عَمُواسْ 7
7
رُعُيَرْ ڢَارِ
1غَا أَبِنْدَ عُبَنْغِجِ يَهْوٜىٰهْ يَنُونَ مِنِ ثِكِنْ رُعُيَ؞ نَغَ يَنَ يِنْ ڢَارِ مَاسُيَوَنْ غَسْكٜىٰ بَايَنْدَ عَكَ يَنْكَ أَمْڢَانِنْ غُواْنَ دُواْمِنْ سَرْكِے دَيْدَيْ سَابُوَرْ ثِيَوَ تَنَ تُواْهُوَ؞ 2عَثِكِنْ رُعُيَرْ، نَغَ ڢَارِ سُنْثِنْيٜىٰ كُواْوَنٜىٰ طَنْيٜىٰنْ غَنْيٜىٰ عَڧَسَرْ، سَيْ نَثٜىٰ،
«يَا عُبَنْغِجِ يَهْوٜىٰهْ، إِنَ ضُواْڧُوانْكَ،
كَغَاڢَرْتَا وَجَمَعَرْكَ!
يَيَ ذُرِيَرْ يَعْڧُوبَ ذَاسُ ڟِيرَا؟
غَا سُو كُوَ یَنْ كَطَنْ نٜىٰ!»
3سَيْ يَهْوٜىٰهْ يَثَنْجَ نِيَّرْسَ تَيِنْ حَكَ
يَثٜىٰ «وَنَّنْ بَذَيْ ڢَرُبَ؞»
رُعُيَرْ وُتَا
4سَعَنً عُبَنْغِجِ يَهْوٜىٰهْ يَسَاكٜىٰ نُونَ مِنِ وَتَ رُعُيَ؞ سَيْ نَغَ عُبَنْغِجِ يَهْوٜىٰهْ يَنَ كِرَا وُتَا تَحُكُنْتَ جَمَعَرْسَ؞ وُتَرْ كُوَ تَثِنْيٜىٰ ظُرْڢَڢَّنْ تٜىٰكُ، حَرْ مَا تَنَ ثِنْيٜىٰ ڧَسَرْ؞ 5سَيْ نَثٜىٰ،
«يَا عُبَنْغِجِ يَهْوٜىٰهْ، إِنَ ضُواْڧُوانْكَ،
كَبَرِ!
يَيَ ذُرِيَرْ يَعْڧُوبَ ذَاسُ ڟِيرَا؟
غَا سُو كُوَ یَنْ كَطَنّٜىٰ!»
6 يَهْوٜىٰهْ كُوَ يَثَنْجَ نِيَّرْسَ تَيِنْ حَكَ،
«وَنَّنْ مَا بَذَيْ ڢَرُبَ؞
نِے عُبَنْغِجِ يَهْوٜىٰهْ نَاڢَطَا؞»
رُعُيَرْ إِغِيَرْ ڠُوجِنْ غِنِ
7غَا أَبِنْدَ يَهْوٜىٰهْ يَسَاكٜىٰ نُونَ مِنِ أَوَتَ رُعُيَرْ؞ أَ رُعُيَرْ، نَغَنْ شِ أَڟَيٜىٰ كُسَدَ وَنِ بَنْغُواْ وَنْدَ عَكَ غِنَا دَ تَيْمَكُوانْ إِغِيَرْ ڠُوجِنْ غِنِ؞ يَهْوٜىٰهْ يَنَ رِڧٜىٰ دَ إِغِيَرْ ڠُوجِنْ غِنِنْ أَ حَنُّنْسَ؞
8سَيْ يَهْوٜىٰهْ يَثٜىٰ مِنِ،
«عَمُواسْ، مٜىٰكَغَنِ؟»
سَيْ نَأَمْسَ «إِغِيَرْ ڠُوجِنْ غِنِ؞»
سَيْ يَهْوٜىٰهْ يَثٜىٰ،
«حَڧِيڧَ دَ إِغِيَرْ ڠُوجِنَّنْ
ذَنْ نُونَ يَدَّ مُتَنٜىٰنَ إِسْرَٰٓءِيلَ
سُنَ كَمَ دَ بَنْغُوانْ دَ بَيْ مِيڧٜىٰ دَيْدَيْبَ؞
بَذَنْ ڧَارَ ڨَلٜىٰ ذُنُبَنْسُبَ؞
9ذَاعَ رُشٜىٰ وُرَارٜىٰنْ سُجَّدَ
عَكَنْ تُدَّيْ نَظُرِيَرْ إِسْحَٰڧَ،
وُرَارٜىٰنْ سُجَّدَ نَ إِسْرَٰٓءِيلَ
