2 سَرَاكُنَ 3
3
ڢَارَوَرْ مُلْكٍ يٜىٰهُواْرَمْ عَ إِسْرَٰٓءِيلَ
﴿شٜىٰكَرَا 852-841 كَاڢِنْ حَيْڢُوَرْ عِيسَىٰ﴾
1أَ شٜىٰكَرَا تَغُواْمَشَا تَݣُوسْ تَمُلْكٍ سَرْكِے يٜىٰهُواْشَڢَتْ نَ يَهُودَ، يٜىٰهُواْرَمْ طَنْ أَهَبْ يَذَمَ سَرْكِنْ إِسْرَٰٓءِيلَ أَ سَمَرِيَ؞ يٜىٰهُواْرَمْ يَيِ مُلْكِ شٜىٰكَرَا غُواْمَشَا بِيُ؞ 2يَعَيْكَتَ مُغُنْتَا أَعِدُوانْ يَهْوٜىٰهْ، كُواْدَيَكٜىٰ بَيْ كَيْ مُغُنْتَارْ دَ بَابَنْسَ دَ مَامَرْسَ سُكَ عَيْكَتَ بَ؞ غَمَا يَكَوَرْدَ دُوڟٜىٰنْ سُجَّدَ نَغُنْكِ بَعَلْ وَنْدَ بَابَنْسَ يَيِ؞ 3عَمَّا دُكْدَهَكَ يَثِيغَبَدَ ذُنُوبِنْ يٜىٰرُواْبُواْوَمْ طَنْ نٜىٰبَتْ، وَنْدَ يَسَا إِسْرَٰٓءِيلَ سُكَيِ، بَيْ كُوَ دَيْنَبَ؞
يَهُودَ دَ إِسْرَٰٓءِيلَ سُنْ يَاڧِ مُواْوَبْ
4سَرْكِے مٜىٰشَ نَ مُواْوَبْ كُوَ مَكِيَايِنْ تُمَكِ نٜىٰ؞ كُواْوَثٜىٰ شٜىٰكَرَا يَكَنْ بَا سَرْكِنْ إِسْرَٰٓءِيلَ هَرَاجِ نَیَنْ تُمَكِ دُبُو طَرِے دَ غَاشِ دَغَ رَغُنَ دُبُو طَرِے؞ 5عَمَّا سَعَدَّ سَرْكِے أَهَبْ نَ إِسْرَٰٓءِيلَ يَمُتُ، سَيْ سَرْكِنْ مُواْوَبْ يَيِ وَسَرْكِنْ إِسْرَٰٓءِيلَ تَاوَيٜىٰ؞ 6سَبُواْدَ حَكَ سَرْكِے يٜىٰهُواْرَمْ نَ إِسْرَٰٓءِيلَ يَڢِتَ دَغَ سَمَرِيَ يَتَتَّارَ سُواْجُواْجِنْ إِسْرَٰٓءِيلَ دُواْمِنْ يَاڧِ؞ 7يَعَيْكَ دَسَڧُواْ ذُوَا سَرْكِے يٜىٰهُواْشَڢَتْ نَ يَهُودَ يَثٜىٰ «سَرْكِنْ مُواْوَبْ يَيِ مِنِ تَاوَيٜىٰ؞ كُواْ ذَاكَ تَڢِے دَنِے مُيَاڧِ مُواْوَبْ؟»
يٜىٰهُواْشَڢَتْ يَأَمْسَ يَثٜىٰ «عِ، إِنَ شِرْيٜىٰ مُتَڢِے؞ أَيْ، سُواْجُواْجِنَ سُواْجُواْجِنْكَ نٜىٰ دَوَكِنَ كُمَ دَوَكِنْكَ نٜىٰ؞»#1 سَرْ 22.4 8سَيْ يٜىٰهُواْشَڢَتْ يَيِ تَمْبَيَ يَثٜىٰ «وَثٜىٰ حَنْيَ ثٜىٰ ذَامُبِے؟»
يٜىٰهُواْرَمْ يَثٜىٰ «حَنْيَرْ دَ تَبِے تَدَاجِنْ عٜىٰدُوامْ؞»
9سَرْكِنْ إِسْرَٰٓءِيلَ دَ سَرْكِنْ يَهُودَ دَ كُمَ سَرْكِنْ عٜىٰدُوامْ سُكَتَاشِ سُكَ تَڢِے؞ بَايَنْدَ سُكَيِ ݣُونَ بَݣَويْ سُنَ ذَاغَاوَ، سَيْ سُكَ كَيْ عِنْدَ بَابُ ضُوً شَا دُواْمِنْ سُواْجُواْجِ دَ دَبُّواْبِنْ دَسُكٜىٰ تَرٜىٰدَسُو؞ 10سَيْ سَرْكِنْ إِسْرَٰٓءِيلَ يَثٜىٰ «كَيْتُوانْمُ! يَهْوٜىٰهْ يَتَارَ مُو سَرَاكُنَ عُكُنَّنْ دُواْمِنْ يَبَادَمُو أَ حَنُّنْ سَرْكِنْ مُواْوَبْ!»
