2 سَمَٰعِيلَ 4
4
أَنْ كَشٜىٰ إِشْبُواْشٜىٰتْ
1دَ إِشْبُواْشٜىٰتْ طَنْ طَالُوتَ يَجِ ثٜىٰوَ أَبْنٜىٰرْ يَمُتُ أَ هٜىٰبْرُوانْ، سَيْ يَضِكِثِے، ڟُواْرُواْ كُمَ يَكَامَ دُكَنْ إِسْرَٰٓءِيلَاوَا؞ 2إِشْبُواْشٜىٰتْ كُوَ يَنَدَ مُتَنٜىٰ بِيُ وَطَنْدَ سُونٜىٰ شُوغَبَنِّنْ یَنْ هَرِ؞ أَنَ ثٜىٰ دَسُو بَعَنَ دَ رٜىٰكَبْ؞ سُو یَیَنْ رِمُّوانْ مُتُمِنْ غَرِنْ بٜىٰيٜىٰرُواتْ نٜىٰ نَڧَسَرْ بِلِيَامِنُ، غَمَا أَنْلِسَّڢْتَ بٜىٰيٜىٰرُواتْ ثِكِنْ يَنْكِنْ بِلِيَامِنُ، 3سَبُواْدَ یَنْ أَصَلِنْ ڧَسَرْ بٜىٰيٜىٰرُواتْ سُنْ غُدُ ذُوَا غِتَّيِمْ، عِنْدَ سُكٜىٰ ذَمَنْ بَڧُنْثِ هَرْوَيَوْ؞#4.3 هَرْوَيَوْ: أَنَ نُڢِ حَرْ ذُوَا لُواْكَثِنْ دَ عَكَ رُبُوتَ لِتَّڢِ نَبِيُ نَ سَمَٰعِيلَ؞
4يُواْنَتَنْ طَنْ طَالُوتَ كُوَ يَنَدَ يَرُواْ مَيْ سُونَ مٜىٰڢِبُواْشٜىٰتْ، وَنْدَ بَايَ عِيَ تَڢِيَ تُنْ يَنَ شٜىٰكَرَا بِيَرْ؞ أَ لُواْكَثِنْ دَ مَاتَرْ دَتَكٜىٰ لُورَ دَشِ تَجِ لَابَرِ دَغَ يٜىٰظِرٜىٰيٜىٰلْ ثٜىٰوَ يُواْنَتَنْ دَ طَالُوتَ سُنْ مُتُ، تَطَوْكِ مٜىٰڢِبُواْشٜىٰتْ تَتَاشِ دَ غُدُ؞ عَمَّا يَايِنْ دَتَكٜىٰ ڧُواْڧَرِنْ غُدُ، سَيْ يَڢَاطِ؞ وَنَّنْ نٜىٰ يَسَا يَذَمَ غُرْغُ؞#2 سَمْ 9.3
5رٜىٰكَبْ دَ بَعَنَ كُوَ، یَیَنْ رِمُّوانْ مُتُمِنْ بٜىٰيٜىٰرُواتْ، سُكَ كَامَ حَنْيَ ذُوَا غِدَنْ إِشْبُواْشٜىٰتْ، سُكَ كَيْ ثَنْ وَجٜىٰنْ ڟَكَرْ رَانَ يَايِنْ دَيَكٜىٰ بَرْثِنْ رَانَ؞ 6سَيْ سُكَ شِغَ ثِكِ ثِكِنْ غِدَنْ كَمَرْ ذَاسُ طَوْكِ أَلْكَمَ؞ بَايَنْدَ سُكَ سُواْكٜىٰشِ عَثِكِنْسَ، سَيْ سُكَ غُدُ؞ 7غَمَا سَعَدَّ سُكَ شِغَ ثِكِنْ غِدَنْ سُنْ سَامِ إِشْبُواْشٜىٰتْ يَنَ بَرْثِ أَطَاكِنْسَ، سَيْ سُكَ سُواْكٜىٰشِ سُكَ كَشٜىٰشِ؞ سُكَ يَنْكٜىٰ كَنْسَ، سُكَ تَڢِے دَشِ؞ تَهَكَ رٜىٰكَبْ دَ بَعَنَ سُكَ كُٻُثٜىٰ سُكَبِتَ أَرَبَ، وَتُواْ ݣُورِنْ كُواْغِنْ يُواْدَنْ، سُكَيِ تَڢِيَ دُكَنْ دَرٜىٰ؞ 8دَ سُكَ إِسُواْ هٜىٰبْرُوانْ، سُكَ مِيڧَا وَ دَاوُدَ كَيْ طِنْ؞ سَعَنً سُكَثٜىٰ وَسَرْكِے «رَنْكَيَدَطٜىٰ! غَا كَنْ إِشْبُواْشٜىٰتْ طَنْ طَالُوتَ أَبُواْكِنْ غَابَنْكَ وَنْدَ يَيِ ڧُواْڧَرِ يَطَوْكِ رَنْكَ؞ غَاشِ يَوْ يَهْوٜىٰهْ يَارَامَ وَسَرْكِے عَكَنْ طَالُوتَ دَ ذُرِيَرْسَ!»
9دَاوُدَ يَا أَمْسَ وَ رٜىٰكَبْ دَ طَنْعُوَنْسَ بَعَنَ، یَیَنْ رِمُّوانْ مُتُمِنْ بٜىٰيٜىٰرُواتْ «نَا ضَنْڟٜىٰ دَ سُونَنْ يَهْوٜىٰهْ مَيْرَيْ وَنْدَ يَڢَنْشٜىٰنِ دَغَ دُكَنْ وَهَلَ! 10وَتَرَانَ وَنِ مُتُمْ يَذُواْ وُرِينَ أَ ظِكْلَكْ يَيِ ڟَمَّنِ يَنَ كَٰوُاْ مِنِ لَابَرِ مَيْ دَاطِے دَيَثٜىٰ مِنِ، ‹طَالُوتَ يَمُتُ؞› عَمَّا سَيْ نَكَامَ شِ نَكَشٜىٰ؞ لَادَنْدَ نَبَاشِ دُواْمِنْ لَابَرِنْسَ كٜىٰنَنْ!#2 سَمْ 1.1-16 11بَلّٜىٰ ڢَا كُو دَ كُكٜىٰ مُوغَيٜىٰنْ مُتَنٜىٰ، كُو دَ كُكَكَشٜىٰ مَرَرْ لَيْڢِے أَغَدُوانْسَ ثِكِنْ غِدَنْسَ كُمَ؞ أَيْ! ذَنْ نٜىٰمِ أَلْحَكِنْ جِنِنْسَ عَكَنْكُ، ذَنْ كَوَرْ دَكُو دَغَ دُونِيَا!»
12دَاوُدَ يَبَادَ عُمَرْنِ غَ سَمَارِنْسَ سُكَشٜىٰ رٜىٰكَبْ دَ بَعَنَ، سُكَ كُوَيِ حَكَ؞ سُكَ يَيَّنْكَ حَنُّوَنْسُ دَ ڧَڢَاڢُنْسُ، سُكَ رَاتَيٜىٰ جِكُنَنْسُ كُسَدَ وَنِ تَڢْكِ أَ هٜىٰبْرُوانْ؞ عَمَّا سُكَ طَوْكِ كَنْ إِشْبُواْشٜىٰتْ سُكَ بِنّٜىٰ عَثِكِنْ كَبَرِنْ أَبْنٜىٰرْ أَ هٜىٰبْرُوانْ؞
Currently Selected:
2 سَمَٰعِيلَ 4: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
