هِظْڧِيَالْ 47
47
كُواْغِنْ دَ يَكٜىٰ غُدُ دَغَ هَيْكَلِ
1سَيْ مُتُمِنْ يَكُواْمُواْ دَنِے ذُوَا بَاكِنْ ڧُواْڢَرْ هَيْكَلِنْ، ثَنْ نَغَ ضُوَ يَنَ ٻُلْٻُلُّواْوَ دَغَ ڧَرْڧَشِنْ بَاكِنْ ڧُواْڢَرْ هَيْكَلِنْ ذُوَا وَجٜىٰنْ غَبَسْ، غَمَا هَيْكَلِنْ يَنَ ڢُسْكَنْتَرْ غَبَسْ؞ ضُوً يَنَ ڢِتُواْوَ دَغَ غٜىٰڢٜىٰنْ كُدُ نَبَاكِنْ ڧُواْڢَرْ هَيْكَلِنْ، يَنَ غَنْغَرُواْوَ أَغٜىٰڢٜىٰنْ كُدُ نَبَغَدٜىٰنْ؞#زَكْ 14.8؛ يَحـ 7.38؛ رُعُيَ 22.1-2 2سَيْ يَڢِتُواْ دَنِے وَجٜىٰ تَڧُواْڢَرْ أَرٜىٰوَ، يَبِے دَنِے مُكَ كٜىٰوَيَ ذُوَا ڧُواْڢَرْ دَتَكٜىٰ ڢُسْكَنْتَرْ غَبَسْ؞ سَيْغَاشِ كُوَ ضُوً يَنَ ڢِتُواْوَ أَغٜىٰڢٜىٰنْ كُدُ نَڧُواْڢَرْ غَبَسْ؞ 3سَعَدَّ يَكٜىٰ نُڢَ تَغَبَسْ دَ إِغِيَ أَ حَنُّنْسَ يَنَ عَوْنَاوَا، يَكُوَ عَوْنَ كَمُ دُبُو طَيَ؞ بَايَنْ حَكَ يَبِے دَنِے مُكَ ڧٜىٰتَرٜىٰ ضُوً، ظُرْڢِنْ ضُوً كُوَ يَكَيْ عِدُوانْ ڧَڢَتَ؞ 4يَيِ تَنُڢَ تَغَبَسْ، يَسَاكٜىٰ عَوْنَ كَمُ دُبُو طَيَ؞ بَايَنْ حَكَ يَبِدَنِے مُكَ ڧٜىٰتَرٜىٰ ضُوً، ظُرْڢِنْ ضُوً كُوَ يَكَيْ أَڠُوِوَتَ؞ سَيْ يَكُمَ عَوْنَ كَمُ دُبُو؞ يَبِے دَنِے مُنْ ڧٜىٰتَرٜىٰ ضُوً، ظُرْڢِنْ ضُوً كُوَ يَكَيْ غِنْدِنَ؞ 5يَسَاكٜىٰ عَوْنَ كَمُ دُبُو طَيَ، ضُوً كُوَ يَذَمَ كُواْغِ حَرْ بَنْ عِيَ ڧٜىٰتَرٜىٰوَبَ، غَمَا ضُوً يَيِيَوَ؞ ظُرْڢِنْ كُواْغِنْ يَيِيَوَ يَدَّ بَعَ عِيَ ڧٜىٰتَرٜىٰوَ بَ سَيْ دَ إِيُواْ؞ 6سَيْ يَثٜىٰمِنِ «يَا كَيْ طَنْ مُتُمْ، كَغَ وَنَّنْ؟»
سَيْ يَكُواْمَرْ دَنِے ذُوَا بَاكِنْ كُواْغِنْ؞ 7سَعَدَّ نَكُواْمُواْ، سَيْ نَغَ مَنْيَنْ عِتَتُوَ دَيَوَ أَوَنَّنْ غٜىٰڢٜىٰ دَ وَنْثَنْ غٜىٰڢٜىٰنْ بَاكِنْ كُواْغِنْ؞ 8يَثٜىٰ مِنِ «وَنَّنْ ضُوَ ذَيْ غَنْغَرَ ذُوَا وَجٜىٰنْ غَبَسْ حَرْ ذُوَا ݣُورِنْ أَرَبَ نٜىٰ؞ سَعَدَّ يَشِغَ تٜىٰكُنْ غِشِرِ، ضُوً تٜىٰكُنْ كُوَ ذَيْ ثَنْجَ يَذَمَ ضُوَ مَيْ دَاطِے؞ 9دُكْ عِنْدَ كُواْغِنْ يَتَڢِے، كُواْوَثٜىٰ حَلِتَّ مَيْ رَيْ ذَاتَ رَايُ؞ ذَاعَ سَامِ كِيڢَيٜىٰ دَيَوَ عَثِكِ، مُدِّنْ ضُوًنَنْ يَكَيْ ثِكِنْ ضُوً تٜىٰكُ؞ ضُوً ذَيْ ثَنْجَ يَذَمَ ضُوَ مَيْݣَوْ؞ دُكْ عِنْدَ ضُوًنَنْ يَتَڢِے كُواْوَنٜىٰ أَبُ ذَيْ رَايُ؞ 10مَاسُ كَامُنْ كِيڢِ ذَاسُ ڟَيَ عَبَاكِنْ تٜىٰكُنْ سُنَ كَامُنْ كِيڢِ دَغَ عٜىٰنْغٜىٰدِ حَرْ ذُوَا عٜىٰنٜىٰغْلَيِمْ؞ وُرَرٜىٰنَّنْ ذَاسُ ذَمَ وُرِنْ شَنْيَ رَاغَرْ كَامُنْ كِيڢِ؞ ذَاعَ سَامِ كِيڢَيٜىٰ إِرِ إِرِ عَثِكِنْ ضُوً، كَمَرْ إِرِنْ كِيڢِنْ بَبَّرْ تٜىٰكُنَّنْ مٜىٰدِتٜىٰرٜىٰنِيَ؞ 11عَمَّا ضُوً ڢَدَمُنْسَ دَ ضُوً وُرَارٜىٰنْ ݣُورِ بَذَاسُ ثَنْجَ سُذَمَ مَاسُ دَاطِے بَ؞ ذَاعَبَرْسُ سُذَمَ وُرِنْ سَامُنْ غِشِرِ؞ 12عَكَنْ كُواْوَنٜىٰ بَاكِنْ كُواْغِنْ، عِتَتُوَ إِرِ إِرِ مَاسُ بَادَ أَمْڢَانِ ذَاسُيِ غِرْمَ؞ غَنْيَيٜىٰنْسُ بَذَاسُ تَٻَ بُوشٜىٰوَبَ، كُمَ عِتَتُوَنْ بَذَاسُ تَٻَ ڢَاسَ بَادَ یَیَبَ، عَمَّا ذَاسُيِ تَبَادَ یَیَ كُواْوَنٜىٰ وَتَ؞ غَمَا ضُوً دَ يَكٜىٰبِے تَغِنْدِنْ عِتَتُوَنْ دَغَ هَيْكَلِنْ نٜىٰ يَٻُلُّواْ؞ یَیَنْ عِتَتُوَنْ عَبِنْثِنٜىٰ، غَنْيَيٜىٰنْسُ كُوَ مَاغَنِنٜىٰ؞»
يَدَّ ذَاعَ رَبَ ڧَسَرْ
13«إِنْجِنِ عُبَنْغِجِ يَهْوٜىٰهْ، غَا يَدَّ ذَاعَ كَڢَ إِيَاكَرْ ڧَسَرْ سَعَدَّ ذَاكُ رَبَ رَبُوانْ غَادُواْ نَظُرِيَرْ إِسْرَٰٓءِيلَ غُواْمَشَا بِيُ؞ يُوسُڢَ ذَيْسَامِ رَبُوانْ غَادُواْ كَشِ بِيُ؞ 14ذَاكُ رَبَتَ دَيْدَيْ أَڟَكَانِنْكُ، غَمَا نَا ضَنْڟٜىٰ ذَنْبَا كَاكَنِّنْكُ وَنَّنْ ڧَسَا تَذَمَ رَبُوانْ غَادُوانْكُ؞
15«غَا يَدَّ إِيَاكَرْ ڧَسَرْ ذَاتَ كَسَنْثٜىٰ؞ أَوَجٜىٰنْ أَرٜىٰوَ، إِيَاكَ ذَاتَ مِيڧٜىٰ دَغَ تٜىٰكُنْ مٜىٰدِتٜىٰرٜىٰنِيَ تَبِے تَغَبَسْ أَ حَنْيَرْ هٜىٰتْلُوانْ ذُوَا مَشِغِنْ يَنْكِنْ هَمَتْ حَرْ ذُوَا ظٜىٰدَدْ، 16دَ بٜىٰرُواْتَ دَ سِبْرَيِمْ، وَدَّ تَكٜىٰ ڟَكَانِنْ إِيَاكَرْ يَنْكِنْ دِمَشْڧُ دَ إِيَاكَرْ يَنْكِنْ هَمَتْ، حَرْ ذُوَا هَظٜىٰرْ هَتِّكُوانْ وَدَّ تَكٜىٰ عَ إِيَاكَرْ هَوْرَنْ؞ 17تَهَكَ إِيَاكَرْ ذَاتَبِے دَغَ تٜىٰكُنْ مٜىٰدِتٜىٰرٜىٰنِيَ ذُوَا هَظَرْ عٜىٰنُوانْ، وَدَّ تَكٜىٰ أَرٜىٰوَ دَ إِيَاكَرْ يَنْكِنْ دِمَشْڧُ تَرٜىٰدَ إِيَاكَرْ يَنْكِنْ هَمَتْ وَدَّ تَكٜىٰ وَجٜىٰنْ أَرٜىٰوَ؞ وَنَّنْ عِتَثٜىٰ إِيَاكَ تَأَرٜىٰوَ؞
18«غَا يَدَّ إِيَاكَرْ غَبَسْ ذَاتَ كَسَنْثٜىٰ؞ إِيَاكَ ذَاتَ مِيڧٜىٰ ڟَكَانِنْ يَنْكِنْ هَوْرَنْ دَ يَنْكِنْ دِمَشْڧُ؞ كُواْغِنْ يُواْدَنْ ذَيْ ذَمَ إِيَاكَ ڟَكَانِنْ غِلٜىٰيَدْ دَ ڧَسَرْ إِسْرَٰٓءِيلَ أَوَجٜىٰنْ غَبَسْ حَرْ ذُوَا تَمَرْ وَجٜىٰنْ تٜىٰكُنْ غِشِرِ؞ وَنَّنْ عِتَثٜىٰ إِيَاكَ تَغَبَسْ؞
19«غَا يَدَّ إِيَاكَرْ كُدُ ذَاتَ كَسَنْثٜىٰ؞ إِيَاكَرْ ذَاتَ مِيڧٜىٰ ذُوَا يَمَّ دَغَ تَمَرْ تَبِے تَ ضُوً مٜىٰرِبَتْ كَدٜىٰشْ دَغَ ثَنْ ذَاتَبِے تَ رَاڢِنْ مَصَرْ حَرْ ذُوَا تٜىٰكُنْ مٜىٰدِتٜىٰرٜىٰنِيَ؞ وَنَّنْ عِتَثٜىٰ إِيَاكَ تَكُدُ؞
20«غَا يَدَّ إِيَاكَرْ يَمَّ ذَاتَ كَسَنْثٜىٰ؞ تٜىٰكُنْ مٜىٰدِتٜىٰرٜىٰنِيَ عِتَثٜىٰ إِيَاكَ، ذَاتَ مِيڧٜىٰ أَرٜىٰوَ ذُوَا وُرِنْ دَ إِيَاكَ تَأَرٜىٰوَ تَڢَارَ، وَنْدَ يَكٜىٰ ڢُسْكَنْتَرْ مَشِغِنْ يَنْكِنْ هَمَتْ؞ وَنَّنْ عِتَثٜىٰ إِيَاكَ تَيَمَّ؞
21«تَهَكَ ذَاكُ رَبَ وَنَّنْ ڧَسَا أَڟَكَانِنْكُ بِسَغَ ظُرِيُواْيِنْ إِسْرَٰٓءِيلَ؞ 22ذَاكُ رَبَ ڧَسَرْ تَذَمَ مُكُ غَادُواْ، كُرَبَ أَڟَكَانِنْكُ دَ بَڧِنْ دَسُكٜىٰ ذَمَ عَثِكِنْكُ وَطَنْدَ سُكَ حَيْڢِ یَیَ عَثِكِنْكُ؞ ذَاسُ ذَمَ أَغَرٜىٰكُ كَمَرْ وَطَنْدَ عَكَ حَيْڢٜىٰسُ ثِكِنْ إِسْرَٰٓءِيلَ؞ ذَاعَبَاسُ رَبُوانْ غَادُوانْ ڧَسَرْ تَرٜىٰدَكُو ثِكِنْ ظُرِيُواْيِنْ إِسْرَٰٓءِيلَ؞ 23عَثِكِنْ ذُرِيَ وَدَّ بَاڧِ سُكٜىٰ ذَمَ عَثِكِنْتَ، أَوُرِنْ نٜىٰ ذُرِيَرْ ذَاتَ بَا بَڧِنْ رَبُوانْ غَادُوانْسُ؞ نِے عُبَنْغِجِ يَهْوٜىٰهْ نَا ڢَطَا؞»
Currently Selected:
هِظْڧِيَالْ 47: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
