دَانِيٜىٰلْ 11
11
1سَيْ مَيْ كَمَنِّنْ طَنْ أَدَمْ يَثِيغَبَدَ مَغَنَ ثٜىٰوَ «أَ شٜىٰكَرَا تَڢَرْكُواْ تَمُلْكٍ سَرْكِے دَرِيُسْ مُتُمِنْ مٜىٰدِيَ، نِنٜىٰ نَا تَاشِ دُواْمِنْ إِنْڟَرٜىٰ مِيكَآءِيلُ إِنْكُمَ ڧَرْڢَڢَشِ؞ 2يَنْذُنَّنْ، ذَنْ سَنَرْ مَكَ دَ أَبِنْدَ لَلَّيْ ذَيْ ڢَرُ؞»
سَرَاكُنَ حُطُ دَ مَاسُ غَادُوانْسُ
سَيْ يَثِيغَبَدَ مَغَنَ ثٜىٰوَ «ذَاعَڧَارَ سَامُنْ سَرَاكُنَ عُكُ وَطَنْدَ ذَاسُ ٻُلُّواْ أَ ڢَٰشِيَ؞ عَمَّا نَهُطُنْ ذَيْڢِ دُكَنْسُ دُوكِيَ؞ سَعَدَّ يَكَڢُ ثِكِنْ إِيكُواْ سَبُواْدَ دُوكِيَرْسَ، ذَيْسَا كُواْوَ يَيِ غَابَادَ مُلْكٍ هٜىٰلَّسْ؞ 3سَعَنً وَنِ سَرْكِے مَيْ إِيكُواْ ذَيْ تَاسُواْ وَنْدَ ذَيْ يِمُلْكِ دَ بَبَّنْ إِيكُواْ، يَكُمَيِ يَدَّ يَغَ دَامَ؞ 4عَمَّا سَعَدَّ يَكَڢُ ثِكِنْ إِيكُواْ، مُلْكِنْسَ ذَيْ رَبُ، ذَاعَ كُمَ رَرَّبَشِ كَشِ حُطُ، كُواْوَنٜىٰ كَشِ ذُوَا ڢُسْكَ طَيَ نَڢُسْكُواْكِ حُطُ نَسَمَ؞ بَذَاعَ رَرَّبَ مُلْكِنْسَ غَ ذُرِيَرْسَبَ، بَ كُوَ ذَاسُيِ مُلْكِ دَ إِيكُواْ كَمَرْ يَدَّ يَيِبَ، غَمَا ذَاعَ تُمْٻُكٜىٰ مُلْكِنْسَ عَبَا وَطَنْسُ؞
5«سَرْكِنْ كُدُ ذَيْسَامِ إِيكُواْ، عَمَّا طَيَ دَغَ ثِكِنْ شُوغَبَنِّنْ سُواْجُواْجِنْسَ ذَيْسَامِ إِيكُواْ ڢِيٜىٰ دَشِ، كُمَ مُلْكِنْسَ ذَيْ يِڧَرْڢِے سُواْسَيْ؞ 6بَايَنْ وَطَنْسُ شٜىٰكَرُ، ذَاعَيِ يَرْجٜىٰجٜىٰنِيَ ڟَكَانِنْ سَرْكِنْ كُدُ دَ سَرْكِنْ أَرٜىٰوَ؞ سَرْكِنْ كُدُ ذَيْبَادَ یَرْسَ عَوْرٜىٰ غَ سَرْكِنْ أَرٜىٰوَ دُواْمِنْ عَتَبَّتَرْ دَ يَرْجٜىٰجٜىٰنِيَرْ نَنْ؞ عَمَّا ڧُواْڧَرِنْتَ ذَيْ كَاسَ، كُمَ ذُرِيَرْسُ بَذَاتَ دَطٜىٰبَ؞ عِتَمَا ذَاعَ بَاشٜىٰتَ، تَرٜىٰدَ وَطَنْدَ سُكَ كَٰوُاْتَ دَ مَحَيْڢِنْتَ دَ شِے وَنْدَ يَڧَرْڢَڢَاتَ عَثِكِنْ وَطَنَّنْ ݣُونَكِے؞ 7عَثِكِنْ ݣُونَكِنَّنْ، وَنِ دَغَ ثِكِنْ ذُرِيَرْتَ ذَيْ تَاسُواْ؞ ذَيْ كَيْ وَ سُواْجُواْجِ نَسَرْكِنْ أَرٜىٰوَ يَاڧِ، حَرْ ذَيْ شِغَ وُرَارٜىٰنْسُ مَاسُ كَتَنْغَ، يَثِ نَصَرَا عَكَنْسُ؞ 8بَنْدَ حَكَمَا، ذَيْ ݣُوشِ أَلُّواْلِنْسُ دَ غُمَكَنْسُ يَكَيْ مَصَرْ؞ ذَيْ كُمَ ݣُوشِ دُكَنْ كَايَيَّكِنْسُ نَأَظُرْڢَا دَ نَظِنَرِيَ مَاسُ دَرَجَ سُذَمَ رَبُوانْسَ نَيَاڧِ؞ ذَاعَيِ شٜىٰكَرُ بَذَيْ كَيْ وَ سَرْكِنْ أَرٜىٰوَ يَاڧِبَ؞ 9بَايَنْ وَنَّنْ، سَرْكِنْ أَرٜىٰوَ ذَيْ شِغَ ڧَسَرْ سَرْكِنْ كُدُ يَكَيْ مَسَ يَاڧِ، عَمَّا دُواْلٜىٰ ذَيْ جَنْيٜىٰ يَكُواْمَ ڧَسَرْسَ؞
10«یَیَ نَسَرْكِنْ أَرٜىٰوَ ذَاسُ تَتَّارَ بَبَّرْ ڧُنْغِيَرْ سُواْجُواْجِ، وَطَنْدَ ذَاسُ تَاسُواْ سُرَڟَا ثِكِنْ ڧَسَرْ كَمَرْ أَمْبَلِيَرْ ضُوَ، سُكَيْ يَاڧِ حَرْ وُرَارٜىٰ مَاسُ كَتَنْغَ نَسَرْكِنْ كُدُ؞ 11سَعَنً سَرْكِنْ كُدُ ثِكِنْ ڢُشِے مَيْ ڟَنَنِ ذَيْڢِتَ يَيَاڧِ سَرْكِنْ أَرٜىٰوَ؞ سَرْكِنْ أَرٜىٰوَ ذَيْ تَتَّارَ بَبَّرْ ڧُنْغِيَرْ سُواْجُواْجِ، عَمَّا عَڧَرْشٜىٰ سَرْكِنْ كُدُ ذَيْثِ نَصَرَا عَكَنْسَ؞ 12سَعَدَّ سَرْكِنْ كُدُ ذَيْغَا يَدَّ عَكَ كَكَّشٜىٰ سُواْجُواْجِ مَاسُ طُمْبُنْ يَوَ نَسَرْكِنْ أَرٜىٰوَ، سَيْ يَيِ غِرْمَنْ كَيْ، عَمَّا وَنَّنْ نَصَرَرْ دَيَكٜىٰ غَنِ، بَذَاتَ دَطٜىٰبَ؞ 13سَرْكِنْ أَرٜىٰوَ كُوَ ذَيْسَاكٜىٰ تَاسُواْ دَ وَتَ بَبَّرْ ڧُنْغِيَرْ سُواْجُواْجِ ڢِيٜىٰدَ تَدَا؞ بَايَنْ وَطَنْسُ شٜىٰكَرُ كُوَ ذَيْ كَامَ حَنْيَ دَ بَبَّرْ ڧُنْغِيَرْ سُواْجُواْجِ دَ كَايَنْ يَاڧِ مَاسُيَوَنْ غَسْكٜىٰ؞
14«أَوَطَنَّنْ ݣُونَكِے، مُتَنٜىٰ دَيَوَ ذَاسُ تَاشِ غَابَادَ سَرْكِنْ كُدُ؞ وَطَنْسُ یَنْ تَاوَيٜىٰ دَغَ جَمَعَرْكَ ذَاسُتَاسُواْ ثٜىٰوَ سُنَدَ نِيَّرْ ثِكَ رُعُيَ، عَمَّا بَذَاسُيِ نَصَرَبَ؞ 15سَعَنً سَرْكِنْ أَرٜىٰوَ ذَيْذُواْ يَتَارَ ڧَسَا يَهَوْ تَكَتَنْغَ دُواْمِنْ يَاڧِ، ذَيْ كُوَ ثِ بِرْنِنْ دَ يَاڧِ؞ سُواْجُواْجِنْ كُدُ بَذَاسُ عِيَ ڟَيَاوَا بَ، كُواْ ذَاٻَٻُّنْ سُواْجُواْجِنْسَ مَاسُ عِيَ يَاڧِ مَا، ذَاسُ رَسَ ڧَرْڢِنْ ڟَيَاوَا؞ 16عَمَّا شِ سَرْكِنْ أَرٜىٰوَ وَنْدَ يَكَٰوُاْ مَسَ يَاڧِنْ ذَيْ يِ يَدَّ يَغَ دَامَ، كُمَ بَاوَنْدَ ذَيْ عِيَ ڟَيَاوَا أَغَبَنْسَ؞ ذَيْثِ نَصَرَا يَكُمَ ڨُوثٜىٰ ڧَسَا مَيْ دَرَجَ؞ إِيكُوانْ هَلَكَاتَ ذَيْ كَسَنْثٜىٰ أَ حَنُّنْسَ؞ 17ذَيْسَا كَيْ دُواْمِنْ يَذُواْ دَ دُكَنْ إِيكُوانْ مُلْكِنْسَ؞ دُواْمِنْ عَثِ نَصَرَا عَكَنْ مُلْكٍ كُدُ، ذَيْ يِ يَرْجٜىٰجٜىٰنِيَ دَ سَرْكِنْ كُدُ، كُمَ ذَيْ تَبَّتَرْ دَ يَرْجٜىٰجٜىٰنِيَرْ تَوُرِنْ بَادَ یَرْسَ ثِكِنْ عَوْرٜىٰ غَ سَرْكِنْ كُدُ؞ عَمَّا وَنَّنْ دَبَرَ بَذَاتَثِبَ؞ 18بَايَنْ وَنَّنْ، سَرْكِنْ ذَيْ جُويَا ڢُسْكَرْسَ يَكَيْ وَ يَنْكُنَنْ بَاكِنْ تٜىٰكُ يَاڧِ، يَثِ دَيَوَ دَغَ ثِكِنْسُ؞ عَمَّا وَنِ شُوغَبَنْ سُواْجُواْجِ ذَيْ كَٰوُاْ ڧَرْشٜىٰنْ طَغَ كَيْ نَسَرْكِنْ، يَكُمَسَا طَغَ كَيْ وَنْدَ يَكٜىٰيِ يَكُواْمَ عَكَنْسَ؞ 19سَعَنً ذَيْ جُويَا يَنُڢِ وُرَارٜىٰ مَاسُ كَتَنْغَ نَڧَسَرْسَ، عَمَّا ذَيْ يِتُنْتُٻٜىٰ يَڢَاطِ، بَذَاعَ كُوَ ڧَارَ غَنِنْسَبَ؞
20«سَعَنً وَنِ سَرْكِے ذَيْ غَاجٜىٰشِ، وَنْدَ ذَيْ عَيْكِ وَنِ مَيْ كَرْٻَرْ هَرَاجِ يَكَرْٻِ هَرَاجِ مَيْ يَوَ دُواْمِنْ أَطَوْكَكَ مُلْكِنْسَ؞ عَمَّا بَدَ دَطٜىٰوَبَ ذَاعَ كَشٜىٰشِ، كُواْدَيَكٜىٰ بَ سَبُواْدَ ڢُشِنْ وَنِ كُواْ عَيَاڧِبَ؞»
مُوغُنْ سَرْكِے دَغَ أَرٜىٰوَ
21سَيْ وَنَّنْ مَيْ كَمَنِّنْ طَنْ أَدَمْ يَثِيغَبَدَ مَغَنَ يَثٜىٰ «بَايَنْ وَنَّنْ كُمَ وَنِ مُوغُنْ سَرْكِے ذَيْ غَاجِ سَرْكِنْ أَرٜىٰوَ؞ سَرْكِنَّنْ كُوَ بَيْ ثَنْثَنْثِ يِنْ مُلْكِبَ؞ ذَيْتَاسُواْ بَا ظَتُواْ بَا ڟَمَّنِ، يَڨُوثٜىٰ مُلْكٍ تَهَنْيَرْ ثُوتَ؞ 22ذَيْ هَلَّكَرْ دَ ڧُنْغِيَرْ سُواْجُواْجِ كَمَرْ يَدَّ أَمْبَلِيَرْ ضُوَ تَكٜىٰيِ، يَكُمَ ثِرٜىٰ شُوغَبَا مَيْ كِيَايٜىٰ يَرْجٜىٰجٜىٰنِيَرْ اللَّهْ؞ 23بَايَنْدَ عَكَيِ يَرْجٜىٰجٜىٰنِيَ دَ مُوغُنْ سَرْكِنَّنْ، ذَيْ يِمُنَاڢُنْثِ يَكَرْيَ يَرْجٜىٰجٜىٰنِيَرْ؞ كُواْدَيَكٜىٰ يَنَدَ مَاسُ غُواْيُوانْ بَايَ كَطَنْ كَوَيْ، دُكْدَهَكَ ذَيْسَامِ إِيكُواْ؞ 24بَاظَتُواْ بَاڟَمَّنِ ذَيْ كَيْوَ يَنْكُنَ مَڢِے أَرْزِڧِ يَاڧِ، يَكُمَ عَيْكَتَ أَبِنْدَ كَاكَنِّنْسَ بَسُ تَٻَيِبَ، كُواْ كَاكَنِّنْ كَاكَنِّنْسَ؞ ذَيْ رَرَّبَ وَ مَاسُ غُواْيُوانْ بَايَنْسَ كَايَ دَ دُوكِيَ وَطَنْدَ يَݣُوشٜىٰ دَغَ يَاڧِ؞ ذَيْ كُمَيِ شِرِ يَكَيْوَ وُرَارٜىٰ مَاسُ كَتَنْغَ يَاڧِ، عَمَّا نَطَنْ لُواْكَثِ نٜىٰ كَوَيْ؞
25«سَرْكِنْ أَرٜىٰوَ ذَيْ يِڧَرْڢِنْ ذُوثِيَا يَتَتَّارَ بَبَّرْ ڧُنْغِيَرْ سُواْجُواْجِ دُواْمِنْ يَكَيْ وَ سَرْكِنْ كُدُ يَاڧِ؞ سَرْكِنْ كُدُ شِے مَا ذَيْ تَتَّارَ بَبَّرْ ڧُنْغِيَرْ سُواْجُواْجِ مَيْ ڧَرْڢِے سُواْسَيْ دُواْمِنْ يَاڧِ؞ عَمَّا سَرْكِنْ كُدُ بَذَيْ عِيَ ڟَيَاوَا بَ، غَمَا ذَاعَيِ مَسَ ڧُلّٜىٰ ڧُلّٜىٰ؞ 26وَطَنْدَ سُكٜىٰ ثِ دَ شَا تَرٜىٰدَ سَرْكِنْ، سُونٜىٰ ذَاسُ نٜىٰمِ سُهَلَّكَرْ دَشِ؞ ذَاعَ هَلَّكَرْ دَ ڧُنْغِيَرْ سُواْجُواْجِنْسَ كَمَرْ يَدَّ أَمْبَلِيَرْ ضُوَ تَكٜىٰيِ، كُمَ سُواْجُواْجِ دَيَوَ ذَاسُمُتُ؞ 27وَطَنَّنْ سَرَاكُنَ بِيُ كُوَ ذُوثِيَارْسُ سُنْ نَاثٜىٰ غَ عَيْكَتَ مُغُنْتَا، ذَاسُ ذَوْنَ عَتٜىٰبُرْ غُدَا سُنَتَيِ وَجُونَ ڧَضْيَا؞ عَمَّا دُكَنْ وَنَّنْ ذَيْ ذَمَ بَنْظَ، غَمَا ڧَرْشٜىٰنْ ذَيْذُواْ أَ لُواْكَثِنْ دَ عَكَ شِرْيَ؞ 28سَعَنً سَرْكِنْ أَرٜىٰوَ ذَيْ كُواْمَ ڧَسَرْسَ دَ دُوكِيَ مَيْ طُمْبُنْ يَوَ؞ ذُوثِيَارْسَ ذَاتَ يِغَابَادَ جَمَعَ تَيَرْجٜىٰجٜىٰنِيَ مَيْ ڟَرْكِے؞ ذَيْ يِ يَدَّ يَغَ دَامَ، سَعَنً يَكُواْمَ ڧَسَرْسَ؞
