أَيُّكَنْ مَنْذَنِّے 4
4
بِتْرُسْ دَ يَحْيَى أَغَبَنْ یَنْ مَجَلِسَ
1لُواْكَثِنْ دَ بِتْرُسْ دَ يَحْيَى سُكٜىٰ ثِكِنْ يِنْ مَغَنَ دَ جَمَعَ، سَيْ ڢِرِسْتُواْثِے دَ شُوغَبَنْ مَاسُ غَادِنْ هَيْكَلِنْ دَ سَدُوكِيَاوَا#4.1 سَدُوكِيَاوَا: دُوبِے مَعَنَرْ وَطَنْسُ كَلْمُواْمِ؞ سُكَذُواْ وُرِنْسُ؞ 2سُنْيِ ڢُشِے دُواْمِنْ أَلْمَجِرَنْ سُنَ كُواْيَ وَجَمَعَ ثٜىٰوَ مَتَتُّو ذَاسُ تَاشِ دَ رَيْ كَمَرْ يَدَّ عِيسَىٰ يَتَاشِ؞ 3سَيْ سُكَ كَامَسُ، سُكَ كُلّٜىٰسُ سَيْ وَشٜىٰغَرِ، دُوانْ يَمَّ تَيِ؞ 4عَمَّا دَيَوَ دَغَ ثِكِنْ مُتَنٜىٰنْ دَ سُكَجِ وَعَظِنْ سُكَ بَادَ غَسْكِيَ؞ سَيْ دُكْ يَوَنْ مَاسُبِے يَكَيْ وَجٜىٰنْ مُتُمْ دُبُو بِيَرْ؞
5وَشٜىٰغَرِ شُوغَبَنِّنْسُ دَ دَتَّاوَنْسُ دَ مَلَمً كُواْيَرْوَرْ مُوسَٰى نَاسُ سُكَ تَارُ أَ عُرُوشَلِيمَ؞ 6هَنَّنَ، بَبَّنْ ڢِرِسْتِ، يأَنَانً تَرٜىٰدَ كَيَڢَ دَ يَحْيَى دَ إِسْكَنْدَرِ دَ كُمَ دُكْ وَطَنْدَ سُكٜىٰ دَنْغِنْ بَبَّنْ ڢِرِسْتِ؞ 7سُكَسَا بِتْرُسْ دَ يَحْيَى سُكَ ڟَيَ أَڟَكِيَرْسُ، سَيْ سُكَ تَمْبَيٜىٰسُ سُكَثٜىٰ «دَ وَنّٜىٰ إِيكُواْ نٜىٰ، كُواْ كُوَ دَ وَنٜىٰ سُونَنٜىٰ كُكَيِ وَنَّنْ؟»
8تُواْ، بِتْرُسْ، ثِكٜىٰ دَ رُوحُ مَيْ ڟَرْكِے، يَتَمْبَيٜىٰسُ يَثٜىٰ «كُو شُوغَبَنِّ دَ دَتَّاوَنْ جَمَعَ، 9عَيَوْ، كُنَ تَمْبَيَرْمُ عَكَنْ أَلْحٜىٰرِنْ دَ عَكَيِ وَوَنَّنْ غُرْغُنْ نٜىٰ؟ كُنَ كُمَ سُواْ كُسَنِ وَنْدَ يَوَرْكَرْ دَشِينٜىٰ؟ 10تُواْ، مُنَسُواْ كُسَنِ، كُو دَ دُكَنْ مُتَنٜىٰنْ إِسْرَٰٓءِيلَ، ثٜىٰوَ عَثِكِنْ سُونَنْ عِيسَىٰ أَلْمَسِيحُ بَنَظَرٜىٰتْ نَنْ دَ كُكَ غِثِّيٜىٰ، وَنْدَ اللَّهْ يَتَادَ شِ دَغَ مَتَتُّو دَ سُونَنْسَ نٜىٰ وَنَّنْ مُتُمِنْ يَكٜىٰ ڟَيٜىٰ لَاڢِيَيّٜىٰ أَغَبَنْكُ؞ 11وَنَّنْ عِيسَىٰ، شِينٜىٰ وَنْدَ عَكَ رُبُوتَ غَمٜىٰدَشِ عَثِكِنْ مَغَنَرْ اللَّهْ ثٜىٰوَ
« ‹دُوڟٜىٰنَّنْ دَ كُو مَاسُ غِنِ كُكَڧِ،
شِينٜىٰ كُوَ يَذَمَ مَڢِے أَمْڢَانِ أَغِنِ؞›#زَبُو 118.22
12«بَا كُمَ سَامُنْ ثٜىٰتُواْ غَ وَنِ، غَمَا ثِكِنْ دُكَنْ سُونَيٜىٰنْ دَ عَكَبَا مُتَنٜىٰ عَڧَرْڧَشِنْ سَمَ، بَا وَنِ سُونَ دَبَمْ دَ عَكَ بَايَرْ وَنْدَ لَلَّيْ تَوُرِنْسَ نٜىٰ ذَامُ سَامِ ثٜىٰتُواْ؞»
13تُواْ دَ شُوغَبَنِّنْ سُكَغَ ڧَرْڢِنْ حَلِنْ بِتْرُسْ دَ يَحْيَى، سُكَ كُمَ غَانٜىٰ سُمَرَسَ عِلِمِ نٜىٰ، تَلَكَاوَا كُمَ، سَيْ سُكَيِ مَامَاكِ، سُكَ كُوَ غَانٜىٰ ثٜىٰوَ دَا مَنْذَنِّےنْ سُنَ تَرٜىٰدَ عِيسَىٰ؞ 14عَمَّا تُنْدَ شُوغَبَنِّنْ سُكَغَ مُتُمِنَّنْ دَ عَكَ وَرْكَرْ طِنْ يَنَ ڟَيٜىٰ تَرٜىٰدَ مَنْذَنِّےنْ، سَيْ سُكَ رَسَ أَبِنْدَ ذَاسُثٜىٰ؞ 15سُكَ عُمَرْثِ مَنْذَنِّےنْ سُڢِتَ دَغَ مَجَلِسَ، سُكَيِ شَوَرَا دَ جُونَ 16سُكَثٜىٰ «مٜىٰ ذَامُيِ دَ مُتَنٜىٰنَّنْ؟ دُوانْ لَلَّيْ دُكَنْ مَذَوْنَنْ عُرُوشَلِيمَ سُنْ سَنْ ثٜىٰوَ أَنْيِ وَنِ بَبَّنْ عَيْكِنْ بَنْ مَامَاكِ تَوُرِنْ مُتَنٜىٰنَّنْ، بَ كُوَ يَدَّ ذَامُثٜىٰ، ‹بَ حَكَ بَنٜىٰ؞› 17عَمَّا دُواْمِنْ كَدَ أَبِنْ يَبَظُو عَثِكِنْ مُتَنٜىٰ، سَيْ مُجَا مُسُ كُنّٜىٰ، كَدَ سُكُسْكُرَ سُڧَارَيِ وَكُواْوَ مَغَنَ ثِكِنْ وَنَّنْ سُونَنْ؞»
18سَيْ سُكَ كِرَوُاْ مَنْذَنِّےنْ، سُكَجَا مُسُ كُنّٜىٰ، كَدَ سُكُسْكُرَ سُيِ وَكُواْوَ مَغَنَ، كُواْ سُڧَارَ كُواْيَرْوَا ثِكِنْ سُونَنْ عِيسَىٰ؞ 19عَمَّا بِتْرُسْ دَ يَحْيَى سُكَ أَمْسَ مُسُ سُكَثٜىٰ «تُواْ، كُواْ دَيْدَيْنٜىٰ أَوُرِنْ اللَّهْ مُڢِ جِنْ مَغَنَرْكُ ڢِيٜىٰدَ مَغَنَرْ اللَّهْ؟ سَيْ كُدُوبَ كُغَنِ؞ 20دُوانْ مُو كَمْ، بَذَامُ عِيَيِنْ شِضُ عَكَنْ أَبِنْدَ مُكَجِ، مُكَ كُمَ غَنِبَ؞» 21دَ سُكَڧَارَ جَنْ مُسُ كُنّٜىٰ، سُكَ سَكٜىٰسُ؞ سُنْ كُوَ رَسَ يَدَّ ذَاسُيِ سُهُواْرٜىٰسُ، دُواْمِنْ مُتَنٜىٰ دُكَ سُنَ طَوْكَكَ اللَّهْ سَبُواْدَ أَبِنْدَ يَڢَرُ؞ 22مُتُمِنَّنْ كُوَ دَ يَسَامِ وَرْكٜىٰوَ نَبَنْ مَامَاكِ، يَڢِ شٜىٰكَرَا أَرْبَعِنْ دَ حَيْڢُوَ؞
مَاسُبِے سُنْيِ أَدُّعَ دُوانْ سُيِ مَغَنَ بَا ڟُواْرُواْ
23دَ عَكَ سَكِ بِتْرُسْ دَ يَحْيَى، سَيْ سُكَ تَڢِے وُرِنْ مُتَنٜىٰنْسُ، سُكَ بَاسُ لَابَرِنْ دُكَنْ أَبِنْدَ مَنْيَنْ ڢِرِسْتُواْثِے دَ شُوغَبَنِّ سُكَ ڢَطَا مُسُ؞ 24سُو كُوَ دَ جِنْ حَكَ، سَيْ سُكَ طَغَ مُرْيَرْسُ غَ اللَّهْ دَ نُڢِ طَيَ سُكَثٜىٰ،
«عُبَنْغِجِ مَيْ إِيكُواْ دُكَ، كَيْنٜىٰ كَا حَلِثِّ سَمَ دَ ڧَسَا دَ تٜىٰكُ دَ كُمَ دُكَنْ أَبُبُوَنْ دَسُكٜىٰ ثِكِنْسُ؞#ڢِتْ 20.11؛ نٜىٰهْ 9.6؛ زَبُو 146.6 25تَوُرِنْ رُوحُ مَيْ ڟَرْكِے كَيِ مَغَنَ تَوُرِنْ بَاوَنْكَ وَتُواْ، كَكَنْمُ دَاوُدَ، كَثٜىٰ،
‹دُوانْمٜىٰ وَطَنْدَ بَا يَهُودَاوَا بَ سُكَيِ ڢُشِے؟
ڧَبِيلُ كُمَ سُكَيِ تُنَانِنْ أَلْعَمُرَنْ وُاْڢِ؟
26سَرَاكُنَنْ دُونِيَا سُنْيِ شِرِنْ يَاڧِ،
شُوغَبَنِّنْسُ كُمَ سُنْ حَطَكَيْ،
سُنَ غَابَادَ عُبَنْغِجِ،
دَ كُمَ أَلْمَسِيحُنْسَ؞› »#زَبُو 2.1-2
27«غَمَا حَڧِيڧَ عَبِرْنِنَّنْ سَرْكِے هِرُدُسْ دَ بُنْتُسْ بِلَتُسْ سُنْ حَطَكَيْ تَرٜىٰدَ وَطَنْدَ بَا يَهُودَاوَا بَ دَ جَمَعَرْ إِسْرَٰٓءِيلَ، سُنَ غَابَادَ بَاوَنْكَ عِيسَىٰ مَيْ ڟَرْكِے، وَنْدَ كَمَيْدَشِ أَلْمَسِيحُ؞#مَتْ 27.1-2؛ مَرْ 15.1؛ لُكْ 23.1،7-11؛ يَحـ 18.28-29 28سُنْ تَارُ دُواْمِنْ سُأَيْكَتَ دُكْ أَبِنْدَ كَڧَدَّرَ ذَيْ ڢَرُ، بِسَغَ إِيكُوانْكَ دَ نُڢِنْكَ؞
29«يَنْذُ كُمَ، يَا عُبَنْغِجِ، كَدُوبِے يَدَّ سُكٜىٰ ڧُواْڧَرِنْ هَنَمُ عَيْكِ؞ كَبَا بَايِنْكَ ڧَرْڢِنْ حَلِنْ ڢَطِنْ كَلْمَرْكَ بَابُ ڟُواْرُواْ؞ 30كَدِنْغَ مِيڧَ حَنُّنْكَ نَوَرْكَرْوَ، كَكُمَيِ عَلَمُ دَ أَيُّكَنْ بَنْ مَامَاكِ تَوُرِنْ سُونَنْ بَاوَنْكَ، عِيسَىٰ مَيْ ڟَرْكِے؞»
31دَ سُكَيِ أَدُّعَ، سَيْ وُرِنْ دَ سُكَ تَارُ يَغِرْغِظَ؞ سَيْ دُكْ عَكَ ثِكَسُ دَ رُوحُ مَيْ ڟَرْكِے، سُكَيِ تَڢَطِنْ كَلْمَرْ اللَّهْ بَابُ ڟُواْرُواْ؞
كُواْمٜىٰ نَمَاسُبِے طَيَنٜىٰ
32تُواْ، دُكْ تَارُوانْ مَاسُبِے كُوَ نُڢِنْسُ طَيَنٜىٰ، رَعَيِنْسُ مَا طَيَ، بَ كُمَ وَنِنْسُ دَيَثٜىٰ أَبِنْدَ يَكٜىٰدَشِ نَاسَنٜىٰ، سَيْدَيْ نَاسُنٜىٰ تَرٜىٰ؞#أَيُّكَنْ 2.44-45 33دَ إِيكُواْ مَيْغِرْمَ مَنْذَنِّےنْ كُمَ سُكَ بَادَ شَيْدَ عَكَنْ تَاشِنْ عُبَنْغِجِ عِيسَىٰ دَغَ مَتَتُّو؞ أَلْحٜىٰرِ مَيْ يَوَ يَكَسَنْثٜىٰ عَكَنْ كُواْوَنٜىٰ طَيَنْسُ، 34حَرْ بَاوَنْدَ يَرَسَ وَنِ أَبُ عَثِكِنْسُ؞ دُواْمِنْ دُكْ مَاسُ غُواْنَكِ كُواْ غِدَاجٜىٰ سُكَ دِنْغَ سَيَرْ دَسُو، سُنَ كَٰوُاْ كُطِنْ، 35سُنَ أَجِيٜىٰ أَغَبَنْ مَنْذَنِّےنْ، أَنَ كُوَ رَرَّبَوَ كُواْوَ بِسَغَ بُڧَاتَرْسَ؞
36حَكَ وَنِ مَيْ سُونَ يُوسُڢَ يَيِ؞ شِ مُتُمِنْ ذُرِيَرْ لَوِ نٜىٰ، أَصَلِنْسَ مُتُمِنْ سَيِڢُرُسْ نٜىٰ، وَنْدَ مَنْذَنِّےنْ سُكٜىٰثٜىٰ دَشِ بَرْنَبَ، وَتُواْ، مَيْ ڧَرْڢَڢَ ذُوثِيَا؞ 37بَرْنَبَ كُوَ يَسَيَرْ دَ وَتَ غُواْنَرْسَ، يَكَٰوُاْ كُطِنْ يَ أَجِيٜىٰ أَغَبَنْ مَنْذَنِّےنْ؞
Currently Selected:
أَيُّكَنْ مَنْذَنِّے 4: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
