دَانِيٜىٰلْ 2
2
مَڢَرْكِنْ نٜىٰبُكَدْنٜىٰزَّرْ عَكَنْ بَبَّنْ غُنْكِ
1أَ شٜىٰكَرَا تَبِيُ تَمُلْكِنْسَ، سَرْكِے نٜىٰبُكَدْنٜىٰزَّرْ يَيِ مَڢَرْكِ؞ مَڢَرْكِنْ كُوَ يَدَامٜىٰشِ ڨُورَيْ حَرْ بَرْثِ يَغَغَرٜىٰشِ؞ 2سَيْ سَرْكِے يَبَادَ عُمَرْنِ ثٜىٰوَ دُكَنْ مَاسُ دَبُواْ دَ مَاسُ دُوبَادَ مَاسُ سِحِرِ دَ ڠُونَيٜىٰنْ ڟَاڢِ سُذُواْ سُڢَسَّرَ مَسَ مَڢَرْكِنْ دَ يَيِ؞ دَ سُكَذُواْ سُكَ ڟَيَ أَغَبَنْ سَرْكِے، 3سَيْ سَرْكِے يَثٜىٰ مُسُ «نَيِ وَنِ مَڢَرْكِ، وَنْدَ يَدَامٜىٰنِ سُواْسَيْ أَ ذُوثِيَاتَ، سَبُواْدَ بَنْ سَنْ مَعَنَرْسَبَ؞»
4سَيْ ڠُونَيٜىٰنْ ڟَاڢِ سُكَيِ مَغَنَ دَ سَرْكِے عَيَرٜىٰنْ أَرَمَيَ، سُكَثٜىٰ «رَنْ سَرْكِے يَدَطٜىٰ! كَڢَطَا وَبَايِنْكَ مَڢَرْكِنْ، ذَامُ كُوَ بَيَّنَ مَكَ مَعَنَرْسَ؞»#2.4: دَغَ وَنَّنْ أَيَ ذُوَا ڧَرْشٜىٰنْ سُورَ بَݣَويْ، أَنْرُبُوتَ وَنَّنْ سَاشٜىٰنْ لِتَّڢِنْ دَانِيٜىٰلْ ثِكِنْ يَرٜىٰنْ أَرَمَيَ نٜىٰ، بَعَ إِبْرَانِيَنْثِ بَ؞
5سَيْ سَرْكِے يَأَمْسَا وَ ڠُونَيٜىٰنْ ڟَاڢِنْ يَثٜىٰ «تُواْ، غَا أَبِنْدَ نَڟَيَ عَكَيْ، إِنَ تَبَّتَرْ مُكُ عِدَنْ بَكُ عِيَ ڢَطَا مِنِ مَڢَرْكِنْ دُكْ دَ مَعَنَرْسَبَ، تُواْ، ذَاعَ يَيَّنْكَاكُ غَٻَ غَٻَ، عَكُمَ مَيْدَ غِدَاجٜىٰنْكُ كُڢَيْ؞ 6عَمَّا عِدَنْ كُنْ ڢَطَا مِنِ مَڢَرْكِنْ دُكْ دَ مَعَنَرْسَ، تُواْ، إِنَ تَبَّتَرْ مُكُ ذَنْبَاكُ لَادَ دَ ݣَوْتَيْ دَ غِرْمَ مَيْ يَوَ؞ دُواْمِنْ حَكَ سَيْ كُڢَطَا مِنِ مَڢَرْكِنْ دُكْ دَ مَعَنَرْسَ؞»
7سُكَ سَاكٜىٰ أَمْسَ مَسَ سُكَثٜىٰ «بَرِ سَرْكِے يَڢَطَا وَبَايِنْسَ مَڢَرْكِنْ تُكُنَ، مُو كُوَ ذَامُ ڢَطَا مَكَ مَعَنَرْسَ؞»
8سَرْكِے كُوَ يَأَمْسَ يَثٜىٰ «نَا سَنِ كُنَ ڧُواْڧَرِ كُٻَاتَ لُواْكَثِ نٜىٰ كَوَيْ دُواْمِنْ كُنْ سَنْ أَبِنْدَ نَارِغَا نَا ڟَيَ عَكَيْ؞ 9عِدَنْ بَكُ ڢَطَا مِنِ مَڢَرْكِنْ بَ، كُدَيْ سَنِ ثٜىٰوَ حُكُنْثِنْ كِسَا نٜىٰ يَكٜىٰ جِضَانْكُ؞ كُكَنْ حَطَ بَاكِ نٜىٰ دُواْمِنْ كُيِ مِنِ مَغَنْغَنُنْ ڧَضْيَا نَوُاْڢِ حَرْ سَيْ لُواْكَثِنْ دَ دَامُوَرْ دَمُكٜىٰ عَثِكِ تَوُثٜىٰ؞ تُواْ، يَنْذُ سَيْ كُڢَطَا مِنِ مَڢَرْكِنْ، تَهَكَ كُوَ ذَنْ سَنِ ثٜىٰوَ ذَاكُ عِيَ ڢَطَا مِنِ مَعَنَرْسَ؞»
10سَعَنً ڠُونَيٜىٰنْ ڟَاڢِنْ سُكَ أَمْسَ وَسَرْكِے سُكَثٜىٰ «أَ دُكَنْ ڢَاطِنْ دُونِيَرْ نَنْ، بَابُوَنِ وَنْدَ ذَيْ عِيَيِنْ أَبِنْدَ سَرْكِے يَكٜىٰثٜىٰ عَيِ؞ حَڧِيڧَ، بَا وَنِ سَرْكِے وَنْدَ يَتَٻَ يِنْ إِرِنْ وَنَّنْ تَمْبَيَ أَوُرِنْ مَيْ سِحِرِ، كُواْ مَيْ دَبُواْ، كُواْ وَنِ ڠُونِنْ ڟَاڢِ؞ 11أَبِنَّنْ دَ سَرْكِے يَكٜىٰسُواْ عَيِمَسَ يَنَدَ وُيَ سُواْسَيْ، بَابُ طَنْ أَدَمْ وَنْدَ ذَيْ عِيَ بَيَّنَ وَسَرْكِے وَنَّنْ أَبُ، سَيْدَيْ كُواْ أَلُّواْلِ وَطَنْدَ بَاسَ ذَمَ تَرٜىٰدَ یَنْ أَدَمْ؞»
