أَلْڧَلَيْ 17
17
غُمَكَنْ مِيكَ
1أَݣَويْ وَنِ مُتُمْ عَيَنْكِنْ تُدَّيْ نَ إِڢْرَيِمْ مَيْ سُونَ مِيكَ؞ 2وَتَرَانَ يَثٜىٰ وَمَامَرْسَ «سَعَدَّ وَنِ يَسَاثِ أَظُرْڢَا دُبُو طَيَ دَ طَرِے طَيَ دَغَ وُرِنْكِ، نَاجِ كِنْ لَعَنْتَ ٻَرَوُانْ؞ تُواْ، غَاشِ، أَظُرْڢَنْ سُنَ تَرٜىٰدَنِ، نِے نَا طَوْكَ؞»
سَيْ مَامَرْسَ تَثٜىٰ «بَرِ يَهْوٜىٰهْ يَسَا مَكَ أَلْبَرْكَ، طَانَ!» 3دَيَمَيَرْ وَمَامَرْسَ أَظُرْڢَرْتَ، سَيْ تَثٜىٰ «دُواْمِنْ كَدَ لَعَنَرْ تَكَامَ طَانَ، إِنَ كٜىٰٻٜىٰ وَطَنَّنْ أَظُرْڢَا غَ يَهْوٜىٰهْ دَ ذُوثِيَا طَيَ؞ أَنَ عِيَ سَسَّڧَ غُنْكِ عَكُمَ شَاڢٜىٰشِ دَ أَظُرْڢَرْ؞ سَبُواْدَ حَكَ ذَنْ مَيَرْ مَكَ؞» 4عَمَّا مِيكَ يَمَيَرْ وَمَامَرْسَ أَظُرْڢَرْ؞ سَيْ تَطِبَ أَظُرْڢَا غُدَا طَرِے بِيُ تَبَا مَڧٜىٰرِ؞ شِے كُوَ يَسَسَّڧَ غُنْكِ دَغَ إِتَاثٜىٰ يَكُمَ شَاڢٜىٰشِ دَ أَظُرْڢَا؞ سَيْ عَكَ أَجِيٜىٰ غُنْكِنْ عَثِكِنْ غِدَنْ مِيكَ؞
5مِيكَ كُوَ يَغِنَ غِدَنْ سُجَّدَ، يَيِ عٜىٰڢُوادْ نَنٜىٰمَنْ نُڢِنْ اللَّهْ، يَكُمَيِ غُمَكَ؞ يَكٜىٰٻٜىٰ طَيَ دَغَ ثِكِنْ یَیَنْسَ مَظَا يَذَمَ مَسَ ڢِرِسْتِ؞ 6أَوَنَّنْ لُواْكَثِ بَابُ سَرْكِے عَ إِسْرَٰٓءِيلَ، كُواْوَ يَنَ تَيِنْ أَبِنْدَ يَغَ دَامَ؞#أَلْڧَ 21.25
7أَ لُواْكَثِنَّنْ كُوَ أَݣَويْ وَنِ سَوْرَيِ دَغَ ذُرِيَرْ لَوِ، وَنْدَ يَكٜىٰ ذَمَ أَ بَيْتَلَحْمِ تَ يَهُودَ؞ 8سَوْرَيِنْ يَبَرْ بَيْتَلَحْمِ دُواْمِنْ يَنٜىٰمِ وَنِ وُرِنْ دَ ذَيْ عِيَ ظَوْنَاوَا؞ سَعَدَّ يَكٜىٰ ثِكِنْ تَڢِيَرْسَ سَيْ يَكَيْ غِدَنْ مِيكَ عَيَنْكِنْ تُدَّيْ نَ إِڢْرَيِمْ؞ 9مِيكَ يَتَمْبَيٜىٰشِ يَثٜىٰ «كَيْ دَغَ إِنَا نٜىٰ كَڢِتُواْ؟»
شِے كُوَ يَأَمْسَ مَسَ يَثٜىٰ «نِے مُتُمِنْ لَوِ نٜىٰ دَغَ بَيْتَلَحْمِ تَ يَهُودَ؞ إِنَ نٜىٰمَنْ وُرِنْ دَ ذَنْ ذَوْنَ؞»
10مِيكَ يَثٜىٰ مَسَ «كَذَوْنَ تَرٜىٰدَنِ؞ كَذَمَ مِنِ مَيْ بَادَ شَوَرَا دَ كُمَ ڢِرِسْتِ؞ نِے كُوَ ذَنْ دِنْغَ بِيَنْكَ أَظُرْڢَا غُواْمَ عَثِكِنْ شٜىٰكَرَا دَ رِيغُنَ دَ عَبِنْثِ؞» 11سَيْ مُتُمِنْ لَوِنَّنْ يَيَرْدَ يَذَوْنَ تَرٜىٰدَ مِيكَ، يَكُوَ ذَمَ كَمَرْ طَنْسَ؞ 12مِيكَ يَنَطَ مُتُمِنْ لَوِنَّنْ يَذَمَ ڢِرِسْتِ نَاسَ، يَكُمَ ذَوْنَ أَغِدَنْ مِيكَ؞ 13مِيكَ يَثٜىٰ «يَنْذُ نَسَنِ يَهْوٜىٰهْ ذَيْسَا إِنْيَلْوَتَ تُنْدَيَكٜىٰ نَسَامِ مُتُمِنْ لَوِ يَذَمَ مِنِ ڢِرِسْتِ؞»
Currently Selected:
أَلْڧَلَيْ 17: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
