مَلَكَيْ 1

1وَنَّنْ شِينٜىٰ سَڧُوانْ دَ يَهْوٜىٰهْ يَڢَطَا وَجَمَعَرْ إِسْرَٰٓءِيلَ تَبَاكِنْ أَنَّبِے مَلَكَيْ؞

ڧَوْنَرْ يَهْوٜىٰهْ غَ إِسْرَٰٓءِيلَ

2 يَهْوٜىٰهْ يَثٜىٰ ‏«‏كُلُّمْ إِنَ ڧَوْنَرْكُ؞»‏#رُوامْ 9‏.13#عِشـ 34‏.5‏-17؛ 63‏.1‏-6؛ إِرْمِ 49‏.7‏-22؛ هِظْ 25‏.12‏-14؛ 35‏.1‏-15؛ عَمُواسْ 1‏.11‏-12؛ عُواْبَدْ 1‏-14

عَمَّا كُكَثٜىٰ ‏«‏تَيَيَا كَكٜىٰ ڧَوْنَرْمُ؟»‏

يَهْوٜىٰهْ كُوَ يَأَمْسَ يَثٜىٰ ‏«‏أَشٜىٰ!‏ إِسُوَ بَ طَنْعُوَنْ يَعْڧُوبَ بَنٜىٰ؟ دُكْدَهَكَ نَڧَوْنَثِ يَعْڧُوبَ 3عَمَّا إِسُوَ نَڧِ؞ نَكُمَسَا يَنْكِنْ تُدَّنْسَ يَذَمَ كُڢَيْ، غَادُوانْسَ كُوَ يَذَمَ وُرِنْ ذَمَنْ كَرْنُكَنْ دَاجِ؞

4‏«‏كُواْدَيَكٜىٰ عٜىٰدُواْمَاوَا، وَتُواْ ذُرِيَرْ إِسُوَ، سُنْ ثٜىٰ، ‏‹‏أَنْيِ كَثَ كَثَ دَمُو، عَمَّا ذَامُ كُواْمَ مُسَاكٜىٰ غِنَا كُڢَنْمُ،›‏ عَمَّا يَهْوٜىٰهْ مَيْ ضُنْدُنَا يَثٜىٰ، ‏‹‏عِ، ذَاسُ غِنَا، نِے كُوَ ذَنْ رُشٜىٰ، حَرْ سَيْ أَنْثٜىٰ دَسُو مُوغُوَرْ ڧَسَا، مُتَنٜىٰنْ دَ ڢُشِنْ يَهْوٜىٰهْ ذَيْ دَطٜىٰ عَكَنْسُ؞›‏

5‏«‏عِدَنُونْكُ ذَاسُ غَ وَنَّنْ، كُمَ ذَاكُثٜىٰ، ‏‹‏يَهْوٜىٰهْ يَنَدَ غِرْمَ، كُمَ غِرْمَنْسَ يَوُثٜىٰ إِيَاكَرْ ڧَسَرْ إِسْرَٰٓءِيلَ!‏›‏ »‏

يَهْوٜىٰهْ يَڟَاوَتَا وَڢِرِسْتُواْثِے

6 يَهْوٜىٰهْ مَيْ ضُنْدُنَا يَاثٜىٰ ‏«‏طَا يَنَ غِرْمَمَ بَابَنْسَ، بَاوَ كُمَ يَنَ غِرْمَمَ مَيْغِدَنْسَ؞ تُواْ، عِدَنْ نِے بَابَنٜىٰ، إِنَا غِرْمَنَ؟ عِدَنْ كُمَ نِے مَيْغِدَا نٜىٰ، إِنَا دَرَجَتَ؟ يَا كُو ڢِرِسْتُواْثِے مَاسُ رٜىٰنَ سُونَنَ، كُكَثٜىٰ، ‏‹‏تَيَيَا مُكَ رٜىٰنَ سُونَنْكَ؟›‏ 7كُنَ مِيڧَ عَبِنْثِ مَيْ ڧَظَنْتَا عَكَنْ بَغَدٜىٰنَ، كُمَ كُكَثٜىٰ، ‏‹‏تَيَيَا مُكَ ڧَظَنْتَرْدَ بَغَدٜىٰنْ؟›‏ تُواْ، ذَنْ ڢَطَا مُكُ، ‏‹‏تَيَدَّ كُكَ رٜىٰنَ بَغَدٜىٰنَ؞›‏ 8سَعَدَّ كُكَ كَٰوُاْ دَبَّرْ دَتَكٜىٰ مَكَهُواْ دُواْمِنْ كُمِيڧَ هَدَايَ، أَشٜىٰ، بَمُغُنْ أَبُبَ كٜىٰنَنْ؟ كُمَ سَعَدَّ كُكَ كَٰوُاْ دَبَّرْ دَتَكٜىٰ غُرْغُ كُواْ مَرَرْ لَاڢِيَ، وَنَّنْ بَمُغُنْ أَبُبَنٜىٰ؟ كُڠُودَ مِيڧَسُ غَ ڠُومْنَنْكُ!‏ كُواْ ذَيْجِے دَاطِنْكُ كُواْ ذَاكُ سَامِ أَلْحٜىٰرِ أَوُرِنْسَ؟ نِے يَهْوٜىٰهْ مَيْ ضُنْدُنَا نَا ڢَطَا؞»‏#لِـ ڢِرْ 22‏.19‏-20؛ مَيْ شَـ 15‏.21

