أَلْڧَلَيْ 20
20
إِسْرَٰٓءِيلَاوَا سُنْيِ شِرِنْ يَاڧِ
1سَيْ دُكَنْ مُتَنٜىٰنْ إِسْرَٰٓءِيلَ سُكَ ڢِتُواْ، تُنْدَغَ دَنْ عَ أَرٜىٰوَ حَرْ ذُوَا بٜىٰيٜىٰرْشٜىٰبَ عَكُدُ دَ كُمَ دَغَ غِلٜىٰيَدْ أَغَبَسْ؞ سُكَ تَتَّارُ غَبَاطَيَ أَغَبَنْ يَهْوٜىٰهْ أَ مِظْڢَ؞ 2دُكَنْ شُوغَبَنِّنْ ذُرِيَرْ إِسْرَٰٓءِيلَ سُكَ ظَظْذَوْنَ عَثِكِنْ تَارُوانْ جَمَعَرْ اللَّهْ؞ يَوَنْ سُواْجُواْجِنْ ڧَڢَا سُنْ كَيْ وَجٜىٰنْ دُبُو طَرِے حُطُ مَاسُ رِڧٜىٰ دَ تَكُواْبِے؞ 3مُتَنٜىٰنْ ذُرِيَرْ بِلِيَامِنُ كُوَ سُكَجِ ثٜىٰ وَدُكَنْ سَوْرَنْ مُتَنٜىٰنْ إِسْرَٰٓءِيلَ سُنْ تَتَّارُ أَ مِظْڢَ؞
سَيْ مُتَنٜىٰنْ إِسْرَٰٓءِيلَ سُكَ تَمْبَيِ مُتُمِنْ لَوِنَّنْ سُكَثٜىٰ «كَڢَطَا مَنَ يَيَ وَنَّنْ مُوغُنْ أَبُ يَڢَرُ؟»
4سَيْ مُتُمِنْ لَوِنَّنْ وَنْدَ مَثٜىٰنْ دَ يَأَجِيٜىٰ عَكَ كَشٜىٰ يَأَمْسَ يَثٜىٰ «نِے دَ مَثٜىٰنْدَ نَأَجِيٜىٰ مُنْ ذُواْ غِبٜىٰيَ عَيَنْكِنْ بِلِيَامِنُ دُواْمِنْ مُݣُونَ؞ 5عَثِكِنْ دَرٜىٰنْ، سَيْ وَطَنْسُ مَذَنْ غَرِنْ غِبٜىٰيَ سُكَذُواْ سُكَ كٜىٰوَيٜىٰ غِدَنْدَ نَسَوْكَ سُنْ نٜىٰمَ سُكَشٜىٰنِ؞ سُكَ ݣُونَ دَ مَثٜىٰنْ عَكَنْ دُواْلٜىٰ حَرْ يَكَيْتَ غَ مُتُوَ؞ 6سَيْ نَطَوْكِ جِكِنْتَ، نَيَيَّنْكَ سَاشٜىٰ سَاشٜىٰ، نَاكُوَ عَيْكَ دَ كُواْوَنٜىٰ سَاشٜىٰ طَيَ ذُوَاغَ كُواْوَنٜىٰ يَنْكِنْ غَادُواْ نَظُرِيَرْ إِسْرَٰٓءِيلَنْ نَنْ غُواْمَشَا بِيُ؞ غَمَا وَطَنَّنْ مُتَنٜىٰ سُنْ عَيْكَتَ مُوغُنْ أَبُ دَ كُمَ أَبِنْ ڨَمَ عَثِكِنْمُ؞ 7يَنْذُ، بَرِ دُكَنْكُ مُتَنٜىٰنْ إِسْرَٰٓءِيلَ، كُيِ مَغَنَ غَمٜىٰدَ أَبِنْدَ ذَاعَيِ عَكَنْ وَنَّنْ أَلْعَمَرِ؞»
