَيْ عِيَسَا رِغَرْ ڢَتَ مَيْ غَاشِ إِرِ تَأَنَّبَوَ دُواْمِنْ سُرُوطِ مُتَنٜىٰبَ؞ 5عَمَّا ذَيْثٜىٰ، ‹نِے ڢَا بَ أَنَّبِے بَنٜىٰ، نِے مَنُواْمِنٜىٰ؞ أَيْ، تُنْ إِنَ طَنْ يَرُواْ، إِنَنُواْمَ؞› 6عِدَنْ وَنِ يَثٜىٰ مَسَ، ‹تُواْ، مٜىٰنٜىٰنٜىٰ دَلِيلِنْ رَوْنُكَنَّنْ عَڧِرْجِنْكَ؟› ذَيْ أَمْسَ يَثٜىٰ، ‹سُونٜىٰ رَوْنُكَنْدَ نَسَامُ أَغِدَنْ أَبُواْكَيْنَ؞› »
أَنْ كَشٜىٰ مَكِيَايِ أَنْ وَاڟَرْ دَ تُمَكِ
7إِنْجِ يَهْوٜىٰهْ مَيْ ضُنْدُنَا،
«يَا تَكُواْبِے،
ڢَرْكَ، يِڢَطَ دَ مَكِيَايِنَ،
يَاڧِ مُتُمِنْ دَيَكٜىٰ أَبُواْكِينَ؞
بُغِ مَكِيَايِنْ تُمَكِ،
تُمَكِنْ كُوَ ذَاسُ وَرْوَڟٜىٰ؞
ذَنْ بُغِ ڧأَنَانً تُمَكِ؞»#مَتْ 26.31؛ مَرْ 14.27
8إِنْجِ يَهْوٜىٰهْ،
«أَ دُكَنْ ڧَسَرْ
ثِكِنْ مُتَنٜىٰ عُكُ، ذَاعَ بُغِ بِيُ،
ثِكِنْ مُتَنٜىٰ عُكُ، ذَاعَ بَرْ طَيَ دَ رَيْ؞
9طَيَ ثِكِنْ عُكُنْ، ذَنْ ڠُودَ دَ وُتَا،
ذَنْ تَاثٜىٰسُ كَمَرْ يَدَّ عَكٜىٰيِ وَ أَظُرْڢَا،
ذَنْ ڠُودَاسُ كَمَرْ يَدَّ عَكٜىٰيِ وَظِينَارِيَ؞
ذَاسُ كِرَا غَ سُونَنَ،
ذَنْ كُوَ أَمْسَمُسُ؞
ذَنْثٜىٰ، ‹وَطَنَّنْ مُتَنٜىٰنَنٜىٰ؞›
كُواْوَنّٜىٰنْسُ كُوَ ذَيْ أَمْسَ،
‹يَهْوٜىٰهْ اللَّهْ نَا نٜىٰ؞› »
Currently Selected:
زَكَرِيَّا 13: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