11سَعَنً يٜىٰهُواْشَڢَتْ يَثٜىٰ «بَابُوَنِ أَنَّبِنْ يَهْوٜىٰهْ أَنَنْ وَنْدَ ذَيْ نٜىٰمَ مَنَ نُڢِنْ يَهْوٜىٰهْ؟»
طَيَ دَغَ ثِكِنْ دَتَّاوَنْ سَرْكِنْ إِسْرَٰٓءِيلَ يَثٜىٰ «أَلْيَسَعَ طَنْ شَڢَتْ، وَنْدَ دَا يَيِ وَ إِلْيَاسُ حِدِمَ، يأَنَانً؞» 12يٜىٰهُواْشَڢَتْ يَثٜىٰ «كَلْمَرْ يَهْوٜىٰهْ تَنَ تَرٜىٰ دَشِ؞» دُواْمِنْ حَكَ سَرْكِنْ إِسْرَٰٓءِيلَ دَ سَرْكِنْ يَهُودَ دَ سَرْكِنْ عٜىٰدُوامْ سُكَ تَڢِے وُرِنْ أَلْيَسَعَ؞
13أَلْيَسَعَ يَثٜىٰ وَسَرْكِنْ إِسْرَٰٓءِيلَ «مٜىٰ يَهَطَنِ دَكَيْ؟ كَتَڢِے وُرِنْ إِرِنْ أَنَّبَاوَنْ بَابَنْكَ دَ أَنَّبَاوَنْ مَامَرْكَ؞»
عَمَّا سَرْكِے يٜىٰهُواْرَمْ يَثٜىٰ «بَابُ؞ أَيْ، يَهْوٜىٰهْ نٜىٰ يَتَرَمُ سَرَاكُنَنَّنْ عُكُ دُواْمِنْ يَبَادَمُو أَ حَنُّنْ مُواْوَبْ؞»
14أَلْيَسَعَ يَثٜىٰ مَسَ «نَا ضَنْڟٜىٰ دَ يَهْوٜىٰهْ مَيْ ضُنْدُنَا كُمَ مَيْ رَيْ، وَنْدَ نَكٜىٰ بَوْتَا مَسَ دَبَا دُوانْ غِرْمَنْدَ نَكٜىٰ بَا سَرْكِے يٜىٰهُواْشَڢَتْ نَ يَهُودَ بَ دَكُواْ كَلُّوانْكَ مَا بَذَنْيِبَ؞ 15يَنْذُ كُكَٰوُاْ مِنِ وَنِ مَيْ كِطَ مُواْلُواْ؞»
سَعَدَّ عَكٜىٰ كِطِنْ مُواْلُوانْ، سَيْ إِيكُوانْ يَهْوٜىٰهْ يَسَوْكُواْوَ أَلْيَسَعَ؞ 16سَيْ يَثٜىٰ «إِنْجِ يَهْوٜىٰهْ، ‹وَنَّنْ بُوسَشّٜىٰنْ ݣُورِ ذَيْثِكَ دَ تَڢْكُنَ؞› 17كُواْدَيَكٜىٰ بَذَاكُ غَا إِسْكَ كُواْ ضُوً سَمَبَ، دُكْدَهَكَ وَنَّنْ ݣُورِ ذَيْثِكَ دَ ضُوَ، حَرْ كُو دَ شَانُنْكُ دَ سَوْرَنْ دَبُّواْبِنْكُ ذَاكُشَا؞ 18وَنَّنْ بَوَنِ أَبُ بَنٜىٰ أَوُرِنْ يَهْوٜىٰهْ، ذَيْ كُمَ بَادَ مُواْوَبْ أَ حَنُّنْكُ! 19ذَاكُ ڨُوثٜىٰ كُواْوَنٜىٰ بِرْنِ مَيْ كَتَنْغَ دَ كُواْوَنٜىٰ بِرْنِ مَيْݣَوْ؞ ذَاكُ يَنْكَ كُواْوَنٜىٰ إِتَاثٜىٰ مَيْ أَمْڢَانِ، ذَاكُ تُواْشٜىٰ كُواْوَثٜىٰ مَٻُٻُّغَرْ ضُوَنْسُ، كُمَ دَ دُوَڟُو ذَاكُ لَلَتَرْدَ غُواْنَكِنْسُ مَاسُ ݣَوْ؞»
20وَشٜىٰغَرِ دَيْدَيْ لُواْكَثِنْ دَ أَنْسَابَا مِيڧَ هَدَايَرْ سَاڢِيَ، ضُوَ يَٻُلُّواْ دَغَ وَجٜىٰنْ عٜىٰدُوامْ يَثِكَ كُواْعِنَ؞
21لُواْكَثِنْ دَ مُتَنٜىٰنْ مُواْوَبْ سُكَجِ ثٜىٰوَ سَرَاكُنَ عُكُ سُنْ ڢِتُواْ دُواْمِنْ سُيَاڧٜىٰسُ، سَيْ دُكَنْ مَذَنْ دَ سُكَ إِسَ أَمْڢَانِ دَ كَايَنْ يَاڧِ دَغَ ڧَرَمِ حَرْ ذُوَا بَبَّ، عَكَ كِرَاسُ عَكَسَاسُ عَبَاكِنْ إِيَاكَرْ ڧَسَرْسُ؞ 22سَعَدَّ سُكَتَاشِ وَشٜىٰغَرِ رَانَ تَنَ حَصْكَكَاوَا عَكَنْ ضُوً، سَيْ سُكَغَ ضُوً يَيِ جَاوُرْ كَمَرْ جِنِ؞ 23مُتَنٜىٰنْ مُواْوَبْ سُكَيِ إِيهُ سُكَثٜىٰ «جِنِنٜىٰ! بَابُ شَكَّ سَرَاكُنَنَّنْ سُنْ ڢَاطَوَ جُونَ دَ يَاڧِ سُكَ كَكَّشٜىٰ جُونَنْسُنٜىٰ! يَا كُو مُتَنٜىٰنْ مُواْوَبْ، مُجٜىٰ مُݣُوشِ كَايَنْسُ عَيَاڧِ!»
