1 سَمَٰعِيلَ 5
5
عَݣُوتِنْ يَرْجٜىٰجٜىٰنِيَ أَ حَنُّنْ ڢِلِسْتِيَاوَا
1بَايَنْدَ ڢِلِسْتِيَاوَا سُكَ ڨُوثٜىٰ عَݣُوتِنْ يَرْجٜىٰجٜىٰنِيَ نَ اللَّهْ أَ عٜىٰبٜىٰنٜىٰظٜىٰرْ، سَيْ سُكَ كَيْ شِ بِرْنِنْ أَشْدُوادْ؞ 2سُكَ شِغَرْدَ عَݣُوتِ نَ اللَّهْ أَغِدَنْ غُنْكِنْسُ دَغُوانْ، سُكَ أَجِيٜىٰشِ كُسَدَ دَغُوانْ؞ 3وَشٜىٰغَرِ دَ سَسَّڢٜىٰ مُتَنٜىٰنْ أَشْدُوادْ سُكَتَاشِ سُكَ سَامِ دَغُوانْ يَڢَاطِ دَ ڢُسْكَ عَڧَسَا أَغَبَنْ عَݣُوتِ نَ يَهْوٜىٰهْ؞ سُكَ طَغَ دَغُوانْ سُكَ مَيَرْ دَشِ عِنْدَ يَكٜىٰ أَدَا؞ 4عَمَّا وَشٜىٰغَرِ دَ سَسَّڢٜىٰ، سُكَسَاكٜىٰ سَامُنْ غُنْكِنْسُ دَغُوانْ يَڢَاطِ عَڧَسَا أَغَبَنْ عَݣُوتِ نَ يَهْوٜىٰهْ؞ أَوَنَّنْ لُواْكَثِ، كَنْسَ دَ حَنُّوَنْسَ دُكْ سُنْ كَكَّرْيٜىٰ سُنَ ظُبٜىٰ عَبَاكِنْ ڧُواْڢَ، غَنْغَرْ جِكِنْ ثٜىٰ كَطَيْ تأَنَانً؞ 5شِيَسَا هَرْوَيَوْ بَابُ ڢِرِسْتِ نَ دَغُوانْ كُواْ وَنِ وَنْدَ ذَيْ شِغَ هَيْكَلِنْ دَغُوانْ دَ ذَيْ تَاكَ بَاكِنْ ڧُواْڢَرْ دَغُوانْ؞#5.5 هَرْوَيَوْ: أَنَ نُڢِ حَرْ ذُوَا لُواْكَثِنْ دَ عَكَ رُبُوتَ لِتَّڢِ نَاڢَرْكُواْ نَاسَمَٰعِيلَ؞
6 يَهْوٜىٰهْ يَا حُكُنْتَ مُتَنٜىٰنْ أَشْدُوادْ دَ نَكٜىٰوَيٜىٰ دَسُو؞ يَكَٰوُاْ مُسُ عَذَابَ سُواْسَيْ تَوُرِنْ ظُبَ مُسُ مَرُورَيْ؞ 7دَ مُتَنٜىٰنْ أَشْدُوادْ سُكَغَ حَكَ، سَيْ سُكَثٜىٰ «كَدَ عَبَرْ عَݣُوتِ نَ اللَّهْنْ إِسْرَٰٓءِيلَ يَكَسَنْثٜىٰ تَرٜىٰدَمُو، غَمَا حُكُنْثِنْسَ يَيِ ڟَنَنِ عَكَنْمُ دَ كُمَ عَكَنْ اللَّهْنْمُ دَغُوانْ؞» 8سَيْ سُكَ كِرَا دُكَنْ سَرَاكُنَنْ ڢِلِسْتِيَاوَا سُكَ تَمْبَيٜىٰسُ سُكَثٜىٰ «مٜىٰنٜىٰنٜىٰ ذَامُيِ دَ عَݣُوتِ نَ اللَّهْنْ إِسْرَٰٓءِيلَ؟»
سَرَاكُنَنْ سُكَ أَمْسَ مُسُ سُكَثٜىٰ «كُوُثٜىٰ دَ عَݣُوتِ نَ اللَّهْنْ إِسْرَٰٓءِيلَ ذُوَا بِرْنِنْ غَتْ»؞ سَيْ سُكَ طَوْكٜىٰشِ ذُوَا غَتْ، وَنِ بِرْنِنْ ڢِلِسْتِيَاوَا؞ 9عَمَّا بَايَنْدَ سُكَ كَيْشِ ثَنْ، سَيْ حُكُنْثِنْ يَهْوٜىٰهْ يَڢَاطُواْ عَكَنْ بِرْنِنْ، سَيْ ڟُواْرُواْ يَكَامَسُ سُواْسَيْ؞ يَعَيْكُواْ دَ بَلَعِ عَكَنْ مُتَنٜىٰنْ غَرِنْ؞ بَبَّ دَ ڧَرَمِ سُكَ كَمُ دَ مَرُورَيْ؞ 10سَبُواْدَ حَكَ سُكَ عَيْكَ دَ عَݣُوتِنْ يَرْجٜىٰجٜىٰنِيَ ذُوَا عٜىٰكْرُوانْ، وَنِ بِرْنِنْ ڢِلِسْتِيَاوَا؞ سَعَدَّ عَݣُوتِنْ يَرْجٜىٰجٜىٰنِيَ يَ إِسُواْ عٜىٰكْرُوانْ سَيْ مُتَنٜىٰنْ سُكَ ڢَشٜىٰ دَ كُوكَا سُنَ ثٜىٰوَ «أَنْ كَٰوُاْ عَݣُوتِ نَ اللَّهْنْ إِسْرَٰٓءِيلَ دُواْمِنْ يَكَشٜىٰمُ دَ عِيَلَنْمُ؞»
11سَبُواْدَ حَكَ سُكَسَاكٜىٰ تَتَّارَ دُكَنْ سَرَاكُنَنْ ڢِلِسْتِيَاوَا سُكَثٜىٰ «كُعَيْكَ دَ عَݣُوتِ نَ اللَّهْنْ إِسْرَٰٓءِيلَ يَكُواْمَ عِنْدَ يَڢِتُواْ، دُواْمِنْ كَدَ يَكَشٜىٰمُ دَ عِيَلَنْمُ؞» غَمَا بَبَّنْ ڟُواْرُواْ يَرِكِتَرْدَ بِرْنِنْ سُواْسَيْ، غَمَا حُكُنْثِنْ اللَّهْ يَسَوْكُواْ دَ ڟَنَنِ عَكَنْسَ؞ 12مُتَنٜىٰنْدَ بَسُ مُتُبَ سُنْ كَمُ دَ مَرُورَيْ؞ كُوكَنْ مُتَنٜىٰنْ عٜىٰكْرُوانْ يَكَيْ حَرْ سَمَ؞
Currently Selected:
1 سَمَٰعِيلَ 5: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