9‏«‏يَنْذُ ڢَا، سَيْ كُنٜىٰمِ ڢُسْكَرْ اللَّهْ، كُواْ ذَيْ نُونَ مَنَ أَلْحٜىٰرِ؞ أَيْ، بَذَيْ سَوْرَرِ أَدُّعَرْكُبَ!‏ غَمَا وَنَّنْ لَيْڢِنْكُنٜىٰ، إِنْجِ يَهْوٜىٰهْ مَيْ ضُنْدُنَا؞ 10دَمَا وَنِ عَثِكِنْكُ ذَيْ كُلّٜىٰ ڧُواْڢَرْ هَيْكَلِنْ، دُواْمِنْ كَدَ كُكُنَّ وُتَا عَكَنْ بَغَدٜىٰنَ عَبَنْظَ!‏ بَانَ جِنْ دَاطِنْكُ، إِنْجِ يَهْوٜىٰهْ مَيْ ضُنْدُنَا، كُمَ بَذَنْ كَرْٻِ هَدَايُ دَغَ حَنُّنْكُبَ؞ 11غَمَا تُنْدَغَ ڢِتُواْوَرْ رَانَ حَرْ ڢَاطُوَرْتَ سُونَنَ يَنَدَ غِرْمَ عَثِكِنْ أَلْعُمَّيْ؞ كُواْعِنَ عَكَنْ ڧُواْنَ تُرَارٜىٰ دَ هَدَايَ مَيْ كَرْٻُوَ غَ سُونَنَ، غَمَا سُونَنَ يَنَدَ غِرْمَ عَثِكِنْ أَلْعُمَّيْ، إِنْجِ يَهْوٜىٰهْ مَيْ ضُنْدُنَا؞ 12عَمَّا كُكَيِ بَنْظَ دَ سُونَنَ سَعَدَّ كُكَثٜىٰ بَغَدٜىٰنْ عُبَنْ‌غِجِ بَكُواْمٜىٰبَنٜىٰ، كُمَ عَبِنْثِنْ دَ عَكَ أَجِيٜىٰ عَكَنْسَ أَبِنْ رٜىٰنِنٜىٰ؞ 13غَاشِ، كُكَ هُورَ مِنِ حَنْثِ كُكَثٜىٰ، ‏‹‏مُنْ غَجِ دَ إِرِنْ وَنَّنْ أَبُ ڢَا!‏›‏ إِنْجِ يَهْوٜىٰهْ مَيْ ضُنْدُنَا؞ كُنْكَٰوُاْ أَبِنْدَ عَكَ ڨُوثٜىٰ ڧَرْڢِے دَ يَجِ كُواْ أَبِنْدَ يَكٜىٰ غُرْغُ، كُواْ أَبِنْدَ يَكٜىٰ مَرَرْ لَاڢِيَ، كُمَ وَطَنَّنْ نٜىٰ كُكَ كَٰوُاْ هَدَايُنْكُ!‏ كُنَ ڟَمَّنِ نِے ذَنْ كَرْٻِ وَنَّنْ دَغَ حَنُّنْكُ نٜىٰ؟ نِے يَهْوٜىٰهْ نَا ڢَطَا؞ 14لَعَنَنّٜىٰ نٜىٰ مُتُمِنْ دَيَكٜىٰ ثُوتَا!‏ غَاشِ، يَنَدَ لَاڢِيَيّٜىٰنْ ضَغُواْ عَثِكِنْ غَرْكٜىٰنْسَ، وَنْدَ يَيِ أَلْڧَوَرِ ذَيْ بَايَرْ، عَمَّا أَوَيٜىٰ غَرِ سَيْ يَمِيڧَ ضَغُواْ مَيْ تَبُواْ هَدَايَ غَ يَهْوٜىٰهْ!‏ كُواْدَيَكٜىٰ كُنْ سَنِ نِے بَبَّنْ سَرْكِے نٜىٰ، حَرْ دُكَنْ أَلْعُمَّيْ مَا سُنَ جِنْ ڟُواْرُوانْ سُونَنَ!‏ نِے يَهْوٜىٰهْ مَيْ ضُنْدُنَا، نَاڢَطَا؞»‏

Currently Selected:

مَلَكَيْ 1: hauAS

Highlight

Copy

Compare