8دُكَنْ مُتَنٜىٰ كُوَ سُكَتَاشِ غَبَاطَيَ سُكَثٜىٰ «بَا وَنِنْمُ دَ ذَيْ كُواْمَ تٜىٰنْتِنْسَ كُواْ كُوَ غِدَنْسَ؞ 9وَنَّنْ شِينٜىٰ أَبِنْدَ ذَامُيِ وَمُتَنٜىٰنْ غِبٜىٰيَ؞ مُجٜىٰڢَ ڧُرِعَ، مُذَاٻِ وَطَنْدَ ذَاسُ ڢَاطَ مُسُ دَ يَاڧِ؞ 10ذَامُ طَوْكِ كَشِ طَيَ دَغَ ثِكِنْ كُواْوَنٜىٰ كَشِ غُواْمَ دَغَ ثِكِنْ كُواْوَثٜىٰ ذُرِيَ سُبَادَ عَبِنْثِ غَ سَوْرَنْ سُواْجُواْجِنْ؞ سَوْرَنْ سُواْجُواْجِنْ ذَاسُ حُكُنْتَ غِبٜىٰيَ يَدَّ يَثَنْثَنْتَ سَبُواْدَ أَبِنْ كُنْيَرْ دَسُكَ عَيْكَتَ عَثِكِنْ إِسْرَٰٓءِيلَ؞» 11سَبُواْدَ حَكَ دُكَنْ سُواْجُواْجِنْ إِسْرَٰٓءِيلَ سُكَ تَارُ دَ ذُوثِيَا طَيَ دُواْمِنْ سُيِ يَاڧِ دَ غَرِنْ؞
12مُتَنٜىٰنْ إِسْرَٰٓءِيلَ سُكَ تُورَ یَنْ عَيْكَ دَ سَڧُواْ ذُوَاغَ ذُرِيَرْ بِلِيَامِنُ مَيْثٜىٰوَ «وَنٜىٰ إِرِنْ مُوغُنْ أَبُ كٜىٰنَنْ كُكَ عَيْكَتَ؟ 13يَنْذُ ڢَا، سَيْ كُڢِتَرْدَ وَطَنَّنْ یَنْ إِسْكَرْ نَ غِبٜىٰيَ وَطَنْدَ سُكَيِ وَنَّنْ أَبُ دُواْمِنْ مُكَشٜىٰسُ، مُكَوَرْدَ مُغُنْتَارْ نَنْ دَغَ ثِكِنْ إِسْرَٰٓءِيلَ؞» عَمَّا مُتَنٜىٰنْ بِلِيَامِنُ بَسُ كُلَ دَ مَغَنَرْ سَوْرَنْ یَنْعُوَنْسُ مُتَنٜىٰنْ إِسْرَٰٓءِيلَ بَ؞ 14مُتَنٜىٰنْ ذُرِيَرْ بِلِيَامِنُ سُكَ ڢِتُواْ دَغَ غَرُرُوَنْسُ غَبَاطَيَ، دُواْمِنْ سُيَاڧِ سَوْرَنْ مُتَنٜىٰنْ إِسْرَٰٓءِيلَ؞ 15أَ رَانَرْ نَنْ مُتَنٜىٰنْ بِلِيَامِنُ سُكَ تَتَّارَ مَاسُ عِيَ يَاڧِ دَغَ غَرُرُوَنْسُ وَجٜىٰنْ مُتُمْ دُبُو عَشِرِنْ دَ شِدَ، بَنْدَ مَذَوْنَنْ غِبٜىٰيَ، وَتُواْ مُتُمْ دُبُو بَݣَويْ مَڢِيَ عِيَ يَاڧِ؞ 16دَغَ ثِكِنْ دُكَنْ وَطَنَّنْ یَنْ يَاڧِ، أَݣَويْ مُتُمْ طَرِے بَݣَويْ مَڢِيَ عِيَ يَاڧِ دَ حَنُّنْ هَغُ؞ كُواْوَنّٜىٰنْسُ يَ عِيَ جٜىٰڢَ دُوڟٜىٰنْ مَجَجَّوَ يَهَرْبِے غَاشِنْ كَيْ طَيَ بَابُ كُسْكُرٜىٰ؞ 17سَوْرَنْ مُتَنٜىٰنْ إِسْرَٰٓءِيلَ، بَنْدَ ذُرِيَرْ بِلِيَامِنُ كٜىٰنَنْ، سُكَ تَتَّارَ سُواْجُواْجِ وَجٜىٰنْ مُتَنٜىٰ دُبُو طَرِے حُطُ، دُكَنْسُ مَڢِيَ عِيَ يَاڧِ نٜىٰ؞
