مَتِيُ غَبَاتَرْوَ
غَبَاتَرْوَ
مَرُبُوثِنْ وَنَّنْ لَابَرِ مَيْ دَاطِے شِينٜىٰ مَتِيُ، شِے بَيَهُودٜىٰ نٜىٰ، طَيَ دَغَ ثِكِنْ أَلْمَجِرَنْ عِيسَىٰ؞
لَابَرِ مَيْ دَاطِے دَغَ حَنُّنْ مَتِيُ يَا نُونَ ثٜىٰوَ عِيسَىٰ شِينٜىٰ أَلْمَسِيحُ نَّنْ دَ عَكَيِ أَلْڧَوَرِنْسَ عَثِكِنْ ڟُواْهُوَرْ يَرْجٜىٰجٜىٰنِيَ، شِينٜىٰ وَنْدَ كُمَ يَهُودَاوَا سُكَسَا ذُوثِيَا ثٜىٰوَ ذَيْذُواْ؞ سَوْ دَيَوَ وَنَّنْ لِتَّڢِ يَا مَيْمَيْتَ أَيُواْيِنْ أَنَّبْثِ دَغَ ثِكِنْ ڟُواْهُوَرْ يَرْجٜىٰجٜىٰنِيَ دُواْمِنْ يَنُونَ يَدَّ عِيسَىٰ يَثِكَسُ؞ لِتَّڢِنْ يَا كُمَ نُونَ ثٜىٰوَ عِيسَىٰ مُتُمِنْ ذُرِيَرْ إِبْرَٰهِيمْ نٜىٰ؞ سَوْ دَيَوَ كُمَ يَا ثٜىٰ دَ عِيسَىٰ «طَنْ دَاوُدَ»؞ وَتُواْ، عِيسَىٰ يَا ذُواْ أَمَڟَيِنْ أَلْمَسِيحُ كٜىٰنَنْ دَيْدَيْ يَدَّ يَهُودَاوَا دَ كَنْسُ سُكَ بَادَ غَسْكِيَ؞ عَمَّا كُواْدَيَكٜىٰ لَابَرِنَّنْ مَيْ دَاطِے يَا سَامِ كَرْٻُوَ سُواْسَيْ غَا يَهُودَاوَا، دُكْدَهَكَ يَا بَادَ تَبَّثِنْ ثٜىٰوَ لَابَرِ مَيْ دَاطِے نَ عِيسَىٰ أَلْمَسِيحُ دُواْمِنْ مُتَنٜىٰنْ دُونِيَا دُكَ نٜىٰ، وَتُواْ يَهُودَاوَا دَ وَطَنْدَ بَا يَهُودَاوَا بَ؞ وَنَّنْ لِتَّڢِ يَا نُونَ أَ ڢِيلِ ثٜىٰوَ عِيسَىٰ وَنِ بَبَّنْ مَلَمِ نٜىٰ وَنْدَ كُواْيَرْوَرْسَ دَ مَغَنَرْسَ سُنْ تَبَّتَرْ ثٜىٰوَ يَنَدَ إِيكُواْ سُواْسَيْ، حَرْ مَا ڢِيٜىٰدَ مُوسَٰى؞
عَثِكِنْ لِتَّڢِنَّنْ أَنْڟَارَ كُواْيَرْوَرْ عِيسَىٰ أَ مَنْيَنْ سَاشٜىٰ بِيَرْ؞ دَڢَرْكُواْ أَݣَويْ كُواْيَرْوَرْ عِيسَىٰ عَكَنْ بَبَّنْ تُدُ، وَدَّ تَبَيَّنَ يَدَّ يَكَمَاتَ یَیَنْ اللَّهْ سُيِ رَايُوَرْسُ ﴿لِتَّڢِنْ مَتِيُ سُورَ 5-7﴾؞ كُمَ أَݣَويْ كُواْيَرْوَا عَكَنْ يَدَّ مَنْذُوانْ أَلْمَسِيحُ ذَيْ يِ عَيْكِنْسَ ﴿سُورَ 10﴾؞ سَعَنً أَݣَويْ مِصَلَيْ دَبَمْ دَبَمْ عَكَنْ مُلْكٍ اللَّهْ ﴿سُورَ 13﴾؞ نَهُطُ كُمَ أَݣَويْ كُواْيَرْوَا عَكَنْ إِرِنْ هَلَيٜىٰنْ دَ مَيْبِے يَكَمَاتَ يَكَسَنْثٜىٰ دَسُو ﴿سُورَ 18﴾؞ عَڧَرْشٜىٰ كُمَ أَݣَويْ كُواْيَرْوَا عَكَنْ زَامَانِنْ ڧَرْشٜىٰ دَ كُمَ أَبُبُوَنْ دَ ذَاسُ ڢَرُ أَ زَامَانِنْ ﴿سُورَ 24-25﴾؞ عَڧَرْشٜىٰ، مَتِيُ يَا بَيَّنَ بَبَّنْ عُمَرْنِنْ دَ عِيسَىٰ يَبَايَرْ، وَتُواْ يَطَ لَابَرِ مَيْ دَاطِے؞
أَبُبُوَنْ دَ سُكٜىٰ ثِكِ
أَصَلِنْ عِيسَىٰ دَ حَيْڢُوَرْسَ 1.1—2.23
وَعَظِنْ يَحْيَى مَيْ بَڢْتِسْمَ 3.1-12
بَڢْتِسْمَرْ عِيسَىٰ دَ ڠُودَاوَرْسَ 3.13—4.11
أَيُّكَنْ عِيسَىٰ عَيَنْكِنْ غَلِيلِ 4.12—18.35
دَاوُاْوَرْ عِيسَىٰ دَغَ غَلِيلِ ذُوَا عُرُوشَلِيمَ 19.1—20.34
عَيْكِنْ عِيسَىٰ نَڧَرْشٜىٰ أَ عُرُوشَلِيمَ 21.1—27.31
غِثِّيٜىٰنْ عِيسَىٰ دَ مُتُوَرْسَ 27.32-66
تَاشِنْ عِيسَىٰ دَ بَيَّنَرْسَ 28.1-20
لَابَرِ مَيْ دَاطِے دَغَ حَنُّنْ مَتِيُ
Currently Selected:
مَتِيُ غَبَاتَرْوَ: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020