12دَجِنْ حَكَ سَرْكِے يَٻَرْكٜىٰ دَ ڢُشِے مَيْ ذَاڢِ ڨُورَيْ، يَعُمَرْتَ عَكَكَّشٜىٰ دُكَنْ مَاسُ حِكِمَ عَ بَابِيلَ؞ 13سَيْ عَكَ ڢِتَرْدَ عُمَرْنِ ثٜىٰوَ عَكَكَّشٜىٰ مَاسُ حِكِمَ؞ عَكَ كُمَ نٜىٰمِ دَانِيٜىٰلْ دَ أَبُواْكَنْسَ دُواْمِنْ عَكَشٜىٰسُ؞
14سَعَدَّ أَرِيُواكْ، شُوغَبَنْ یَنْ غَادِنْ سَرْكِے يَڢِتَ دُواْمِنْ يَكَكَّشٜىٰسُ، سَيْ دَانِيٜىٰلْ يَأَمْسَ وَ أَرِيُواكْ ثِكِنْ حَنْكَلِ دَ حِكِمَ، يَثٜىٰ، 15«مٜىٰيَسَا عَكٜىٰ غَغَّاوَنْ عَيْكَتَ عُمَرْنِنْ سَرْكِے حَكَ؟» سَيْ أَرِيُواكْ يَبَيَّنَاوَ دَانِيٜىٰلْ أَبِنْدَ يَڢَرُ؞ 16سَبُواْدَ حَكَ دَانِيٜىٰلْ يَشِغَ وُرِنْ سَرْكِے، يَضُواْڧٜىٰشِ يَبَاشِ لُواْكَثِ دُواْمِنْ يَبَيَّنَ مَسَ مَعَنَرْ مَڢَرْكِنْ؞
أَنْ بَيَّنَ مَعَنَرْ مَڢَرْكِنْ نٜىٰبُكَدْنٜىٰزَّرْ
17سَيْ دَانِيٜىٰلْ يَتَڢِے غِدَنْسَ، يَڢَطَا وَ أَبُواْكَنْسَ هَنَنِيَ دَ مِشَيٜىٰلْ دَ أَظَرِيَ أَبِنْدَ يَكٜىٰ ڢَرُوَ؞ 18يَڢَطَا مُسُ سُنٜىٰمِ جِنْڧَيْ دَغَ وُرِنْ اللَّهْ نَ سَمَ غَمٜىٰدَ وَنَّنْ أَسِيرِنْدَ يَشَا ڧَرْڢِنْ غَانٜىٰوَ، دُواْمِنْ كَدَ دَانِيٜىٰلْ دَ أَبُواْكَنْسَ سُهَلَّكَ تَرٜىٰدَ سَوْرَنْ مَاسُ حِكِمَ عَ بَابِيلَ؞ 19سَيْ عَكَ بَيَّنَوَ دَانِيٜىٰلْ أَسِيرِنْ تَثِكِنْ رُعُيَ دَ دَرٜىٰ؞ دَغَ نَنْ دَانِيٜىٰلْ يَيَبِے اللَّهْ نَ سَمَ؞ 20سَيْ دَانِيٜىٰلْ يَثٜىٰ،
«يَبُواْ يَتَبَّتَا غَ سُونَنْ اللَّهْ
دَغَ يَنْذُ حَرْ أَبَدَا،
وَنْدَ حِكِمَ دَ إِيكُواْ نَاسَنٜىٰ؞
21شِينٜىٰ مَيْ ثَنْجَ لُواْكَتَيْ دَ يَنَيِنْ شٜىٰكَرَا،
يَكَنْ تُوٻٜىٰ سَرَاكُنَ، يَكُمَ نَطَ وَطَنْسُ؞
شِينٜىٰ مَيْ بَادَ حِكِمَ غَ مَيْ حِكِمَ،
غَانٜىٰوَ كُمَ غَ مَيْ سَنِ؞
22شِينٜىٰ مَيْ بَيَّنَ ظُرْڢَڢَّنْ أَسِرَيْ
مَاسُ وُيَرْ غَانٜىٰوَ،
يَسَنْ أَبِنْدَ يَكٜىٰ ثِكِنْ دُهُ،
كٜىٰوَيٜىٰ دَشِ كُوَ سَيْ حَصْكٜىٰ؞
23يَا اللَّهْ نَ كَاكَنِّنَ،
أَغَرٜىٰكَ نَكٜىٰ بَادَ غُواْدِيَ دَ يَبُواْ؞
غَمَا كَا بَانِ حِكِمَ دَ إِيكُواْ،
كَا سَنَرْ مِنِ أَبِنْدَ مُكَ ضُواْڧَا،
كَا سَنَرْ مَنَ مَڢَرْكِنْدَ يَدَامِ سَرْكِے؞»
24سَعَنً دَانِيٜىٰلْ يَتَڢِے وُرِنْ أَرِيُواكْ وَنْدَ سَرْكِے يَسَا يَكَكَّشٜىٰ مَاسُ حِكِمَ نَ بَابِيلَ؞ يَثٜىٰ مَسَ «كَدَ كَكَكَّشٜىٰ مَاسُ حِكِمَ نَ بَابِيلَ؞ كَكَيْنِ غَبَنْ سَرْكِے، نِے كُوَ ذَنْ ڢَطَا وَسَرْكِے مَعَنَرْ مَڢَرْكِنْسَ؞»
25نَنْ دَ نَنْ أَرِيُواكْ يَكَيْ دَانِيٜىٰلْ غَبَنْ سَرْكِے، يَثٜىٰ مَسَ «نَسَامِ وَنِ دَغَ ثِكِنْ وَطَنْدَ عَكَ كَامَ ذُوَا بَوْتَادَغَ ڧَسَرْ يَهُودَ وَنْدَ ذَيْ عِيَ ڢَطَا وَسَرْكِے مَعَنَرْ مَڢَرْكِنْ؞»
26سَيْ سَرْكِے يَثٜىٰ وَ دَانِيٜىٰلْ وَنْدَ أَنْكُمَ سَنْشِ دَ سُونَ بٜىٰلْتٜىٰشَظَّرْ «ذَاكَ عِيَ ڢَطَا مِنِ مَڢَرْكِنْدَ نَيِ دُكْ دَ مَعَنَرْسَ؟»
27دَانِيٜىٰلْ يَأَمْسَ يَثٜىٰ،
«رَنْكَيَدَطٜىٰ! بَابُ مَاسُ حِكِمَ، كُواْ مَاسُ دُوبَا، كُواْ مَاسُ دَبُواْ، كُواْ مَاسُ يِنْ دُوبَادَ تَوْرَرِ وَطَنْدَ ذَاسُ عِيَ سُڢَطَا وَسَرْكِے أَسِيرِنَّنْ دَيَكٜىٰ دَامُنْسَ؞ 28عَمَّا إِنَ سُواْ إِنْ تَبَّتَرْوَ سَرْكِے ثٜىٰوَ أَݣَويْ اللَّهْ أَ سَمَ وَنْدَ شِينٜىٰ مَيْ بَيَّنَ أَسِرَيْ؞ وَنَّنْ اللَّهْ شِينٜىٰ يَسَنَرْ وَسَرْكِے أَبِنْدَ ذَيْ ڢَرُ نَنْ غَبَ؞ رَنْكَيَدَطٜىٰ! تُواْ، يَنْذُ ذَنْ ڢَطَا مَكَ مَڢَرْكِ دَ رُعُيَرْدَ كَغَنِ، سَعَدَّ كَكٜىٰ ݣُونْثٜىٰ عَكَنْ غَدُوانْكَ؞
29«رَنْكَيَدَطٜىٰ يَا سَرْكِے! سَعَدَّ كَكٜىٰ ݣُونْثٜىٰ عَكَنْ غَدُوانْكَ، سَيْ تُنَانِنْ أَبِنْدَ ذَيْ ڢَرُ نَنْ غَبَ يَذُواْ مَكَ؞ شِ كُمَ مَيْ بَيَّنَ أَسِرَيْ يَنُونَ مَكَ أَبِنْدَ ذَيْ ڢَرُ نَنْ غَبَ؞ 30عَمَّا نِے كُوَ، عَكَ بَيَّنَ مِنِ وَنَّنْ أَسِيرِ بَسَبُواْدَ إِنَدَ وَتَ حِكِمَ ڢِيٜىٰدَ سَوْرَنْ مُتَنٜىٰبَ؞ دَلِيلِنْ دَ عَكَ بَيَّنَ مِنِ أَسِيرِنْ شِينٜىٰ دُواْمِنْ أَڢَطَا مَكَ مَعَنَرْ مَڢَرْكِنْكَ، كَكُمَ غَانٜىٰ تُنَانِنْدَ يَشِغَ ذُوثِيَارْكَ؞
31«يَا سَرْكِے، عَثِكِنْ مَڢَرْكِنْكَ يَايِنْ دَ كَكٜىٰ كَلُّواْ، سَيْغَا وَنِ بَبَّنْ غُنْكِنْ ظِينَارِيَ مَيْ وَلْڧِيَ؞ غُنْكِنَّنْ، غَنِنْسَ يَنَدَ بَنْ ڟُواْرُواْ، يَنَ ڟَيٜىٰ أَغَبَنْكَ؞ 32أَنْيِ كَنْ غُنْكِنَّنْ دَ ظَلَّرْ ظِينَارِيَ؞ ڧِرْجِنْسَ دَ حَنُّنْسَ، أَنْيِسُ دَ أَظُرْڢَا، ثِكِنْسَ دَ ثِنْيُواْيِنْسَ، أَنْيِسُ دَ تَغُلَّ، 33ڧَڢَاڢُنْسَ، أَنْيِسُ دَ بَڧِنْ ڧَرْڢٜىٰ، تَڢِنْ ڧَڢَاڢُنْسَ كُمَ، أَنْيِسُ دَ بَڧِنْ ڧَرْڢٜىٰ غَوْرَايٜىٰ دَ لَاكَ؞ 34سَعَدَّ كَكٜىٰ ثِكِنْ كَلُّواْ، سَيْ كَغَ وَنِ دُوڟٜىٰ يَٻَرْكٜىٰ، كُمَ بَ دَ حَنُّنْ طَنْ أَدَمْ بَ، سَيْ دُوڟٜىٰنْ يَبُغِ ڧَڢَاڢُنْ غُنْكِنْ، يَڢَرْڢَشٜىٰ ڧَڢَاڢُنْسَ نَبَڧِنْ ڧَرْڢٜىٰ غَوْرَايٜىٰ دَ لَاكَ؞ 35سَعَنً بَڧِنْ ڧَرْڢٜىٰنْ دَ لَكَرْ دَ تَغُلَّرْ دَ أَظُرْڢَرْ دَ ظِينَارِيَرْ دُكَ سُكَ ڢَرْڢَشٜىٰ سُكَ ذَمَ كَمَرْ ڧُورَرْ ڧَسَا وَدَّ إِسْكَ تَݣُوشٜىٰ حَرْ بَعَ عِيَ غَنِنْ كُواْ عَلَمَرْسُبَ؞ عَمَّا وَنَّنْ دُوڟٜىٰنْدَ يَبُغِ غُنْكِنْ، يَجُويَ يَذَمَ بَبَّنْ تُدُ حَرْ يَثِكَ دُونِيَا دُكَ؞
36«وَنَّنْ شِينٜىٰ مَڢَرْكِنْ، يَنْذُ كُمَ ذَامُ ڢَطَا وَسَرْكِے مَعَنَرْسَ؞ 37يَا كَيْ سَرْكِے، كَيْنٜىٰ سَرْكِنْ سَرَاكُنَ وَنْدَ اللَّهْ نَ سَمَ يَبَاكَ مُلْكِ دَ إِيكُواْ دَ ڧَرْڢِے دَ دَرَجَ؞ 38أَ حَنُّنْكَنٜىٰ اللَّهْ يَبَادَ دُكَنْ یَنْ أَدَمْ دَ دَبُّواْبِنْ دَاجِ دَ ڟُنْڟَيٜىٰنْ سَرَرِنْ سَمَ؞ كَيْ نٜىٰ كُمَ يَبَاكَ مَلَّكَرْسُ دُكَ؞ كَيْنٜىٰ كَنْ ظِينَارِيَرْ نَنْ نَغُنْكِنْ مُتُمْ؞ 39عَبَايَنْكَ ذَاعَيِ وَنِ مُلْكِ وَنْدَ بَيْكَيْ كَمَرْ نَاكَبَ؞ بَايَنْ وَنَّنْ ذَاعَيِ وَنِ مُلْكِ كُمَ نَعُكُ مَيْ دَرَجَرْ تَغُلَّ، وَنْدَ ذَيْ مَلَّكِ دُكَنْ دُونِيَا؞ 40ذَاعَكُمَيِ مُلْكِ نَهُطُ، مَيْ ڧَرْڢِے كَمَرْ بَڧِنْ ڧَرْڢٜىٰ؞ كَمَرْ يَدَّ بَڧِنْ ڧَرْڢٜىٰ يَكَنْ ڢَرْڢَشٜىٰ كُواْمٜىٰ، حَكَنَنْ وَنَّنْ مُلْكِ ذَيْ ڢَرْڢَشٜىٰ سَوْرَنْ مُلْكُواْكِ؞ 41كَمَرْ يَدَّ كَكُمَغَ أَنْيِ ڧَڢَاڢُنْ دَ يَڟُنْ دَ بَڧِنْ ڧَرْڢٜىٰ غَوْرَايٜىٰ دَ لَاكَ، وَنَّنْ يَنُونَ ثٜىٰوَ مُلْكٍ ذَيْ رَبُ، عَمَّا ذَيْ كَسَنْثٜىٰ دَ طَنْ ڧَرْڢِے دُواْمِنْ أَݣَويْ بَڧِنْ ڧَرْڢٜىٰ غَوْرَايٜىٰ دَ لَاكَ؞ 42كَمَرْ يَدَّ أَنْيِ يَڟُنْ ڧَڢَاڢُنْ دَ بَڧِنْ ڧَرْڢٜىٰ غَوْرَايٜىٰ دَ لَاكَ، حَكَنَنْ مُلْكٍ ذَيْ كَسَنْثٜىٰ غَوْرَايٜىٰ دَ ڧَرْڢِے دَ رَشِنْ ڧَرْڢِے؞ 43كَمَرْ يَدَّ كَغَ بَڧِنْ ڧَرْڢٜىٰنْ غَوْرَايٜىٰ دَ لَاكَ، حَكَنَنْ مَاسُ مُلْكُواْكِنْ ذَاسُ غَوْرَايٜىٰ دَ جُونَ تَوُرِنْ يِنْ عَوْرٜىٰ، عَمَّا دُكْدَهَكَ بَذَاسُ حَطُ دَ جُونَ بَ، كَمَرْ يَدَّ بَڧِنْ ڧَرْڢٜىٰ دَ لَاكَ بَاسَ حَطُوَ؞ 44عَݣُونَكِنْ وَطَنَّنْ سَرَاكُنَ، اللَّهْ نَ سَمَ ذَيْ كَڢَ وَنِ مُلْكِ وَنْدَ بَذَيْ تَٻَ رُشٜىٰوَ بَ حَرْ أَبَدَا، بَكُمَ ذَاعَ بَا وَطَنْسُ سُغَاجٜىٰشِيبَ؞ مُلْكِنَّنْ ذَيْ ڢَرْڢَشٜىٰ دُكَنْ وَطَنَّنْ مُلْكُواْكِ، يَكَٰوُاْ ڧَرْشٜىٰنْسُ؞ عَمَّا مُلْكِنَّنْ ذَيْ كَسَنْثٜىٰ حَرْ أَبَدَا؞ 45غَا مَعَنَرْ مَڢَرْكِنْ دُوڟٜىٰنْدَ كَغَنِ؞ عَثِكِنْ مَڢَرْكِنْ كَغَ دُوڟٜىٰ يَٻَرْكٜىٰ دَغَ بَبَّنْ تُدُ، كُمَ بَ دَ حَنُّنْ طَنْ أَدَمْ بَ، حَرْ يَڢَرْڢَشٜىٰ بَڧِنْ ڧَرْڢٜىٰنْ دَ تَغُلَّرْ دَ لَكَرْ دَ أَظُرْڢَرْ دَ ظِينَارِيَرْ؞ تُواْ، اللَّهْ مَطَوْكَكِ يَنَ سَنَرْوَ سَرْكِے أَبِنْدَ ذَيْ ڢَرُ نَنْ غَبَ كٜىٰنَنْ؞ مَڢَرْكِنْ تَبَّتَاثّٜىٰنٜىٰ، مَعَنَرْسَ كُمَ غَسْكِيَثٜىٰ؞»
سَرْكِے يَغِرْمَمَ دَانِيٜىٰلْ
46دَ سَرْكِے نٜىٰبُكَدْنٜىٰزَّرْ يَجِ وَنَّنْ كُوَ سَيْ يَڢَاطِ أَغَبَنْ دَانِيٜىٰلْ، يَغِرْمَمَ شِ؞ سَعَنً يَعُمَرْتَ أَ مِيڧَ هَدَايَ تَهَڟِ دَ هَدَايَ تَتُرَارٜىٰ غَ دَانِيٜىٰلْ؞ 47سَرْكِنْ يَكُمَ ثٜىٰ وَ دَانِيٜىٰلْ «حَڧِيڧَ، اللَّهْ نْكَ، اللَّهْ نَ أَلُّواْلِنٜىٰ دَ مَيْ مُلْكٍ سَرَاكُنَ، مَيْ بَيَّنَ أَسِرَيْ، غَمَا كَا عِيَ بَيَّنَ وَنَّنْ أَسِيرِ!» 48سَيْ سَرْكِے يَبَا دَانِيٜىٰلْ غِرْمَ مَيْ يَوَ دَ مَنْيَ مَنْيَنْ ݣَوْتَيْ مَاسُيَوَ؞ يَنَطَشِ مَيْمُلْكِ بِسَ دُكَنْ يَنْكِنْ بَابِيلَ؞ يَكُمَ نَطَشِ شُوغَبَنْ دُكَنْ مَاسُ حِكِمَ نَ بَابِيلَ؞ 49سَيْ دَانِيٜىٰلْ يَضُواْڧِ سَرْكِے أَمَدَدِنْ أَبُواْكَنْسَ، سَرْكِے كُوَ يَنَطَ شَدْرَكْ دَ مٜىٰشَكْ دَ أَبٜىٰدْنٜىٰغُواْ سُذَمَ مَاسُ كُلَ دَ أَلْعَمُرَنْ يَنْكِنْ بَابِيلَ؞ عَمَّا دَانِيٜىٰلْ يَكَسَنْثٜىٰ عَثِكِنْ غِدَنْ سَرْكِے؞
Currently Selected:
دَانِيٜىٰلْ 2: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