24دَ سُكَ إِسُواْ سَنْسَنِنْ يَاڧِنْ إِسْرَٰٓءِيلَ، سَيْ إِسْرَٰٓءِيلَاوَا سُكَ ڢِتَ دَ غُدُ سُكَ ڢَاطَ مُسُ دَيَاڧِ؞ مُتَنٜىٰنْ مُواْوَبْ سُكَ جُويَا سُكَ غُدُ؞ سُواْجُواْجِنْ إِسْرَٰٓءِيلَ سُكَبِيسُ حَرْ ڧَسَرْ مُواْوَبْ سُنَ تَكَكَّشٜىٰسُ؞ 25سُكَ لَلَتَرْدَ بِرَنٜىٰنْسُ؞ عَكُواْوَثٜىٰ غُواْنَ مَيْݣَوْ، كُواْوَ يَجٜىٰڢَ دُوڟٜىٰ عَثِكِ حَرْ سَيْ دَ أَنْرُڢٜىٰتَ دَ دُوَڟُو؞ عَكَ تُواْشٜىٰ كُواْوَثٜىٰ مَٻُٻُّغَرْ ضُوَ، عَكَ كُمَ يَنْكَ كُواْوَنٜىٰ إِتَاثٜىٰ مَيْ أَمْڢَانِ؞ عَڧَرْشٜىٰ بَبَّنْ بِرْنِنْسُ كِرْ هٜىٰرٜىٰسٜىٰتْ كَطَيْ يَرَغُ، عَمَّا سُواْجُواْجِ مَاسُ مَجَجَّوَ سُكَ كٜىٰوَيٜىٰشِ سُكَ ڢَاطَ مَسَ دَيَاڧِ؞
26لُواْكَثِنْ دَ سَرْكِنْ مُواْوَبْ يَلُورَ يَاڧِنْ يَنَ سُواْ يَثِ شِ، سَيْ يَطَوْكِ سُواْجُواْجِ طَرِے بَݣَويْ مَاسُ يَاڧِ دَ تَكُواْبِے دُواْمِنْ يَٻَلّٜىٰ تَغٜىٰڢٜىٰنْ سُواْجُواْجِنْ عٜىٰدُوامْ يَغُدُ، عَمَّا بَيْ عِيَبَ؞ 27سَعَنً يَطَوْكِ طَنْ ڢَارِنْسَ وَنْدَ ذَيْ غَاجٜىٰشِ، يَمِيڧَ شِ هَدَايَ تَڧُواْنَاوَا عَكَنْ كَتَنْغَرْ بِرْنِنْ؞ سَبُواْدَ حَكَ، بَبَّنْ ڢُشِے يَتَاشِ عَكَنْ إِسْرَٰٓءِيلَاوَا، سَيْ سُكَ جَنْيٜىٰ سُكَ بَرْ بِرْنِنْ سُكَ كُواْمَ ڧَسَرْسُ؞
Currently Selected:
2 سَرَاكُنَ 3: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
2 سَرَاكُنَ 3
3
ڢَارَوَرْ مُلْكٍ يٜىٰهُواْرَمْ عَ إِسْرَٰٓءِيلَ
﴿شٜىٰكَرَا 852-841 كَاڢِنْ حَيْڢُوَرْ عِيسَىٰ﴾
1أَ شٜىٰكَرَا تَغُواْمَشَا تَݣُوسْ تَمُلْكٍ سَرْكِے يٜىٰهُواْشَڢَتْ نَ يَهُودَ، يٜىٰهُواْرَمْ طَنْ أَهَبْ يَذَمَ سَرْكِنْ إِسْرَٰٓءِيلَ أَ سَمَرِيَ؞ يٜىٰهُواْرَمْ يَيِ مُلْكِ شٜىٰكَرَا غُواْمَشَا بِيُ؞ 2يَعَيْكَتَ مُغُنْتَا أَعِدُوانْ يَهْوٜىٰهْ، كُواْدَيَكٜىٰ بَيْ كَيْ مُغُنْتَارْ دَ بَابَنْسَ دَ مَامَرْسَ سُكَ عَيْكَتَ بَ؞ غَمَا يَكَوَرْدَ دُوڟٜىٰنْ سُجَّدَ نَغُنْكِ بَعَلْ وَنْدَ بَابَنْسَ يَيِ؞ 3عَمَّا دُكْدَهَكَ يَثِيغَبَدَ ذُنُوبِنْ يٜىٰرُواْبُواْوَمْ طَنْ نٜىٰبَتْ، وَنْدَ يَسَا إِسْرَٰٓءِيلَ سُكَيِ، بَيْ كُوَ دَيْنَبَ؞
يَهُودَ دَ إِسْرَٰٓءِيلَ سُنْ يَاڧِ مُواْوَبْ
4سَرْكِے مٜىٰشَ نَ مُواْوَبْ كُوَ مَكِيَايِنْ تُمَكِ نٜىٰ؞ كُواْوَثٜىٰ شٜىٰكَرَا يَكَنْ بَا سَرْكِنْ إِسْرَٰٓءِيلَ هَرَاجِ نَیَنْ تُمَكِ دُبُو طَرِے دَ غَاشِ دَغَ رَغُنَ دُبُو طَرِے؞ 5عَمَّا سَعَدَّ سَرْكِے أَهَبْ نَ إِسْرَٰٓءِيلَ يَمُتُ، سَيْ سَرْكِنْ مُواْوَبْ يَيِ وَسَرْكِنْ إِسْرَٰٓءِيلَ تَاوَيٜىٰ؞ 6سَبُواْدَ حَكَ سَرْكِے يٜىٰهُواْرَمْ نَ إِسْرَٰٓءِيلَ يَڢِتَ دَغَ سَمَرِيَ يَتَتَّارَ سُواْجُواْجِنْ إِسْرَٰٓءِيلَ دُواْمِنْ يَاڧِ؞ 7يَعَيْكَ دَسَڧُواْ ذُوَا سَرْكِے يٜىٰهُواْشَڢَتْ نَ يَهُودَ يَثٜىٰ «سَرْكِنْ مُواْوَبْ يَيِ مِنِ تَاوَيٜىٰ؞ كُواْ ذَاكَ تَڢِے دَنِے مُيَاڧِ مُواْوَبْ؟»
يٜىٰهُواْشَڢَتْ يَأَمْسَ يَثٜىٰ «عِ، إِنَ شِرْيٜىٰ مُتَڢِے؞ أَيْ، سُواْجُواْجِنَ سُواْجُواْجِنْكَ نٜىٰ دَوَكِنَ كُمَ دَوَكِنْكَ نٜىٰ؞»#1 سَرْ 22.4 8سَيْ يٜىٰهُواْشَڢَتْ يَيِ تَمْبَيَ يَثٜىٰ «وَثٜىٰ حَنْيَ ثٜىٰ ذَامُبِے؟»
يٜىٰهُواْرَمْ يَثٜىٰ «حَنْيَرْ دَ تَبِے تَدَاجِنْ عٜىٰدُوامْ؞»
9سَرْكِنْ إِسْرَٰٓءِيلَ دَ سَرْكِنْ يَهُودَ دَ كُمَ سَرْكِنْ عٜىٰدُوامْ سُكَتَاشِ سُكَ تَڢِے؞ بَايَنْدَ سُكَيِ ݣُونَ بَݣَويْ سُنَ ذَاغَاوَ، سَيْ سُكَ كَيْ عِنْدَ بَابُ ضُوً شَا دُواْمِنْ سُواْجُواْجِ دَ دَبُّواْبِنْ دَسُكٜىٰ تَرٜىٰدَسُو؞ 10سَيْ سَرْكِنْ إِسْرَٰٓءِيلَ يَثٜىٰ «كَيْتُوانْمُ! يَهْوٜىٰهْ يَتَارَ مُو سَرَاكُنَ عُكُنَّنْ دُواْمِنْ يَبَادَمُو أَ حَنُّنْ سَرْكِنْ مُواْوَبْ!»