كُمَ ذَاسُ ذَمَ كُڢَيْ؞
ذَنْ تَادَ تَكُواْبِنْ يَاڧِ
نَغَابَادَ غِدَنْ يٜىٰرُواْبُواْوَمْ؞»
عَمُواسْ دَ أَمَظِيَ
10سَيْ أَمَظِيَ، ڢِرِسْتِ نَ بٜىٰتٜىٰلْ، يَعَيْكَ دَ سَڧُواْ ذُوَا وُرِنْ سَرْكِے يٜىٰرُواْبُواْوَمْ نَ إِسْرَٰٓءِيلَ ثٜىٰوَ «غَا عَمُواسْ يَنَ ڧُلّٜىٰ ڧُلّٜىٰ عَكَنْكَ عَثِكِنْ غِدَنْكَ إِسْرَٰٓءِيلَ؞ أَبِنْ دَيَكٜىٰ ڢَطِ، ذَيْ رِكِتَرْدَ ڧَسَرْ؞ 11غَمَا عَمُواسْ يَنَ ثٜىٰوَ
« ‹يٜىٰرُواْبُواْوَمْ ذَيْ مُتُ عَيَاڧِ،
ذَاعَ ݣُوشِ مُتَنٜىٰنْ إِسْرَٰٓءِيلَ
دَغَ ڧَسَرْسُ ذُوَا بَوْتَا أَوَتَ ڧَسَا؞› »
12سَيْ أَمَظِيَ يَثٜىٰ وَ عَمُواسْ «يَا كَيْ مَيْ غَنِ! كَكُواْمَ ڧَسَرْ يَهُودَ، كَتَڢِے كَنٜىٰمِ عَبِنْثِنْكَ أَوُرِنْ، كَيِ تَأَنَّبْثِنْكَ عَثَنْ؞ 13عَمَّا كَدَ كَڧَارَ يِنْ أَنَّبْثِ أَ بٜىٰتٜىٰلْ؞ غَمَا بٜىٰتٜىٰلْ وُرِنْ سُجَّدَ نٜىٰ نَسَرْكِے، كُمَ أَنَنْ نٜىٰ هَيْكَلِنْ مُلْكِنْسَ؞»
14سَيْ عَمُواسْ يَأَمْسَا وَ أَمَظِيَ يَثٜىٰ «دَا مَا نِے بَ أَنَّبِے بَنٜىٰ، وَنَّنْ كُوَ بَ عَيْكِنَ بَنٜىٰ؞ دَا مَا نِے مَكِيَايِنْ تُمَكِ نٜىٰ، إِنَ كُمَ لُورَ دَ عِتَتُوَنْ دُرُمِ؞ 15سَيْ يَهْوٜىٰهْ يَطَوْكٜىٰنِ دَغَ كِيوُانْ غَرْكٜىٰنْ تُمَكِ؞ يَثٜىٰ مِنِ، ‹تَڢِے، كَيِ أَنَّبْثِ غَ مُتَنٜىٰنَ نَ إِسْرَٰٓءِيلَ؞›
16«تُواْ، يَنْذُ كَجِ مَغَنَرْ يَهْوٜىٰهْ،
كَيْ دَ كَكٜىٰثٜىٰوَ
كَدَ إِنْيِ أَنَّبْثِ أَ غِدَنْ إِسْرَٰٓءِيلَ،
كَدَ إِنْڟَاوَتَا وَ غِدَنْ إِسْحَٰڧَ؞
17سَبُواْدَ حَكَ إِنْجِ يَهْوٜىٰهْ،
‹مَاتَرْكَ ذَاتَ ذَمَ كَارُوَ عَبِرْنِ،
یَیَنْكَ مَظَا دَ مَاتَا،
ذَاعَ كَكَّشٜىٰسُ دَ تَكُواْبِے؞
ڢِيلِنْ غُواْنَرْكَ، ذَاعَ رَرَّبَشِ،
كَيْ كَنْكَ ذَاكَ مُتُ عَڧَسَرْدَ تَڧَظَنْتُ؞
جَمَعَرْ إِسْرَٰٓءِيلَ كُوَ، حَڧِيڧَ ذَاعَ ݣُوشٜىٰسُ
دَغَ ڧَسَرْسُ ذُوَا بَوْتَا أَوَتَ ڧَسَا؞› »
Currently Selected:
عَمُواسْ 7: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