29«أَ دَيْدَيْ لُواْكَثِنْ دَ عَكَ شِرْيَ كُمَ، ذَيْ كُواْمَ كُدُ، عَمَّا أَوَنَّنْ كَرُواْ أَبِنْ بَذَيْ ذَمَ كَمَرْ دَا بَ؞ 30غَمَا جِضَاغٜىٰنْ ضُوَ نَ كِتِّمْ ذَاسُ تَاسَرْ مَسَ، شِيكُوَ ذَيْجِے ڟُواْرُواْ يَجَنْيٜىٰ؞ ذَيْ كُواْمَ ثِكِنْ ڟَنَنِنْ ڢُشِے، يَطَوْكِ مُومُّنَنْ مَتَاكِ عَكَنْ جَمَعَ تَيَرْجٜىٰجٜىٰنِيَ مَيْ ڟَرْكِے؞ سَعَنً ذَيْ كُلَ دَ وَطَنْدَ سُكَ رَبُ دَ يَرْجٜىٰجٜىٰنِيَ مَيْ ڟَرْكِے؞ 31سُواْجُواْجِنْسَ ذَاسُيِ بَنْظَ دَ وُرِے مَيْ ڟَرْكِے دَ ڢِيلِنْسَ مَيْ كَتَنْغَ؞ ذَاسُ كُمَ حَنَ يِنْ هَدَايُ نَيَوْ دَ كُلُّمْ، سُكَڢَ أَبِنْ ڧَظَنْتَا مَيْ كَٰوُاْ هَلَّكَرْوَ؞#دَانْ 9.27؛ 12.11؛ مَتْ 24.15؛ مَرْ 13.14 32وَطَنْدَ سُكَثِ أَمَانَرْ يَرْجٜىٰجٜىٰنِيَرْ كُمَ، سَرْكِے ذَيْ شَا كَنْسُ تَوُرِنْ ذَاڧِنْ بَاكِنْسَ؞ عَمَّا وَطَنْدَ سُكَ سَنْ اللَّهْ نْسُ ذَاسُ ڟَيَ دَرَمْ سُطَوْكِ مَتَاكِ؞ 33سُو دَسُكٜىٰ دَ حِكِمَ عَثِكِنْ جَمَعَ ذَاسُسَا مُتَنٜىٰ دَيَوَ سُغَانٜىٰ، كُواْدَيَكٜىٰ أَطَنْ لُواْكَثِ ذَاعَ كَشٜىٰ وَطَنْسُ دَ تَكُواْبِے، وَطَنْسُ دَ وُتَا، وَطَنْسُ ذَاعَ ݣُوشٜىٰسُ ذُوَا بَوْتَا؞ 34سَعَدَّ عَكٜىٰ كَشٜىٰسُ ذَاسُ طَنْ سَامِ ڧَرْڢَڢَاوَا؞ مُتَنٜىٰ دَيَوَ ذَاسُ حَطَكَيْ دَسُو، عَمَّا دَ مُنَاڢُنْثِ؞ 35وَطَنْسُ دَغَ ثِكِنْ وَطَنَّنْ مَاسُ حِكِمَ ذَاعَ كَشٜىٰسُ دُواْمِنْ عَتَاثٜىٰ جَمَعَرْسُ، أَڟَبْتَثٜىٰسُ، سُذَمَ مَرَسَ تَبُواْ، حَرْ سَيْ ڧَرْشٜىٰنْ لُواْكَثِ، غَمَا ذَيْذُواْ أَدَيْدَيْ لُواْكَثِنْ دَ عَكَ شِرْيَ؞
36«سَرْكِنْ كُوَ ذَيْ يِ يَدَّ يَغَ دَامَ؞ ذَيْ طَوْكَكَ كَنْسَ، يَجِ كَمَرْ شِ يَڢِ ڧَرْڢِنْ كُواْوَنٜىٰ اللَّهْ؞ ذَيْ كُمَيِ مَغَنْغَنُنْ صَاٻُواْ عَكَنْ اللَّهْ نَ أَلُّواْلِ؞ ذَيْ يِنَصَرَا حَرْ سَيْ لُواْكَثِنْ دَ ڢُشِنْ اللَّهْ يَڧَارٜىٰ، غَمَا أَبِنْدَ عَكَ شِرْيَ ذَيْثِكَ؞#2 تَسْ 2.3-4؛ رُعُيَ 13.5-6 37بَذَيْ كُلَ دَ غُمَكَنْ كَاكَنِّنْسَبَ، كُواْ اللَّهْ وَنْدَ مَاتَا سُكٜىٰسُواْبَ؞ بَ كُوَ ذَيْ كُلَ دَ كُواْوَنٜىٰ اللَّهْ بَ، دُواْمِنْ ذَيْ طَوْكِ كَنْسَ ثٜىٰوَ يَڢِ كُواْوَ؞ 38أَ مَيْمَكُوانْ حَكَ ذَيْ غِرْمَمَ اللَّهْنْ وُرَارٜىٰ مَاسُ كَتَنْغَ؞ ذَيْ غِرْمَمَ اللَّهْ وَنْدَ كَاكَنِّنْسَ بَسُ كُواْ سَنِبَ، تَوُرِنْ مِيڧَ مَسَ ظِينَارِيَ دَ أَظُرْڢَا دَ دُوَڟُو مَاسُ دَرَجَ دَ ݣَوْتَيْ مَاسُ ڟَادَ؞ 39ذَيْ ڨُوثٜىٰ وُرَارٜىٰ مَاسُ كَتَنْغَ مَڢِے ڧَرْڢِے دَ تَيْمَكُوانْ اللَّهْنَّنْ نَوَتَ ڧَسَا؞ وَطَنْدَ سُكَ يَرْدَ دَشِ، ذَيْبَاسُ غِرْمَ، يَكُمَبَاسُ مَڟَيِنْ شُوغَبَنِّ عَكَنْ مُتَنٜىٰ دَيَوَ، يَرَبَ مُسُ ڧَسَا تَذَمَ لَادَنْسُ؞»
40«عَݣُونَكِنْ ڧَرْشٜىٰ، سَرْكِنْ كُدُ ذَيْ كَيْوَ سَرْكِنْ أَرٜىٰوَ يَاڧِ؞ عَمَّا سَرْكِنْ أَرٜىٰوَ ذَيْ ڢَاطُواْ مَسَ كَمَرْ غُوغُوَرْ إِسْكَ، يَنَ تَڢِيَ دَ كٜىٰكُنَنْ دُواْكِ نَيَاڧِ دَ دَوَكِنْ يَاڧِ دَ جِضَاغٜىٰنْ ضُوَ دَيَوَ؞ ذَيْ يِتَبِنْ ڧَسَاشٜىٰ، يَرَڟَا ثِكِنْسُ كَمَرْ أَمْبَلِيَرْ ضُوَ؞ 41ذَيْ شِغَ ڧَسَا مَيْ دَرَجَ يَكَشٜىٰ دُبَّنْ مُتَنٜىٰ؞ عَمَّا ڧَسَرْ عٜىٰدُوامْ دَ تَ مُواْوَبْ دَ شُوغَبَنِّنْ ڧَسَرْ أَمُّوانْ ذَاسُ كُٻُتَ دَغَ حَنُّنْسَ؞ 42ذَيْ كَيْوَ ڧَسَاشٜىٰ يَاڧِ، ڧَسَرْ مَصَرْ كُوَ بَذَاتَ ڟِيرَبَ؞ 43ذَيْ مَلَّكِ دُوكِيَرْ ظِينَارِيَ دَ تَأَظُرْڢَ دَ دُكَنْ أَبُبُوَ مَاسُ دَرَجَ نَڧَسَرْ مَصَرْ؞ ذَيْ كُمَثِ لِبِيَ دَ إِتِيُواْڢِيَ#11.43 إِتِيُواْڢِيَ: دَ إِبْرَانِيَنْثِ أَنْرُبُوتَ «كُشْ» نٜىٰ أَنَنْ؞ وَنَّنْ سُونَ يَڧُنْشِ سَاشٜىٰنْ كُدَنْثِنْ مَصَرْ دَ سَاشٜىٰنْ سُدَنْ دَ سَاشٜىٰنْ إِتِيُواْڢِيَ، وَتُواْ حَبَشَ؞ دَ يَاڧِ؞ 44لَابَرِنْ دَ ذَيْذُواْ مَسَ دَغَ غَبَسْ دَ أَرٜىٰوَ ذَيْسَا يَڢِرْغِتَ؞ ذَيْ كُوَ ڢِتَ دَ ڢُشِے مَيْ ذَاڢِ يَكٜىٰٻٜىٰ مُتَنٜىٰ دَيَوَ دُواْمِنْ هَلَّكَرْوَ يَكَكَّشٜىٰسُ؞ 45ذَيْ كَڢَ مَنْيَنْ تٜىٰنْتُنَنْسَ نَسَرْكِے أَڟَكَانِنْ تٜىٰكُنْ مٜىٰدِتٜىٰرٜىٰنِيَ دَ بَبَّنْ تُدُ مَيْ ڟَرْكِے؞ دُكْدَهَكَ، ذَيْ مُتُ بَا مَيْ تَيْمَكُوانْسَ؞»
Currently Selected:
دَانِيٜىٰلْ 11: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