11سَعَنً يٜىٰهُواْشَڢَتْ يَثٜىٰ «بَابُوَنِ أَنَّبِنْ يَهْوٜىٰهْ أَنَنْ وَنْدَ ذَيْ نٜىٰمَ مَنَ نُڢِنْ يَهْوٜىٰهْ؟»
طَيَ دَغَ ثِكِنْ دَتَّاوَنْ سَرْكِنْ إِسْرَٰٓءِيلَ يَثٜىٰ «أَلْيَسَعَ طَنْ شَڢَتْ، وَنْدَ دَا يَيِ وَ إِلْيَاسُ حِدِمَ، يأَنَانً؞» 12يٜىٰهُواْشَڢَتْ يَثٜىٰ «كَلْمَرْ يَهْوٜىٰهْ تَنَ تَرٜىٰ دَشِ؞» دُواْمِنْ حَكَ سَرْكِنْ إِسْرَٰٓءِيلَ دَ سَرْكِنْ يَهُودَ دَ سَرْكِنْ عٜىٰدُوامْ سُكَ تَڢِے وُرِنْ أَلْيَسَعَ؞
13أَلْيَسَعَ يَثٜىٰ وَسَرْكِنْ إِسْرَٰٓءِيلَ «مٜىٰ يَهَطَنِ دَكَيْ؟ كَتَڢِے وُرِنْ إِرِنْ أَنَّبَاوَنْ بَابَنْكَ دَ أَنَّبَاوَنْ مَامَرْكَ؞»
عَمَّا سَرْكِے يٜىٰهُواْرَمْ يَثٜىٰ «بَابُ؞ أَيْ، يَهْوٜىٰهْ نٜىٰ يَتَرَمُ سَرَاكُنَنَّنْ عُكُ دُواْمِنْ يَبَادَمُو أَ حَنُّنْ مُواْوَبْ؞»
14أَلْيَسَعَ يَثٜىٰ مَسَ «نَا ضَنْڟٜىٰ دَ يَهْوٜىٰهْ مَيْ ضُنْدُنَا كُمَ مَيْ رَيْ، وَنْدَ نَكٜىٰ بَوْتَا مَسَ دَبَا دُوانْ غِرْمَنْدَ نَكٜىٰ بَا سَرْكِے يٜىٰهُواْشَڢَتْ نَ يَهُودَ بَ دَكُواْ كَلُّوانْكَ مَا بَذَنْيِبَ؞ 15يَنْذُ كُكَٰوُاْ مِنِ وَنِ مَيْ كِطَ مُواْلُواْ؞»
سَعَدَّ عَكٜىٰ كِطِنْ مُواْلُوانْ، سَيْ إِيكُوانْ يَهْوٜىٰهْ يَسَوْكُواْوَ أَلْيَسَعَ؞ 16سَيْ يَثٜىٰ «إِنْجِ يَهْوٜىٰهْ، ‹وَنَّنْ بُوسَشّٜىٰنْ ݣُورِ ذَيْثِكَ دَ تَڢْكُنَ؞› 17كُواْدَيَكٜىٰ بَذَاكُ غَا إِسْكَ كُواْ ضُوً سَمَبَ، دُكْدَهَكَ وَنَّنْ ݣُورِ ذَيْثِكَ دَ ضُوَ، حَرْ كُو دَ شَانُنْكُ دَ سَوْرَنْ دَبُّواْبِنْكُ ذَاكُشَا؞ 18وَنَّنْ بَوَنِ أَبُ بَنٜىٰ أَوُرِنْ يَهْوٜىٰهْ، ذَيْ كُمَ بَادَ مُواْوَبْ أَ حَنُّنْكُ! 19ذَاكُ ڨُوثٜىٰ كُواْوَنٜىٰ بِرْنِ مَيْ كَتَنْغَ دَ كُواْوَنٜىٰ بِرْنِ مَيْݣَوْ؞ ذَاكُ يَنْكَ كُواْوَنٜىٰ إِتَاثٜىٰ مَيْ أَمْڢَانِ، ذَاكُ تُواْشٜىٰ كُواْوَثٜىٰ مَٻُٻُّغَرْ ضُوَنْسُ، كُمَ دَ دُوَڟُو ذَاكُ لَلَتَرْدَ غُواْنَكِنْسُ مَاسُ ݣَوْ؞»
20وَشٜىٰغَرِ دَيْدَيْ لُواْكَثِنْ دَ أَنْسَابَا مِيڧَ هَدَايَرْ سَاڢِيَ، ضُوَ يَٻُلُّواْ دَغَ وَجٜىٰنْ عٜىٰدُوامْ يَثِكَ كُواْعِنَ؞
21لُواْكَثِنْ دَ مُتَنٜىٰنْ مُواْوَبْ سُكَجِ ثٜىٰوَ سَرَاكُنَ عُكُ سُنْ ڢِتُواْ دُواْمِنْ سُيَاڧٜىٰسُ، سَيْ دُكَنْ مَذَنْ دَ سُكَ إِسَ أَمْڢَانِ دَ كَايَنْ يَاڧِ دَغَ ڧَرَمِ حَرْ ذُوَا بَبَّ، عَكَ كِرَاسُ عَكَسَاسُ عَبَاكِنْ إِيَاكَرْ ڧَسَرْسُ؞ 22سَعَدَّ سُكَتَاشِ وَشٜىٰغَرِ رَانَ تَنَ حَصْكَكَاوَا عَكَنْ ضُوً، سَيْ سُكَغَ ضُوً يَيِ جَاوُرْ كَمَرْ جِنِ؞ 23مُتَنٜىٰنْ مُواْوَبْ سُكَيِ إِيهُ سُكَثٜىٰ «جِنِنٜىٰ! بَابُ شَكَّ سَرَاكُنَنَّنْ سُنْ ڢَاطَوَ جُونَ دَ يَاڧِ سُكَ كَكَّشٜىٰ جُونَنْسُنٜىٰ! يَا كُو مُتَنٜىٰنْ مُواْوَبْ، مُجٜىٰ مُݣُوشِ كَايَنْسُ عَيَاڧِ!»