يَاڧِ دَ ذُرِيَرْ بِلِيَامِنُ
18كَاڢِنْ مُتَنٜىٰنْ إِسْرَٰٓءِيلَ سُشِغَ يَاڧِنْ، سُنْ تَڢِے بٜىٰتٜىٰلْ تُكُنَ دُواْمِنْ سُنٜىٰمِ نُڢِنْ اللَّهْ سُكَثٜىٰ «وَثٜىٰ ذُرِيَ ثٜىٰ ذَاتَ ڢَارَ كَيْ يَاڧِ عَكَنْ ذُرِيَرْ بِلِيَامِنُ؟»
يَهْوٜىٰهْ يَأَمْسَ يَثٜىٰ «ذُرِيَرْ يَهُودَ ثٜىٰ ذَاتَ ڢَارَ؞»
19سَيْ مُتَنٜىٰنْ إِسْرَٰٓءِيلَ سُكَتَاشِ دَ سَسَّڢٜىٰ وَشٜىٰغَرِ، سُكَ كَڢَ سَنْسَنِنْ يَاڧِ كُسَدَ غَرِنْ غِبٜىٰيَ؞ 20سُواْجُواْجِنْ إِسْرَٰٓءِيلَ سُكَ ڢِتَ دُواْمِنْ سُڢَارَ يَاڧِ دَ سُواْجُواْجِنْ بِلِيَامِنُ؞ إِسْرَٰٓءِيلَاوَا سُكَجٜىٰرَ كَنْسُ دُواْمِنْ يَاڧِ كُسَدَ غَرِنْ غِبٜىٰيَ؞ 21سَيْ مُتَنٜىٰنْ بِلِيَامِنُ سُكَ ڢِتُواْ دَغَ غَرِنْ غِبٜىٰيَ سُكَ كَشٜىٰ إِسْرَٰٓءِيلَاوَا مُتُمْ دُبُو عَشِرِنْ دَ دُبُو بِيُ؞ 22عَمَّا مُتَنٜىٰنْ إِسْرَٰٓءِيلَ سُكَسَاكٜىٰ تَارُوَ أَوُرِنْ كُمَ سُكَ ڧَرْڢَڢَ جُونَنْسُ سُكَسَاكٜىٰ جٜىٰرَ كَنْسُ دُواْمِنْ يَاڧِ؞ 23غَمَا سُنْ رِغَا سُنْ تَڢِے وُرِنْ سُجَّدَ أَ بٜىٰتٜىٰلْ سُكَيِ كُوكَا أَغَبَنْ يَهْوٜىٰهْ حَرْ يَمَّ؞ أَوُرِنْ سُكَسَاكٜىٰ تَمْبَيَرْ يَهْوٜىٰهْ سُكَثٜىٰ «مُسَاكٜىٰ تَڢِيَ مُيِ يَاڧِ دَ یَنْعُوَنْمُ مُتَنٜىٰنْ بِلِيَامِنُ؟»
يَهْوٜىٰهْ يَأَمْسَ مُسُ يَثٜىٰ «عِ، كُجٜىٰ كُيَاڧٜىٰسُ؞»
24سَيْ سُواْجُواْجِنْ إِسْرَٰٓءِيلَ سُكَ ڢِتُواْ دُواْمِنْ سُسَاكٜىٰيِنْ يَاڧِ دَ سُواْجُواْجِنْ بِلِيَامِنُ سَوْ نَبِيُ؞ 25عَمَّا سُواْجُواْجِنْ بِلِيَامِنُ سُكَسَاكٜىٰ ڢِتُواْوَ دَغَ غِبٜىٰيَ سُكَ كَشٜىٰ سُواْجُواْجِنْ إِسْرَٰٓءِيلَاوَا مَاسُ عِيَ يَاڧِ مُتُمْ دُبُو غُواْمَشَا تَݣُوسْ؞
26سَيْ دُكَنْ مُتَنٜىٰنْ إِسْرَٰٓءِيلَ سُكَ هَوْرَ ذُوَا بٜىٰتٜىٰلْ سُكَ يِنِ سُنَ كُوكَا تَرٜىٰدَ أَظُمِ أَغَبَنْ يَهْوٜىٰهْ حَرْ يَمَّ؞ سُكَ مِيڧَ هَدَايَ تَڧُواْنَاوَا دَ هَدَايَ تَڠَرَنْ زُمُنْثِ أَغَبَنْ يَهْوٜىٰهْ؞ 27سَيْ مُتَنٜىٰنْ إِسْرَٰٓءِيلَ سُكَسَاكٜىٰ نٜىٰمَنْ نُڢِنْ يَهْوٜىٰهْ غَمٜىٰدَ يَاڧِ دَ ذُرِيَرْ بِلِيَامِنُ؞ عَݣُونَكِنْنَنْ كُوَ عَݣُوتِنْ يَرْجٜىٰجٜىٰنِيَرْ يَهْوٜىٰهْ يَنَ أَ بٜىٰتٜىٰلْ؞ 28ڢِنٜىٰهَسْ طَنْ عٜىٰلٜىٰيَظَرْ جِيكَنْ هَٰرُونَ كُمَ يَنَ يِنْ عَيْكِنْ ڢِرِسْتِ؞ سَيْ مُتَنٜىٰنْ إِسْرَٰٓءِيلَ سُكَ تَمْبَيِ يَهْوٜىٰهْ «مُسَاكٜىٰ تَڢِيَ مُيِ يَاڧِ دَ یَنْعُوَنْمُ مُتَنٜىٰنْ بِلِيَامِنُ نٜىٰ، كُواْ كُوَ مُبَرِ؟»
يَهْوٜىٰهْ يَأَمْسَ مُسُ يَثٜىٰ «كُتَڢِے! غُواْبٜىٰ ذَنْبَادَسُو أَ حَنُّنْكُ؞»
29سَيْ سُواْجُواْجِنْ إِسْرَٰٓءِيلَ سُكَسَا وَطَنْسُ سُواْجُواْجِ سُكَيِ ݣُونْتُوانْ ٻَوْنَ سُكَ كٜىٰوَيٜىٰ غِبٜىٰيَ؞ 30سَعَنً سُكَ تَڢِے دُواْمِنْ سُيَاڧِ سُواْجُواْجِنْ بِلِيَامِنُ سَوْ نَعُكُ كٜىٰنَنْ؞ سُكَ تَارُ أَوُرَارٜىٰنْسُ نَدَا طِنْ دُواْمِنْ سُسَاكٜىٰيِنْ يَاڧِ دَ غِبٜىٰيَ؞ 31سَعَدَّ سُواْجُواْجِنْ بِلِيَامِنُ سُكَ ڢِتُواْ دُواْمِنْ سُيِ يَاڧِ، عَكَ جَاسُ دَغَ بِرْنِنْ؞ كَمَرْ يَدَّ سُنْ سَابَايِ، سُكَ ڢَارَ كَكَّشٜىٰ وَطَنْسُ سُواْجُواْجِنْ إِسْرَٰٓءِيلَ؞ سُنْ كَشٜىٰ سُواْجُواْجِنْ إِسْرَٰٓءِيلَ وَجٜىٰنْ مُتُمْ تَلَاتِنْ أَ ڢِيلِ دَ كُمَ عَكَنْ حَنْيَرْ دَ تَبِے ذُوَا بٜىٰتٜىٰلْ دَ وَدَّ تَبِے ذُوَا غِبٜىٰيَ؞ 32سَيْ سُواْجُواْجِنْ بِلِيَامِنُ سُكَثٜىٰ «مُنَ ثِنْ نَصَرَا عَكَنْسُ كَمَرْ دَا؞»
عَمَّا شِرِنْ مُتَنٜىٰنْ إِسْرَٰٓءِيلَ نٜىٰ سُجَاسُ نٜىٰسَ دَ غَرِنْسُ، غَمَا سُنْ ثٜىٰ وَجُونَ «مُغُدُ، دُواْمِنْ مُجَاسُ دَغَ غَرِنْ ذُوَا حَنْيَ أَ ڢِيلِ؞» 33سَعَدَّ ڧُنْغِيَرْ مُتَنٜىٰنْ إِسْرَٰٓءِيلَ سُكَ كَيْ بَعَلْ تَمَرْ، سَيْ سُكَ جُويَا دُواْمِنْ سُڢُسْكَنْثِ مُتَنٜىٰنْ بِلِيَامِنُ؞ سَيْ مُتَنٜىٰنْ إِسْرَٰٓءِيلَ دَ سُكَيِ ݣُونْتُوانْ ٻَوْنَ سُكَ ڢِتُواْ تَيَمَّ دَ غِبٜىٰيَ؞ 34سُواْجُواْجِ مَڢِيَ عِيَ يَاڧِ نَ إِسْرَٰٓءِيلَ دُبُو غُواْمَ سُكَ ڢَاطَوَ غِبٜىٰيَ دَ يَاڧِ؞ يَاڧِنْ كُوَ يَيِ ذَاڢِ سُواْسَيْ، مُتَنٜىٰنْ بِلِيَامِنُ كُوَ بَسُسَنْ مَسِيڢَ تَنَ غَبْ دَسُوبَ؞ 35يَهْوٜىٰهْ كُوَ يَثِ نَصَرَا عَكَنْ مُتَنٜىٰنْ بِلِيَامِنُ دُواْمِنْ إِسْرَٰٓءِيلَاوَا؞ سُواْجُواْجِنْ إِسْرَٰٓءِيلَ سُكَ كَكَّشٜىٰ سُواْجُواْجِنْ بِلِيَامِنُ دُبُو عَشِرِنْ دَ بِيَرْ دَ طَرِے طَيَ؞ دُكَنْسُ مَاسُ عِيَ يَاڧِ نٜىٰ؞ 36مُتَنٜىٰنْ بِلِيَامِنُ سُكَ غَانٜىٰ أَنْثِسُ دَ يَاڧِ؞
يَدَّ مُتَنٜىٰنْ إِسْرَٰٓءِيلَ سُكَثِ نَصَرَا
سُواْجُواْجِنْ إِسْرَٰٓءِيلَ كُوَ سُكَجَا دَ بَايَ دَغَ وُرِنْ سُواْجُواْجِنْ بِلِيَامِنُ دُواْمِنْ سُبَا وَطَنْدَ سُكَيِ ݣُونْتُوانْ ٻَوْنَ ڢِيلِ، غَمَا سُنْ دُواْغَضَ غَ سُواْجُواْجِنْ دَ سُكَيِ ݣُونْتُوانْ ٻَوْنَ كٜىٰوَيٜىٰ دَ غِبٜىٰيَ؞ 37سَيْ سُواْجُواْجِنْ دَ سُكَيِ ݣُونْتُوانْ ٻَوْنَ، سُكَيِ سَوْرِ سُكَ شِغَ ثِكِنْ غَرِنْ غِبٜىٰيَ سُكَ بَظُو سُكَ كَكَّشٜىٰ دُكَنْ مُتَنٜىٰنْ دَسُكٜىٰ عَثِكِ؞ 38عَلَمَرْ دَ عَكَ شِرْيَ ڟَكَانِنْ سُواْجُواْجِنْ إِسْرَٰٓءِيلَ دَ مَاسُ ݣُونْتُوانْ ٻَوْنَ عِتَثٜىٰ بَبَّنْ هَيَاڧِے دَغَ غَرِنْ؞ 39دَ ڧُنْغِيَرْ سُواْجُواْجِنْ إِسْرَٰٓءِيلَ سُنْ غَا هَيَاڧِنْ، سَيْ سُجُويَا سُڢَاطَوَ سُواْجُواْجِنْ بِلِيَامِنُ دَ يَاڧِ؞ عَمَّا كَاڢِنْ عَلَمَرْ هَيَاڧِے تَتَاشِ، سُواْجُواْجِنْ بِلِيَامِنُ سُنْ رِغَا سُنْ كَشٜىٰ سُواْجُواْجِنْ إِسْرَٰٓءِيلَ وَجٜىٰنْ مُتُمْ تَلَاتِنْ؞ سُكَيِ إِيهُ سُكَثٜىٰ «أَيْ! مُنَ ثِنْ نَصَرَا عَكَنْسُ كَمَرْ دَا!» 40عَمَّا سَعَدَّ عَلَمَرْ هَيَاڧِے تَڢَارَ هَوَنْ سَمَ دَغَ غَرِنْ، سَيْ سُواْجُواْجِنْ بِلِيَامِنُ سُكَ جُويَا بَايَ سُكَغَ غَرِنْسُ يَنَ ثِنْ وُتَا، غَ هَيَاڧِے يَنَ هَوْرَ سَمَ؞ 41دَ ڧُنْغِيَرْ سُواْجُواْجِنْ إِسْرَٰٓءِيلَ سُكَ جُويَا سُكَ ڢَاطَ مُسُ، سَيْ سُواْجُواْجِنْ بِلِيَامِنُ سُكَ ضِكِثِے؞ أَوَنَّنْ لُواْكَثِ نٜىٰ ڢَا سُكَ غَانٜىٰ مَسِيڢَ تَسَامٜىٰسُ؞ 42دَ سُكَغَ حَكَ، سَيْ سُكَجَا بَايَ، سُكَ كَامَ غُدُ سُكَ نُڢِ دَاجِ، عَمَّا بَسُ ڟِيرَبَ؞ سَوْرَنْ مُتَنٜىٰنْ إِسْرَٰٓءِيلَ وَطَنْدَ سُكَ ڢِتُواْ دَغَ غَرُرُوَ سُكَ كَكَّشٜىٰسُ، سُكَ هَلَّكَرْ دَسُو؞ 43إِسْرَٰٓءِيلَاوَا سُكَيِ وَمُتَنٜىٰنْ بِلِيَامِنُ تَرْكُواْ، سُكَ بِيسُ بَا ڟَيَاوَا تُنْدَغَ مٜىٰنُهَ حَرْ ذُوَا غِبٜىٰيَ أَغَبَسْ؞ 44أَوَنَّنْ رَانَ عَكَ كَكَّشٜىٰ مَاسُ عِيَ يَاڧِ نَ بِلِيَامِنُ مُتُمْ دُبُو غُواْمَشَا تَݣُوسْ؞ 45سَوْرَنْ سُكَ جُويَا سُكَ كَامَ غُدُ ذُوَا دَاجِ سُكَ نُڢِ دُوڟٜىٰنْ رِمُّوانْ؞ عَكَنْ هَنْيُواْيِ مُتَنٜىٰنْ إِسْرَٰٓءِيلَ سُكَ كَكَّشٜىٰ مُتُمْ دُبُو بِيَرْ؞ عَكَثِيغَبَدَ بِنْ سَوْرَنْ حَرْ ذُوَا غِدُوامْ، عَكَ كُمَ كَشٜىٰ مُتُمْ دُبُو بِيُ؞ 46أَ رَانَرْ نَنْ دَيْ مُتَنٜىٰنْ بِلِيَامِنُ دَ عَكَ كَشٜىٰ سُنْ كَيْ مُتُمْ دُبُو عَشِرِنْ دَ بِيَرْ، دُكَنْسُ سُواْجُواْجِ نٜىٰ مَاسُ ذُوثِيَا، كُمَ مَاسُ عِيَ يَاڧِ؞
47عَمَّا مُتُمْ طَرِے شِدَ سُكَ جُويَا سُكَ غُدُ ذُوَا ثِكِنْ دَاجِ، سُكَ كَيْ دُوڟٜىٰنْ رِمُّوانْ عِنْدَ سُكَ ذَوْنَ حَرْ وَتَا حُطُ؞ 48مُتَنٜىٰنْ إِسْرَٰٓءِيلَ سُكَ كُواْمَ، سُكَ كَكَّشٜىٰ كُواْوَنٜىٰ أَبُ مَيْ رَيْ وَنْدَ يَكٜىٰ ثِكِنْ غَرُرُوَ دَ مُتَنٜىٰ دَ دَبُّواْبِے دَ دُكَنْ أَبِنْدَ سُكَ سَامُ؞ سُكَ ڧُواْڧُّواْنٜىٰ دُكَنْ غَرُضُوً دَ سُكَ شِغَ ثِكِ أَوَنَّنْ يَنْكِنْ ڧَسَرْ؞
Currently Selected:
أَلْڧَلَيْ 20: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