دَانِيٜىٰلْ 2
2
مَڢَرْكِنْ نٜىٰبُكَدْنٜىٰزَّرْ عَكَنْ بَبَّنْ غُنْكِ
1أَ شٜىٰكَرَا تَبِيُ تَمُلْكِنْسَ، سَرْكِے نٜىٰبُكَدْنٜىٰزَّرْ يَيِ مَڢَرْكِ؞ مَڢَرْكِنْ كُوَ يَدَامٜىٰشِ ڨُورَيْ حَرْ بَرْثِ يَغَغَرٜىٰشِ؞ 2سَيْ سَرْكِے يَبَادَ عُمَرْنِ ثٜىٰوَ دُكَنْ مَاسُ دَبُواْ دَ مَاسُ دُوبَادَ مَاسُ سِحِرِ دَ ڠُونَيٜىٰنْ ڟَاڢِ سُذُواْ سُڢَسَّرَ مَسَ مَڢَرْكِنْ دَ يَيِ؞ دَ سُكَذُواْ سُكَ ڟَيَ أَغَبَنْ سَرْكِے، 3سَيْ سَرْكِے يَثٜىٰ مُسُ «نَيِ وَنِ مَڢَرْكِ، وَنْدَ يَدَامٜىٰنِ سُواْسَيْ أَ ذُوثِيَاتَ، سَبُواْدَ بَنْ سَنْ مَعَنَرْسَبَ؞»
4سَيْ ڠُونَيٜىٰنْ ڟَاڢِ سُكَيِ مَغَنَ دَ سَرْكِے عَيَرٜىٰنْ أَرَمَيَ، سُكَثٜىٰ «رَنْ سَرْكِے يَدَطٜىٰ! كَڢَطَا وَبَايِنْكَ مَڢَرْكِنْ، ذَامُ كُوَ بَيَّنَ مَكَ مَعَنَرْسَ؞»#2.4: دَغَ وَنَّنْ أَيَ ذُوَا ڧَرْشٜىٰنْ سُورَ بَݣَويْ، أَنْرُبُوتَ وَنَّنْ سَاشٜىٰنْ لِتَّڢِنْ دَانِيٜىٰلْ ثِكِنْ يَرٜىٰنْ أَرَمَيَ نٜىٰ، بَعَ إِبْرَانِيَنْثِ بَ؞
5سَيْ سَرْكِے يَأَمْسَا وَ ڠُونَيٜىٰنْ ڟَاڢِنْ يَثٜىٰ «تُواْ، غَا أَبِنْدَ نَڟَيَ عَكَيْ، إِنَ تَبَّتَرْ مُكُ عِدَنْ بَكُ عِيَ ڢَطَا مِنِ مَڢَرْكِنْ دُكْ دَ مَعَنَرْسَبَ، تُواْ، ذَاعَ يَيَّنْكَاكُ غَٻَ غَٻَ، عَكُمَ مَيْدَ غِدَاجٜىٰنْكُ كُڢَيْ؞ 6عَمَّا عِدَنْ كُنْ ڢَطَا مِنِ مَڢَرْكِنْ دُكْ دَ مَعَنَرْسَ، تُواْ، إِنَ تَبَّتَرْ مُكُ ذَنْبَاكُ لَادَ دَ ݣَوْتَيْ دَ غِرْمَ مَيْ يَوَ؞ دُواْمِنْ حَكَ سَيْ كُڢَطَا مِنِ مَڢَرْكِنْ دُكْ دَ مَعَنَرْسَ؞»
7سُكَ سَاكٜىٰ أَمْسَ مَسَ سُكَثٜىٰ «بَرِ سَرْكِے يَڢَطَا وَبَايِنْسَ مَڢَرْكِنْ تُكُنَ، مُو كُوَ ذَامُ ڢَطَا مَكَ مَعَنَرْسَ؞»
8سَرْكِے كُوَ يَأَمْسَ يَثٜىٰ «نَا سَنِ كُنَ ڧُواْڧَرِ كُٻَاتَ لُواْكَثِ نٜىٰ كَوَيْ دُواْمِنْ كُنْ سَنْ أَبِنْدَ نَارِغَا نَا ڟَيَ عَكَيْ؞ 9عِدَنْ بَكُ ڢَطَا مِنِ مَڢَرْكِنْ بَ، كُدَيْ سَنِ ثٜىٰوَ حُكُنْثِنْ كِسَا نٜىٰ يَكٜىٰ جِضَانْكُ؞ كُكَنْ حَطَ بَاكِ نٜىٰ دُواْمِنْ كُيِ مِنِ مَغَنْغَنُنْ ڧَضْيَا نَوُاْڢِ حَرْ سَيْ لُواْكَثِنْ دَ دَامُوَرْ دَمُكٜىٰ عَثِكِ تَوُثٜىٰ؞ تُواْ، يَنْذُ سَيْ كُڢَطَا مِنِ مَڢَرْكِنْ، تَهَكَ كُوَ ذَنْ سَنِ ثٜىٰوَ ذَاكُ عِيَ ڢَطَا مِنِ مَعَنَرْسَ؞»
10سَعَنً ڠُونَيٜىٰنْ ڟَاڢِنْ سُكَ أَمْسَ وَسَرْكِے سُكَثٜىٰ «أَ دُكَنْ ڢَاطِنْ دُونِيَرْ نَنْ، بَابُوَنِ وَنْدَ ذَيْ عِيَيِنْ أَبِنْدَ سَرْكِے يَكٜىٰثٜىٰ عَيِ؞ حَڧِيڧَ، بَا وَنِ سَرْكِے وَنْدَ يَتَٻَ يِنْ إِرِنْ وَنَّنْ تَمْبَيَ أَوُرِنْ مَيْ سِحِرِ، كُواْ مَيْ دَبُواْ، كُواْ وَنِ ڠُونِنْ ڟَاڢِ؞ 11أَبِنَّنْ دَ سَرْكِے يَكٜىٰسُواْ عَيِمَسَ يَنَدَ وُيَ سُواْسَيْ، بَابُ طَنْ أَدَمْ وَنْدَ ذَيْ عِيَ بَيَّنَ وَسَرْكِے وَنَّنْ أَبُ، سَيْدَيْ كُواْ أَلُّواْلِ وَطَنْدَ بَاسَ ذَمَ تَرٜىٰدَ یَنْ أَدَمْ؞»
12دَجِنْ حَكَ سَرْكِے يَٻَرْكٜىٰ دَ ڢُشِے مَيْ ذَاڢِ ڨُورَيْ، يَعُمَرْتَ عَكَكَّشٜىٰ دُكَنْ مَاسُ حِكِمَ عَ بَابِيلَ؞ 13سَيْ عَكَ ڢِتَرْدَ عُمَرْنِ ثٜىٰوَ عَكَكَّشٜىٰ مَاسُ حِكِمَ؞ عَكَ كُمَ نٜىٰمِ دَانِيٜىٰلْ دَ أَبُواْكَنْسَ دُواْمِنْ عَكَشٜىٰسُ؞
14سَعَدَّ أَرِيُواكْ، شُوغَبَنْ یَنْ غَادِنْ سَرْكِے يَڢِتَ دُواْمِنْ يَكَكَّشٜىٰسُ، سَيْ دَانِيٜىٰلْ يَأَمْسَ وَ أَرِيُواكْ ثِكِنْ حَنْكَلِ دَ حِكِمَ، يَثٜىٰ، 15«مٜىٰيَسَا عَكٜىٰ غَغَّاوَنْ عَيْكَتَ عُمَرْنِنْ سَرْكِے حَكَ؟» سَيْ أَرِيُواكْ يَبَيَّنَاوَ دَانِيٜىٰلْ أَبِنْدَ يَڢَرُ؞ 16سَبُواْدَ حَكَ دَانِيٜىٰلْ يَشِغَ وُرِنْ سَرْكِے، يَضُواْڧٜىٰشِ يَبَاشِ لُواْكَثِ دُواْمِنْ يَبَيَّنَ مَسَ مَعَنَرْ مَڢَرْكِنْ؞
أَنْ بَيَّنَ مَعَنَرْ مَڢَرْكِنْ نٜىٰبُكَدْنٜىٰزَّرْ
17سَيْ دَانِيٜىٰلْ يَتَڢِے غِدَنْسَ، يَڢَطَا وَ أَبُواْكَنْسَ هَنَنِيَ دَ مِشَيٜىٰلْ دَ أَظَرِيَ أَبِنْدَ يَكٜىٰ ڢَرُوَ؞ 18يَڢَطَا مُسُ سُنٜىٰمِ جِنْڧَيْ دَغَ وُرِنْ اللَّهْ نَ سَمَ غَمٜىٰدَ وَنَّنْ أَسِيرِنْدَ يَشَا ڧَرْڢِنْ غَانٜىٰوَ، دُواْمِنْ كَدَ دَانِيٜىٰلْ دَ أَبُواْكَنْسَ سُهَلَّكَ تَرٜىٰدَ سَوْرَنْ مَاسُ حِكِمَ عَ بَابِيلَ؞ 19سَيْ عَكَ بَيَّنَوَ دَانِيٜىٰلْ أَسِيرِنْ تَثِكِنْ رُعُيَ دَ دَرٜىٰ؞ دَغَ نَنْ دَانِيٜىٰلْ يَيَبِے اللَّهْ نَ سَمَ؞ 20سَيْ دَانِيٜىٰلْ يَثٜىٰ،
«يَبُواْ يَتَبَّتَا غَ سُونَنْ اللَّهْ
دَغَ يَنْذُ حَرْ أَبَدَا،
وَنْدَ حِكِمَ دَ إِيكُواْ نَاسَنٜىٰ؞
21شِينٜىٰ مَيْ ثَنْجَ لُواْكَتَيْ دَ يَنَيِنْ شٜىٰكَرَا،
يَكَنْ تُوٻٜىٰ سَرَاكُنَ، يَكُمَ نَطَ وَطَنْسُ؞
شِينٜىٰ مَيْ بَادَ حِكِمَ غَ مَيْ حِكِمَ،
غَانٜىٰوَ كُمَ غَ مَيْ سَنِ؞
22شِينٜىٰ مَيْ بَيَّنَ ظُرْڢَڢَّنْ أَسِرَيْ
مَاسُ وُيَرْ غَانٜىٰوَ،
يَسَنْ أَبِنْدَ يَكٜىٰ ثِكِنْ دُهُ،
كٜىٰوَيٜىٰ دَشِ كُوَ سَيْ حَصْكٜىٰ؞
23يَا اللَّهْ نَ كَاكَنِّنَ،
أَغَرٜىٰكَ نَكٜىٰ بَادَ غُواْدِيَ دَ يَبُواْ؞
غَمَا كَا بَانِ حِكِمَ دَ إِيكُواْ،
كَا سَنَرْ مِنِ أَبِنْدَ مُكَ ضُواْڧَا،
كَا سَنَرْ مَنَ مَڢَرْكِنْدَ يَدَامِ سَرْكِے؞»
24سَعَنً دَانِيٜىٰلْ يَتَڢِے وُرِنْ أَرِيُواكْ وَنْدَ سَرْكِے يَسَا يَكَكَّشٜىٰ مَاسُ حِكِمَ نَ بَابِيلَ؞ يَثٜىٰ مَسَ «كَدَ كَكَكَّشٜىٰ مَاسُ حِكِمَ نَ بَابِيلَ؞ كَكَيْنِ غَبَنْ سَرْكِے، نِے كُوَ ذَنْ ڢَطَا وَسَرْكِے مَعَنَرْ مَڢَرْكِنْسَ؞»
25نَنْ دَ نَنْ أَرِيُواكْ يَكَيْ دَانِيٜىٰلْ غَبَنْ سَرْكِے، يَثٜىٰ مَسَ «نَسَامِ وَنِ دَغَ ثِكِنْ وَطَنْدَ عَكَ كَامَ ذُوَا بَوْتَادَغَ ڧَسَرْ يَهُودَ وَنْدَ ذَيْ عِيَ ڢَطَا وَسَرْكِے مَعَنَرْ مَڢَرْكِنْ؞»
26سَيْ سَرْكِے يَثٜىٰ وَ دَانِيٜىٰلْ وَنْدَ أَنْكُمَ سَنْشِ دَ سُونَ بٜىٰلْتٜىٰشَظَّرْ «ذَاكَ عِيَ ڢَطَا مِنِ مَڢَرْكِنْدَ نَيِ دُكْ دَ مَعَنَرْسَ؟»
27دَانِيٜىٰلْ يَأَمْسَ يَثٜىٰ،
«رَنْكَيَدَطٜىٰ! بَابُ مَاسُ حِكِمَ، كُواْ مَاسُ دُوبَا، كُواْ مَاسُ دَبُواْ، كُواْ مَاسُ يِنْ دُوبَادَ تَوْرَرِ وَطَنْدَ ذَاسُ عِيَ سُڢَطَا وَسَرْكِے أَسِيرِنَّنْ دَيَكٜىٰ دَامُنْسَ؞ 28عَمَّا إِنَ سُواْ إِنْ تَبَّتَرْوَ سَرْكِے ثٜىٰوَ أَݣَويْ اللَّهْ أَ سَمَ وَنْدَ شِينٜىٰ مَيْ بَيَّنَ أَسِرَيْ؞ وَنَّنْ اللَّهْ شِينٜىٰ يَسَنَرْ وَسَرْكِے أَبِنْدَ ذَيْ ڢَرُ نَنْ غَبَ؞ رَنْكَيَدَطٜىٰ! تُواْ، يَنْذُ ذَنْ ڢَطَا مَكَ مَڢَرْكِ دَ رُعُيَرْدَ كَغَنِ، سَعَدَّ كَكٜىٰ ݣُونْثٜىٰ عَكَنْ غَدُوانْكَ؞
29«رَنْكَيَدَطٜىٰ يَا سَرْكِے! سَعَدَّ كَكٜىٰ ݣُونْثٜىٰ عَكَنْ غَدُوانْكَ، سَيْ تُنَانِنْ أَبِنْدَ ذَيْ ڢَرُ نَنْ غَبَ يَذُواْ مَكَ؞ شِ كُمَ مَيْ بَيَّنَ أَسِرَيْ يَنُونَ مَكَ أَبِنْدَ ذَيْ ڢَرُ نَنْ غَبَ؞ 30عَمَّا نِے كُوَ، عَكَ بَيَّنَ مِنِ وَنَّنْ أَسِيرِ بَسَبُواْدَ إِنَدَ وَتَ حِكِمَ ڢِيٜىٰدَ سَوْرَنْ مُتَنٜىٰبَ؞ دَلِيلِنْ دَ عَكَ بَيَّنَ مِنِ أَسِيرِنْ شِينٜىٰ دُواْمِنْ أَڢَطَا مَكَ مَعَنَرْ مَڢَرْكِنْكَ، كَكُمَ غَانٜىٰ تُنَانِنْدَ يَشِغَ ذُوثِيَارْكَ؞
31«يَا سَرْكِے، عَثِكِنْ مَڢَرْكِنْكَ يَايِنْ دَ كَكٜىٰ كَلُّواْ، سَيْغَا وَنِ بَبَّنْ غُنْكِنْ ظِينَارِيَ مَيْ وَلْڧِيَ؞ غُنْكِنَّنْ، غَنِنْسَ يَنَدَ بَنْ ڟُواْرُواْ، يَنَ ڟَيٜىٰ أَغَبَنْكَ؞ 32أَنْيِ كَنْ غُنْكِنَّنْ دَ ظَلَّرْ ظِينَارِيَ؞ ڧِرْجِنْسَ دَ حَنُّنْسَ، أَنْيِسُ دَ أَظُرْڢَا، ثِكِنْسَ دَ ثِنْيُواْيِنْسَ، أَنْيِسُ دَ تَغُلَّ، 33ڧَڢَاڢُنْسَ، أَنْيِسُ دَ بَڧِنْ ڧَرْڢٜىٰ، تَڢِنْ ڧَڢَاڢُنْسَ كُمَ، أَنْيِسُ دَ بَڧِنْ ڧَرْڢٜىٰ غَوْرَايٜىٰ دَ لَاكَ؞ 34سَعَدَّ كَكٜىٰ ثِكِنْ كَلُّواْ، سَيْ كَغَ وَنِ دُوڟٜىٰ يَٻَرْكٜىٰ، كُمَ بَ دَ حَنُّنْ طَنْ أَدَمْ بَ، سَيْ دُوڟٜىٰنْ يَبُغِ ڧَڢَاڢُنْ غُنْكِنْ، يَڢَرْڢَشٜىٰ ڧَڢَاڢُنْسَ نَبَڧِنْ ڧَرْڢٜىٰ غَوْرَايٜىٰ دَ لَاكَ؞ 35سَعَنً بَڧِنْ ڧَرْڢٜىٰنْ دَ لَكَرْ دَ تَغُلَّرْ دَ أَظُرْڢَرْ دَ ظِينَارِيَرْ دُكَ سُكَ ڢَرْڢَشٜىٰ سُكَ ذَمَ كَمَرْ ڧُورَرْ ڧَسَا وَدَّ إِسْكَ تَݣُوشٜىٰ حَرْ بَعَ عِيَ غَنِنْ كُواْ عَلَمَرْسُبَ؞ عَمَّا وَنَّنْ دُوڟٜىٰنْدَ يَبُغِ غُنْكِنْ، يَجُويَ يَذَمَ بَبَّنْ تُدُ حَرْ يَثِكَ دُونِيَا دُكَ؞
36«وَنَّنْ شِينٜىٰ مَڢَرْكِنْ، يَنْذُ كُمَ ذَامُ ڢَطَا وَسَرْكِے مَعَنَرْسَ؞ 37يَا كَيْ سَرْكِے، كَيْنٜىٰ سَرْكِنْ سَرَاكُنَ وَنْدَ اللَّهْ نَ سَمَ يَبَاكَ مُلْكِ دَ إِيكُواْ دَ ڧَرْڢِے دَ دَرَجَ؞ 38أَ حَنُّنْكَنٜىٰ اللَّهْ يَبَادَ دُكَنْ یَنْ أَدَمْ دَ دَبُّواْبِنْ دَاجِ دَ ڟُنْڟَيٜىٰنْ سَرَرِنْ سَمَ؞ كَيْ نٜىٰ كُمَ يَبَاكَ مَلَّكَرْسُ دُكَ؞ كَيْنٜىٰ كَنْ ظِينَارِيَرْ نَنْ نَغُنْكِنْ مُتُمْ؞ 39عَبَايَنْكَ ذَاعَيِ وَنِ مُلْكِ وَنْدَ بَيْكَيْ كَمَرْ نَاكَبَ؞ بَايَنْ وَنَّنْ ذَاعَيِ وَنِ مُلْكِ كُمَ نَعُكُ مَيْ دَرَجَرْ تَغُلَّ، وَنْدَ ذَيْ مَلَّكِ دُكَنْ دُونِيَا؞ 40ذَاعَكُمَيِ مُلْكِ نَهُطُ، مَيْ ڧَرْڢِے كَمَرْ بَڧِنْ ڧَرْڢٜىٰ؞ كَمَرْ يَدَّ بَڧِنْ ڧَرْڢٜىٰ يَكَنْ ڢَرْڢَشٜىٰ كُواْمٜىٰ، حَكَنَنْ وَنَّنْ مُلْكِ ذَيْ ڢَرْڢَشٜىٰ سَوْرَنْ مُلْكُواْكِ؞ 41كَمَرْ يَدَّ كَكُمَغَ أَنْيِ ڧَڢَاڢُنْ دَ يَڟُنْ دَ بَڧِنْ ڧَرْڢٜىٰ غَوْرَايٜىٰ دَ لَاكَ، وَنَّنْ يَنُونَ ثٜىٰوَ مُلْكٍ ذَيْ رَبُ، عَمَّا ذَيْ كَسَنْثٜىٰ دَ طَنْ ڧَرْڢِے دُواْمِنْ أَݣَويْ بَڧِنْ ڧَرْڢٜىٰ غَوْرَايٜىٰ دَ لَاكَ؞ 42كَمَرْ يَدَّ أَنْيِ يَڟُنْ ڧَڢَاڢُنْ دَ بَڧِنْ ڧَرْڢٜىٰ غَوْرَايٜىٰ دَ لَاكَ، حَكَنَنْ مُلْكٍ ذَيْ كَسَنْثٜىٰ غَوْرَايٜىٰ دَ ڧَرْڢِے دَ رَشِنْ ڧَرْڢِے؞ 43كَمَرْ يَدَّ كَغَ بَڧِنْ ڧَرْڢٜىٰنْ غَوْرَايٜىٰ دَ لَاكَ، حَكَنَنْ مَاسُ مُلْكُواْكِنْ ذَاسُ غَوْرَايٜىٰ دَ جُونَ تَوُرِنْ يِنْ عَوْرٜىٰ، عَمَّا دُكْدَهَكَ بَذَاسُ حَطُ دَ جُونَ بَ، كَمَرْ يَدَّ بَڧِنْ ڧَرْڢٜىٰ دَ لَاكَ بَاسَ حَطُوَ؞ 44عَݣُونَكِنْ وَطَنَّنْ سَرَاكُنَ، اللَّهْ نَ سَمَ ذَيْ كَڢَ وَنِ مُلْكِ وَنْدَ بَذَيْ تَٻَ رُشٜىٰوَ بَ حَرْ أَبَدَا، بَكُمَ ذَاعَ بَا وَطَنْسُ سُغَاجٜىٰشِيبَ؞ مُلْكِنَّنْ ذَيْ ڢَرْڢَشٜىٰ دُكَنْ وَطَنَّنْ مُلْكُواْكِ، يَكَٰوُاْ ڧَرْشٜىٰنْسُ؞ عَمَّا مُلْكِنَّنْ ذَيْ كَسَنْثٜىٰ حَرْ أَبَدَا؞ 45غَا مَعَنَرْ مَڢَرْكِنْ دُوڟٜىٰنْدَ كَغَنِ؞ عَثِكِنْ مَڢَرْكِنْ كَغَ دُوڟٜىٰ يَٻَرْكٜىٰ دَغَ بَبَّنْ تُدُ، كُمَ بَ دَ حَنُّنْ طَنْ أَدَمْ بَ، حَرْ يَڢَرْڢَشٜىٰ بَڧِنْ ڧَرْڢٜىٰنْ دَ تَغُلَّرْ دَ لَكَرْ دَ أَظُرْڢَرْ دَ ظِينَارِيَرْ؞ تُواْ، اللَّهْ مَطَوْكَكِ يَنَ سَنَرْوَ سَرْكِے أَبِنْدَ ذَيْ ڢَرُ نَنْ غَبَ كٜىٰنَنْ؞ مَڢَرْكِنْ تَبَّتَاثّٜىٰنٜىٰ، مَعَنَرْسَ كُمَ غَسْكِيَثٜىٰ؞»
سَرْكِے يَغِرْمَمَ دَانِيٜىٰلْ
46دَ سَرْكِے نٜىٰبُكَدْنٜىٰزَّرْ يَجِ وَنَّنْ كُوَ سَيْ يَڢَاطِ أَغَبَنْ دَانِيٜىٰلْ، يَغِرْمَمَ شِ؞ سَعَنً يَعُمَرْتَ أَ مِيڧَ هَدَايَ تَهَڟِ دَ هَدَايَ تَتُرَارٜىٰ غَ دَانِيٜىٰلْ؞ 47سَرْكِنْ يَكُمَ ثٜىٰ وَ دَانِيٜىٰلْ «حَڧِيڧَ، اللَّهْ نْكَ، اللَّهْ نَ أَلُّواْلِنٜىٰ دَ مَيْ مُلْكٍ سَرَاكُنَ، مَيْ بَيَّنَ أَسِرَيْ، غَمَا كَا عِيَ بَيَّنَ وَنَّنْ أَسِيرِ!» 48سَيْ سَرْكِے يَبَا دَانِيٜىٰلْ غِرْمَ مَيْ يَوَ دَ مَنْيَ مَنْيَنْ ݣَوْتَيْ مَاسُيَوَ؞ يَنَطَشِ مَيْمُلْكِ بِسَ دُكَنْ يَنْكِنْ بَابِيلَ؞ يَكُمَ نَطَشِ شُوغَبَنْ دُكَنْ مَاسُ حِكِمَ نَ بَابِيلَ؞ 49سَيْ دَانِيٜىٰلْ يَضُواْڧِ سَرْكِے أَمَدَدِنْ أَبُواْكَنْسَ، سَرْكِے كُوَ يَنَطَ شَدْرَكْ دَ مٜىٰشَكْ دَ أَبٜىٰدْنٜىٰغُواْ سُذَمَ مَاسُ كُلَ دَ أَلْعَمُرَنْ يَنْكِنْ بَابِيلَ؞ عَمَّا دَانِيٜىٰلْ يَكَسَنْثٜىٰ عَثِكِنْ غِدَنْ سَرْكِے؞
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020