24دَ سُكَ إِسُواْ سَنْسَنِنْ يَاڧِنْ إِسْرَٰٓءِيلَ، سَيْ إِسْرَٰٓءِيلَاوَا سُكَ ڢِتَ دَ غُدُ سُكَ ڢَاطَ مُسُ دَيَاڧِ؞ مُتَنٜىٰنْ مُواْوَبْ سُكَ جُويَا سُكَ غُدُ؞ سُواْجُواْجِنْ إِسْرَٰٓءِيلَ سُكَبِيسُ حَرْ ڧَسَرْ مُواْوَبْ سُنَ تَكَكَّشٜىٰسُ؞ 25سُكَ لَلَتَرْدَ بِرَنٜىٰنْسُ؞ عَكُواْوَثٜىٰ غُواْنَ مَيْݣَوْ، كُواْوَ يَجٜىٰڢَ دُوڟٜىٰ عَثِكِ حَرْ سَيْ دَ أَنْرُڢٜىٰتَ دَ دُوَڟُو؞ عَكَ تُواْشٜىٰ كُواْوَثٜىٰ مَٻُٻُّغَرْ ضُوَ، عَكَ كُمَ يَنْكَ كُواْوَنٜىٰ إِتَاثٜىٰ مَيْ أَمْڢَانِ؞ عَڧَرْشٜىٰ بَبَّنْ بِرْنِنْسُ كِرْ هٜىٰرٜىٰسٜىٰتْ كَطَيْ يَرَغُ، عَمَّا سُواْجُواْجِ مَاسُ مَجَجَّوَ سُكَ كٜىٰوَيٜىٰشِ سُكَ ڢَاطَ مَسَ دَيَاڧِ؞
26لُواْكَثِنْ دَ سَرْكِنْ مُواْوَبْ يَلُورَ يَاڧِنْ يَنَ سُواْ يَثِ شِ، سَيْ يَطَوْكِ سُواْجُواْجِ طَرِے بَݣَويْ مَاسُ يَاڧِ دَ تَكُواْبِے دُواْمِنْ يَٻَلّٜىٰ تَغٜىٰڢٜىٰنْ سُواْجُواْجِنْ عٜىٰدُوامْ يَغُدُ، عَمَّا بَيْ عِيَبَ؞ 27سَعَنً يَطَوْكِ طَنْ ڢَارِنْسَ وَنْدَ ذَيْ غَاجٜىٰشِ، يَمِيڧَ شِ هَدَايَ تَڧُواْنَاوَا عَكَنْ كَتَنْغَرْ بِرْنِنْ؞ سَبُواْدَ حَكَ، بَبَّنْ ڢُشِے يَتَاشِ عَكَنْ إِسْرَٰٓءِيلَاوَا، سَيْ سُكَ جَنْيٜىٰ سُكَ بَرْ بِرْنِنْ سُكَ كُواْمَ ڧَسَرْسُ؞
Hausa Common Language Ajami Bible © The Bible Society of Nigeria, 2020